2023 February Archive - People's Balita

Archive for February, 2023

Nasaid ang savings at wala ng pangkain: ABDUL, malaki ang pasasalamat sa ginawang pagtulong ni DENNIS

Posted on: February 16th, 2023 by @peoplesbalita No Comments

MARAMI ang hindi nakakaalam, pero malaki pala ang pasasalamat ni Abdul Rahman sa Kapuso actor na si Dennis Trillo.

Kung matatandaan, dumating na sa punto si Abdul during pandemic na na-stroke ang nanay niya, nasaid ang savings niya at talagang humingi na ito ng tulong pinansiyal.

At that time, nagkasama sina Abdul at Dennis sa primetime series na “Legal Wives.”

Kuwento ni Abdul, sa kawalan na raw talaga niya ng pera kahit para sa pangkain niya.

“I assumed, noong nakita po niya ang text ko, siyempre, nag-message po siya, ‘Hi Abdul, how are you? I’m sending this amount…” Isang beses lang po akong nag-ask sa kanya, sa text, it was no’ng nagamit ko na po ang buong savings, pati donation sa mom ko for her hospital bills.

“It was this time na sobrang gipit ako and sabi ko, ‘Kuya Dennis, baka meron po kayong extra diyan, pang-food ko lang po ngayon. Tapos ‘yun po, nagpadala siya, just for me.

“Hanggang ngayon, thankful po ako. Kung wala po siya, I think, hindi ko po kinaya.”

Nakausap namin si Abdul sa Sosyal Place sa Lipa, Batangas kunsaan siya at ang ka-loveteam na si Shayne Sava nag-spend ng Valentine.

Kasabay na rin nito ang grand opening ng Artista Salon kunsaan, silang dalawa ay mga ambassadors.

***

SI Carren Eisteup ang pinakabagong dabarkads at host ng longest running noontime show na “Eat Bulaga” at hindi raw niya inaasahan talaga na siya ang tatanghaling winner ng “Bida Next.”

Sey ni Carren sa kanyang mini-presscon, “Hindi ko po talaga inexpect na ako ang matatawag sa grand finals. Kasi, Eat Bulaga po ‘yon, it’s so famous and ang gagaling din po ng mga kasama ko, pero hindi ko naman po dina-down ang sarili ko. I just kept on going and thankful din po ako sa mga fan ko at supporters ko and to my agency.”

Ang agency na tinutukoy ni Carren ay ang Merlion Entertainment.

Sa edad na 14, masasabing beterano na rin si Carren sa iba’t-ibang singing contest mula pa noong bata siya sa Cebu. Kabilang na rito ang WCOPA (World Championship of Performing Arts) noong 2018 kunsaan, walang gold medal at pitong plake as division champion by singing and playing the piano.

Sumali rin siya sa iba pang singing contest sa TV at maituturing niyang talaga na ang panalo niyang ito sa Bida Next ang magiging breakthrough for her.

Sa ngayon, ang si Carren ang tinatawag na Miley Cyrus ng Pinas na si Carren ay napakaraming talentong kayang i-offer. Mula sa singing, dancing at nagwo-workshop na rin siya sa acting.

Ang EB na ang pinakabonggang workshop niya pagdating naman sa hosting. Kaya ‘di nakapagtatakang malayong pa talaga ang mararating niya.

Sa Manila na siya naka-base ngayon at may bongga rin siyang panimula with her P500,000 cash prize, a brand new Next Gen Ford Ranger plus a million pesos worth of contract with “Eat Bulaga.”

(ROSE GARCIA)

Sa kabila ng nangyaring hiwalayan: SUNSHINE, nagpakatotoo sa pagsasabing mahal pa rin niya ang asawa

Posted on: February 15th, 2023 by @peoplesbalita No Comments

NAGPAKATOTOO lamang si Sunshine Dizon sa pagsasabing mahal pa rin niya ang mister niyang si Timothy Tan sa kabila ng nangyaring hiwalayan nila.

