ILANG buwan na lang at ikakasal na si Maxine Medina sa kanyang fiance na si Timmy Llana.

Hands-on ang former Miss Universe-Philippines 2016 sa wedding preparations kaya minsan daw ay overwhelmed siya. Pero ginagawa na lang daw niyang masayang activity ang pag-asikaso ng kanyang nalalapit na kasal.

“As the countdown to our big day @timmyllana begins, I’m feeling a mix of emotions – excitement, happiness, and a little bit of nerves. But most of all, I’m grateful to be marrying the person who fills my heart with love and joy!” caption pa ni Maxine sa isang post sa Instagram.

Na-check off na ng ‘Magandang Dilag’ star ang prenuptial shoot nila na kinunan pa sa Vigan City, Ilocos Sur.

Sa naturang shoot, suot ni Maxine ay body-hugging dress na may pink balloon sleeves and pearl embellishments na gawa ng designer na si Francis Libiran.

Kinunan sila ni Timmy habang naglalakad sa pamosong Calle Crisologo at sa loob ng isang ancestral house.

“Can’t wait to see what the future holds for us my love @timmyllana,” caption ni Maxine sa pinost niyang prenup photos on IG.

Dalawang wedding dates ang magaganap sa October para kina Maxine at Timmy. Una ay isang beach wedding at susunod ang formal church wedding.

***

BALIK sa paggawa si Katrina Halili ng teleserye at kasama siya sa malaking cast ng ‘Rider’ na pinagbibidahan ni Ruru Madrid.

Huling ginawa ni Katrina ang teleserye na ‘Unica Hija’ at noong matapos ito ay umuwi siya ng Palawan para maasikaso ang negosyo niya roon at para rin makapagpahinga kasama ang kanyang anak na si Katy.

Ngayon at may bago na ulit siyang show, muling nag-a-adjust si Katrina dahil mapapasabak daw siya sa ilang action scenes na sana’y magawa pa niya.

“Noong sabihin nila sa akin na action itong teleserye na gagawin ko, bigla akong kinabahan dahil matagal akong hindi nakagawa ng ganitong klaseng teleserye. Ilang taon na puro drama lang ako. Huli kong nagawang teleserye na may action scenes ay ‘yung Darna na 13 years ago pa.

“Sinabi naman sa akin na hindi raw ako masyadong pahihirapan. Ready naman ako sa kahit anong role. Kailangan ko lang mag-workout at mag-diet ulit dahil mahaba-haba rin ang bakasyon ko,” tawa pa ni Katrina.

Bukod kay Ruru, makakasama rin ni Katrina sa Black Rider ng GMA Public Affairs sina Matteo Guidicelli, Raymart Santiago, Gladys Reyes, Gary Estrada, Zoren Legaspi, Raymond Bagatsing, Jon Lucas, Kim Perez, Empoy Maquez, Luis Hontiveros, Almira Muhlach, Jayson Gainza, Joaquin Manasala, Pipay, Saviour Ramos, Vance Larena, Marco Masa, Ashley Sarmiento, Turing, Prince Clemente at Rainier Castillo.

(RUEL J. MENDOZA)

IBINAHAGI ni Aiko Melendez sa kanayng social media accounts ang achievement ng anak nila ni Martin Jickain na si Marthena Jickain.

Isinaad ni Aiko sa isang Instagram post ang pagbati niya sa academic achievement ni Mimi.

Ani Aiko, “Congratulations on graduating!.. You are an achiever. … You make me so proud of being your mother! We are all rooting for you, my dear Mimi.”

Dugtong pa ni Aiko, sulit ang kanyang paghihirap sa trabaho para sa pag-aaral ni Marthena.

“Mama’s sleepless and tireless night over taping and shootings is all so worth it. And if mama AIKO would have to do tons of work just to send you to all the best schools, I would, without a doubt! Never get tired of learning, it’s a treasure! I can proudly say soon we have a future lawyer in the family 💚 This is just the beginning of beautiful things to come :)”

Pag-amin pa ni Aiko, emosyonal siya dahil sa achievement ni Marthena.

“@jickainmarthena PS! Teary-eyed mama here 💚”

Kasali sa isang photo na ipinost ni Aiko ang certificate ni Marthena. Saad sa certificate na ito ay ang Oxford Summer Courses at natapos ni Marthena ang kursong Law.

***

MULA noong bumalik siya sa Amerika noong March 2020 ay naging isang successful real estate agent si Sebastian Castro.

