OUR congratulations to GMA Network, Director Mark Reyes at sa buong production staff ng #V5LegacyThe CinematicExperience, dahil hindi na nila kailangang mag-promote na panoorin ang naiibang panonood ng VoltesV: Legacy on the big screen.  

Labis ang pasasalamat ng writer na si Suzette Doctolero at Direk Mark sa mga moviegoers dahil sila na ang nagpo-post sa kani-kanilang social media accounts kung gaano ka-successful ang showing nito sa mga selected SM Cinemas all over the Philippines.

Kahit si @suzidoctolero ay nagtatanong: “curious lang, what was the last local film na nagka-SOLD OUT sa isang sinehan?  This despite screenings of global blockbusters such as JW4 and Super Mario.  Buhay na buhay ang legacy ni Voltes V sa mga Pilipino.”

Yung mga nanood na, pino-post nila ang mga kuha nila sa mahahabang pila sa labas ng sinehan, yung iba, kapag sold-out na ang tickets, lumilipat kung saan sila pwedeng bumili ng tickets sa susunod na screening kahit pa sila maghintay.  Hindi rin sila nagalit kung may sinehan na nagkaroon ng technical issue, nag-sorry ang GMA Network at SM Cinema, at in-assure naman nila na all ticket holders will be accommodated after the glitch was resolved. Naayos naman ito at nagtuluy-tuloy na ang screening.  Yung hindi makakapanood ng movie screening, don’t miss sa May 8, ang world premiere ng “Voltes V: Legacy.” Sa GMA Network, 8:00 PM, after “24 Oras.”

***

MASAYANG-MASAYA si former Miss Universe Philippines and actress Rabiya Mateo sa big break na ibinigay sa kanya ng GMA Network na isinama siya sa murder-mystery drama series na “Royal Blood,” na pagbibidahan ni Kapuso Primetime King Dingdong Dantes.

“Challenging para sa akin ang role sa ‘Royal Blood’ na itinuturing kong big break ko sa acting,” sabi ni Rabiya.  “Matagal ko na rin pong ipinagdarasal ito, kaya lagi akong sumasali sa mga acting workshops bilang paghahanda na rin.”

Si Rabiya ay si Tasha, best friend ng nasirang asawa ni Napoy (Dingdong) na si Kate. Napalapit siya at napamahal sa mag-amang Napoy at daughter nito, secretly in love siya rito, at iyon ang risk, kung masusuklian ba ito ni Napoy.

Biro pa ni Rabiya, ‘babaeng bakla’ raw si Tasha, kalog, very masa, so something na makaka-relate ako.  Tanong ko nga, ‘ako ba talaga ito?” Ibang-iba raw ito sa una niyang ginampanan sa “Agimat ng Agila Season 2” with Sen. Bong Revilla.  Nagsimula na silang mag-taping ni Dingdong ng “Royal Blood” under director Dominic Zapata.

Makakasama nila sa cast sina Megan Young, Dion Ignacio, Mikael Daez, Lianne Valentin, Rhian Ramos, Arthur Solinap, Benjie Paras, Andrew Schimmer, John Feir at si Triso Cruz III.  Magbabalik din muli sa pag-arte dito si Ms. Carmen Soriano.

Malapit na itong mapanood sa GMA Telebabad.

***

SA kabila ng wala pa ring maliwanag na balita ang issue tungkol sa longest-running noontime show na “Eat Bulaga,” tuloy pa rin sila sa pagbibigay-saya sa mga televiewers at sa mga fans na dumarayo pa rin sa studio, Mondays to Saturdays.

Last Saturday ay naiiba ang presentation nila dahil bukod sa grand finals ng dance contest, nag-celebrate din si Vic Sotto ng kanyang birthday at isinabay na niya ang celebration ng debut ng Gregorio Quadruplets, na naging guests nila sa “Bawal Judgmental” segment ng EB.  Napaiyak ang quadruplets ang kanilang ama, nang isa-isang ibigay ni Vic ang mga gifts like cakes, clothings, balloons, cash gifts sa bawat isa sa kanila.

Iba naman ang gift ni former Senator Tito Sotto, tutulungan niyang makapasok ang apat sa isang government university at ang daily expenses nila ay sagot na niya, provided mag-aaral silang mabuti, at kung may bumagsak sa kanila, ay hihinto na sa pag-aaral.

