2021 July Archive - People's Balita

Archive for July, 2021

BEA, dedma na lang sa nang-iintriga sa paglipat sa Kapuso Network; pinaratangan na nag-inarte lang

Posted on: July 3rd, 2021 by @peoplesbalita No Comments

DONE deal na ang pagiging Kapuso ni Bea Alonzo matapos itong pumirma ng three-year contract sa GMA 7.

Naganap ang contract signing sa isang five star hotel at matapos nito ay nagkaroon ng presscon si Bea via zoom.

Bea expressed excitement sa kanyang pagiging Kapuso. She spent 20 years of her career bilang Kapamilya pero ngayon ay magsisimula siya ng bagong chapter ng kanyang career bilang Kapuso. Sinabi ni Bea na open siya to try mga kakaibang kwento sa paggawa niya ng teleserye sa GMA 7.

May nakahanda ng project for her, which Bea described as a dream project. Pero willing din siya gumawa ng sitcom at magkaroon ng talk show. Lilibot din siya sa iba’t-ibang programa ng Kapuso channel.

Bea revealed na may interview na siya sa Kapuso Mo Jessica Soho na kukunan sa kanyang farm to be aired on Sunday.

Hindi nakaiwas sa intriga ang paglipat ni Bea. May chika na sumama ang loob ng production team ng supposed to be project niya sa Kapamilya Channel dahil nakansela ang project.

Ang claim nila nag-iinarte si Bea at ayaw mag-taping. Yun pala ay lilipat sa GMA. Hindi naman siguro papayag ang ABS-CBN na umalis si Bea sa kanila kung may pending project siya. Pero siyempre may masasaktan talaga pag may umaalis.

Sinabayan talaga ng ibang taga-ABS-CBN nang pag-e-emote sa Twitter ang kanilang pagkadismaya dahil sa ginawang paglipat ni Bea.

Pero need na nilang mag-move since si Bea nag-move on na. Nagpaalam siya kay Sir Carlo Katigbak who gave Bea her blessings.

Masama ba kung gusto magtrabaho ni Bea?

May nag-tweet pa na hindi naman daw naghihirap si Bea dahil may farm naman ito.

Ibig sabihin ba dahil hindi naman naghihirap si Bea, huwag na lang siyang magtrabaho.

Deadma na lang si Bea sa intriga. Mas gusto niya to look on the positive side dahil she is starting a new beginning sa GMA 7.

Bea is looking forward sa movie na gagawin nila ni Alden Richards come September. Nakapag-acting workshop na sila ni Alden with Direk Nuel Naval.

Magbabakasyon muna sa Amerika si Bea at sa kanyang pagbabalik ay malamang mapapanood natin siya appearing various GMA shows.

***

LAKING gulat ni Marco Paulo Gomez nang sabihin sa kanya ni Direk Joel Lamangan na siya ang napili nito na maging the other leading man of Chloe Baretto sa launching film nito titled Silab.

Una agad naisip ni Marco ay baka mahirapan siya sa mga linya dahil hindi siya fluent sa Tagalog. May accent kasi siya dahil lumaki siya sa Austria.

Pero he was assured naman ni Direk Joel na may tiwala siya rito at magagawan ng paraan ang pagta-Tagalog niya.

Alam din niya na maraming sexy and delicate scenes sa movie. Nag-audition si Marco sa Lockdown pero he felt that time na hindi pa siya handa sa men-to-men love scenes.

Pero sa Silab, alam niya na ready na siya.

“It must be the role. Maganda ang kwento. Kakaiba ang movie, lalo na ang ending. Doon ako na-shocked sa ending, starting from the middle. Ang dark ng kwento tapos ang daming twists,” kwento ni Marco.

“At first,wala pang script so ikinuwento sa akin ni Direk Joel ang story, kung ano ang mangyayari, kung ang mga scenes na gagawin ko, daring scenes so nag-workout ako. Tapos nag-diet ako.

“Ang dami ko pang scenes na sa beach so dapat laging naka-topless kasi mainit. Noong dumating ang script, binasa ko araw-araw, hindi lang ang mga lines ko,” kwento ni Marco.

Outside of his Tagalog lines, medyo natakot si Marco sa mga daring scenes. Pero dahil big break niya, he vowed na gagawin niya ang lahat para maging mahusay ang performance niya.

