2024 February 14 Archive - People's Balita

Archive for February 14th, 2024

Metro Manila malapit ng magkaroon ng 6 police districts

Posted on: February 14th, 2024 by @peoplesbalita No Comments

MALAPIT ng magkaroon ng anim na police district ang National Capital Region (NCR) kasunod ng panukalang Caloocan City Police District (CCPD) na nangangailangan lamang ng green light mula sa National Police Commission (Napolcom).

Ayon kay City Police Station chief Col. Ruben Lacuesta na ang panukala ay matagal nang isinumite ng mga nakatataas sa Philippine National Police (PNP) sa Camp Crame at National Capital Region Police Office (NCRPO) bago sa Napolcom.

“Naghihintay na lamang ang PNP ng paborableng tugon mula sa Napolcom na nangangasiwa at kumokontrol sa una,” ani Lacuesta.

“Kung mangyayari iyon, malapit na tayong magkaroon ng Caloocan City Police District na hiwalay sa NPD na may hurisdiksyon din sa iba pang mga kalapit na lungsod ng Valenzuela, Malabon at Navotas,” dagdag niya.

Sinabi ni Lacuesta na ang mga nauna sa kanya ang nagtulak sa Caloocan na magkaroon ng sariling police district at ipinaliwanag din niya na ang lungsod ay lubos na kuwalipikado dahil sa lawak ng lugar at populasyon nito, bukod sa iba pa.

Sa katunayan, sinabi niya na ang mag-amang sina Caloocan District 1 Rep. Oscar ‘Oca’ Malapitan at Mayor Dale Gonzalo ‘Along’ Malapitan ay nagtulungan para sa pagtatayo ng modernong apat na palapag na gusali at isa pang tatlong palapag na istraktura para sa punong-tanggapan ng pulisya at bumbero.

“Siguro sa susunod na buwan, ang kasalukuyan at lumang mga gusali ng pulis at bumbero na magkatabi ay ganap nang gibain para bigyang daan ang bago at modernong headquarters,” ani Lacuesta na ang pamunuan ay tumanggap ng iba’t ibang pagkilala at parangal para sa “Best Police Station” sa NCR at pinakamataas na ranggo sa may pinakamaraming bilang ng mga naarestong drug personalities at nakumpiskang milyun-milyong pisong halaga ng iligal na droga.

Nagpahayag naman siya ng pasasalamat sa mga Malapitan sa pagtupad sa kanilang pangako na tumulong sa pagtatayo ng modernong police headquarters dahil luma na ang kasalukuyang gusali habang kalahati nito ay wala nang tao matapos ang naganap na sunog ilang taon na ang nakakaraan.

Binanggit ni Lacuesta ang mga bentahe ng lungsod na magkaroon ng sariling distrito ng pulisya ay tulad ng pagbibigay ng mas maraming pulis o higit sa 3,000 tauhan upang tumugma sa bilang ng mga residente at pagtatayo ng mas maraming unit at police substation

Sa kasalukuyan, mayroong limang distrito ng pulisya, na nasa ilalim ng direktang pangangasiwa ng NCRPO, ito ay, Manila Police District, Quezon City Police District, Southern Police District (SPD), Eastern Police District (EPD) at NPD. (Richard Mesa)

Pag-ban sa POGO, aprub na sa House panel

Posted on: February 14th, 2024 by @peoplesbalita No Comments

DAHILAN sa pagkakasangkot sa samut-saring krimen tulad ng human trafficking, prostitusyon, forcible abduction, murder, investment scam, swindling at iba pa, pinagtibay na ng House Committee on Games and Amusement ang panukalang batas na nagbabawal sa Philippine Offshore Gaming Operators (POGO) na mag-operate sa Pilipinas.

Ang House Bill (HB) 5802 na dinidinig ng komite ay iniakda ni Manila 6th District Rep. Bienvenido Abante Jr. na noong una pa man ay tutol sa operasyon ng mga POGOs sa ilang commercial at urban areas sa bansa.

Ipinunto ni Abante na ang pagtaas ng kriminalidad na may kaugnayan sa operasyon ng mga POGO ang hudyat para ipagbawal na ang operasyon ng mga ito.

Ayon sa PNP, nasa 4,039 ang mga biktima ng mga krimeng may kinalaman sa POGO sa unang bahagi pa lamang ng 2023.

Sa panig ni PAGCOR Chief Al Tengco, sinabi nito na umaabot na sa 2,000 mga banyaga ang kanilang naipa-deport sa bansa dahilan sa pagkakasangkot sa krimen.