Sa episode ng “Fast Talk with Boy Abunda” nitong Lunes, sinagot ni Sunshine ang mga tanong tungkol sa hiwalayan nila ni Timothy, at kung mahal pa niya ito.

“To be honest, I think the hanggang ngayon ‘di naman mawawala,” saad niya.

“But it’s a different kind of love now. It’s a love out of respect that he gave me two beautiful children, and I wouldn’t have them if not for him.”

Tinanong ni Tito Boy kung napatawad na ba niya ang kaniyang dating mister.

“Oo, kasi nakikita ko kung gaano siya kahusay na ama sa mga anak niya,” sabi ni Sunshine.

“Hindi, kasi may mga bagay pa rin na, to be honest, I was not able to process the pain when it happened. And I’m just learning to process all the pain right now.”

“I’m the type of person who probably can forgive, but I will never, ever forget,” patuloy ng aktres.

Ikinuwento rin ni Sunshine ang sitwasyon ng kanilang pagsasama para sa kanilang mga anak.

“Lumuhod ng asawa ko. Mamamatay daw siya na hindi niya kasama ‘yung anak niya so pinagbigyan ko,” saad ni Sunshine.

“I swallowed my pride because I wanted my kids to see that no matter what, nagkamali man ang tatay nila, pamilya pa rin kami.”

Ayon kay Sunshine, edad tatlo at apat pa lang noon ang anak nila na sina Anton at Doreen.

Sabi pa ng aktres, pinili niyang ituon ang kaniyang atensyon noon sa trabaho at maka-survive matapos ang pakikipaghiwalay kay Tom. Pero nagsimula raw niyang iproseso ang kaniyang damdamin nang magkaroon ng pandemic.

“Tim was my best friend. He was my confidante. He was my partner. And then, I just woke up one day and he was totally a different person. And that really hurts,” aniya.

“I was not able to deal with it properly. Ngayon lang bumabalik lahat na parang, ah, dapat pala di ako nag-refuse ng therapy noon. Dapat pala I dealt with it properly at the time when I had to,” patuloy niya.

Noong nakaraang taon, sinabi ni Sunshine na na-diagnose siya na may post-traumatic stress disorder (PTSD), depression, panic attacks, at abandonment issues.

Pag-amin ng aktres, hanggang tinatanong pa niya ang sarili, “Where… saan ako nagkulang?”

Enero noong 2016, nang maghain si Sunshine ng reklamong Violence Against Women and Children and Concubinage laban kay Timothy, at umano’y third party sa kanilang relasyon. Iniurong niya ang reklamo makatapos ang isang taon.

Nagbabalik-Kapuso si Sunshine para sa upcoming series na “Mga Lihim ni Urduja.”

***

PINURI ni Johnny Manahan, na mas kilala bilang si Mr. M, ang ilang Sparkle artists dahil sa kanilang looks at talent.

Ilan dito ay sina Julie Anne San Jose, Barbie Forteza, at Sanya Lopez. Nagpahayag din si Mr. M ng kanyang obserbasyon sa ilang artistang pinangalanan ni Alden Richards sa kanyang interview sa Sparkle GMA Artist Center YouTube channel.

Saad ng kilalang starmaker, “I love Julie, so wala akong mapintas. Gusto ko ‘yung beauty niya, talagang Pilipina.”

Si Sanya rin ay nakatanggap ng papuri dahil sa kanyang Pinay beauty. Ani Mr. M, “I love Sanya, ‘yung pagka-Filipina beauty niya.”

Isang rebelasyon naman kay Mr. M ang husay ni Barbie sa pag-arte.

“Barbie is a revelation for me. Dati akala ko ganoon lang siya, sayaw sayaw. Pero noong nagsimula ‘yung Maria Clara [at Ibarra], what a revelation. Ang galing na artista. I’m faling in love with her, the way she looks, sakto siya doon sa period e. Ang galing, parang Maricel Soriano.”

Ayon kay Mr. M, wala na siyang maipapayo pa para kay Gabbi Garcia, “I like her, parang wala akong mapintasan, ano ba ang dapat sabihin sa kanya?”