(RICKY CALDERON)

410,000 nawalang trabaho sa bansa nabawi nitong Mayo sa gitna ng pandemya

Posted on: July 3rd, 2021 by @peoplesbalita No Comments

Dumami ang bahagdan ng populasyon na nabawi ang nawala nilang trabaho sa gitna ng COVID-19 pandemic nitong Mayo, ayon sa pinakabagong ulat ng Philippine Statistics Authority.

Nasa 3.73 milyong katao kasi ang naitalang walang trabaho o negosyo nitong Mayo 2021, bagay na mas mababa sa 4.14 milyon noong Abril.

“Ang unemployment rate ay naitala sa 7.7 percent nitong Mayo 2021. Ito ay mas mababa kumpara sa naitala noong Abril 2021 na 8.7 percent,” ayon sa pahayag ng PSA ngayong Huwebes.

Gayunpaman, mas marami pa rin ang walang trabaho ngayon kumpara sa 3.44 milyon na jobless noong Marso.

Ilang mahahalagang numero:

employed o may trabaho/negosyo (44.72 milyon)
employment rate (92.3%)
underemployed o hindi sapat ang trabaho batay sa kakayahan (5.49 milyon)
underemployment rate (12.3%)
nasa “labor force” o na pinagsamang employed at unemployed (48.45 milyon)
bahagi ng labor force na nagtratrabaho ngayon (64.6%)

Mas mataas ngayon ang porsyento ng mga lalaking nasa labor force na may trabaho o negosyo (76.1%), kumpara sa mga babae (52.9%).

“Nitong Mayo 2021, 7.7 percent ng mga kalalakihan na nasa labor force ang walang trabaho o negosyo. Ito’y bahagya lamang mataas sa unemployment rate ng mga kababaihan na nasa 7.6 percent,” patuloy ng PSA.

COVID-19, oras ng trabaho dahilan kaya ‘di makapagtrabaho

Bagama’t employed ang mas marami sa ngayon, may ilang dahilan pa rin kung bakit hindi sila makapagtrabaho o negosyo ngayon. Pangunahin diyan ang:

paiba-ibang oras ng trabaho/nature ng trabaho
ECQ/lockdown/COVID-19 pandemic
dahilang medikal o pangkalusugan
iba pang dahilan
personal o dahilang pampamilya

Nakuha ng PSA ang mga nasabing datos matapos ma-survey ang nasa 34,034 katao 15-anyos pataas sa 11,033 kabahayan nitong Mayo.

Matatandaang marami ang nawalang trabaho at nagsarang establisyamento simula nang manalasa ang COVID-19 sa Pilipinas, dahilan para umabot sa 15-year record high ang unemployment nitong 2020 sa 10.3% na katumbas ng 4.5 milyong Pilipino.

Ayuda sa gitna ng unemployment

Dahil dito, ipinapanawagan sa ngayon ng Kilusang Mayo Uno at iba pang progresibong grupo ang P10,000 ayuda para sa manggagawang Pilipino upang makaagapay sa malaking bilang ng walang trabaho sa ngayon. Wala pa namang panibagong ayudang ibinibigay ang gobyerno sa ngayon.

Martes lang nang sabihin ni House Deputy Minority leader at Bayan Muna Rep. Carlos Isagani Zarate na “tinutulugan” ni Pangulong Rodrigo Duterte ang Bayanihan 3, na magagamit daw sana para makapagdala ng kinakailangang ayuda para sa mahihirap sa ngayon.

“As earlier exposed by Anakpawis partylist, the Duterte administration is spending USD$2.43 billion or P118 billion arms deal with the US, yet, it continues to turn a deaf ear on the funding needs for the Bayanihan 3,” ani Zarate.

“If this P118 billion is instead used to fund the Bayanihan 3, then more Filipinos would benefit from it. This amount is already around 30% of the ayuda packages of Bayanihan 3 and would even go a long way in boosting our economy.”

Ayon sa militanteng mambabatas, kung matalinong gagamitin ang P118 bilyon, kakayanin nang pondohan ang lagpas kalahati ng P216 bilyong kailangan para mabigyan ng P2,000 ayuda ang bawat Pilipino (kahit na anuman ang social status). Kakayanin na rin daw agad maibigay ang P1,000 unang tranche ng cash aid na ito sa lahat ng mga Pinoy.

JOHN LLOYD, nilinaw na matagal na silang magkaibigan ni KATRINA, wish ng fans na magka-serye sila ni BEA sa GMA

Posted on: July 3rd, 2021 by @peoplesbalita No Comments

NILINAW na ni John Lloyd Cruz, na friends lamang sila ni Kapuso actress Katrina Halili.

