INIHAYAG na ng Metro Manila Film Festival noong Biyernes ng hapon ang eight official entries para sa first summer edition ngayong Abril.

Nanguna sa mga pelikula para sa Summer Metro Manila Film Festival ang “Apag” ng Center Stage Productions na pinagbibidahan ni Primetime King Coco Martin. Mula ito sa direksyon ni Brillante Mendoza, kasama sina Lito Lapid, Jacklyn Jose, at Gladys Reyes.

Pasok din ang “Unravel: A Swiss Side Love Story” ng Mavx Productions, Inc. na pinagbibidahan ng Kapamilya actor na si Gerald Anderson at Kapuso actress ma Kylie Padilla. Sa direksyon ni RC delos Reyes.

Dalawang comedy movies naman ang napili na maging bahagi ng summer filmfest, ang “Single Bells” nina Alex Gonzaga, Aljur Abrenica at Angeline Quinto, sa direksyon ni Fifth Solomon; at ang “Here Come The Groom” ni Chris Martinez kasama sina Enchong Dee, Kempee de Leon, Awra Briguela, Maris Racal, Xilohuette, at Kalad Karen, na umaasang maginh tagumpay rin tulad ng “Here Comes The Bride.”

Isang musical ang “Kahit Maputi na ang Buhok Ko” – na kung saan tampok ang mga musika ni Rey Valera. Ang pelikula ay idinirek ni Joven Tan at bibida naman sina RK Bagatsing at Meg Imperial, kasama ang all-star cast.
Balik naman sa pagdi-direk si Bela Padilla “Yung Libro sa Napanuod Ko” na mula sa Viva Films. Siya rin ang bida sa pelikula at katambal niya ang South Korean actor na si Yoo Min-gon.

Ang dalawa pang pelikulang kumukumpleto sa walong entries ay ang award-winning sa international filmfest na “About Us But Not About Us” ni Jun Robles Lana na pinagbibidahan nina Romnick Sarmenta at Elijah Canlas; at ang “Love You Long Time” ni JP Habac na pinagbibidahan ni Carlo Aquino, kasama si Eisel Serrano.

Ayon MMFF, 33 pelikula ang isinumite para suriin ng komite at walo nga lang ang puwede nilang piliin. At mukhang maganda ang magiging labanan sa naturang filmfest, na inaasahang kumita ang lahat ng pelikula.

Ang summer festival ay magsisimula Abril 8 hanggang Abril 18 kung saan ang Parade of Stars ay nakatakda sa Abril 1 at Awards Night ay gaganapin muli New Frontier Theater, QC sa Abril 11.

(ROHN ROMULO)

SI Cassy Legaspi na gumanap bilang si Ingrid, na biktima ng sexual harassment ng kanyang male teacher sa ‘Ako Si Ninoy’, ang pelikula ni direk Vince Tañada na mula sa Philstagers Films.

Tinanong namin si Cassy kung ano ang masasabi niya na sa maagang stage ng kanyang career at una niyang pelikula ay sumabak na siya sa paggawa ng isang pelikulang may seryosong tema at masasabing “mabigat” dahil tumatalakay sa kasaysayan ng Pilipinas?

“Well kasi in my career, I’m used to commercial acting, yung cute lang, so you know, quite challenging po, and it’s also my first movie, my first movie ever, tapos musical pa siya, so first musical ko rin.

“It’s also siguro medyo heavy drama yung film, kaya there’s many first in this movie for me, although, yeah it’s challenging but I really had fun coz I know na, iyon nga, like what they say, as an actor you have to level up, so instead of sticking to your usual acting ko na you know, cutesy-cutesy, iyon nga naging seryoso ako sa film na ‘to so I hope na the people will get to appreciate coz I was very, very challenged dito,” seryosong pahayag ni Cassy.

Sa ‘First Yaya’ at sa ‘First Lady’ nabuo ang loveteam nina Cassy at Joaquin Domagoso nguni’t hindi sinasadyang nabuwag na iyon dahil nga isa ng ama si Joaquin ngayon sa partner nitong si Raffa Castro.

Kaya tinanong namin si Cassy kung mas gusto ba niya na may ka-loveteam siya or solo siya?

“Hmmm,” ang tumatawang unang reaksyon ng Sparkle actress sa tanong namin, “actually anything po. I’m very open to doing anything pero sana po for now, I want to get paired with other people or actually mas okay rin po yung solo

“As of right now po, I’m checking for myself kung ano talaga ang gusto kong gawin, what type of roles I’m into so ayun, very open-minded po. Wow,” at muling tumawa si Cassy.

***

BILANG si Nerissa ay isang masunurin na anak ang papel ni Therese Malvar sa ‘Oras De Peligro’.