Ayon kay Tengco, may mga sapat silang hakbangin para mapigilan ang mga krimen na iniuugnay sa operasyon ng POGO.

Sa katunayan, ayon pa sa opisyal mula sa 300 noong 2019 ay nasa 75 na lamang ang mga POGO na nago-operate sa bansa.

Gawang lokal na sasakyan bibigyan ng prioridad sa PUVMP

Posted on: February 14th, 2024 by @peoplesbalita No Comments

SISIGURADUHIN ni Speaker Martin Romualdez na ang mga lokal na sasakyan ang bibigyan ng prioridad sa ilalim ng Public Utility Vehicle Modernization Program (PUVMP) ng pamahalaan.

Ito ang sinabi ni Romualdez sa isang ginawang dialogue sa pagitan ng mga lokal jeepney manufacturers kasama ang mga House leaders na ginawa sa Makati City kamakailan lamang.

“Prioritizing locally-made vehicles in the PUVMP would increase the potential for job creation ang other advantages of supporting domestic manufacturing. Our priority is our own Philippine-made jeepneys as this will bring out Philippine jobs and all other benefits,” wika ni Romuladez.

Ayon sa kanya na susuportuhan din ni President Ferdinand Marcos ang kanyang panukala tungkol sa initiative na ito sapagkat katulad ng kanyang ama na suportado rin ang anumang Philippine-made na produkto.

Binigyan diin niya ang kahalagahan ng pagbibigay ng suporta sa mga home-grown talent sapagkat ang mga ganitong innovation at expertise na pinakikita ng mga lokal na gumagawa ay kailangan pahalagahan.

“Local jeepney manufacturers play a crucial role in reshaping the nation’s public transport to meet modern standards,” dagdag ni Romuladez.

Kasama sa pagpupulong ang sektor ng manufacturing sa pangunguna nila Elmer Francisco at Ed Sarao ng eFrancisco Motor Corporation at Sarao Motors, respectively. Dumalo rin sila Deputy Speaker David Suarez at House Committee on Appropriations Chairman Elizaldy Co.

Nagbigay ng isang mungkahi si Francisco upang maging mabilis ang pagpapatupad ng PUVMP. Ayon sa kanya ay baka maaaring gamitin ang Maharlika Investment Fund upang makakuha ng USD 200 million o P11 billion mula sa nasabing pondo matapos ang isang consultation meeting kay MIC CEO Joel Consing.

Ayon naman kay Suarez na ang Mababang Kapulungan ay gumagawa ng isang unified approach upang makahanap ng isang balanseng sistema na magsusulong sa modernization ng public transport system at accommodating ng mga requirements upang sumunod sa consolidation standards.

Kamailan lamang ay binigyan ni Marcos ng extension ang deadline para sa consolidation hanggang April 30 na dapat sana ay Dec. 31, 2023 dahil na rin sa rekomendasyon ni Department of Transportation (DOTr) Secretary Jaime Bautista.

Ayon sa Land Transportation Franchising and Regulatory Board (LTFRB) na may 145,721 units o 76 porsiento ng PUVs at utility vehicles express ang may consolidation na. Sa ilalim ng PUV Modernization Program, ang mga operators at drivers ay kailangan magkaron ng operasyon bilang isang kooperatiba o korporasyon upang masiguro ang isang epektibong operasyon na may upgraded fleet na low-emission, safe, at efficient na mga units.

Sinigurado naman ni LTFRB chairman Teofilo Guadiz na susunod ang board sa utos ni Marcos na pahabain pa ang deadline ng consolidation ng PUVs hanggang April 30.

“Operators and drivers are encouraged to take advantage of this opportunity provided by the President,” saad ni Guadiz.

Ang House Committee on Transportation naman ay pinagtibay ang isang resolusyon na hinihikayat si President Marcos na magkaron ng reconsideration sa lapsed na Dec. 31 na consolidation deadline. LASACMAR

PBBM, inaprubahan at in-adopt ang 10-YEAR MARITIME INDUSTRY DEVELOPMENT PLAN 2028

Posted on: February 14th, 2024 by @peoplesbalita No Comments

INAPRUBAHAN ni Pangulong Ferdinand Marcos Jr. at in-adopt ang 10-year Maritime Industry Development Plan 2028 (MIDP), magsisilbi bilang whole of nation roadmap ng bansa para sa integrated development at strategic direction ng maritime industry.