Matagal na raw silang magkaibigan and in fact, dahil may real estate investments si Katrina sa El Nido Palawan, malamang na ang actress ang tumulong kay Lloydie, para makabili siya ng property doon.

Still on John Lloyd. Last Thursday, July 1, ay pumirma na ng contract si Bea Alonzo sa GMA Network, kaya masaya ang mga fans nila, na miss na miss na nila ang kanilang mga idolo, dahil matagal-tagal na rin nang huli silang magtambal sa ABS-CBN.

Kasunod na rin ba ni Bea na pipirma si Lloydie sa GMA? Matatandaan na nakausap na ni Atty. Annette Gozon-Valdes si Lloydie kamakailan, kasama ng actor si director Bobot Mortiz.

Wala pa namang inilalabas na report kung may napagkasunduan na sila sa pag-uusap nila. Wala pa rin namang sinabi kung ano ang unang project na gagawin ni Bea sa GMA, pero ngayon pa lang, ang request ng mga fans nila ay isa raw sanang teleserye ang unang pagtambalan nina Lloydie at Bea sa GMA.

Dapat ay may gagawing movie sina Bea at Lloydie sa Star Cinema with Director Cathy Garcia Molina. At may gagawin namang movie si Bea with Asia’s Multimedia Media Star Alden Richards for Viva Films, GMA PIctures and APT Entertainment, alin kaya ang mauunang gawin ni Bea?

Abangan!

***

NAKATUTUWA si Ms. Dina Bonnevie na hindi niya ikinaila na gustung-gusto niya ang dimples ng co-star niyang si Alden Richards, na first time niyang nakatrabaho sa The World Between Us.

“Mahusay na actor si Alden, hindi siya takot mag-explore sa character na ginagampanan niya,” kuwento ni Dina.

“Like sa aming serye, iba ang character na gagampanan niya, at inamin niya na first time niya itong gagawin, so hindi lamang ito just a love story, naiiba ang mga characters na ginagampanan namin.

Makakasama rin nina Dina at Alden sa The World Between Us sa mga naiibang role sina Tom Rodriguez. Jasmine Curtis-Smith, Ms. Jaclyn Jose, Kelly Day, with the special participation of Glydel Mercado, under the direction of Dominic Zapata.

“Kaya sana you will not miss our primetime series starting on Monday, July 5, after ‘24 Oras’ sa GMA-7.”

***

SIMULA bukas, July 4, ang isang zestful and youthful nights sa GMA Network sa pamamagitan ng Gen Z comedy-gag-variety show ng FLEX, with promising and talented stars – Mavy Legaspi, Lexi Gonzales, Joaquin Domagoso, and Althea Ablan – dubbed as the FLEX Leaders.

Ang iba pa nilang makakasama ay ng mga Kapuso stars na sina Will Ashley, Elijah Alejo, Ysabel Ortega, Allen Ansay, Jamir Zabarte, Dani Porter, Dave Duque, at Kim de Leon sa pilot month, mapapanood tuwing Linggo, 8:20PM sa GTV.

(NORA CALDERON)

Taal volcano, itinaas sa alert level 3 ng Phivolcs

Posted on: July 3rd, 2021 by @peoplesbalita No Comments

Itinaas ng Philippine Institute of Volcanology and Siesmology (Phivolcs) sa alert level 3 ang Taal volcano, nitong Huwebes ng hapon.

Nangyayari ito isang araw matapos kumpirmahin ng Phivolcs na “sulfur dioxide” mula Taal ang dahilan sa likod ng volcanic smog (vog) na nagpapalabo sa kapaligiran at hangin ng Metro Manila.

“This serves as notice for the raising of the alert status of Taal from Alert Level 2 (increasing unrest) to Alert Level 3 (magmatic unrest). At 1516H (3:16 PM) PST, Taal Volcano Main Crater generated a short-lived dark phreatomagmatic plume 1 kilometer-high with no accompanying volcanic earthquake,” wika ng state volcanologists, Huwebes.

“This means that there is magmatic intrusion at the Main Crater that may further drive succeeding eruptions.”

Nangangahulugan ito na may “magmatic unrest” sa nasabing bulkan.

Pasado alas-3:00 ng hapon nang mamataan ang “phreatomagmatic eruption.”

