PINASIYANAN at binuksan kamakailan lamang ng Sta. Lucia Land Inc. ang Sta. Lucia Link sa Light Rail Transit Line 2 (LRT2) ng istasyon ng Marikina-Pasig na magbibigay ng direct access sa office spaces at Sta. Lucia East Grand Mall.

Sinabi ni VP Rose Santos ng Sta. Lucia Land na ang pagbubukas ng Sta. Lucia Link ay nagpapakita ng isang magandang partnership sa pagitan ng pamahalaan at pribadong sektor sa pagbibigay ng mas magandang serbisyo sa publiko.

Dumalo rin sa inagurasyon sila Light Rail Transit Authority (LRTA) administrator Hernando Cabrera, Department of Transportation (DOTr) assistant secretary Jorgette Aquino at ibang pang opisyales ng Sta. Lucia Land.

Ang pagbubukas ng link sa LRT 2 ay inaasahang makapagbibigay ng isang ligtas at madaling paraan para sa mga pasahero na pumunta sa nasabing mall.

“The link’s opening further establishes the company’s commitment to creating modern and convenient lifestyle’s options for its customers and the general public. Ensuring convenience and accessibility is a promise that Sta. Lucia Land Inc. takes to heart,’ wika ng Sta. Lucia Land.

Ang istasyon ng LRT 2 Marikina-Pasig ay kasama sa 17-kilometer railway system na may 13 istasyon mula Rizal hanggang Manila na nagbibigay ng serbisyo sa mahigit na 30,000 na pasahero kada araw.

Sa kabilang dako naman, ang Sta. Lucia East Grand Mall ay isa sa mga pioneer sa Pasig-Cainta area sa mga nakalipas ng taon na nagbibigay ng ligtas at magandang shopping experience sa mga residente sa eastern corridor ng metropolis. LASACMAR

DAHIL sa sobrang mahal ng mga bilihin, isinulong sa Kamara ang Wage Recovery Act of 2023 na naglalayong ipatupad ang across the board wage recovery na P150 umento sa arawang sahod ng private sector employees.

Sa House Bill (HB) No. 7871 ni Trade Union Congress of the Philippines (TUCP) Party-list Representative at House Deputy Speaker Raymond Democrito Mendoza, inihirit nito na mabigyan ng P150 umento sa arawang sahod ng mga manggagawa sa pribadong sektor sa buong bansa.

“Workers can no longer afford to wait for the regional wage boards to act. Since late last year, TUCP was already calling on the wage boards to address the steady decline in the real value of wages due to surging inflation but TUCP’s call fell on deaf ears. Unfortunately, it seems that workers will be left with an empty bag as the wage boardsare taking their sweet time in the face of ­increasing hunger,” ayon kay Mendoza.

“The TUCP also ­recommended win-win policy solutions for workers and emplo­yers, such as the provision by employers to their workers of cost-of-living allowances that could be used as a tax credit by the business ­owners, or a one-time, big-time P5,000 subsidy from government for minimum and near-minimum wage earners”, ani Mendoza.

Gayunman, ayon sa solon tinanggihan ng mga economic mana­gers ang nasabing o­psiyon na kung tutuusin niya ay ‘survival crisis’ para sa milyong mga manggagawa  na nagbunsod aniya sa TUCP para ihain ang nasabing panukalang batas.

Binigyang diin ng mambabatas na lubhang kinakailangan na ang pagsasabatas sa umento sa sahod sa pribadong sektor sa gitna na rin ng tumataas na presyo ng pagkain, petrolyo at maging sa bayarin.

MAHIGPIT na ipatutupad ng lokal na pamahalaang Lungsod ng Maynila sa pamamagitan ng Department of Public Service (DPS) ang ang pagbubukod ng mga nabubulok at hindi nabubulok na basura na nakapaloob sa ilalim ng umiiral na R.A. 9003 o ang Ecological Solid Waste Management of 2000.

Ayon kay Kyle Nicole Amurao, Officer-in-Charge (OIC) ng DPS, layon umano nito na maipatupad ang pangarap na magkaroon ng maka-kalikasang komunidad.

Ayon kay Amurao, ang pinakamahalagang misyon ng DPS ay tiyakin na ang kanilang nasasakupan ay gagawin ang tamang pagsasagawa ng pagbubukod ng basura mula sa pinagkukunan nito upang mapakinabangan ang maaari pang magamit sa iba pang paraan.

Aniya, kasama nila sa mahigpit na pagpapatupad ng batas ang Divisoria Power Sweeper na nagsisimula umanong magtrabaho upang linisin ang lugar bago mag-alas-3 ng madaling araw, ang mga Estero Rangers na lumulusong sa 31 estero sa Maynila upang hakutin ang lumulutang na basura at ang Manila Bay Mandaragat at Baseco Beach Warriors na naglilinis ng mga baybaying dagat ng Manila Bay.

“Ang atin pong kagawaran ang siya rin pong nagbibigay-tulong tuwing may hindi inaasahang pangyayari gaya ng kalamidad at sakuna. Kaagapay din po natin mga janitorials, sweepers at utilities sa paglilinis at ang QuickResponse Team na miyembro ng Task Force Against Road Obstruction, na nagsasagawa ng clearing at obstruction operation, mapping at marami pang iba,” ani Amurao.

Pinuri at pinasalamatan naman ni Mayor Honey Lacuna-Pangan ang mga opisyal at kawani ng DPS na aniya ay hindi pa nga sapat ang 24/7 para sa lahat ng ginagampanan ng kagawaran.

“Hindi po birong gawin yan, gaya nga po ng sinabi ko sa Konseho ng Maynila, ang DPS po hindi natutulog, araw-araw po naglilinis sila,

alas-3 pa lang ng madaling araw, nagpapadala na po sila ng larawan sa akin kung papaano nila nililinis ang Divisoria, ‘yung mga Power Street Sweepers natin,” ayon sa alkalde.

“Kung mapapansin nyo, land, water and air ang sakop ng DPS kaya nga sabi ko, hindi birong gawain kaya saludo po ako sa dedikasyon ninyo,” dagdag pa ni Mayor Lacuna-Pangan. (BISHOP JESUS “JEMBA” BASCO)