SI Asia’s Limitless Star Julie Anne San Jose ang napiling kumanta ng original Japanese theme song ng “Voltes V: Legacy.”  

Ikinagulat iyon ni Julie Anne at nasabi niyang, “parang wow!” from ‘Maria Clara’ tapes ngayon naman, ‘Voltes V’ siyempre isang malaking karangalan talaga kasi I’m singing it in Japanese, like ‘yung mismong theme song talaga!”

“It’s harder than I thought it would be. Challenge din ulit siya for me kasi nga ibang language itong aaralin ko, tapos wala naman akong masyadong alam sa Japanese language, iba kasi yung twang nila, so I also had to really listen and study it.”

Nagkataon namang fan pala si Julie Anne ng anime series since she was young, kaya talagang na-excite to be a part of the biggest live action series this 2023.

***

MASAYANG humarap sa entertainment press si Senator Bong Revilla, Jr. matapos ang successful operation na kung saan tinanggal ang mga gall bladder stones na siyang naging cause ng sobrang sakit ng kanyang tiyan.

After three days ay na-discharge na siya at pinayuhan lamang ng kanyang doctor na mag-rest for at least three weeks at bawal muna ang strenuous activities.  Tamang-tama naman dahil naka-recess ngayong Holy Week ang Senado. Kasama ni Sen. Bong ang wife niyang si Cong. Lani Mercado-Revilla.

Nagpasalamat si Sen. Bong sa lahat ng mga nagdasal para sa early recovery niya.

Nabalita noon na gagawa muli ng isang serye si Sen. Bong sa GMA Network.

Ayon sa Senador, “naghahanda na kami sa isang action-comedy series na ‘Walang Matigas na Pulis sa Matinik na Misis’ na una naming ginawa movie noon ni Lani.

“Pero secret pa kung sino ang magiging leading lady ko, ang GMA ang mag-a-announce, pero hindi ko pa siya nakatambal.  Magsisimula na kaming mag-taping this end of April or first week of May, dahil by June na ang airing nito.”

Bale advance birthday celebration na rin ni Cong. Lani ang tsikahan dahil she will turn 55 years old sa April 13.

Wish lamang niya ay good health para sa buo niyang pamilya at ang gusto raw lamang niyang gift from Sen. Bong ay ‘quality time.’  Sa Palawan sila magpapalipas ng Holy Week.

***

NAGING busy ang Twitter matapos makabalik na mula sa kanyang Chicago, USA vacation si Kapuso Primetime Princess, Barbie Forteza, na tamang-tama namang natapos na last Sunday, April 2, ang “Lady & Luke” episode ng “Daig Kayo ng Lola Ko” na muli nilang pinagtambalan ni Pambansang Ginoo David Licauco.

Natupad ang wish ng mga #FiLay loveteam nina Barbie at David, na magkaroon agad ng follow-up project ang mga idolo nila.  Katuparan din naman ito ng wish ni David, na sa bagong project na gagawin niya ay si Barbie muli ang makatambal niya.

“I respect Barbie so much, I admire her work ethics and her as a person.  I’m just so excited for this partnership.” Ang binanggit ni David ay ang unang pagtatambal nila ni Barbie sa isang movie na ididirek ni Cathy Camarillo for Pocket Media Productions.

Wala pang sinabing title ng movie, pero sa first day na nagkita sina Barbie at David, nagulat sila na may look-test na sila.  Ayon kay Barbie role daw ng isang matchmaker ang gagampanan niya.  Sa naturang meeting na-meet din ni David ang parents ni Barbie.

This Holy Week ay muling pupunta sina Barbie sa Bohol (with Jak Roberto?) pero si David ay pupunta lamang sa Tagaytay with his family.

(NORA CALDERON)

SI Vilma Santos ang artistang nais makatrabaho ni Brillante Mendoza dahil hindi pa naididirek ng batikang direktor sa kanyang mga pelikula.

Pero ang magandang balita, dahil aktibo na muli si Vilma sa paggawa ng pelikula ay nagkaroon na sila ng pag-uusap para sa isang proyekto.
“Okay na, mag-aayos na kami ngayon,” pahayag ni Brillante.