Kaugnay nito, inirekomenda ng Phivolcs ang paglilikas ng mga nasa Taal Volcano Island, Taal Lake, Agoncillo, Batangas (Banyaga, Bilibinwang), at Laurel, Batangas (Gulod, Boso-Boso, Lakeshore Bugaan West).

Tiniyak naman ng mga tauhan ng militar at pulisya na nakahanda silang umalalay sa paglikas ng mga residente, kung kinakailangan.

Dahil dito, mariing inirerekomenda ng Phivolcs ang agarang evacuation ng mga residente mula sa Agoncillo at Laurel, Batangas dahil sa banta ng “pyroclastic density currents” at volcanic tsunami.”

“So far, inalis na po previously ang mga community sa volcano island. We are coordinating with Phivolcs po and the RDRRMC CALABARZON for developments,” wika ni Mark Timbal, spokesperson ng NDRRMC kanina.

Tinitiyak pa naman ngayon nina Timbal kung gumugulong na sa ngayon ang mga evacuation.

Ipinaalala naman ngayon sa publiko na Permanent Danger Zone ang kabuuang Taal Volcano Island. Pinagbabawalan din ngayon ang pagpasok ngayon sa high-risk areas gaya ng dalawang lugar na nabanggit sa itaas.

“In addition, communities around the Taal Lake shore are advised to take precautionary measures and be vigilant of possible lakewater disturbances related to the ongoing unrest,” patuloy ng Phivolcs.

Ngayong Alert Level 3 ang Bulkang Taal, posible na ang “hazardous eruption” nito sa loob ng ilang araw o linggo.

Huling beses na umabot sa Alert Level 4 ang bulkan ay noong Enero 2020, kung saan libu-libo ang lumikas. Umabot din hanggang sa Kamaynilaan ang peligrosong ashfall ng naturang volcano. (Daris Jose)

MMDA, IBALIK ang CODING o TULUYAN NANG ALISIN?

Posted on: July 3rd, 2021 by @peoplesbalita No Comments

Pinagaaralan diumano ng MMDA na ibalik na ang coding sa Metro Manila matapos na isuspinde ito dahil sa pandemya. Kung paniniwalaan ang Presidente na na-solve na raw ang traffic sa EDSA e bakit nga ba ibabalik pa!

Ang coding ay bahagi nang ipinatupad ng MMDA na Unified Vehicular Volume Reduction Program. Kamakailan lang ay kinatigan ng Korte Suprema ang kapangyarihan ng MMDA na magpatupad ng coding scheme sa ilalim ng MMDA Res. 10-16 at MC 8 series 2010 dahil nakapaloob ito sa rule making powers ng MMDA sa pag-re-regulate ng traffic sa Metro Manila.

Kung ganun ay nasa kapangyarihan din ng MMDA na tuluyan nang hindi ipatupad ito. Bakit ba nagkaroon ng coding? Simpleng sagot – dahil kailangan bawasan ang sasakyan sa lansangan para lumuwag ang traffic. Marami ng variations ang coding at may ilang mga panukala rin kung paano ipapatupad ito. Pero ang mahalagang tanong: nabawasan ba ang sasakyan sa lansangan dahil sa coding? Lumuwag ba ang traffic dahil dito? Ayon sa TOMTOM Intl B.V. base sa Amsterdam ay pang apat ang Metro Manila sa may pinakamatinding traffic congestion sa mundo kahit sa panahon ng lockdown.

Ang congestion level ay 53% na ang ibig sabihin ay, sa thirty minutes trip mas tatagal ang byahe ng 53% sa baseline na uncongested. At ano ang epekto sa ekonomiya ayon sa JICA? Ang economic cost ng traffic ay P3.5 billion pesos isang araw. Sa mga ayaw sa coding sinasabi nila na mas dumami pa ang sasakyan mula ng ipatupad ito dahil bumili lamang ng second or third car ang mga motorista at pinarehistro ng ibang ending number.

So, wala ring epekto ang coding dahil gumamit lang ng ibang sasakyan ang mga motorista tuwing coding day nila. Mas tumaas ang benta ng sasakyan sa panahon na pinairal ang coding. Bagamat maraming bagong daan na naipagawa sa ilalim ng build, build, build program ng pamahalaan ay hindi makahabol ang “road space” sa dami ng sasakyan.