Ang payo naman ni Mr. M para kay Khalil ay magkaroon sana ng mas rough na appearance. Ani Mr. M, “Khalil has to have a rougher exterior, masyadong baby face e. Some people don’t take him seriously because of his baby face but he’s a very good actor e.”

Nagbigay rin ng opinyon si Mr. M tungkol kina Ruru Madrid at Bianca Umali. Kuwento ni Mr. M kay Alden, “Ruru just needs some, a little control, pero makukuha niya ‘yan. With Bianca, it’s hard to criticize her wala ka nang kailangan e. You don’t need e, eto na ‘yan e.”

Pag-concentrate naman ang naging payo ni Mr. M para kay Heart Evangelista.

Saad ni Mr. M, “Matagal na kami magkakilala ni Heart. Malalaman mo rin one day what you want, and you’ll get it. I think she has to just concentrate on her work and just put the other things aside for a while.”

Payo ni Mr. M kay Derrick Monasterio, “I like him…Control din, pero makukuha niya ‘yun.”

Samantala kina Ysabel Ortega at Miguel Tanfelix, ang payo ni Mr. M ay “A young star. ‘pag ganyan ang artista, you just let her go, let her play and she’ll find out for herself. Miguel I think will make a very fine actor. As he grows, as he works, magiging Alden Richards ‘yan.”

Hindi pa masyadong nakakasama ni Mr. M si Ken Chan pero nais niyang mas makilala pa sana ang aktor.

“He seems like a very controlled artist. Ken is very charming and looks like a very nice guy. I hope I get to know him better.”

(ROMMEL L. GONZALES)

MOA sa pagitan ng Kamara at Philippine National Red Cross para sa blood donation program, nilagdaan

Posted on: February 15th, 2023 by @peoplesbalita No Comments

NILAGDAAN ng Kamara at at ng Philippine Red Cross (PRC) ang isang Memorandum of Agreement (MOA), para sa pagsasagawa ng mga serye ng mga aktibidad sa donasyon ng dugo, sa mga oras at petsa na mapagkasunduan at pipiliin ng magkabilang panig.

Sa ilalim ng MOA, magkakaroon ng aktibidad para sa blood donation na kaganapan na hindi bababa sa bawat tatlong buwan upang ang mga miyembro ng HRep, ang Secretariat, congressional staff, at mga benepisyaryo na itatalaga ng HRep ay madaling makakuha ng dugo kung kinakailangan sa loog ng isang taon.

Ang PRC ay gagawa ng mga naaangkop na hakbang upang magkaloob at maglaan ng sapat na mga yunit ng dugo sa mga miyembro ng HRep, Secretariat, congressional staff, at mga itinalaga na tatanggap ng HRep sa isusumiting mga kinakailangang dokumento sa kaso ng emergency o karaniwang pangangailangan ng dugo.

Nilagdaan ito nina HRep Secretary-General Reginald Velasco, sa ngalan ng Kapulungan, at PRC Secretary-General Dra. Gwendolyn Pang, sa ngalan ng PRC.

Si House Sergeant-at-Arms (SAA) MGen. Napoleon Taas (Ret.), Ernesto Isla ng PRC Board of Governor, gayundin ang Chapter Administrator ng PRC-Quezon City Janice Meldoy Adolfo, RN, ay lumagda rin bilang mga saksi sa MOA.

Ayon sa MOA, ang HRep ay magsisilbing parehong lokasyon para sa blood donation activities at tagapagbigay ng mga pagkain para sa mga empleyado ng PRC, habang ang PRC ay responsable sa pagbibigay ng mga sumusunod: 1) personnel at equipment para sa blood donation activities; 2) mga suplay, materyales, at kagamitan para sa pagkuha ng dugo; 3) angkop na kagamitan sa pag-iimbak para sa kinuhang dugo; at, 4) pagsasagawa ng mga kinakailangang pamamaraan sa pagsusuri ng mga donor ng dugo.

Isinasaad pa sa MOA na ang HRep ay itatakda ng maaga ang pagsasagawa ng mga donation activities na ito.

