2022 December 27 Archive - People's Balita

Archive for December 27th, 2022

Ilang nagpasiklab sa Batang Pinoy pinarangalan ng Milo

Posted on: December 27th, 2022 by @peoplesbalita No Comments

KINOPO ng City of Baguio ang three-peat overall championship sa katatapos na 13th Philippine Sports Commission-Batang Pinoy 2022 National Championships sa Vigan City, Ilocos Sur.

Sumungkit ng 100 medalya ang Summer Capital, pumangalawa ang Pasig City sa 48 golds at pumangatlo ang Quezon City n 46-ginto .

Bumahagi sa 6-day sportsfest ang mga student athlete mula sa iba’t-ibang kapuluan ng bansa at sinuportahan ng MILO® Philippines.

Nakatakdang parangalan sa MILO® Batang Pursigido Awards ang mga atletang nagpakitang gilas sa Batang Pinoy na sina Adrian Jessie Magbojos ng City of Sta. Rosa (most bemedaled female athlete), Miguel Adrian Carlos ng City of Puerto Princesa (most bemedaled male athlete), City Pangasinan (pinakamalaking delegation), six-year-olds Art Joe Cabatan ng Davao de Oro at Hailey Bolico ng Pasig City (youngest male at female athletes).

Natigil ang Batang Pinoy nang umatake ang Coronavirus Disease-19 noong 2020 at tinuloy ngayong taon ng PSC sa liderato ni chairman Jose Emmanuel Eala. (CARD)

Express delivery nilooban ng armadong mga holdaper, babaeng kawani binaril, sugatan

Posted on: December 27th, 2022 by @peoplesbalita No Comments

MALUBHANG nasugatan ang isang babae matapos barilin ng isa sa mga armadong holdaper na pumasok at nanloob sa bodega ng isang express delivery sa Malabon City, kamakalawa ng gabi.

Kaagad na isinugod sa Manila Central University (MCU) Hospital ang 26-anyos na biktima na nakatalaga sa cash-on-delivery (COD) remittance ng J & T Express matapos magtamo ng tig-isang tama ng bala sa kaliwang braso at kaliwang hita.

Sa ulat na nakarating sa tanggapan ni Malabon Police Chief P/Col. Amante Daro, dakong alas-8:10 ng gabi nang pasukin ng walong kalalakihan na pawang mga armado ng matataas na kalibre ng baril, nakasuot ng vest jacket, bull cap at face mask, ang bodega ng J&T Express sa No. 15-A Industry Road1, Barangay Potrero.

Pinadapa ang mga kawani na kinabibilangan ng limang babae at limang lalaki habang dinis-armahan ang isa sa dalawang security guard na may nakasukbit na service firearm.

Hindi naman nabanggit sa ulat kung bakit binaril ng isa sa mga holdaper ang babaing kawani matapos simulang samsamin ang kanilang mga personal na gamit.

Natangay ng mga holdaper ang hindi pa batid na halaga ng salapi sa bodega ng naturang express delivery, pitong cellular phone ng mga kawani na may kabuuang halagang P75,000, ilang personal na gamit tulad ng handbag na may lamang P500 cash, assorted ATM at ID cards, isang Boss speaker na nagkakahalaga ng P8,000 at ang kalibre .9mm na baril ng guwardiya na may magazine na naglalaman ng pitong bala.

Matapos ang panloloob, kaagad na tumakas ang mga holdaper, sakay ng isang itim na Isuzu MUX na may plakang DAE-8422 patungo sa Victoneta St., Brgy. Potrero na nakita sa nakakabit na close circuit television (CCTV) camera sa lugar.

Nagsagawa naman kaagad ng follow-up operation ang mga tauhan ng Malabon police subalit bigo silang makilala at matugis ang mga holdaper.

