PINABULAANAN ni Kelvin Miranda na hindi siya ang tinutukoy sa blind item ng direktor na si Darryl Yap tungkol sa isang aktor na na-“booking” umano ng international singer na si Sam Smith.

Sa naturang blind, nai-book daw ni Sam Smith ang isang aktor sa halagang P1 milyon kada gabi.

“Ang dami na ring nag-ta-tag sa ’kin, even my friends, sine-send sa ’kin sa messenger, sa IG. Kailangan ba lahat, ito ‘yung pag-usapan?

“Gusto ko lang sabihin sa kanila na hindi, hindi totoo. Kumbaga, bakit ko gagawin ‘yun? Kumbaga, pinaghirapan ko lahat ng kung anong meron ako tapos sa ganoong klaseng bagay,” sey ng Sparkle actor.

Ayon kay Kelvin, hindi niya hinuhusgahan ang mga taong sangkot sa mga “booking” o pagbabayad kapalit ng one night stand.

“Pero ako kasi, hindi ako sanay nang hinuhusgahan ako. At hindi ko ginagawa ‘yung ganoong klaseng bagay.

“Mas gusto kong ginagastos ko ‘yung pera na kinikita ko. So hindi. Hindi talaga,” diin pa ni Kelvin.

Bibida si Kelvin sa upcoming ‘Encantadia Chronicles: Sang’gre’ bilang si Adamus ang unang lalaking Sang’gre, na tagapangalaga ng  Brilyante ng Tubig.

Kasama ni Kelvin sina Angel Guardian bilang si Deia, tagapangalaga ng Brilyante ng Hangin, Faith da Silva bilang Flamarra, tagapangalaga ng Brilyante ng Apoy, at Bianca Umali bilang si Terra, bagong tagapangalaga ng  Brilyante ng Lupa.

***

NAG-CELEBRATE ang Movie Queen at “First Lady of Philippine Cinema” na si Gloria Romero ng kanyang 90th birthday noong Biyernes, December 15, sa Sampaguita Events Place sa Quezon City. December 16, ang birthday ni Tita Glo.

Dumalo sa kanyang birthday celebration ang ilang mga kasamahan niya sa industriya gaya nina Helen Gamboa at anak nitong si Ciara Sotto, Celia Rodriguez, Boots Anson-Roa, Ricky Davao, Barbara Perez, Roderick Paulate, Laurice Guillen, Marita Zobel, Daisy Romualdez, Pepito Rodriguez, Liza Lorena, at iba pang mga personalidad.

Mukhang retired na sa pag-arte si Tita Glo at inaalagaan siya ng kanyang anak na si Maritess Gutierrez. Huling paglabas niya sa TV ay sa ‘Daig Kayo Ng Lola Ko’ sa GMA noong 2020. Huling pelikula niya ay ‘Rainbow’s Sunset’ noong 2018.

Ilang awards na napanalunan ni Tita Glo ay tatlong FAMAS Awards (Dalagang Ilokanq, Nagbabagang Luha, Tanging Yaman), dalawang Luna Awards (Tanging Yaman, Magnifico), at dalawang Gawad Urian (Tanging Yaman, Magnifico).

***

PUMANAW sa edad na 61 ang aktor na si Andre Braugher, na napanood sa mga hit comedy series na Brooklyn Nine-Nine at sa drama series “Homicide: Life on the Street.”

Kinumpirma ng publicist ni Andre na si Jennifer Allen ang malungkot na balita sa People and Variety.

Pumanaw ang aktor noong Lunes sanhi ng karamdaman. Tumatak sa mga televiewers si Andre sa kanyang role bilang si Captain Raymond Holt sa Brooklyn Nine-Nine na umere for 8 seasons.

Gumanap naman siya bilang si Detective Frank Pembleton sa Homicide: Life on Street, na nagbigay sa kanya ng Emmy award for lead actor.

Napanood din siya sa TV shows tulad na Gideon’s Crossing, Hack, Men of a Certain Age at Thief na nagbigay sa kanya ng ikalawang Emmy award.