Ang MOA ay mananatili sa buong puwersa at bisa sa loob ng isang taon maliban kung bawiin sa nakasulat na pahintulot ng mga sangkot. (Ara Romero)

Ads February 15, 2023

Posted on: February 15th, 2023 by @peoplesbalita No Comments

Pinas, kaisa ng Ukraine sa pahahanap ng kapayapaan

Posted on: February 15th, 2023 by @peoplesbalita No Comments

NAKIISA si President Ferdinand Marcos Jr. kay Ukrainian President Volodymyr Zelenskiy sa hangarin ng huli na “search for peace” sa gitna ng pag-atake ng Russia sa Ukraine.

Ang pangako na ito ni Pangulong Marcos ay nangyari sa isang phone call kay Zelenskiy.

“I had the pleasure of talking to Ukrainian President Volodymyr Zelenskiy yesterday. I told him that we in the Philippines are watching with admiration, the bravery and the nationalism that has been displayed by the Ukrainians during this crisis and that we join in his effort to reach a peaceful resolution to the ongoing conflict in his country,” ayon kayPangulong Marcos sa kanyang tweet, araw ng Martes.

“Mr. President, we are with you in your search for peace,” ang winika ng Pangulo kay Zelenskiy.

Nagpahayag naman ng pasasalamat si Zelenskiy kay Pangulong Marcos “for supporting the sovereignty and territorial integrity of Ukraine.”

Sinabi ni Ukrainian leader na pinag-usapan nila ni Pangulong Marcos ang mas lalo pang palaliminin ang pagtutulungan partikular na sa international platforms.

Sinabi pa ni Pangulong Marcos na wala namang magigng problema sa gobyerno ng Pilipinas na makaugnay si Zelenskiy, at suportado nito ang “any effort toward peace.”

Matatandaang naglunsad ang Russia ng full-scale invasion sa Ukraine noong Pabrero 24, 2022, para kay President Vladimir Putin ito ay iang “special military operation” para “de-Nazify” ang bansa.

Binatikos naman ng maraming bansa kabilang na ang PIlipinas an ginawang pananakop na ito ng Russia sa Ukraine. (Daris Jose)

‘Dear SV’, magsisilbing tribute sa namayapang ama: SAM, inamin na okay pa rin ang relasyon nila ni RHIAN

Posted on: February 15th, 2023 by @peoplesbalita No Comments

WALANG makapagdududa na ang mga magulang ay may mahalagang papel sa pagpapalaki ng kanilang mga anak.

Ito ay ipinamalas kay Congresman Sam Verzoza Jr at sa kanyang mga kapatid.

Ipinagmamalaki ng CEO at co-founder ng Frontrow International ang pagiging junior ng orihinal na SV na si Sam Verzosa, na pumanaw kamakailan. Inilalarawan niya ang kanyang ama bilang isang ‘man of character’.

Ang tinaguriang ‘the boy wonder of Sampaloc (Manila)’, ay nagsimula nga sa wala, nagsumikap at nag-aral hanggang maabot niya ang tinatamasang tagumpay.

Kaya naman ‘di siya nakalilimot sa mga nangangailangan at nagtatag sila ng Frontrow Cares Foundation, ang charity arm ng business empire.

Pahayag ng entrepreneur turned philanthropist, “that’s the legacy of my father, to help the helpless.”

Ang kanyang pinamumunuang ‘Tutok To Win Partylist’ ay nagre-represent ng urban poor sector at ini-aim nito na to advance the welfare of the indigent population na naninirahan sa urban areas.

At bilang miyembro ng 19th Philippine Congress, naka-focus si SV na mag-legislate ng mga bills na makikinabang ang mahihirap.

Kaya naman swak na swak ang offer na mag-host isang public affairs TV program, na agad niyang tinanggap dahil nagustuhan niya ang concept.

“It is really tailored-fit to my advocacy of helping people. And it will be aired on mainstream media platform CNN Philippines.”