Sa apat na pahinang Executive Order No. 55 na nilagdaan ni Executive Secretary Lucas P. Bersamin noong Pebrero 8, tinukoy ni Pangulong Marcos ang pangangailangan na aprubahan at i-dopt ang MIDP upang mapagtanto at mauunawaan ang potensiyal ng Pilipinas bilang maritime nation.

“To fully realize our potential as a maritime nation, the country requires a clearly defined and coordinated roadmap that shall accelerate the integrated development of the Philippine Maritime Industry,” ayon sa Pangulo.

Sinabi ng Pangulo na “the MIDP envisions a strong and reliable Philippine Merchant Fleet, which addresses sea transport requirements in support of national development, consistent with the country’s “AmBisyon Natin 2024” of a strongly rooted, comfortable and secure life for all Filipinos.”

Sinabi pa rin nito na dapat na mag-adopt ang MARINA Board ng sistema para sa epektibong implementasyon, monitoring at pagrerebisa ng MIDP, at component programs, kabilang dito ang modernisasyon at pagpapalawak ng

domestic shipping at promosyon at pagpapalawak ng overseas shipping industry.

“The modernization, expansion and promotion of shipbuilding and ship repair industry; promotion of highly-skilled and competitive maritime workforce; enhancement of maritime transport safety and security; and promotion of environmentally sustainable maritime industry are also part of the component programs,” ayon sa EO.

Kabilang naman sa component programs ang implementasyon ng “maritime innovation, transformation, digitalization at knowledge center” at adopsyon ng epektibo at episyenteng maritime administration governance system.

Ang lahat naman ng ahensiya ng pamahalaan at instrumentalities ay dapat na nakahanay at naaayon ang kanilang mga polisiya at ‘courses of action’ upang matiyak ang epektibong implementasyon habang ang MIDP Technical Board (TB) ay nilikha para tumulong sa board sa pagpapatupad, pagmo-monitor, updating at pagrerebisa ng programa.

Ang MIDP TB ay bubuuin ng mga kinatawan mula sa MARINA Board na may ranggo na hindi mas mababa sa Assistant Secretary, o katumbas nito habang maaaring namang mag-imbita ang board o humikayat ng mga kalahok mula sa ibang kaugnay na ahensiya o instrumentalities bilang karagdagang miyembro, kung kinakailangan sa pagganap at tungkulin ng MIDP TB.

Samantala, maaaring makakuha ng buong kopya ng EO 55 sa Official Gazette kung saan nakasaad ang mga tungkulin ng MIDP TB. (Daris Jose)

Task Force El Niño, paiigtingin at muling magpupulong para talakayin ang collective action

Posted on: February 14th, 2024 by @peoplesbalita No Comments

TINALAKAY ng mga miyembro ng Task Force El Nino, araw ng Lunes ang updates ng interbensyon para sa mga pangunahing sektor at karagdagang aksyon na kakailanganin para paigtingin ang pagsisikap laban sa epekto ng phenomenon at tiyakin ang kahandaan ng bansa lalo na sa mga lalawigan na kasalukuyang apektado ng El Nino.

Base sa pinakabagong assessment ng Philippine Atmospheric, Geophysical, and Astronomical Service Administration (PAGASA), may kabuuang 41 lalawigan ang kasalukuyang apektado ng El Nino.

Ang mga lalawigan na nasa ilalim ng dry condition ay ang Batangas, Laguna, Masbate, Oriental Mindoro, Antique, Biliran, Capiz, Cebu, Eastern Samar, Guimaras, Iloilo, Leyte, Negros Oriental, Samar Lanao del Norte, Sulu, Tawi-Tawi.

Ang mga lalawigan naman na nasa ilalim ng dry spell ay ang Abra, Aurora, Bataan, Isabela, Metropolitan Manila, Occidental Mindoro, Quirino, Rizal, Zambales, and Negros Occidental habang ang nasa ilalim naman ng drought condition ay Apayao, Benguet, Cagayan, Cavite, Ifugao, Ilocos Norte, Ilocos Sur, Kalinga, La Union, Mountain Province, Nueva Ecija, Nueva Vizcaya, Palawan, at Pangasinan.

Sinabi ng PAGASA ang pagkabawas sa bilang ng mga lalawigan na apektado ng El Nino. Mula sa kabuuang 50 na apektadong lugar base noong Enero 21, 2024 assessment sa 41 apektadong lalawigan.

Gayunman, sa kabila ng pagkabawas, muling inulit ng task force na may pangangailangan na palakasin ang paghahanda dahil sa malakas at mature na El Niño na inaasahan na magpapatuloy hanggang February 2024 at mananatili hanggang March-April-May 2024 season.