Patuloy namang nagsasagawa ng pagsisiyasat sina P/SSgt. Ernie Baroy at P/SSgt. Mardelio Osting, may hawak ng kaso at nakikipag-ugnayan na rin sila sa mga barangay at may-ari ng mga establisimientong may nakakabit na CCTV na maaring makatulong para sa pagkakakilanlan ng mga holdaper. (Richard Mesa)

Drug pusher nalambat sa Caloocan buy bust, P340K shabu, nasamsam

Posted on: December 27th, 2022 by @peoplesbalita No Comments

PINURI ni National Capital Region Police Office (NCRPO) Director P/MGen. Jonnel Estomo ang Caloocan City Police sa kanilang matagumpay na kampanya kontra illegal na droga na nagresulta sa pagkakaaresto sa isa umanong notoryus drug pusher na listed bilang High-Value Individual (HVI) at pagkakakumpiska sa higit P.3 milyon halaga ng shabu.

Kinilala ni Caloocan police chief P/Col. Ruben Lacuesta ang naarestong msuspek bilang si Jovanie Monis alyas “Vanie”, 42 ng Bagong Silang, Brgy 176, ng lungsod.

Sa kanyang report kay Northern Police District (NPD) District Director PBGEN Ponce Rogelio Peñones Jr, sinabi ni Col. Lacuesta na dakong alas-5:40 ng hapon nang magsagawa ang mga operatiba ng Station Drug Enforcement Unit (SDEU) sa pangunguna ni P/Major Dennis Odtuhan, kasama ang 3rd MFC RMFB-NCRPO ng buy bust operation sa Phase 10 B, Kalayaan St, Barangay 176, Bagong Silang matapos ang natanggap na impormasyon hinggil sa talamak na pagbebenta umano ng suspek ng illegal drugs.

Agad sinunggaban ng mga operatiba ang suspek matapos bintahan ng P52,500 halaga ng umano’y shabu ang isang undercover police poseur-buyer.

Nakumpiska sa suspek ang humigi’t kumulang 50 grams ng hinihinalang shabu na may standard drug price Php 340,000.00; at buy bust money na isang tunay na P500 bill at 52 pirasong P1,000 boodle money.

Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Nakaambang taas singil sa tubig posibleng maramdaman na sa pagpasok ng 2023

Posted on: December 27th, 2022 by @peoplesbalita No Comments

BAD NEWS para sa ating mga kababayan ngayong pagpasok ng bagong taon dahil may nakaambang na taas singil sa tubig sa unang buwan ng 2023.

Ayon kay MWSS Chief Regulator Patrick Ty, na ang naturang taas singil ng Maynilad at Manila Water ay para sa pagpapaigting ng kanilang serbisyo tulad ng pagme-maintain ng water sheds at pagsipsip ng mga septic tank kada limang taon.

Ayon naman kay Manila Water Spokesperson Jeric Sevilla na isa sa sample computation nito ay kung kumukunsumo ka ng 20 cubic meters kada buwan at 25 percent sa basic charge na nasa 300 pesos ay may karagdagang 82 pesos sa environmental charge na madadagdag sa inyong water bill.

Samantala ayon naman sa maynilad na mananatili parin sila sa 20 percent na basic charge ngunit magdadagdag naman sila sa basic charge ng kanilang water bill.

Jordan Clarkson, Utah Jazz sintunado vs San Antonio

Posted on: December 27th, 2022 by @peoplesbalita No Comments

2022-2023 (77TH) NBA STANDING

EASTERN CONFERENCE
TEAM W L
1. Boston 24 10
2. Milwaukee 22 11
3. Brooklyn 22 12
4. Cleveland 22 13
5. Philadelphia 20 12
6. New York 18 16
7. Atlanta 17 16
8. Indiana 17 17
9. Miami Heat 17 17
10. Toronto 15 18
11. Chicago 14 19
12. Washington 13 21
13. Orlando 13 21
14. Charlotte 9 25
15. Detroit 8 28

WESTERN CONFERENCE
TEAM W L
1. Denver 21 11
2. New Orleans 21 12
3. Memphis 20 12
4. LA Clippers 20 15
5. Phoenix 19 15
6. Sacramento 17 14
7. Dallas 19 17
8. Dallas 18 16
9. Utah 19 17
10. Golden State 16 18
11. Minnesota 16 18
12. Oklahoma 14 19
13. LA Lakers 13 20
14. San Antonio 11 22
15. Houston 10 23