Itatampok sa ‘Dear SV’ ang mga nakaka-inspire na kwento ng mga indibidwal at grupo na umaangat sa kahirapan at kapansanan, na nagbibigay-liwanag sa pagbabagong kapangyarihan ng pagkakawanggawa sa pamamagitan ng pagtupad sa mga simpleng kagustuhan ng mga ordinaryong tao na gumagawa ng mga hindi pangkaraniwang bagay.

“‘Dear SV’ serves as my tribute to my father for raising me to where and what I am now,” pahayag niya.

Hindi na nga nahintay ng ama ni Sam na mapanood ang pilot episode ng ‘Dear SV’, bagamat natunghayan nito ang teaser bago pa ito pumanaw.

Eere na ito sa February 18, Saturday, 7:30 p.m. sa CNN Philippines.

Nakangiti pang sambit ni Sam, “I know my dad will be smiling and watching ‘Dear SV’ from heaven.”

Samantala, inamin ng newest public affairs host, na okay na okay ang relasyon nila ng Kapuso actress na si Rhian Ramos, matapos na magkaroon ng isyu last year, na nauwi pa sa pag unfollow nila sa isa’t-isa.

Pag-amin niya, nagbatian sila ng ‘Happy Valentine’s Day’ at nag-uusap, araw-araw. Hindi rin nawala ang girlfriend sa pagbisita sa ama sa ospital hanggang sa wake nito last week.

Kuwento pa ni Sam, “we are here for each other at ang importante nagmamahalan kami at nakasuporta at nandoon para sa isa’t-isa.

“Kung ano man ang label na tawag nyo doon, kayo na ang bahala.”

Kung nagkaroon man sila ng ‘di pagkakaunawaan, ay nagkausap na sila at nagkaayos.

Dagdag pa niya, “mas nakilala namin ang isa’t-isa at nag-mature and now we are trying to be the best of ourselves.”

(ROHN ROMULO)

“THE FLASH” UNVEILS OFFICIAL CHARACTER POSTERS FOR BATMAN, SUPERGIRL

Posted on: February 15th, 2023 by @peoplesbalita No Comments

A day after revealing the first official trailer of “The Flash,” Warner Bros. Pictures has just debuted three character posters for the DC superhero film — those for Batman, Supergirl and The Flash.

Watch their worlds collide only in theaters across the Philippines starting June 14.

[Watch the film’s trailer at https://youtu.be/3DXdHNAR4u8]

About “The Flash”

Warner Bros. Pictures presents “The Flash,” directed by Andy Muschietti (the “IT” films, “Mama”). Ezra Miller reprises their role as Barry Allen in the DC Super Hero’s first-ever standalone feature film.

Worlds collide in “The Flash” when Barry uses his superpowers to travel back in time in order to change the events of the past. But when his attempt to save his family inadvertently alters the future, Barry becomes trapped in a reality in which General Zod has returned, threatening annihilation, and there are no Super Heroes to turn to.

That is, unless Barry can coax a very different Batman out of retirement and rescue an imprisoned Kryptonian… albeit not the one he’s looking for. Ultimately, to save the world that he is in and return to the future that he knows, Barry’s only hope is to race for his life. But will making the ultimate sacrifice be enough to reset the universe?

“The Flash” ensemble also includes rising star Sasha Calle, Michael Shannon (“Bullet Train,” “Batman v Superman: Dawn of Justice”), Ron Livingston (“Loudermilk,” “The Conjuring”), Maribel Verdú (“Elite,” “Y tu mamá también”), Kiersey Clemons (“Zack Snyder’s Justice League,” “Sweetheart”), Antje Traue (“King of Ravens,” “Man of Steel”) and Michael Keaton (“Spider-Man: Homecoming,” “Batman”).

“The Flash” is produced by Barbara Muschietti (the “IT” films, “Mama”) and Michael Disco (“Rampage,” “San Andreas”). The screenplay is by Christina Hodson (“Birds of Prey,” “Bumblebee”), with a screen story by John Francis Daley & Jonathan Goldstein (“Dungeons & Dragons: Honor Among Thieves,” “Spider-Man: Homecoming”) and Joby Harold (“Transformers: Rise of the Beasts,” “Army of the Dead”), based on characters from DC. The executive producers are Toby Emmerich, Walter Hamada, Galen Vaisman and Marianne Jenkins.