Samantala, ang mga pangunahing ahensiya gaya ng Department of Environment and Natural Resources (DENR), Department of the Interior and Local Government (DILG), Department of Energy (DOE), Department of Health (DOH), at Department of Agriculture (DA) ay nag-presenta ng situation updates at interbensyon sa water sector, public safety, energy sector, health sector, at food security.

Sa kabilang dako, iniulat naman ng DENR ukol sa water security na ang dam supply ay nananatiling sapat hanggang Mayo. Sa kabila ng projection na ito, ang publiko ay pinapayuhan na magtipid sa paggamit ng tubig.

Patuloy naming mino-monitor ng departamento ang water supply sources at tinatrabaho ang pagtatatatag ng alternatibong water sources para mapigilan ang kakapusan sa suplay ng tubig.

Ang DILG, sa kabilang dako ay patuloy na ipinatutupad ang mga programa at aktibidad ukol sa environmental protection sa community level, law and order, at fire safety.

Hinggil naman sa energy security, sinabi ng DOE na ang interbensyon para tiyakin na sapat ang suplay ng enerhiya ay isinasagawa na.

Kabilang dito ang implementasyon ng transmission projects, siguraduhin ang integridad at maaasahan na power grid, at panawagan sa electric power industryna aktibong makibahagi sa El Nino mitigation efforts.

Samantala, iniulat naman ng DOH na walang disease outbreak sanhi ng El Nino. Winika pa rin ng departamento na patuloy na tinitiyak nito ang kahandaan ng mga health facilities.

Para naman sa food security, ipinresenta ng DA ang priority interventions nito kabilang na ang water management, social protection para sa mga magsasaka at mangingisda, kabilang na ang livelihood support at financial assistance, at price monitoring.

Binigyang-diin naman ni Task Force Chair at Defense Secretary Gilberto Teodoro Jr. sa miting ang kahalagahan ng ‘collective effort’ ng iba’t ibang ahensiya ng pamahalaan para tugunan ang epekto ng El Nino.

Nanawagan si Secretary Teodoro sa mga miyembro ng task force na makipag-ugnayan at tiyakin ang ‘coordinated efforts’ hindi lamang para sa El Nino kundi maging sa iba pang emergency at disaster concerns.

Ukol naman sa El Nino Platform, magtutulungan naman ang Department of Science and Technology (DOST) at Department of Information and Communications Technology (DICT) para tiyakin ang epektibong paggamit ng platform.

Mayroon din aniya na pangangailangan na palakasin ang public information para hikayatin ang mga tao sa preparedness measures.

Ang Task Force El Niño ay muling binuhay at muling binuo sa ilalim ng Executive Order No. 53 na epektibo sa darating na Enero 19, 2024.

TIANGCO BROTHERS NAKATANGGAP NG OUTSTANDING PUBLIC SERVANTS AWARD MULA SA RPMD

Posted on: February 14th, 2024 by @peoplesbalita No Comments

TUMANGGAP ng recognition sina Navotas Mayor John Rey Tiangco at Representative Toby Tiangco bilang 2023 Outstanding Public Servants mula sa RP-Mission and Development Foundation, Inc. (RPMD).

Nabanggit ng RPMD na ang parangal ay magsisilbi bilang isang “direct reflection of the unwavering support and resounding endorsement from the constituents of Navotas City, who have voiced their approval and satisfaction with the Tiangco brothers’ service and dedication to their community.”

Ang Tiangco brothers ay parehong nangunguna sa mga independent survey ng RPMD na regular na isinasagawa upang pasiglahin ang pananagutan, transparency, at epektibong pamamahala sa bansa.

Kinilala naman ni Mayor Tiangco ang kontribusyon ng mga opisyal at empleyado ng lungsod sa paghahatid ng dekalidad na serbisyo publiko.

“This award inspires us to continue to devote effective, transparent, and accountable service that our constituents deserve. We need to constantly improve ourselves so we could also elevate the quality of our service to our fellow Navoteños,” pahayag niya.

Samantala, pinasalamatan ni naman ni Cong. Tiangco ang mga Navoteño sa kanilang matatag na pagtitiwala at suporta.

“Tagumpay po nating lahat ang mga parangal na ito. Rest assured that we will continue to push for projects, programs, and bills that promote your best interests and well-being,” sabi niya.