(RUEL J. MENDOZA)

NASA Pilipinas muli ang “The Voice” season 19 alumna na si Ryan Gallagher para sa promo ng kanyang kinompos na “The Feeling of Christmas” na nagkaroon ng world release last November at napapakinggan na sa mga music platforms tulad ng Spotify at Apple Music.

Magiging bahagi ito ng 16-track Christmas album na ire-release next year.

“The album will have eight original and eight covers Christmas album that I recorded with a 100-piece orchestra. We recorded it in an iconic studio,” tsika ng guwapong mang-aawit.“We recorded in the same studio as Frank Sinatra and where Michael Jackson did ‘Thriller.’ So you can say there’s a lot of magic on this album and we’re scheduled to release it full this coming year.”

Sa intimate presscon na pinatawag no Liza Diño-Seguerra, ang CEO ng Fire and Ice PH at kasama ang Pop Icon na si Ice Seguerra, kinanta ni Ryan ang kanyang first Christmas song.Bukod dito nagpakitang gilas din siya sa pagkanta nang inaral niyang Original Pilipino Music (OPM) tulad ng “Minsan Lang Kitang Iibigin” ni Ariel Rivera at “Kahit Isang Saglit” ni Verni Varga na kinanta rin ni Martin Nievera.

Ang company nina Liza at Ice ang tumutulong sa promo ng Christmas single ni Ryan sa bansa pero ayaw pa nilang kumpirmahin kung sila na ang magma-manage sa career dito ng Polish-Irish singer.Ayon naman kay Ryan ang inspiration sa naturang Christmas song, “I think it’s nostalgia. It brings me back to when I was a little kid, where I felt stuck in that moment forever. “And then you realize how quickly it passes. Like, I lost a ton of people in my life this year: my grandparents and then my uncle and then close family friends, and so it was.”Dagdag pa niya, “We love Christmas like you do here so it just makes sense to record a Christmas song and bring it here, right?” Type din niyang kantahin ang “Christmas In Our Hearts” ni Jose Mari Chan, and who knows makapag-duet pa sila. Naka-duet na niya sina Lea Salonga at Martin Nievera.Gusto rin niyang maka-collab si Sarah Geronimo-Guidicelli at pwede silang mag-duet kung maggi-guest siya sa ‘ASAP Natin ‘To.’May nakaaliw naman na kuwento si Ryan tungkol sa pag-i-stay niya sa Pinas, na bukod sa mga kinita niya sa mga gigs ay naka-jackpot pa siya sa casino.”When I was in Solaire, they put me up in a nice suite. So i got paid with all this cash from performing.”And then I went to casino, with 1 thousand peso bill, I put it on the slot machine, it’s St. Patrick’s Day, lucky irish, I got the jackpot, 2.7 million.”Kaya instant millionaire siya at nagamit niya ang napanalunan, sa pagbalik-balik sa ‘Pinas.Na mukhang ramdam na ramdam na ang pagiging Pinoy, dahil pangatlong Christmas na niya ito at naa-amaze pa rin siya sa mga decorations at celebration na umaabot nga hanggang January.At kung makakuha siya ng mga gigs at ibang projects, willing siyang mag-stay ng matagal, na kung saan pinag-aaralan talaga niya ang pag-intindi at pagsasalita ng Tagalog.

(ROHN ROMULO)  

MAY kinalaman sa kanyang kalusugan ang New-Year’s Resolution ni Christian Bables.

Lahad ng aktor, “Siguro dapat mag-pay attention na ako sa health ko, kasi ngayong taon hindi ako nakapag-gym, tapos kung anu-ano kinakain ko, so parang napabayaan ko ng konti.”

Wala naman raw siyang bisyo.

“Hindi ako umiinom, hindi rin ako nagyoyosi, kain lang talaga, napadami yung sweets ko.”

Pero hindi naman halata, banggit namin kay Christian habang tinitingnan namin ang built niya habang kausap namin.