Joining director Muschietti behind the camera are director of photography Henry Braham (“Guardians of the Galaxy Vol. 3,” “The Suicide Squad”), production designer Paul Denham Austerberry (“IT Chapter Two,” “The Shape of Water”), editors Jason Ballantine (the “IT” films, “The Great Gatsby”) and Paul Machliss (“The Gentlemen,” “Baby Driver”), and costume designer Alexandra Byrne (“Doctor Strange,” “Guardians of the Galaxy”); the score is by Benjamin Wallfisch (“The Invisible Man,” the “IT” films).

Warner Bros. Pictures presents a Double Dream/a Disco Factory production of an Andy Muschietti film, “The Flash.” It will be distributed worldwide by Warner Bros. Pictures and is set to open in theaters across the Philippines beginning 14 June 2023.

Join the conversation online and use the hashtag #TheFlashMovie

(ROHN ROMULO)

Kapag natuloy na ang paglipat sa GMA: ENRIQUE, balitang si MARIAN ang unang makatatambal

Posted on: February 15th, 2023 by @peoplesbalita No Comments

DUE to insistent public demand, extended na ang historical fantasy portal series na “Maria Clara at Ibarra” ng GMA Network.

“Dinggin ninyo kami #MCIExtend,” pakiusap ng mga netizens and fans ng serye.

Narinig naman ito ng GMA Entertainment Group at ng production team ng serye ang hiling ng mga manonood, kaya sa halip na magtapos na ito this week, nagdagdag pa sila ng ilang episodes na magbibigay-buhay ang kwuento ng pangalawang nobela ni Dr. Jose Rizal, ang “El Filibusterismo.”

“Mas matagal pa nating makakasama ang mga characters nina Crisostomo Ibarra at Maria Clara, at mas makikilala ninyo ang mga karagdagang karakter sa serye tulad ng binatang si Basilio (Khalil Ramos), si Isagani (Kim de Leon), Juli (Pauline Mendoza), Paulita Gomez (Julia Pascual).”

At mas mabibigyan nga ng oras ang pagpapatuloy ng love story nina Klay (Barbie Forteza) at Fidel (David Licauco) na tinawag na FiLay loveteam.

Kaya tuloy pa rin ang pagpanood ninyo dear viewers, ng “Maria Clara at Ibarra” every night, 8PM after ng “24 Oras.”

***

MUKHANG mas magiging ma-intriga ang nalalapit na showing ng “Martyr or Murderer,” ang ikalawang yugto ng “Maid in Malacanang” ng Viva Films, na muling dinirek ni Darryl Yap, sa March 1, 2023.

Bukod sa may mga bagong artista na kasana sa cast, nadagdag pa rito ang pag-amin ni Direk Darryl na may mga natatanggap siyang banta sa kanyang buhay.

Kaya hindi siya nagpakampante at gumawa na siya ng paraan para maiwasan ito. Like, ibinenta na raw niya ang tatlong kotse niya at hindi na rin siya nagpo-post sa social media ng mga pag-aari niya. Lumipat din siya ng bahay para mailigaw kung sinuman ang nagbabanta sa buhay niya.

There was a time daw na may bodyguard siya, pero tinanggal din niya dahil naiilang daw siya na pinagbubuksan pa siya nito ng pinto, kapag bababa siya ng sasakyan.

Sa isang interview ay inamin din ni Direk Darryl na ibang-iba ang personality niya off-camera na hindi alam ng publiko.

“I’m a very simple person, hindi ako masamang tao, I love peace, and I’m a quiet person. I have a black room, so I can’t see the light, kung gusto ko nang magpahinga at matulog.”

Sa ngayon pala, tapos na rin si Direk Darryl mag-cast ng third episode ng movie, at magkakaroon na rin siya ng changes ng mga artistang magsisiganap.