Sa kanyang pahayag, sinabi ni RPMD Executive Director Dr. Paul Martinez na ang pagtutulungan ng mga Tiangcos ay may mahalagang papel sa “transformation of the city into a model of urban development characterized by inclusive growth, enhanced public services, and a heightened sense of community welfare,” paglikha ng isang legacy of public service na tatatak sa darating na mga taon. (Richard Mesa)

NAKATANGGAP sina Navotas Mayor John Rey Tiangco at Representative Toby Tiangco ng recognition

Posted on: February 14th, 2024 by @peoplesbalita No Comments

NAKATANGGAP sina Navotas Mayor John Rey Tiangco at Representative Toby Tiangco ng recognition bilang 2023 Outstanding Public Servants mula sa RP-Mission and Development Foundation, Inc. (RPMD). Nagpasalamat naman ang Tiangco brothers sa kontribusyon ng mga opisyal at empleyado ng lungsod sa paghahatid ng dekalidad na serbisyo publiko at mga Navoteño sa kanilang matatag na pagtitiwala at suporta. (Richard Mesa)

CICC, hiniling sa Japanese govt na imbestigahan ang panlolokong bomb threats

Posted on: February 14th, 2024 by @peoplesbalita No Comments

NAKIKIPAG-UGNAYAN na ang Cybercrime Investigation and Coordinating Center (CICC) sa Japanese government na magsagawa ng masusing imbestigasyon kaugnay sa panloloko lamang na bomb threats na natanggap ng ilang ahensiya ng pamahalaan sa Pilipinas.

“Efforts are now on the way to request the Japanese government to investigate thoroughly and identify the sender,”ayon sa kalatas ng CICC, ilang oras matapos na makatanggap ng bomb threat ang anim na ahensiya ng gobyerno at local government units (LGUs).

Kabilang sa mga ahensiya na nakatanggap ng bomb threats ay ang Department of Education (DepEd) division office sa Bataan, local na pamahalaan ng Iba sa Zambales province, at Department of Environment and Natural Resources (DENR) head office sa Quezon City.

Winika ng CICC na ang email na natanggap na tila naglalaman ng bomb threats ay nagmula sa Japan. Ito ay mayroong locally registered domain name na tumama rin sa ilang ahensiya ng pamahalaan sa Seoul, South Korea.

“There is no cause for alarm as this sender and email has been tagged as hoax,” ayon sa CICC.

Idinagdag pa nito na kahalintulad ng bomb threats ang tumama naman sa ilang ahensiya ng pamahalaan noong nakaraang taon.

Gayunman, nilinaw ng CICC na ang mga apektadong ahensiya ng pamahalaan ay pinayuhan na i-practice o gawin ang kani-kanilang emergency evacuation procedures bilang bahagi ng kanilang “preparedness efforts at emergency protocols.’ (Daris Jose)

Iniyakan na lang at ‘di sumagot sa bashing: GILLIAN, inaming nagka-trauma nang madawit sa hiwalayang KathNiel

Posted on: February 14th, 2024 by @peoplesbalita No Comments

NANININDIGAN ang Kapamilya young actress at newest endorser ng Beautederm na si Gillian Vicencio, na wala siyang kinalaman sa paghihiwalay nina Kathryn Bernardo at Daniel Padilla.

Kaya inamin niya na na-hurt talaga sa mga nam-bash sa kanya nang madawit sa pinag-uusapan pa ring breakup nina Kath at DJ.

Nababasa raw kasi niya ang ibang matitinding comments…

“Pero nung mga una po, ayun nakikita ko, tapos nag-detox po muna ako sa social media pero nagulat po ako na parang may mga ganong lumalabas,” pahayag ni Gillian ng makausap ng mga entertainment writers sa first anniversary celebration ng bonggang Beautederm Headquarters ni Ms. Rhea Tan sa Angeles, Pampanga, last Saturday, February 10 at kasabay na rin Chinese New Year.

Nagka-trauma ba siya dahil sa bashing…

“Meron naman, may ganun, kasi hindi naman talaga maiiwasan na makaramdam ng ganu’n, kasi yun ang nakikita mo online.

“Every time you open the social media, may makikita kang ganun,” sagot ni Gillian.

Pero hindi naman daw siya sumasagot sa mga nam-bash sa kanya. Hindi na rin niya matandaan ang pinakamasakit na komento na nabasa niya sa social media sa sobrang dami, kaya iniyakan na lang niya.

Dahil sa matindi niyang pinagdaanan, sa tingin niya, dapat ba may mag-sorry sa pagkakadawit niya sa hiwalayang KathNiel.

