KINILIG ng sobra and multi-platinum recording artist na si Ice Seguerra nang makumpirma na siya ang napiling special guest para mag-open ng concert ng international female rockstar na si Alanis Morissette na magaganap sa Mall of Asia Arena, na kung saan sold out na ang August 1.

Kaya last April, in-announce na ng Ovation Productions na magkakaroon ng second night ang Manila concert of Alanis sa August 2 na may natitira pang ilang tickets.

Sa post ni Ice sa kanyang Instagram account ng poster ng naturang concert at may caption na…

“EEEEEEEEEEHHHHHHHHH!!!! KINIKILIG AKOOOOOOOOOOOOOO!!!!Homaygaaaaaaaaaaaaaaaahdddd!!!!!”

“I grew up listening to her music! This album was my companion mula umaga hanggang gabi!”

Dagdag pa ni Ice na napanonood din Sugod Bahay Mga Kapatid segment ng ‘E.A.T.’, “I hope to see you all on Aug 1 and 2 at the MOA Arena! Let’s all celebrate the one and only, Alanis Morissette!!!!”

Kuwento ni Ice na kabisado ang buong ‘Jagged Little Pill’ album, “Super excited ako kasi idol ko siya. Bata pa lang ako, super fan na ako.”

Ang upcoming show ni Alanis sa Manila ay bahagi ng kanyang tour para i-celebrate ang 25th anniversary ng kanyang album, na tatlong ulit nang na-postpone dahil sa COVID-19 pandemic.

Ang original schedule nito ay April 2020, pero na-move ng December 2021 at muling nalipat ng November 2022.

Tiyak na marami pa rin ang makaaalala sa 90s album na “Jagged Little Pill” (Ranked #69 sa 500 Best Albums of All Time ng Rolling Stone) na kung saan sumikat ang “You Oughta Know,” “Hand in My Pocket,” “Ironic.” “You Learn” at “Head Over Feet”.

Nagwagi rin ang 21-year-old na si Alanis ng limang Grammy Awards, kasama ang Album of the Year, kaya siya lang naman ang pinakabatang performer na nakakuha ng prestigious honor.

Samantala, tonight at 7 pm na ang “Just ICE, The Ice Seguerra Bar Tour Series: First Leg” sa TakeOver Lounge, Xavierville Ave, Loyola Heights, Quezon City.

May live performances din sina Jana Garcia, Hason, Jetcoaster at Pisara.

***

ALINSUNOD sa layunin ni Pangulong Ferdinand “Bongbong” Marcos Jr. na itaguyod ang media and information literacy sa bansa, inilunsad ng Movie and Television Review and Classification Board (MTRCB) ang Responsableng Panonood (RP) kamakailan sa Trinoma Mall, Quezon City.

Sa kanyang talumpati, sinabi ni MTRCB Chairperson Lala Sotto-Antonio na ang ‘RP Campaign’ ay tugon ng Board sa patuloy na pagbabago at pag-unlad ng media landscape. Hinikayat niya ang bawat Pilipino na isabuhay ang responsableng panonood at responsableng pag-Klik.

Binigyang-diin din niya ang kritikal na papel ng pamilya, lalo na ng mga magulang, sa paghubog ng pagkatao ng batang Pilipino.

“Nais naming bigyang-pansin ang kahalagahan ng paghubog sa karakter ng ating kabataan,” sabi ni Sotto-Antonio.

“Naniniwala kami na ang mabuting asal ay nagsisimula sa ating mga tahanan. Kinikilala natin na ang pamilya ay pundasyon ng ating lipunan at ugat ng ugaling nagpapayaman sa magandang kinabukasan.”

Sinabi rin ni MTRCB Vice Chairperson Njel De Mesa na sa ilalim ng RP campaign ay ang mga iba’t-ibang aktibidades para sa mga miyembro ng pamilyang Pilipino upang magabayan nila ang mga batang manonood sa pagpili ng mga makabuluhang pelikula.

Nagpasalamat din si De Mesa sa mga indibidwal at organisasyon na tumulong sa matagumpay na paglulunsad ng kampanya.

Sa kanyang keynote address, binanggit ni Dr. Lillian “Ali” Gui, isang rehistradong sikolohista, child psychotherapist at MTRCB Board Member, ang mahalagang tungkulin ng mga magulang sa paggabay sa mga bata sa panahon ng digital.

“Huwag nating hayaan ang ating mga anak na maging alipin ng cellphone,” babala ni Gui. “Nasa kamay natin bilang mga magulang ang paghubog sa kinabukasan ng ating mga anak. Hindi sa kamay ng cellphone.”