Ayaw nga niyang sabihin kung sino ang bagong gaganap na Mrs. Imelda Marcos. Naka-contract pala si Direk Darryl sa Viva Films na tatapusin niya ang third episode ngayong 2023..

***

TOTOO na kaya ang balitang tuloy na ang paglipat ni Kapamilya actor Enrique Gil sa GMA Network? Matagal na raw usap-usapan iyon ng mga nalulungkot na fans nina Enrique at Liza Soberano na tuluyan na nga raw maghihiwalay ang love team ng dalawang Kapamilya stars.

Dahil nag-decide na si Liza na mag-try ng acting career niya sa US. May nagbalita rin na si Kapuso Primetime Queen Marian Rivera raw ang unang makatatambal ni Enrique kapag lumipat na siya sa GMA.

Kaya tanong din naman ng mga fans ng mag-asawang Dingdong Dantes at Marian, paano raw ang balitang muling magtatambal ang mag-asawa sa isang seryeng gagawin nila sa GMA?

(NORA V. CALDERON)

Maharlika Fund inakyat sa SC, pinadedeklarang unconstitutional

Posted on: February 15th, 2023 by @peoplesbalita No Comments

IPINADEDEKLARANG ‘unconstitutional’ ng Makabayan bloc sa Korte Suprema ang pagsertipika ni Pangulong Ferdinand Marcos Jr., bilang urgent sa panukalang paglikha ng Maharlika Investment Fund (MIF) na naglalayong matugunan ang public emergency o kalamidad sa bansa.

Nitong Lunes ay naghain ng petisyon ang Makabayan bloc sa Korte Suprema na hiniling na ideklarang unconstitutional at walang bisa ang pag-apruba ng Kamara sa huli at pinal na pagbasa sa House Bill (HB) 6608 o ang MIF noong Disyembre 15, 2022.

“The petitioners are not asking for the President to be powerless in the face of public emergencies or calamities. Rather, we are seeking for the exercise of a power that would infringe on the constitutional duties and processes of Congress to be exercised only when a clearly defined emergency or calamity requires the curtailment of these processes”, giit ng mga ito.

Kinukuwestiyon din ng Makabayan bloc kung bakit sinertipikahang urgent ang MIF Bill na tanging para sa Kamara lamang at walang kaparehong sertipikasyon para sa Senado.

“The term “public emergency” or “calamity” was not mentioned in the certification, nor was its existence explained by the House leadership during the deliberation”, ayon pa sa Makabayan bloc. (Daris Jose)

MAG-DYOWA, 2 PA ARESTADO SA BUY-BUST

Posted on: February 15th, 2023 by @peoplesbalita No Comments

TINATAYANG 10 gra,o ng hinihinalang shabu na nagkakahalaga ng P680K halaga ang nasabat Manila Police District (MPD)-Station 5 sa apat na katao sa isinagawang buy bust operation sa Intramuros, Manila Lunes ng gabi.

Kinilala ang mga suspek na si Aldwin dela Cruz, 43; at kasintahan nito na si Monica Orlanda y LLego,26; na naaresto sa kahabaan ng Sta.Lucia St mala;pi sa Real St, Brgy.658,Intramuros, Manila dakong alas 8 kagabi.

Naaresto rin ang dalawa pa niyang kasamahan na sina Robie Caber y Antipala,35 at Maren Reprado y Balawang, 38.

Isang pulis umano ang naging poseur buyer at nakabili ng isang plastic sachet na naglalaman ng pinaniniwalaang shabu habang karagdagang walobng sachet pa ng shabu ang nakumpiska mula sa mga suspek nang sila ay kapkapan.

Sinabi ni Dela Cruz na nadamay lang ang kanyang kasintahan at wala itong alam sa kanyang naging transaksyon.

Napag-alaman na dati na ring nakulong si Dela Cruz dahil din sa kahalintulad na kaso at nakalaya matapos ang tatlong taon.

Ang mga suspek ay kakasuhan ng paglabag na may kinalaman sa illegal na droga at nakatakdang iharap sa inquest proceedings sa Manila Prosecutors Office. GENE ADSUARA