RESULTS:

Portland 124, Charlotte 113
San Antonio 126, Utah 122
New Orleans 113, Indiana 93
Houston 133, Chicago 118
Miami 113, Minnesota 110
Brooklyn 125, Cleveland 117
LA Clippers 142, DSetroit 131 (OT)

WALANG makaiskor para sa San Antonio sa final minutes, rumesponde si Tre Jones para ipreserba ang 126-122 pambulagang panalo ng Spurs laban sa Utah Jazz sa 77th National Basketball Association 2022-23 regular season game sa AT&T Center nitong Lunes.

Ibinaon ni Jones ang huling dalawang buckets ng Spurs(11-22) at tumapos ng 11 points, 5 rebounds at 5 assists.

Limang Spurs ang umiskor ng double digits sa pangunguna ng 24 ni Devin Vassell na may 8 assists pa. May 21 si Keldon Johnson, sorpresang 20 points kay Malaki Branham off the bench.

Nag-ambag si Jakob Poeltl ng 16 markers, 9 boards.

Naligtasan ng San Antonio ang maangas na laro nina Lauri Markkanen (32 points, 12 rebounds) at Jordan Clarkson (25-7).

Nasa unahan ang Spurs 96-82 pagkatapos ng third quarter, hinigpitan ng Jazz (19-17) ang depensa sa fourth para manatili sa laro.

Nagkasa ng 10-0 run ang Utah para idikit sa apat papasok ng final minute bago ang bail-out baskets ni Jones . (CARD)

DICT balak maglunsad ng 15,000 libreng Wi-Fi sites

Posted on: December 27th, 2022 by @peoplesbalita No Comments

BALAK ng Department of Information and Communications Technology (DICT) na maglunsad ng higit sa 15,000 libreng Wi-Fi sites sa unang kalahati ng 2023.

Iniulat din ng DICT na umabot sa 4,757 lives sites ang na-activate sa ilalim ng Broadband ng Masa (BBM) at Libreng WiFi.

Ang 4,757 live sites ay nasa 17 rehiyon, 75 probinsya at National Capital Region sa ilalim ng digitalization initiative ng gobyerno.

Ito ay karagdagan sa 606 lungsod at munisipalidad na sumailalim sa digitalization.

Iniulat din ng DICT na itinulak nito ang pagpasa ng SIM Card Registration Act, sinusubaybayan ang higit sa 1,000 banta sa cybersecurity, nagsagawa ng mga sesyon sa Data Privacy Act, at naglunsad ng mga programa ng Cybersecurity Awareness.

Inilista rin ng DICT sa year-end report nito ang mga plano at target nito para sa susunod na taon.

Kabilang dito ang mga plano para sa digital na imprastraktura, pagsulong ng pamumuhunan, pati na rin ang mga pagpapabuti sa kahusayan ng burukrasya.

Upang isulong ang mga pamumuhunan, ang Digital Cities Program ay magse-set up ng mga lokasyon ng Information Technology and Business Process Management (IT-BPM) sa 31 lungsod sa 2025 upang makabuo ng mga trabaho sa kanayunan. (Daris Jose)

Legendary golfer Kathy Withworth pumanaw na 83

Posted on: December 27th, 2022 by @peoplesbalita No Comments

Pumanaw na ang legendary golfer na si Kathy Whitworth sa edad 83.

Kinumpirma ito ng Ladies Professional Golf Association ng US ang pagpanaw ng award-winning golfer.

Ayon sa LPGA na bigla na la mang itong nalagutan ng hininga haban nagdiriwang ng kapaskuhan.

Hindi na nagbigay pa ng ibang detalye ang mga kaanak nito kung ano ang sanhi ng kamatayan niya.

Noong 1981 kasi ay siya ang unang babae na kumita ng $1 milyon sa LPGA tour.