At ngayong 2023 ay binalikan niya ang pag-arte sa harap ng kamera bilang isang artista.

Ibinahagi ni Sebastian kung paano siya nakuha nina Dextert Paglinawan Hemedez at Allan Michael Ibañez, na series creators ng Stay, na maging bida sa nabanggit na Boys’ Love o BL series.

“Facebook and Instagram and my work email, I believe,“ umpisang kuwento ni Sebastion kung saan siya unang kinontak nina Dexter at Allan.

Ano ang unang pumasok sa isip niya nang nabasa niya ang mensahe sa kanya ng dalawang direkor.

“In my head I have sort of left Philippine showbusiness completely, right? I have not been doing projects for two plus years so I was okay with just sort of moving on.

“But they reached out to me, offered this particular role for the lead role of the series and I loved the character from the first read.

“So I play Andre in Stay and Andre is such a fun mess,” ang natatawang bulalas pa ni Sebastian.

“He is a character who makes a lot of mistakes but he tries… and watching him either cover it up or make up for those mistakes is very entertaining.

“And I think at the heart of the story there‘s a very good love story with lots of kilig.

“So I definitely was surprised and grateful that that role fell in front of me and I did tell them, I was very happy to tell them, yes I was happy to play it.”

Gumaganap si Sebastian sa Stay bilang Pilipinong direktor na si Andre na sinubukan ang kanyang kapalaran sa Amerika at ina naman ni Andre si Grace na ginagampanan naman ni Lotlot de Leon.

Tampok rin sa Stay ang American theater actor na si Ellis Gage bilang si Joshua, ang love interest ni Andre, at ang Filipino drag queen na based na sa US na si Bombalicious Eklaver bilang si Mikyla na bestfriend ni Andre.

Napapanood na sa Facebook page at Youtube channel ng Team Campy Entertainment ang ‘Stay’.

(ROMMEL L. GONZALES)

WILLING pala si Kapuso actress Carla Abellana na mag-guest sa afternoon noontime show na “It’s Showtime” sa GTV ng GMA Network, kung mai-invite at papayagan naman siya.  

Natuwa nga raw siya sa collaboration ng GMA-7 at ABS-CBN, “it’s very surprising, but also refreshing, kaya payag akong mag-guest o mag-host sa “It’s Showtime.”

Sa ngayon ay busy si Carla sa taping ng teleseryeng “Stolen Life” sa GMA, na muli niyang makakasama si Gabby Concepcion at first time naman niya makakatrabaho si Beauty Gonzalez.

 “I love Beauty, she’s very giving as a co-actor, I love her energy, I love working with her,” wika ni Carla.  “With Gabby naman, ang ganda ng pinagsamahan namin sa teleseryeng ginawa namin, yung “Because of You.” Masayahing tao si Gabby, easygoing, di siya mahirap katrabaho and nakakatuwa.”

“Medyo lamang mahirap ang role namin ni Beauty sa “Stolen Life,” pareho kaming nagiging good at nagiging bad, dahil iyong mga souls nila lumilipat sa katawan ng isa’t isa.  First time lamang naming nakaganap ng dual role, pero na-challenge kami portraying our roles.”

Ayon pa kay Carla last January pa raw sila nag-start mag-taping at very soon ay mapapanood na rin sila sa GMA Afternoon Prime.

***

HALOS hindi pala makapaniwala si Julia Barretto nang mabalitaan niya na makakatrabaho niya ang dramatic actor na si Aga Muhlach.  Magtatambal ang dalawa sa pelikulang “Forgetting Canseco” ng Viva Films.

“I don’t know his real life, I’m on cloud 9, I’m deeply honored and really grateful to be a part of this.  I meant it when I said I’m excited but really nervous.  I’m working with the original heartthrob and the legend,” nakangiting sabi ni Julia.

Ang nakatambal ni Aga noon ay ang mga aunties niyang sina Gretchen at Claudine Barretto,  Kaya nakakaramdam daw siya ng hiya sa veteran actor, at nahihiya pa rin daw siya kung paano niya i-address si Aga.

Nang mag-look test nga raw sila, nag-request siyang ipadala ang photo nila sa kanya at ipinadala niya iyon sa mommy niya, si Marjorie Barretto.

 “This is my dream project.  I’m really happy that this is happening.  I don’t have any doubts.   I don’t want to contradict anything that we will do. I’m really overwhelmed and I’m just grateful.”

Very soon ay magsisimula na silang mag-shooting ng pelikula.