Nangako naman ang apat na susunod sila sa napag-usapan nila sa programa.

(NORA V. CALDERON)

KAPWA magpi-perfom sa ‘Ang Larawan: The Concert’ sina Bea Alonzo at Jericho Rosales. 

Sa May 6 na ito at magaganap ito sa Metropolitan Theater sa Lawton, Manila.

On Instagram, nag-share sina Echo at Bea ng kanilang excitement na makakatrabaho nila ang mga veteran theater performers sa ‘Ang Larawan: The Concert.’

“We don’t know why we are here. We are holding scripts and there’s a bunch of guys, singers, actors and that guy on the piano. We are freaked out. We want to die,” caption ni Jericho.

Caption naman ni Bea: “They are the best ones.”

Makakasama nila Bea at Echo sina Karylle, Markki Stroem, Kakai Bautista , Kakki Teodoro, Aicelle Santos, Mitch Valdez and Nonie Buencamino.

‘Ang Larawan: The Concert’ ay kabilang sa culminating activity ng newly-restored Metropolitan Theater’s year-long celebration of The Order of National Artists of the Philippines.

Sina Girlie Rodis and Aaron Velasco of the Metropolitan Theater ang producer with Ryan Cayabyab as the musical director.

Ang Larawan ay naging stage musical noong 1997 na pinagbidahan nina Celeste Legaspi at Zsa Zsa Padilla. Base ito sa 1950 literary play ni Nick Joaquin na A Portrait of the Artist as Filipino.

Ginawa naman itong pelikula noong 2017 at naging official entry sa 43rd Metro Manila Film Festival kunsaan nanalo ito ng limang awards kabilang ang best picture at best actress for Joana Ampil.

***

HINDI kataka-takang matawag na Heartthrob ng Sparkle Teens si Antonio Vinzon dahil pang-leading man ang dating niya.

Sa edad na 15, towering height na meron si Antonio na namana niya sa kanyang actor-father na si Roi Vinzon. Si Antonio (Roi Antonio David is real life) ay isa sa pitong anak ng veteran actor. Ang nakakatandang kapatid ni Antonio na si Lala Vinzon ang unang pumasok sa showbiz via The Voice Teens noong 2017 at naging talent ng Sparkle noong 2021. Sumali naman last year si Lala sa Bb. Pilipinas pageant.

Medyo naging emotional si Antonio sa launch ng Sparkle Teens dahil sa pagpayag ng kanyang parents na pasukin niya ang pag-aartista. Gusto raw niyang sundan ang yapak ng kanyang ama na mahusay na kontrbida at action star. Pero sa dating ni Antonio, future leading man ito sa mga teleserye at pelikula.

Pinakita nga raw niya sa kanyang parents na seryoso siya sa pinasok niyang career. Maaga raw siyang magising para um-attend ng workshops. Looking forward daw ito nakagawa ng malalaking teleserye kasama ang ilang kasamahan niya sa Sparkle Teens.

***

NASA market na ang naiwang property ng yumaong si Barbara Walters sa Manhattan, New York.

Ang apartment ni Walters sa Manhattan’s Upper East Side ay binebenta for $19.75 million. Unang binili ng late TV icon ang kanyang luxury apartment noong 1989.

Ayon sa description ng naturang property by Alexa Lambert of Compass: “The home overlooks Central Park and is currently arranged into 2 bedrooms but can be converted into 4. It’s got a ton of other cool features — including a wood-burning fireplace, 10-foot-high ceilings, and nearly floor-to-ceiling windows to enjoy the park views. The primary bedroom suite has a room/office, an expansive closet and beautiful views of the city.”

Noong pumanaw si Walters noong December 30, 2022, walang naiba sa hitsura ng apartment at intact pa rin ang kanyang mga mamahaling furnitures and other collectible art pieces.

Si Walters ang isa sa longest-serving journalists and the first woman to anchor on NBC’s Today show. Inabangan for 25 years ang kanyang year-end special na Barbara Walter’s 10 Most Fascination People on ABC na umere mula 1979 to 2004.

(RUEL J. MENDOZA)