Ang panawagan naman ng mga eksperto ay huwag isama sa coding ang public transport para hindi mabawasan ang masasakyan ng mga pasahero ng pampublikong sasakyan dahil para sa kanila ang totoong solusyon ay ang epektibong public transport sa gitna ng traffic problems.

Sinasabi rin na napakagaan bumili ng sasakyan ngayon dahil sa mga zero or low down payment plan na mga marketing strategy para mas makabenta ang mga car dealers. Kaya ang gusto ng marami ay ay magkaroon din ng restrictions sa pagbili ng sasakyan tukad ng “no-garage-no-car-policy” at iba pa.

So sa issue ulit ng coding – napigil ba nito ang pagdami ng sasakyan sa kalye? Hindi. Dahil dumami pa nga.

Ayon ulit sa mga eksperto, na sinasangayunn ng Lawyers for Commuters Safet and Protection (LCSP), ang epektibong pagbabawas ng sasakyan sa kalye ay mangyayari lang kung mas maraming effective na public transport ang available sa mga commuters.

Pero sa hirap naman kumuha ng prangkisa dahil sa katakut-takot na requirements ng LTFRB ay mukhang hindi kaagad matutupad ito. Aminin din natin na mas gusto ng mga motorista na sariling sasakyan ang gamit kaysa makipagsapalaran at makipagagawan sa inefficient na public transport system.

Ang mass transport ay long-term solution sa traffic problem. Pero hanggat kulang pa ang mass transportation, kailangan bang magkaroon ng ulit coding ng mga sasakyan sa pagbalik normal ng mga kalsada galing sa pandemya? (Atty. Ariel Enrile-Inton)

Pagkakawatak-watak ng PDP-Laban pabor sa oposisyon

Posted on: July 3rd, 2021 by @peoplesbalita No Comments

Ang pagkakawatak-watak ng ruling party na PDP-Laban ang makakatulong sa oposisyon sa 2022 national at local elections.

Sinabi ni Senate Minority Leader Franklin Drilon, stalwart ng LIberal Party (LP), inaasahan na niya na patatalsikin si Sen. Manny Pacquiao bilang PDP-Laban president sa darating na national assembly sa Hulyo 17 ng partido.

Ayon pa kay Drilon, maaapektuhan ang kapasidad ng mga tagasuporta ng administrasyong Duterte na gumastos sa mga troll farm at social media.

Aminado naman ang Senador na marami pang dapat gawin ang oposisyon para mapakinaba-ngan ang pagkakataon, isa na rito ang pagkakaron ng iisang kandidato para sa eleksyon 2022.

“It will not harm the opposition to have the split. It will certainly help ‘pag nahati ang administration given all the resources gi-ven all the troll farms, given the social media expense and resources that they have, certainly a split will help the opposition,” ayon pa kay Drilon.

Sa ngayon ay patuloy pa rin ang patutsadahan ng PDP-Laban chairman na si Pangulong Duterte at ang acting party president na si Pacquiao kaugnay sa usapin ng korapsyon. (Bishop Jesus “Jemba” M. Basco)

ANNE, agad na pinakalma ang nag-panic na Kapamilya fans; nag-pitch lang ng pelikula pero ‘di lilipat tulad ni BEA

Posted on: July 3rd, 2021 by @peoplesbalita No Comments

NABULABOG at nag-panic ang solid Kapamilya fans nang lumabas photo na pakikipag-zoom meeting ni Anne Curtis-Smith sa executives ng GMA Films na sina Atty. Annette Gozon-Valdes at Joey Abacan, na halos kasabay ng pagpirma ni Bea Alonzo sa GMA Network.

Say ng isang netizen kay Anne, “please tell us na gma films lang at ka lilipat sa gma.”

Kaya naman agad na nag-tweet si Anne para bigyan linaw ang isyu at magpagaan ng loob ng kanyang mga Kapamilya.

“Hahaha Yes. Kalma. They pitched a film for next year na hindi pa naman sure yet. As always, I need to read the script first before making a decision.

“The last viva x gma film I did was IN YOUR EYES with Ate Claudine & Richard. I was already a Kapamilya then.

“So Kalma Lang!”

Dagdag tweet pa ng host/actress, “And isa pa, babalik pa ako sa It’s Showtime. So kalma lang madlang peeps!!!!”