“Bilang sinabi ng nanay ko na huwag mag-rally, natakot po ako dun at sumusunod po ako dun pero once na na-realize ko at na-realize namin na parang mali yung tumahimik pa, sa huli lalaban po kami,” umpisang kuwento sa amin ni Therese.

Gaganap sa pelikula bilang mga magulang ni Therese sina Cherry Pie Picache bilang si Beatrice at Allen Dizon bilang Dario.

Napadako ang usapan namin ni Therese sa kaibigan niyang si Barbara Miguel na wala na sa pangangalaga ng Sparkle o GMA.

Sa launch ni Barbara at iba pang artists sa ilalim ng Marikit Artist Management ay may nagtanong kay Barbara kung dahil ba kay Therese kaya umalis siya sa management ng GMA at Sparkle.

“Sobrang tawang-tawa po kami. Na, ‘Ha? Paano’ng nangyari iyon?’

“Anyway, ako honestly I’m really happy for her where she is right now, as long as she’s happy, she’s receiving projects that she wants always at talagang naipapakita at nakikita ng mga tao ang galing ng isang Barbara Miguel, happy na po ako doon.

Kung saan man siya.”

Bukod sa magkaibigan ay sina Therese at Barbara ang maituturing na magkakontemporaryo sa showbiz na sa murang edad ay may mga acting awards na.

Pero ayon kay Therese ay hindi niya itinuturing na rival si Barbara.

“I would say, sa sobrang alike po namin hindi ko siya tinitingnan as competitor kundi ano, kapatid talaga na parang ito yung na-receive ko, ikaw may na-receive ka na ikaw lang rin and proud na proud ako dun.”

Mapapanood si Therese ngayong gabi sa ‘Magpakailanman’ pinamagatang Bayad Utang, gaganap siya bilang si Sally at si Jaclyn Jose bilang si Andeng, at sina Dennis Padilla bilang si Monching at si Sparkle male star Larkin Castor bilang si Noy sa direksyon ni Neal del Rosario.

(ROMMEL L. GONZALES)

NA-MISS na pala ni Sanya Lopez ang paggawa ng action projects.  

Matatandaan na matagal ding napanood si Sanya sa epic serye na “Encantadia” na talagang todo-action siya roon, pero pagkatapos ay mga drama series naman ang mga ginawa at nasundann ito ng dalawang seasons ng romantic-comedy series na “First Yaya” at “First Lady” with Gabby Concepcion.

Kaya natuwa siya nang bigyan ulit siya ngayon ng GMA Network ng isang action series, ang “Mga Lihim ni Urduja.”   Natuwa si Sanya na magiging mini-reunion nila ang mega serye nila with  former Encantadia co-stars niya, sina Kylie Padilla at Gabbi Garcia.

Inamin ni Sanya na hindi rin biro ang ginawa niyang paghahanda para sa role niya bilang si Hara Urduja.  “Hindi po biro ang ginawa kong pagwu-workout ko para sa role, need kong magkaroon muli ng abs, tulad noong role ko sa “Encantadia,”  na medyo nahirapan akong ibalik,” kuwento ni Sanya.

“Hindi rin biro na makipag-action scenes ako sa mga kasama ko rito, like kina Kylie, Zoren Legaspi, Jeric Gonzlaes, Vin Abrenica, Kristoffer Martin, Michelle Dee at Arra San Agustin.”

Hindi nga biro ang mga action scenes dito at naikuwento rin ni Vin sa press conference, na naiiba raw ang mga ginawa nila rito, like kahit tagaktak na raw ang pawis nila, hindi pwedeng huminto, kailangang tuluy-tuloy ang eksena.

Kaya simula sa Monday, February 27, humanda na ang netizens sa sunud-sunod na action scenes.

                                                            ***

MABILIS nang sumagot si Rabiya Mateo sa interview sa kanya ni Boy Abunda sa “Fast Talk with Boy Abunda,” the other day tungkol sa pagbabalikan nila ng boyfriend niyang si Jeric Gonzales.

Tinanong kasi siya ni Boy kung kailan sila magpapakasal ni Jeric. Mabilis nga niyang sagot ay ready na siyang magpakasal sa boyfriend, “pero iyon po ay after two years pa at hindi pa naman ngayon na agad-agad,” natatawang sagot ni Rabiya.

Nauna kasi rito ay inamin ni Rabiya na ni-reject niya noon ang marriage proposal ng dati niyang boyfriend na si Neil Salvacion, dahil hindi pa siya ready na mag-settle down dahil marami pa siyang gustong ma-achieve, saka that time ay she’s only 23 years old, kaya nauwi nga sa hiwalayan ang relasyon nila ng boyfriend.