“Hindi naman natin mako-control ang mga tao. Kahit ano naman ang gawin mo, may masasabi at masasabi sila, so hayaan na na lang.

“Kahit anong sabihin mo, good or bad, paniniwalaan nila kung ano ang gusto nilang paniwalaan.

“And I can’t control that. Atleast, I know myself. I know my truth.”

Dagdag pa niya, “Hindi ko po alam, eh. Sila `yon, eh. Ayoko na lang mangialam pa. Basta ako magpo-focus na lang sa sarili ko. Sa mga ginagawa ko ngayon. Sa mga blessing na natatanggap ko.

“Sa family ko. Sa mga nagmamahal sa akin. Parang `yun nga, ayoko na lang pakialaman ang buhay ng ibang tao.”

Wala namang problema kay Gillian kung may offer na makasama uli niya sa teleserye o pelikula ang KathNiel. .

“Project kasi `yon, at kailangan ko ng pera! Ha-hahaha! Okay lang naman, wala naman kasi `yon!” say ni Gillian.

Kasama naman si Gillian sa upcoming romcom series ng ABS-CBN, ang Pinoy version ng hit Korean series na “What’s Wrong With Secretary Kim” starring Kim Chiu and Paulo Avelino.

May natapos na rin siyang movie na “Talahib” with Joem Bascon and iba pang magagaling na indie artists.

(ROHN ROMULO)

Marami siyang natutunan sa nakaraang taon: CARLA, optimistic and looking forward sa mangyayari ngayong 2024

Posted on: February 14th, 2024 by @peoplesbalita No Comments

NATANONG si Carla Abellana na bibida sa upcoming murder mystery series na Widows’ War, kung paano niya nakikita ang 2024 sa buhay niya?

Lahad ng Kapuso actress, “I’m optimistic.”

“Hindi ko man ma-envision ang mangyayari, but optiistic ako and I’m looking forward to what’s going to happen this year.”

Samantala, ang pagiging unpredictable ng buhay ang isa sa lessons learned niya sa 2023 na bitbit niya sa 2024.

“You can make plans but at the end of the day, si God pa rin ang in charge. And ‘yung sinasabi ko kanina, hindi assured ‘yung rest of your life,” sabi niya.

“Kumbaga, ang isa sa mga learnings ko from last year, hawakan mo ‘yung bawat opportunity na binibigay sa’yo and namnamin mo, you save each opportunity, each project, each moment because you don’t know what tomorrow brings.”

***

BATA pa lamang pala si Jo Berry ay nais na niyang maging… abogada.

“Mula bata pa ako, gusto ko na maging lawyer, nauna lang na naging role ko siya,” saad ni Jo.

Pero iba ang landas ng kapalaran ni Jo at ngayon ay isa siya sa mga popular na artista ng GMA.

Pero natupad kahit papaano ang pangarap niyang maging lawyer dahil sa upcoming serye niya na ‘Lilet Matias, Attorney-At-Law’ kung saan ang papel niya ay, ano pa ng aba, kundi bilang isang lawyer.

Kuwento ni Jo, “Nung bata ako, hanggang ngayon naman, nasa goal ko pa rin siya, ang original plan is mag-law, pangarap po namin yun ng Papa ko.

“Nung binigay nila sa akin yung role, kasi lagi akong tinatanong, ‘Ano bang dream role mo?’ So, wala akong masagot noon, pero nung binigay sa akin ‘yung role ni Atty. Lilet, naisip ko na, ‘Ay, oo nga, ito ‘yung dream role ko.’

“Literal kasi mula bata pa ako, gusto ko na maging lawyer, tapos ngayon, nauna lang na naging role ko siya.”

Dagdag pa niya, “Feeling ko nakapag-practice muna ako, sabi ni Lord, ‘O, sige, practice ka muna. Ito muna, role muna siya bago totoong buhay.’ Kasi nandoon pa rin, kasama pa rin sa goal ko sa buhay na ituloy ko ‘yung law.

“Pero sa ngayon konting patikim kung paano pala yun.”

Ito ang pinakaunang legalserye ng GMA.

“Since it’s a legal drama nga po, mas professional siya magsalita, unang-una po ‘yun kasi, siyempre, dapat tama talaga, very precise kasi yung mga ginagamit naming terms dito, ginagamit rin sa Pilipinas, so totoong nag-e-exist siya,” ani Jo.

Malapit nang mapanood ang Lilet Matias, Attorney-At-Law sa GMA Afternoon Prime.

(ROMMEL L. GONZALES)