Kaya maasahan na ng publiko na makapanood ng isang Vilma Santos film na si Brillante ang direktor lalo pa nga at nag-meeting na sila ni Vilma.

May nakahanda na raw siyang materyal para kay Vilma.

Bukod sa Star For All Seasons, nais raw makatrabaho ni Brillante ang ilan sa ating mga new generation stars.

Sina Joshua Garcia at Daniel Padilla ang mga pangalang binanggit ni Brillante.

“Popular sila sa mga Gen Z, e gusto ko naming kahit papaano, ayoko rin namang palaging, ‘pang-matanda ka lang.’

Sa mga babae ay sina Kathryn Bernardo at Nadine Lustre ang choices niya.

Bago nagkaroon ng pandemya at bago nawalan ng prangkisa ang ABS-CBN ay nakapag-meeting na si Brillante sa mga kinauukulan para sana sa mga proyektong gagawin niya para sa ABS-CBN at Star Cinema.

Ano ang naiisip niyang proyekto para kay Joshua o Daniel?

“Yung bagay sa ano niya, pero ayoko siyang gawing over-dramatic, kumbaga tatanggalin mo siya sa kanyang comfort zone na parang…. gusto ko yung bagay sa kanila, hindi ide-deglamorize, hindi ilalayo sa image niya.”

Halimbawa, hinding-hindi niya gagawing isang macho dancer si Joshua sa isang proyekto.

“Oo, huwag mga ganyan kasi parang masyadong, dun sa idea pa lang parang nagpapaka-kontrobersyal ka na. Di ba?

“Parang, kuhanin mo yung tao dahil sa talent niya, di ba? At tsaka dun sa fanbase, dun sa following niya. Di ba hindi naman natin titingnan na, ’Ay marami bang manonood dun pag ginawa natin siyang macho dancer?’

Samantala, entry sa 1st Summer Metro Manila Film Festival ang ‘Apag’ na ipapalabas sa mga sinehan simula April 8 hanggang April.

Gaganap dito si Coco Martin bilang si Rafael Tuazon. Tampok rin sa pelikula si Jaclyn Jose, Gladys Reyes, Mercedes Cabral, at Senator Lito Lapid.

Nasa pelikula rin si Julio Diaz at Ronwaldo Martin, with special participation of Shaina Magdayao, Joseph Marco, Vince Rillon, Mark Lapid, and Ms. Gina Pareño.

Isa pang pelikula ni Brillante na hindi pa ipinapalabas ay ang ‘Pola’ kung saan tampok sina Coco at Julia Montes.

***

SA latest post sa kanyang Facebook account ay ibinahagi ni Ronnie Liang na muli siyang pumapasok sa eskuwelahan.
“Today marks the beginning of an exciting new journey. I have decided to take a leap of faith and enroll in a Doctor of Philosophy program in Development Administration, majoring in Security Development Administration,” umpisang bahagi ng FB status ni Ronnie kalakip ang litrato niya na nasa paaralan.

Kaya sa pamamagitan ng Facebook messenger ay minabuti naming kapanayamin ang actor/singer/host/pilot para sa mga iba pang detalye tungkol sa muli niyang pag-aaral.

Bakit ito ang naisipan niyang kunin na course? Ano work/profession niya kapag natapos na niya ang naturang kurso?
“This is aligned with my Master’s Degree in Management Major in National Security Administration, and I am just preparing for the inevitable.

“I know hindi po ako forever artista, now that while I still have the means to study, I am grabbing the opportunity para kahit ano’ng mangyari if ever in the future may mga other alternatives aside sa pagiging pilot,” pahayag sa amin ni Ronnie.

Sariling desisyon ba niya na muling mag-aral o may nag-impluwensiya sa kanya?

“Yup, my own decision! Before pa noong college pa ako plan ko talaga din mag-Masters Degree then mag-PhD after college. “Pero nakapasok ako sa Pinoy Dream Academy after mag- graduate ng college and sunud-sunod ang schedules, na-delay lang din.