“This time feeling ko, na-fulfill ko na yung pangarap ko for my family.  May nabili na akong bahay for Mama at sa kapatid ko, nabigyan ko na sila ng savings, nakapag-ipon na po ako.  Kaya siguro, after two years pa ready na talaga akong mag-asawa.”

Naging masaya ang interview ni Boy kay Rabiya dahil habang nag-uusap sila, ipina-flash sa screen si Jeric kaya natatawa siya.

                                                            ***

MATUTULOY na nga ba ang paglipat ni Matteo Guidicelli sa GMA Network?

Ayon sa balita, sa morning show na “Unang Hirit” mapapanood si Matteo bilang men’s health and fitness correspondent.  Bagay na bagay nga raw iyon kay Matteo dahil hindi lingid sa kaalaman ng lahat na isang health buff ang 32-year-old actor.

Kaya ngayon ay marami nang naghihintay kung kailan nga papasok sa “Unang Hirit” si Matteo. Marami ring nagtatanong kung susundan daw ni Sarah Geronimo ang husband niya sa paglipat nito sa Kapuso Network.

(NORA V. CALDERON)

ISA rin si Dave Bornea sa mga hunk actors ng GMA na pinagpapantasyahan sa Instagram, ano ang mensahe niya sa mga nagpapantasya sa kanya?

“Ano lang, gawin niyo lang akong inspirasyon, yun lang naman talaga yung purpose ko e, makapagbigay lang ng inspirasyon sa mga taong nanonood sa akin, e.

“Iyon lang, sana mahawahan kayo ng enerhiya ko, alam mo yun, to inspire you na gawin din yung lifestyle ko, doing some good stuff tsaka the intention is to give some good vibes sa kapwa lang din, gawin niyo rin yun.”

May girlfriend si Dave ngayon.

“Opo meron, non-showbiz, pero mas gusto ko siyang private, pero pag may tinatanong naman sa akin I would say yes, but I just don’t wanna talk about it, kasi mas gusto kong may privacy, e.”

Mas okay ba na non-showbiz ang girlfriend?

“Depende, depende din sa tao yun eh, depende din yun sa connection sa inyong dalawa, hindi naman ako nagbabase dun kung mahirap ba or ano, sa akin lang yung connection lang ng tao, that’s it.”

Huling napanood si Dave sa ‘Apoy Sa Langit’ noong May 2022 at muli siyang mapapanood sa ‘Mga Lihim Ni Urduja’ na kung saan mapapasabak siya sa mga maaksyon na eksena.

Samantala, malaking break para kay Dave ang pagkakasama sa ‘Oras De Peligro’. Ipalalabas ito sa mga sinehan sa March 1 at sa direksyon ni Joel Lamangan, at katapat nito ang ‘Martyr Or Murderer’.

Hiningan namin si Dave ng reaksyon tungkol dito.

“Actually, wala po ako talagang idea e, outdated nga ako sa mga nangyayari kasi medyo lay-low muna ako sa social media, so more on nag-a-upload lang ako, pero outdated ako sa mga nangyayari sa social media.

“Kung meron mang ganun, if they produced that movie, e di good for them, ganun, basta sa amin this film is our truth, so iyon.”

Kuwento naman niya tungkol sa movie, “Ako po dito si Jimmy, anak nina Beatrice (Cherry Pie Picache) tsaka ni Dario (Allen Dizon), kami yung pamilya na naka-experience ng police power tripping.”

Ito so far masasabi ni Dave na pinakamabigat na role sa buo niyang acting career.

Kamusta naman working with Cherry Pie?

“Sobrang ano po, sobrang magaan, sobrang jolly, sobrang nakakatuwa.”

Hindi siya nahirapan sa mga eksena nila ng beteranang aktres?

“Nung una medyo na-intimidate ako, kasi nga it’s my first time working with her, pero iyon nga, hindi ko naramdaman sa kanya na kailangan akong ma-intimidate, kasi nga sobrang open niya. I mean, feel na feel ko na nanay ko talaga siya.”

Si Allen ay isa ring magaling na aktor.

“Opo, pero sa eksena kasi na ‘to medyo hindi kami gaanong nagka-eksena ni kuya Allen, kasi nga sa simula pa lang di ba…ayokong mag-spoil,” ang natatawang pambibitin ni Dave.

Bukod kina Dave, Allen at Cherry Pie ay nasa cast rin ng ‘Oras De Peligro’ sina Therese Malvar, Allan Paule, Mae Paner, Timothy Castillo, Alvi Siongco, Crysten Dizon, Jim Pebanco, Nanding Josef, Apollo Abraham, Marcus Madrigal, Rico Barrera, Elora Espano at Gerald Santos.