“Medyo, ako nararamdaman ko,” at tumawa si Christian na bida sa ‘Broken Hearts Trip’ na entry sa Metro Manila Film Festival sa Disyembre 25.

At dahil nga nalalapit na ang pagtatapos ng 2023, tinanong namin siya kung ano ang best at worst thing na nangyari sa kanya ngayong taon.

“The best kasama ko pa yung mga mahal ko sa buhay, my family, my mom and my brothers, I think that’s the best thing that happened to me this year.

“Worst? Wala naman, I can’t think of anything, wala naman.”

Pag-amin ni Christian, tinamaan rin siya, tulad ng marami, ng virus ng COVID-19.

“Nung shooting namin ng ‘Ten Little Mistresses’, kaming lahat mga keridas nagka-COVID kami, 2022, last year.”

Isang linggo raw siyang may sakit na ang sintomas niya ay ang pagkakaroon ng lagnat at pagkawala ng kanyang panlasa.

Hindi naman raw siya naospital pero nahinto ang shooting nila ng halos dalawang linggo.

Pasasalamat rin ni Christian na bakunado siya kaya hindi malala ang virus na dumapo sa kanya.

Samantala, nasa ‘Broken Hearts Trip” rin sina Teejay Marquez, Iyah Mina, Petite, Jay Gonzaga, Andoy Ranay, Marvin Yap, Ron Angeles at si Ms. Jaclyn Jose at marami pang iba.

Ito ay sa direksyon ni Lemuel Lorca at sa produksyon ng BMC Films and Smart Films.

Tinanong namin si Christian, bukod sa movie nila, kung manonood siya ng sine sa December 25, ano sa mga MMFF entries ang uunahin niya?

“Gusto ko yung Rewind ni Ms. Marian [Rivera] and ni Kuya Dingdong [Dantes].”

Bakit?

“Ganda nung trailer.”

Ano ang nasa top 5 niya?

“Rewind, Becky and Badette, Gomburza, Mallari, and then Firefly.”

***

TINOTOO ni Gabby Eigenmann ang sampal niya kay Cassy Legaspi sa isang eksena nila sa ‘When I Met You In Tokyo’.

Pero ayon mismo kay Gabby, “request” iyon ni Cassy, na sampalin niya ng totohanan ang batang aktres.

Pagbabahagi ni Gabby, “She dared me to hit her!

“Sa nakita niyo sa trailer, sabi ko, ‘Dadayain ko na lang.’ Pero sabi niya, ‘No, do it!’

“Para makahugot siya ng emosyon.”

Matapos ang eksena ay agad raw naman niyang tinanong si Cassy…

“Masakit ba?”

Ngumiti lamang raw si Cassy bilang pagpapakita ng propesiyonalismo.

“I’m very proud of Cassy,” wika pa ni Gabby. “Kasi she turned out to be good here. Tuwang-tuwa si direk!

“Thank you, direk, for making Cassy another big thing. Nakatikim ng sampal of an Eigenmann.”

Hindi nga makakalimutan ni Cassy ang lagapak ng palad ni Gabby sa kanyang mukha.

“Thank you, papa, you’re the best,” patungkol kay Gabby na sinabi ni Cassy.

“Actually, totoo yun kasi napakasakit ng sampal… Pero ginusto ko ‘yan! Professional po tayo. Wow,” bulalas pa ni Cassy.

Bida sa ‘When I Met You in Tokyo” sina Vilma Santos at Christopher de Leon, at bukod kina Cassy at Gabby, ay nasa pelikula rin na entry sa Metro Manila Film Festival sina Darren Espanto, Gina Alajar, Kakai Bautista, Lyn Ynchausti, Tirso Cruz III, at Lotlot de Leon.

Mula sa JG Productions, (hello, Ms. Redgie Acuna-Magno!) at mula ito sa direksyon nina Rommel Penesa at Rado Peru.

(ROMMEL L. GONZALES)