Huling professional title nito ay noong 1985.

Nagpaabot naman ng kanilang pakikiramay sa pamamagitan ng kanilang mga social media ang ilang mga kilalang golf players sa mundo. (CARD)

COVID-19 positivity rate sa Metro Manila bumaba pa sa 11.5% – OCTA

Posted on: December 27th, 2022 by @peoplesbalita No Comments

BUMABA pa sa 11.5 percent ang COVID- 19 positivity rate sa Metro Manila pero may bahagyang pagtaas naman sa apat na lalawigan sa Luzon.

Ayon sa OCTA research group na mula sa 13.9 percent noong December 17 ay nakapagtala naman ng pagbaba pa o nasa 11.5 percent ang positivity rate sa NCR nitong December 24.

Nitong December 25, ang rehiyon ay nakapagtala ng 255 bagong kaso ng COVID- 19.

Nagkaroon naman ng pagtaas ang positivity rate sa apat na lalawigan sa Luzon sa Albay, Ilocos Sur, Kalinga at Pampanga.

Ayon kay Dr. Guido David ng OCTA Research, mula sa 23.3 percent ang Albay ay nakapagtala ng pagtaas sa positivity rate na 35.4 percent at sa Ilocos Sur mula 30.6 percent ay naging 44.8 percent.

Ang Kalinga naman ay nakapagtala ng positivity rate na 41.7 percent mula sa 26.2 percent at sa Pampanga na mula sa 12.5 percent ay naging 17 percent ang Covid-19 positivity rate. (Daris Jose)

Brent Paraiso nagbabu na sa Letran Knights

Posted on: December 27th, 2022 by @peoplesbalita No Comments

PAGKALARO sa dalawang magkakaibang collegiate league at makatikim ng gayung dami ng kampeonato, pro rank na ang bet sa papasok na taon ni Brent Paraiso ng bagong koronang 98th National Collegiate Athletic Association 2022 seniors basketball three-peat champion Letran Knights.

Kasapi rin siya ng La Salle Green Archers na namayagpag sa 79th University Athletic Association of the Philippines 2016 men’s hoop at umabot sa 82nd edition 2019 finals sa pagtawid sa Santo Tomas Growling Tigers.

“Siyempre, ‘yan naman ang goal natin mula bata eh, umabot sa PBA (Philippine Basketball Association),” bulalas Lunes ng 6-foot-2 guard na tumawid ng CSJL sa NCAA noong 2020 nang masangkot ang UST sa ‘Sorsogon Bubble.’

Pinantayan niya at mga kasangga ang huling three-straight championship ng Intramuros-based squad na giniyahan ni Avelino ‘Samboy’ lim Jr. noong 1982-84.

“Sobrang saya kasi last year ko na eh, tapos nag-champion pa. Nag-simula ako, nag-champion kami, rookie year ko sa La Salle. Natapos, champion pa rin. Napakasarap sa pakiramdam,” wakas na sey ng basketbolista. (CARD)

Jose Emmanuel Eala, Olivia Coo tuloy lang ang trabaho sa PSC

Posted on: December 27th, 2022 by @peoplesbalita No Comments

TULOY lang ang Philippine Sports Commission kahit kulang pa ng tatlong tao para mabuo ang 5-man Board of Commissioners.

Sina chairman Jose Emmanuel Eala at commissioner Olivia ‘Bong’ Coo pa lang ang nasa Board na mga nagpapatupad ng gawain sa ahensiya ng gobyerno para sa grassroots at elite sports ng bansa.

Kasunod ng pagpuri ni Pangulong Ferdinand ‘Bongbong’ Marcos Jr. sa mga atleta bilang mga bagong bayani, nakita sa last quarter ng taon ng PSC na dapat makipkip ang momentum sa isang bagong chartered sports upang mabalanse ang tagumpay ng elite at grassroots.

Sinimulan ni Eala ang hakbang sa PSC-NSA consultative meeting sa 68 sa 74 na national sports associations sa Philippine International Convention Center noong Oktubre 13. (CARD)