“During the lockdown I took the opportunity na mag-Masters Degree via an online program ng Philippine Christian University, now PhD naman pero blended naman siya, face-to-face & online, depende sa professor and schedules na assigned ng university.”

Nagtapos ng Master’s Degree in Management Major in National Security Administration si Ronnie nitong nakaraang taon doon rin sa eskuwelahang pinapasukan niya ngayon, ang Philippine Christian University.

“I will finish after two years or more, depende din if kaagad matapos ang dissertation namin.

“This is not just another degree but also an investment in my future because I know I will not be a singer and actor forever, so now I am preparing for a career beyond my current profession.

“The road ahead may be long and challenging, but I am ready, excited, and determined to make the most of this opportunity. “As someone who deeply values personal growth and lifelong learning, I know that this will require hard work, dedication, and sacrifice, but it will also transform me in many ways that I cannot even imagine.

“I am excited about this new chapter in my life, and I am eager to see where it takes me.”

(ROMMEL L. GONZALES)

NAPAHANGA ni Maine Mendoza ang netizens sa pagbibigay ng payo sa isang magulang na inaasa ang kanilang pag-ahon sa kahirapan sa kanilang 7-anyos na anak.

Ang payo ng ‘Eat Bulaga’ host sa mga magulang, huwag ipasa ang responsibilidad pinansyal at pagbuti ng buhay sa mga anak na menor de edad.

Iba talaga ang dating kapag nagseryoso na si Maine.

At nito lang, nagseryoso ulit si Maine para magbitiw ng isang mahalaga at nakatatakot na babala sa publiko.

“Hi friends! Di muna ako magpapatawa. Seryoso ‘to,” pambungad na babala ni Maine sa kanyang latest video.

“Mag-SIM Reg para hindi SIM dead, Huwag dedmahin ang deadline para hindi ma-dead ang  SIM ninyo,” say ni Maine.

Panoorin ang buong video rito: https://fb.watch/jFTl8xQg9Z/.

Ang kanyang babala ay ayon sa itinakdang deadline ng Department of Information and Communications Technology (DICT) para i-register ang lahat ng SIM sa bansa hanggang sa deadline na April 26, 2023.

Lahat ng SIM na hindi mare-rehistro ay permanenteng made-deactivate o ang tinatawag na SIM dead, kaya dapat itong iwasan na mangyari.

Dagdag payo at babala ni Maine, “Gusto ba ninyong mag-expire ang inyong mga SIM, dahilan para hindi na makapagbayad ng mga bills online, makapag-online shopping, at ‘di na rin makapasok sa Facebook, Tiktok at Instagram?

“Kaya huwag nang ipagpabukas pa, MAG SIM REG NA PARA HINDI SIM DEAD.”

Malaking hassle talaga ang permanent SIM deactivation o SIM dead dahil mawawala na ang naka-load na balance ng iyong SIM.

Pag SIM dead, hindi na rin makakatanggap o makakapagpadala ng text message, pati na ang One-time Password (OTP) na requirement ngayon sa digital banking,  mobile wallet apps, at iba pang social media apps tulad ng Facebook, Messenger, TikTok, o YouTube. Hindi na rin magagamit ang SIM para tumawag or makatawag, at siyempre di na rin makaka-konek sa Internet.

Tandaan, lahat ng SIM kailangan i-register, mapa Smart, TNT o Smart Bro Pocket at Home WiFi man ito.

Kaya iwasang ma-SIM dead sa pamamagitan ng pag-register ng iyong Smart at TNT SIM ngayon!

Kung ikaw ay Smart Prepaid o TNT subscriber, i-register na ang iyong SIM sa https://www.smart.com.ph/simreg o i-download at mag-register sa GigaLife App. Kung ikaw naman ay Smart Postpaid user, kailangan lang i-confirm ang lahat ng iyong personal information sa iyong postpaid application. Para gawin ito, i-text ang YES sa 5858 at hintayin ang text confirmation.

Pakinggan na ang babala ni Maine, mag-SIM Reg para hindi SIM Dead!

(ROHN ROMULO)