Mula ito sa Bagong Siklab Productions ni Atty. Howard Calleja, sa panulat nina Bonifacio Ilagan at Eric Ramos.

(ROMMEL L. GONZALES)

PORMAL na ngang ni-launch ang newest beauty brand na Jullien Skin ang kanilang much-awaited rejuvenating set na kung saan ina-assure ang mga Filipino consumers ng healthy and radiant skin without breaking the bank.

Ang Jullien Skin Rejuvenating Set, ay naglalaman ng Kojic cleaning soap, rejuvenating toner,  hydrating sunscreen, at rejuvenating night cream, na kung saan aasahan ang mga gagamit ang clear, protected, and hydrated skin sa loob lang ng 15 to 30 days ng regular na paggamit. Exclusively sold ito sa lahat ng Puregold branches for only P299.

Excited na binahagi ni Jamira Magcale, ang president ng JDM Corporation, distributor ng new skincare brand, ang pagdadala ng Jullien Skin sa Philippine market.

“Everyone wants to feel beautiful in their own skin,” sabi ni Jam.

“We created Jullien Skin para mailabas ang ganda ng bawat Filipino. It is all about offering quality and effective skincare at an affordable price that Filipinos everywhere can enjoy,” dagdag pa niya.

Sa naganap na media launch noong February 22, 2023 sa Scout 1880 Café and Events Venue, Mother Ignacia Avenue cor. Sct. Reyes St., Quezon City., ipinakilala na ng Jullien Skin ang kanilang celebrity endorser, na walang iba kundi ang 21-year-old Tiktoker superstar and actress na si Queenay Mercado na may higit 13 million followers on sa social media, at perfect nga ito to represents the Jullien Skin market that aspires to have beautiful and healthy skin.

Ayon kay Queenay tungkol sa ini-endorsong Jullien Skin Rejuvenating Set, “ang laki po ng impact ng skincare sa aking beauty routine.

“That’s why I’m so grateful for being chosen as an endorser for Jullien Skin. Having skin that feels and looks good on the outside helps me exude self-confidence! That’s the feeling I want to share with everyone who picks up a Jullien Skin Rejuvenating Set.”

Samantala, sobrang aliw talaga si Queenay at tunay na kamahal-mahal, na sobrang abala na talaga sa kanyang showbiz career bukod sa pagiging Tiktoker.

Kaya natanong siya kung may oras pa na magpaligaw kung sakaling may magtangkang manligaw.

“Naku nga, yan nga ho ang panalangin ko!” nakangiting tugon ng dalagang Batangueña, na kinaaliwan nga sa kanyang punto at pagsasalita.

Dagdag pa niya, “Iyan ang dinarasal-dasal ko araw-araw, gabi-gabi. Na sabi ko’y iyan, ‘Inay, diyan muna kayo at ako’y ano muna dine sa isang tabi.’

“Pero may mga naliligaw din ho. May mga sumusulpot na parang kabute, na mamaya ay lulubog-lilitaw.

“May mga ganun ho pero siyempre, hinahayaan ko lang ho dahil alam naman natin na ang pag-ibig ay nandiyan lang.

“At kung ang tunay na pag-ibig ay hahanapin mo, baka tayo ay ma-hopia lang pero siyempre hahanap din tayo at gagawa ng paraan paminsan-minsan.”

Pagbibiro pa niya, “kaya tatakas sa Inay minsan, charot lang!”

At dahil pumatok si Queenay sa kanyang authentic accent, at kasama pa ang kanyang ina sa TikTok. Marami talagang gumaya sa kanya, bagay na ikinatuwa naman niya.

“Actually, natutuwa po ako na may gumagaya sa akin dahil hindi ho ako para ma-insecure or what! Ba’t ako ginagaya?’ Hindi ho!

“I’m very happy dahil siyempre, ang mga Batangueño, aba’y naiaangat natin ang ating mga sarili, ang ating probinsiya.

“Masayang-masaya ho ako dahil nailalabas na nila ang kanilang sarili. Dahil ho kung dati, sila ay nakatago, nakakubli sa kanilang mga sarili, ngayon ay nailalabas na nila ang kanilang sarili.

“Kumbaga hindi na sila nahihiya na ipakita ang punto nating mga Batangueño!”

At sa mga dalagang Batangueña sa TikTok, siya na raw ang tunay nilang Queen.

“Ay kinilig naman ako doon! Maraming-maraming salamat ho pero mga Batangueño, sama-sama tayo at lahat tayo ay gaganda!” sambit pa ni Queenay na ang tagline sa ini-endorse na products, ‘ilabas ang ganda’.

Kaya simulan na ang paggamit ng Jullien Skin Rejuvenating Set at kayo na ang humusga.

(ROHN ROMULO)