Dumalo sa okasyon ang ilang key government at non-government institutions gaya ng Department of Education – Schools Division Office Quezon City, National Council for Children’s Television (NCCT), Ayala Malls, Quezon City Federation of Parents and Teachers Association (QCFPTA), at ng mga international partners tulad ng Audio Visual Industry Association (AVIA), Netflix at Warner Bros.

Nagkaroon din ng talakayan ang ilang sektor ng lipunan tungkol sa parenting at media technology. Si Board Member Atty. Gabriela “Gaby” Concepcion ang naging tagapangulo sa panel na kinabilangan nina Dr. Gui, Dr. Arlene Escalante-Eluwa at dating MTRCB Board Members Teresita “Tessie” Villarama at Bobby Andrews.

Tampok din sa programa ang opisyal na pagpapakilala sa mga RP Parent Advocates na binubuo ng mga influencer, artista, at mga pulitiko. Ang mga Parent Advocates ay sina Ciara Sotto, Konsehal ng Quezon City na si Candy Medina, Konsehal ng Pasig na si Angelu de Leon, Joy Sotto, Rosselle Taberna, Jennifer Go, at Tessa Mauricio-Arriola.

Opisyal ding ipinakilala si Klik, ang mascot ng MTRCB. Sinabayan ito ng pag-awit ng jingle na “Iklik Mo Yan” na inawit ni De Mesa at umani ng standing ovation. Ang jingle ay sinulat at nilapatan ng musika nina Board Members Richard Reynoso, Neal Del Rosario at De Mesa.

(ROHN ROMULO)

MARAMING nagulat sa engagement announcement nina Kapuso actress Bea Alonzo at boyfriend Dominic Roque, dahil kamakailan lamang ay nagsabi si Bea sa kanyang vlog na hindi pa sila magpapakasal ni Dom.  

Pero last Wednesday evening nga ay sabay na nag-post ng proposal ni Dom kay Bea habang nagpi-pictorial ito sa Las Casas:

“07.18.23 Sunset. “It was a balmy afternoon in Las Casas. I was there for a shoot, but little did I know that the next thing that would happen would change our lives forever.

“In the middle of the shoot, Mark Nicdao kept telling me to turn around because he wanted to shoot the back side of my dress.  I found it a bit odd, but when I turned around, I found Dom kneeling with a box in his hand.

“You see, I have done so many proposal scenes in my entire career, but nothing beats the real thing.  I have been doing it all wrong! Hahaha, Dom said his speech, and it’s like time stood still.  Everything went in slow motion.  And I felt different emotions all at the same time – joy, excitement, love.

“I started bawling (swipe to see my ugly cry).  But I didn’t want that moment to end.  I want this real thing to happen forever… and right then there… In front of the people we love…we decided on forever.”

Kasunod noon ang maraming congratulations na natanggap nina Bea at Dom from friends.

                                                            ***

EXCITED na ang mga netizen sa highly anticipated na “GMA Gala 2023” na hinihintay nila kung ano ang mga isusuot na mga naggagandahang outfits ng mga Kapuso stars, lalo na ang mga Kapuso couples, na tiyak na magpapakilig sa pagrampa nila sa red carpet.

Pero siguradong mami-miss ng kanilang mga fans ang mga magka-loveteam na sina Miguel Tanfelix at Ysabel Ortega, dahil umalis na sila last Wednesday, July 19, para mag-attend ng San Diego Comic-Con (SDCC) 2023, ang biggest annual comics convention sa California, USA na gaganapin from July 20 to 23, na naimbitahan ang “Voltes V: Legacy.”

Kasama nilang umalis si Gabby Eigenmann at mga heads for GMA Drama and Director Mark Reyes.

Marami ring nagtatanong kung a-attemd sina Vic Sotto at Jose Manalo na may mga shows sa GMA, at ang mga hosts ng “It’s Showtime,” dahil nakikita na silang isa-isang naggi-guest sa mga shows ng GMA-7, particularly sa “Fast Talk with Boy Abunda.”  Nauna na ngang nag-guest si Anne Curtis, then nag-guest na rin si Amy Perez.

Ilang Kapuso stars na rin ang nag-guest naman sa “It’s Showtime” noong opening day nila last July 1, at nag-promote naman si Asia’s Limitless Star Julie Anne San Jose ng upcoming movie niyang “The Cheating Game” na showing na in cinemas on July 26.

                                                            ***

WISH naman pala ni “It’s Showtime” host Vhong Navarro na mag-guest sa kanilang show si Asia’s Multimedia Star Alden Richards, na hinahangaan daw niya dahil napakabait nito.

Nagpasalamat din si Vhong sa GMA dahil binigyan sila ng bagong tahanan sa GMA Network.  Nagpasalamat din siya sa mga Kapuso na tinanggap sila nang buong-buo.

Natanong si Vhong kung papayag siyang gumawa ng project sa GMA?

