HAPPY ang mga fans ni Kapuso Drama King Dennis Trillo, ngayong balik-trabaho na siya sa bagong naiibang teleserye sa GMA Network, ang “Maria Clara at Ibarra.”

Marami na ang nagtatanong kung ano raw ang naturang serye, kung ito raw ang story nina Maria Clara at Ibarra na mga pangunahing tauhan ng “Noli Me Tangere” na sinulat ng Pambansang Bayani natin, si Dr. Jose Rizal?

Sinasabi lamang ng mga sumusulat ng script na ito raw ay magbibigay ng bagong perspective sa mga nobela ni Dr. Rizal ang upcoming historical portal fantasy ng “Maria Clara at Ibarra.”

Pero paano kaya kung ang isang Gen Z ay mapunta sa mundo ng mga nobela ni Jose Rizal?

Iyon daw ang dapat abangan sa kuwento ng nursing student na si Klay na gustong-gusto nang makaalis ng bansa para magtrabaho. Pero magigising na lamang siya isang araw at matatagpuan ang sarili sa mundo ng Noli Me Tangere.

Makikilala niya rito sina Maria Clara, Ibarra at iba pang characters sa mga nobela na magtuturo sa kanya ng kahalagahan ng kasaysayan, pag-unawa sa kapwa, pagmamahal sa bayan at higit sa lahat ang kapangyarihan ng pag-ibig.

Makakasama dito ni Dennis sina Asia’s Limitless Star Julie Anne San Jose, at Kapuso Primetime Princess Barbie Forteza. Ang “Maria Clara at Ibarra” ay mula sa mga bumuo ng “Encantadia,” “My Husband’s Lover,” “Sahaya” at “Legal Wives.” Ito ang next big cultural offering, na may halong romance at adventure ng Kapuso Network.

***

KAPAG wala palang taping si Carmina Villarroel ng bago niyang GMA Afternoon series na “Abot Kamay na Pangarap”, pinapanood niya ang serye naman ng asawang si Zoren Legaspi.

Ito ang controversial at pinag-uusapang afternoon prime series na “Apoy sa Langit” kasama niya sina Maricel Laxa, Mikee Quintos at Lianne Valentin. Pero minsan daw ay hindi matingnan ni Carmina ang mga eksena nila, lalo na yung mga intense intimate scenes ni Cesar (Zoren) at ng kabit nitong si Stella (Lianne).

“Kilala ko kasing conservative si Zoren, pero nang tanggapin niya ang role, pinag-aralan niya ang character ni Cesar,” kuwento ni Carmina.

“Kaya hindi ako nagtataka kung bakit million views lagi ang nakukuha nila araw-araw, dahil talagang tututukan mo ang bawat eksena, lalo pa at malapit na rin ang finale nila.”

Ang “Apoy sa Langit” ay napapanood Mondays to Saturdays, 2:30pm, after “Eat Bulaga” sa GMA-7.

***

NAGULAT ang mga fans ni Tom Rodriguez, nang muli na siyang mag-post sa Instagram account niya.

Last time na post niya ay last February 24 pa, na nanatiling tahimik si Tom sa issue sa kanila ng wife na si Carla Abellana.

IG post ni Tom noon ay ang movie niya na “The Last Five Years” na isang Vivamax Original movie na pinagtambalan nila ni Meg Imperial. Parang tama-tamang raw kay Tom ang caption niya ng much-anticipated hugot movie na nagtatanong siya ng “Nakilala, nagmahal, nasaktan. Kailan ka huling umiyak dahil sa pag-ibig?”

Maraming nag-welcome back kay Tom sa IG post niyang tumutugtog siya ng piano: “Music has got to be one of the best and free ways I’ve found to self soothe. Not much of a piano player, but it was fun trying to find my own way to play this John Mayer song.”

Bigo naman ang mga fans ni Tom na hindi niya ipinaalam kung narito na siya sa Pilipinas, o nasa sa USA pa rin.

(NORA V. CALDERON)

NANGAKO ang mag-asawang Carmina Villarroel at Zoren Legaspi na hindi nila papanoorin ang mga ginagawa nilang love scenes sa mga kinabibilangan nilang teleserye.

Pero binasag ni Mina ang pangako na ito dahil hindi siya makatiis na panoorin ang mga lampungan na eksena ni Zoren with Lianne Valentin sa teleserye na ‘Apoy Sa Langit’. Nag-sorry naman si Mina bago niya panoorin ang ilang eksena.

Unang reaction ni Mina ay sa pagpakita ng katawan ni Zoren sa swimming pool: “Wow, nag-topless! Na-miss ko tuloy si Tatay. Sa totoo lang, pinaghandaan niya talaga ito. Hindi siya kumakain at talagang nag-diet siya.”

Sa eksena naman na sine-seduce ni Lianne si Zoren, sey ni Mina: “Ito ang dahilan kung bakit hindi ko ito pinapanood. Pero pinapanood n’yo siya sa akin. Oh my God! Nakakalokah!”

Sa nag-viral naman na under the table scene ni Lianne habang kinakapa niya si Zoren, ang sey ni Mina: “Naintriga ako kasi million views agad. Ano ba ang ginagawa sa ilalim ng table? Ay jusko Lord, hindi ako sanay!

“Si Zoren kasi may pagka-conservative. Kaya nagulat ako kung paano siya napapayag. Jusko ko Lord, halikan sila nang halikan! Hindi ko talaga kinaya!”

Mas nag-enjoy panoorin ang nakikipagsuntukan si Zoren sa isang eksena dahil alam niyang miss na ng kanyang mister ang pagiging action star nito dati.