“I’m excited to learn, I’m excited to be stretched in so many ways doing this film,” sabi pa ni Julia.

***

NAG-GRADUATE ng Mass Communication si Cesar Montano sa Lyceum of the Philippines University last April 2009, pero hindi siya huminto sa pag-aaral, kahit panahon ng pandemic.

And last Thursday, July 6, 2023, muling nagtapos ng bagong course ang multi-awardee actor at the age of 60, at Master in Public Safety Administration ang tinapos ni Cesar mula sa Philippine Public Safety College (National Police College).  Tumanggap din siya ng Best in Policy Paper Award.  Scholar si Cesar sa Philipping Safety College at isa siya sa 47 members ng regular class ng RC 2023-2024 na tumanggap ng diploma.

Si Cesar ang nag-iisang showbiz personality sa kanilang klase na kinabibilangan ng mga police officers na may rank na lieutenant colonel, jail officers (mula chief inspector hanggang senior superintendent), coast guard commanders, doctorate degree holders, school administrators at principals at mga opisyal ng Department of Interior and Local Government (DILG).

Isa na ngayong ganap na public safety expert si Cesar. Congratulations!

(NORA V. CALDERON)

PINABULAANAN ng TAPE Inc. na hanggang katapusan ng July ang Eat Bulaga.

Kumalat ang balita online pagkatapos na makakuha ng mababang rating ang Eat Bulaga noong  July 1 when “It’s Showtime” and “E. A. T.” premiered on GTV and TV5 respectively.

Pero sa latest ratings report, the viewership of Eat Bulaga has increased by at least 0.7% by July 3, and continued to increase by July 5.

Sa isang statement na galing kay Atty. Maggie Abraham Garduque, ito ang nakalagay:

“There is no reason for that. We do not contest that on July 1, mababa ang rating of ‘Eat Bulaga’ because of the anticipation of people on the launch of new shows, but thereafter, makikita na tumataas na ulit ang ratings nito.

“Eat Bulaga segments are doing great, lalo na yung segment ni Yorme (Isko Moreno) and Buboy (Villar). Hey! Mr. Rider is sobrang patok na patok sa mga members ng motorcycle associations.

“Ang Eat Bulaga ay para sa tao at hanggang maraming manonood, ang tumatangkilik, patuloy ang Eat Bulaga sa pagbibigay ng saya at tulong sa mga kababayan natin.”

Ang legal team ni Garduque ay magsisimula ng imbestigasyon para malaman kung sino ang nagkakalat ng tsismis para sampahan nila ito ng kaso.

***

DAPAT na kaiinggitan ng mga artista si Gladys Reyes dahil siya ay walang nagiging problema kunsaan man siyang TV show na magtrabaho.

Ngayon ay mapapanood si Gladys sa ‘It’s Showtime’ bilang hurado ng Mini Ms. U. Magsisimula na rin siya ng taping para sa ‘Black Rider’ ng GMA Public Affairs. Puwede rin daw siyang tumanggap ng trabaho sa TV5 at sa Net25.

“Ito lang naman ang hiling naming mga artista, ‘di ba? Magtuluy-tuloy lang ang trabaho. Alam n’yo naman ako, isang katrabaho. Kahit saan ako, Kapuso, Kapamilya, Kapatid,” sey pa ni Gladys Reyes sa kanyang belated birthday celebration/thanksgiving party.

Inuulan din si Gladys ng suwerte sa negosyo dahil sa husay sa pag-manage ng mister niyang si Christopher Roxas.

Ang kanilang ‘Tayo Na Sosyo-Negosyo’ ay iba’t ibang food business kunsaan puwede kang mag-invest at maalagaan nila ang pinasok mong pera.

“Gusto naming makatulong lalo na sa mga OFW na nagta-trabaho sa ibang bansa. Pwede silang mag-invest or makipag-sosyo sa amin. Kasi safe ang pera sa food business,” sey pa ni Gladys.

Proud naman si Gladys sa mga papuri na natanggap ng kanyang panganay na si Gian Christophe Roxas. Bukod sa naka-graduate ito ng senior high school with honors, nagpakitang-gilas ito sa pag-awit at pagsayaw sa kanyang party. Future matinee idol si Christophe pero mukhang mas gusto muna nitong mag-focus sa pagpasok nito sa kolehiyo.

***

AFTER 6 years ay nauwi sa divorce ang marriage ng former Latin Pop Superstar Ricky Martin sa mister na si Jwan Yosef.