“Buong puso ko pong tatanggapin,” sagot ni Vhong.

“Napakaganda ang nangyayari ngayon na nagko-collaborate na ang mga networks para makagawa ng magagandang projects ang kanilang mga artista sa kabilang network.”

(NORA V. CALDERON)

NAIKUWENTO ni Sef Cadayona na pumasok na sa isip niya nitong mga nagdaang mga buwan na mag-quit na siya sa showbiz.

Isa raw ito sa mga dahilan kung bakit hindi na siya sumama sa bagong timeslot ng “Bubble Gang.”

“Actually hindi naman ako nawala, nandito pa rin ako. Kung kailangan niyo po ako nandito pa rin ako. But for me, I think it was my time to graduate and to look into a different side ng buhay ko,” paliwanag ni Sef.

Patungkol ito ni Sef kung bakit hindi na siya nakasama sa bagong timeslot ng “Bubble Gang”.

“Going back months before, actually ayoko nang mag-showbiz. I don’t know. Kung sa damdamin lang, parang hindi ko nakikita na nagsa-shine ulit ‘yung talent ko. In a sense, yes, na hindi showbiz.”

Ayon sa aktor, dumating ang pagkakataon na nagdududa siya sa sarili pagdating sa showbiz.

“Hindi rin po sa hindi stable sa showbiz, more on sa akin po iniisip ko, ‘Okay pa ba ako? Okay pa ba ako dito? Nagagampanan ko pa ba ‘yung role ko?,’” pahayag niya.

Sa kabila ng kaniyang pinagdaanan, nagpasalamat si Sef sa kaniyang GMA bosses, na gumabay sa kaniya para sa kaniyang desisyon na manatili sa industriya.

“Nakita ko po ‘yung pagmamahal nila,” sabi ni Sef.

Gaganap naman ngayon si Sef sa bagong Kapuso series na “Love Before Sunrise” na pinagbibidahan nina Dennis Trillo at Bea Alonzo.

***

SA Hong Kong Disneyland ginawa ni Allen Ansay ang kanyang proposal kay Sofia para maging date niya sa GMA Thanksgiving Gala 2023.

Sa in-upload na video ni Allen sa official YouTube channel nila si Sofia, kinuwento niya ang naging plano niya para maging special ang proposal niya.

“Balak ko sana, mamayang gabi, pag-fireworks sa Disneyland, gusto ko sa kanya mag-propose gamit ito,” sabay pakita ni Allen ang tablet na may words na “Will you be my date in the GMA Gala?”

Kahit na magka-loveteam sila ni Sofia at marami na silang nagawang TV shows, hindi pa rin daw nawawala ang kaba at nerbyos niya lalo na at gagawin niya ang proposal sa harap ng maraming tao.

“Pag nagpalpak ‘to, hindi ko na puwede ulitin kasi maraming makakakita. Kinakabahan ako pero alam kong magagawa ko ‘to nang maayos,” sey ni Allen na nakasuporta sa gagawin niya ang kanyang mommy.

Buong araw nga raw sila namasyal ni Sofia sa Ocean Park at Disneyland hanggang sa sumapit na ang gabi para sa fireworks display.

Noong magsimula na ang pagputok ng mga colorful fireworks sa ere, doon na nilabas ni Allen ang tablet at tinapik niya sa balikat si Sofia para makita ang proposal niya.

Noong mabasa ni Sofia, ngumiti ito at nag-“yes” sabay thumbs up kay Allen.

“Yes mga ka-Team Jolly, successful na naman tayo at napasagot ko siya!” masayang balita ni Allen sa video.

Kaya abangan sa red carpet ng GMA Gala Ball on July 22 ang Team Jolly / AlFia loveteam.

***

AFTER two years, hiwalay na si Ariana Grande sa asawa nitong si Dalton Gomez.

Ayon sa report ng People: “The couple separated earlier this year and have been quietly and lovingly working on their friendship.”

Kasalukuyang nasa London si Ariana at ginagawa ang film adaptation ng musical na ‘Wicked’. Nakita ito sa set na hindi na suot ang kanyang wedding ring.

Last year ay nakitang hindi na suot ni Ariana ang wedding ring sa isang makeup tutorial on Tiktok. Pero pinabulaanan ng singer sa naging usap-usapan noon na hiwalay na sila ni Dalton.

Ang naging rason noon ni Ariana: “I’m just not wearing my wedding ring, it’s getting cleaned. I’m not getting a divorce before you start, don’t.”

Nakapag-celebrate pa sila ni Dalton ng second wedding anniversary nila noong May.

Kinasal noong May 2021 sina Ariana at Dalton sa Montecito, California, with less than 20 people present.

(RUEL J. MENDOZA)