***

MARAMING natuwa sa naging reunion sa Amerika ng dalawang anak ni Vilma Santos sa 1998 film na ‘Bata, Bata… Paano Ka Ginawa?’ na sina Carlo Aquino at Serena Dalrymple.

Gumanap bilang mga anak ng character ni Ate Vi na si Lea Bustamente sina Carlo at Serena bilang sina Ojie at Maya sa pelikula na dinirek ni Chito Rono na hango sa best-selling novel ni Lualhati Bautista.

Kapwa nanalo ng FAMAS, Star, Gawad Urian at Film Academy of the Philippines awards sina Carlo at Serena para sa naturang pelikula.

Bukod sa Bata, Bata…, naging magkapatid din sila sa comedy film series na ‘Ang Tanging Ina’ na pinagbidahan naman ni Ai-Ai delas Alas.

Nagkita sa Amerika sina Carlo at Serena dahil kasama si Carlo sa concert series ng ‘Star Magic na Beyond The Stars’ sa New York, San Francisco at Los Angeles. Nataon naman na nasa US si Serena kaya nagkita sila ni Carlo.

Sa IG ay pinost ni Serena ang photo nila ni Carlo mula sa pelikulang Bata, Bata… at nilagyan niya ng caption na: “Akala mo lang wala, pero meron, meron!” na siyang memorable line ni Carlo sa pelikula.

Si Serena ay engaged na ito sa kanyang boyfriend na si Thomas Bredillet at naka-base sila sa United Kingdom.

***

READY for college na pala ang adopted daughter nila Brad Pitt at Angelina Jolie na si Zahara Marley Jolie-Pitt.

Nakapasok ito sa Spelman College in Atlanta, Georgia. Isa raw itong historical Black college for women.

Pinost ni Angelina ang photo ng kanyang 17-year-old daughter kasama ang isang grupo ng mga kababaihan at nilagyan niya ng caption na: “Zahara with her Spelman sisters! Congratulations to all new students starting this year. A very special place and an honor to have a family member as a new Spelman girl.”

Dumalo si Angelina at Zahara sa isang event ng naturang college para makilala nila ang ibang pamilya. Nagkaroon pa ng Tiktok video si Angelina kasama si Zahara na sumasayaw.

May caption ito na: “Morehouse and Spelman alumni showing Angelina Jolie and her daughter how to hit the electric slide at their event in Los Angeles.”

Inampon ni Angelina si Zahara noong six months pa lang ito mula sa Hawassa, Ethiopia in 2005.

(RUEL J. MENDOZA)

WINNER ang newest brand ambassador ng Beautéderm Corporation ng kung saan nagsimula na ang kanilang month-long 13th anniversary celebration.

Opisyal na ngang ni-launch noong Sabado, August 6, ang social media star na si Zeinab Harake bilang oral care brand ambassador ng Koreisu Family Toothpaste (na may whitening variant din) at Etré Clair (na may antibacterial mouth wash at mouth spray).

Bilang isang certified star na may humigit na 50 million na followers across such platforms gaya ng Facebook, Instagram, TikTok, Twitter, at YouTube, isa si Zeinab sa pinaka-influential na personalidad sa social media ngayon sa pamamagitan ng kanyang mga lifestyle vlogs at challenge na paborito ng mga netizens di lamang dito sa Pilipinas ngunit sa buong mundo na rin.

Bilang isang batang artista, mahalaga para kay Zeinab ang dental at oral health na madalas niyang banggitin sa kanyang vlogs kaya naman swak na swak na siya ang brand ambassador ng Koreisu and Etré Clair.

Say niya, “Para sa akin, kailangan nating alagaan at i-prioritize ang oral hygiene. Palagi kong pinapaalala sa viewers ng aking vlogs na kailangan nating mag-sipilyo tatlong beses sa isang araw.”

Super-happy rin si Zeinab ngayong opisyal na siyang bahagi ng pamilya ng Beautéderm at ka-level na niya ang mga naglalakihang artista. “Malaking karangalan para sa akin na maging bahagi ng pamilya ng Beautéderm. Ramdam ko ang pagmamahal nila nung sinalubong nila ako,” sabi ni Zeinab.

“Grateful ako sa tiwala nila sa akin na i-represent ang Koreisu dahil ibang -iba ito sa lahat ng mga toothpaste na ginamit ko dari. Perfect din ang Etré Clair dahil talaga namang fresh na fresh ang breath ko dito at pinoportektahan pa nito ang aking bibig in an instant.

“I could really feel that my teeth and gums are fully protected with Koreisu and Etré Clair…nasa next level talaga sila.”

Super excited din ang Beautéderm President at CEO na si Rhea Anicoche-Tan na makasama si Zeinab sa lumalaking pamilya nila.

“Very welcome addition si Zeinab sa aming pamilya at siguradong very instrumental siya para maabot naming ang mas bata at mas malakwak na merkado dahil sa kanyang kamangha-manghang platforms,” pahayag ni Ms. Rhea.
“Zeinab is so genuine and sweet. What you see is what you get. Nakikita ko siya bilang isang masayang baby at ang sarap niyang makatrabaho. I am honored to have her as my newest brand ambassador.”

Si Zeinab naman ay ‘di na makapaghintay sa mga one-of-a-kind adventures kasama ang kanyang Beautéderm family.
Para sa karagdagang impormasyon ukol sa Koreisu Family Toothpaste at sa Etré Clair at pati na rin sa mga kapana-panabik na balita tungkol kay Zeinab Harake, sundan ang @beautédermcorporation sa Instagram at @beautédermcorp sa Twitter; i-like ang Beautéderm sa Facebook; at mag-subscribe sa Beautéderm sa YouTube.

(ROHN ROMULO)