“We have decided to end our marriage with love, respect and dignity for our children and honoring what we have experienced as a couple all these wonderful years. Our greatest desire now is to continue having a healthy family dynamic and a relationship centered on peace and friendship to continue the joint upbringing of our children, preserving the respect and love we have for each other,” ayon sa joint statement.

Apat ang anak nila na sina Lucia, 4, Renn, 3 and twin sons Matteo and Valentino, 14.

Sa Instagram nagkakilala sina Ricky at Jwan noong 2015. Kinasal sila noong 2018.

(RUEL J. MENDOZA)

NAPAPANSIN na rin kahit ng mga fans ni Asia’s MultiMedia Star Alden Richards ang sunud-sunod na paggawa niya ng mga projects, movies man o sa television.  

Simula nga nang gawin niya ang movie na first time nilang pagtatambalan ni Julia Montes na “Five Break-Ups and A Romance,” sinundan niya agad ito ng pagti-taping ng mga episodes ng “Battle of the Judges” na he is the host, with judges Boy Abunda, Atty. Annette Gozon-Valdes, Jose Manalo and Bea Alonzo.

Nasundan agad ito ng movie na first time nilang pagsasamahan ni Megastar Sharon Cuneta, ang “A Mother & Son’s Story” na intended for the coming Metro Manila Film Festival 2023.

Ilang araw na lamang ang shooting nila at matatapos na ang movie na dinidirek ni Nuel Naval sa script ni Mel del Rosario, for CinemaKo Productions.

Ngayon naman ay nagsimula nang mag-taping si Alden ng “Magpakailanman” drama anthology hosted by Mel Tiangco.

Tweet ng fan ni Alden, “nakatakdang magbalik for an inspiring and unique episode ang Asia’s MultiMedia Star sa award-winning drama anthology na @MPKGMA.”

Pero ang sabi, hindi lamang isang episode ang gagawin ni Alden.

Meanwhile, sa Saturday na, July 15, ang pilot telecast ng “Battle of the Judges,” 7:15 PM, sa GMA-7.

***

MARAMING netizens ang humanga sa post ni Jodi Sta. Maria, sa kanyang social media ng “so happy to be your classmate, anak…”

Kamakailan lamang kasi, nag-post si Jodi na nag-graduate na sa senior high school ang anak na si Thirdy (with partner Pampi Lacson).

Jodi shared to her followers na magkaklase sila ngayon ni Thirday sa culinary class nila sa Center for Asian Culinary Studies.

Makikita sa post ang mga photos nilang mag-ina, kasama ang iba nilang classmates habang nagbi-bake.   Matagal na pala nilang pinag-usapan na sana raw maging magkaklase sila sa school.

Kaya kasama sa caption ni Jodi: “dati pinag-uusapan lang natin na sana maging classmates tayo and today that happened.  So happy to be your classmate anak. Always here to support you every step of the way.”

Umani naman ng positive comments ang post ni Jodi mula sa kanyang mga followers. Tamang-tama namang natupad nina Jodi at Thirdy ang wish nilang magkasamang mag-aral, dahil free na si Jodi from work since tapos na niya ang taping ng “Unbreak My Heart,” ang biggest collaboration ng GMA, ABS-CBN at Viu, na gabi-gabing napapanood sa GMA-7 at 9:30p.m.  Patuloy na tumataas ang rating ng serye na nagtatampok din kina Joshua Garcia, Gabbi Garcia, Richard Yap and other Kapuso and Kapamilya stars.

***

IPINAKILALA na sa story conference ng GMA Public Affairs  ang cast na bubuo sa bagong action series na “Black Rider” na pinangungunahan ni Ruru Madrid at ng bagong Kapuso actor and TV host na si Matteo Guidicelli.

Lahat-lahat ay 28 actors ang bubuo sa main cast at ang kapuna-puna rito, marami sa kanila ay muling magbabalik sa pag-arte, tulad ni first StarStruck graduate na si Rainier Castillo.

Nagbabalik-Kapuso rin si Raymart Santiago, at matagal-tagal na ring hindi napapanood sa GMA sina Rio Locsin, Roi Vinzon, Almira Muhlach, Raymond Bagatsing.

Ilan pa rin sa bubuo ng cast sina Katrina Halili, Gladys Reyes, Zoren Legaspi at mga Sparkle GMA Artists.  Secret pa raw kung sinu-sino ang mga leading ladies nina Ruru.

Naka-schedule ang airing ng “Black Rider” before the year ends sa GMA Primetime.

(NORA V. CALDERON)