Reactions naman ng netizens sa twitter post ni Anne:

“marami akong gusto sa abs cbn…bihira din akong manood ng gma kasi mas maraming maganda sa abs…nagtataka lang ako na bakit maraming galit sa gma? inano ba kau ng gma? Hahaha. galit na galit din kau sa artistang lumipat…hahaha…buhay nila yan they have all d right…”

“may mga artista din namang from gma na lumipat sa abs.. kung tingin nyo wala silang utang na loob…problema na nila un…it’s between them and the station…wag kau masyadong paapekto…”

“Dont ever move. Kahit wala na ABS dito samin di parin kami nanonood sa kabila. Im speaking in behalf saming mga taga probinsya. Tingin namin sa gma medyo baduy e. Thats facts”

“Ibang fans dito masyadong entitled sa mga artista. Pake nyo ba kung lumipat bat parang mamamatay kayo sa kakatweet nyo ng hate dyan? You don’t own them, especially the decisions they make for themselves.”

“Ang bitter naman ng iba, as in naman hawak nila mga buhay at sarili ng mga ABS artists. Hahaha Choice nila yan wala kayo magagawa. hindi nman kayo ang nagpapasahod.”

“FYI: nagsimula sa GMA yan si Miss Anne, walang masama kung muli siyang babalik. Work is work. Hindi kayo ang naglalagay ng food sa table nila.”

“Ang chaka nung In Your Eyes, Anne. Don’t make the same mistake again.”

“The ‘In Your Eyes’ film with Richard and Claudine was my favorite movie of yours ate Anne actually. Grabe yung actingan mo dun, nakakadala ng emosyon sobra. Hoping na gumawa ka ulit ng ganong concept ng movie again hihihi!”

“Next Year ABS-CBN will be BACK! and we hope we still see you ANNE as a KAPAMILYA. more concerts ONLINE! we MISS you po. #KapamilyaForever.”

“If we as Kapamilya were able to wait and still have hope and faith with Abs, sana ganun din yung mga artists. Wag na gumaya kay @itsbeaalonzo, let’s just respect her decision baka mas masaya talaga sya sa 200m.”

“i already had 3 heartbreak these past few days! First, @pokwang27 next is when lloydie showed up in one of their shows, then just recently, my beloved bea!!! masakit na maxado para saking solid kapamilya na may mga susunod pa!!! nakakadurog ng puso! i feel bad for all kapamilya.”

“wag sana matulad kay Bea na kunwari Movie project lang daw gagawin niya sa Gma pero ayun lilipat pala talaga.”

“Nako Anne huh.. gmew for past decade wla nmn naproduce na box office hit. So alam m na. Stick to viva nlng.. coz viva knows what’s the best for you.:”

“Kinabahan ako sayo teh! Hahaha. Ireupload ko pa naman yung video ng Just a Stranger interview mo dito sa amin haha.”

“Solid Kapamilya here pero ung timing lang kasi ng d b sumasabay sa paglipat ng isa, kaya di mapigilang mapaisip, what a move lang, ngyn suggestion if susunod kayo, talon na rin basta kami solid kapamilya.”

This is touching and a relief to us Kapamilya fans! i do not know nlng talaga if u’l transfer madedepress talaga ako. i love seeing you in Showtime and cant wait for ur comeback! #KapamilyaForever.”

Magluluksa talaga kami ate Anne! Love you po! We miss you! Kapamilya TogetherAsOne.”

“Haayy.. Buti nalang at natanggal ang tinik sa aking dibdib. Kinabahan ako. Haha.. Stay Kapamilya at huwag masisilaw sa pera.”

“Kaya love na love kita Ann kz hndi mo tlga iniwan ang abscbn miss na kita makita sa itshowtime sana balik ka na.”

“Buti nalang nag tweet ka baka kasi atakihin na sa puso ang mga toxic na fan ng Abs.”

“Thank you miss anne for staying! Nakakataas ng morale ng lahat ng mga kapamilya pag ganito ang mga artist na naiwan sa kapamilya.. Please dont leave the network! This is the time wen they ned u the most.”

“Just End the Rivalry and Hate between 2 Networks … Thats ALL! Happy Tayo Lahat!!!”

(ROHN ROMULO)

Pope sa pagpanaw ni P-Noy: ‘I commend his soul into the hands of God…’

Posted on: July 2nd, 2021 by @peoplesbalita No Comments

Maging si Pope Francis ay nalungkot sa pagpanaw ni dating Pangulong Benigno “Noynoy” Aquino III.

Sa kalatas na ipinadala sa Malacañang, nakikidalamhati ang Santo Papa sa pagpanaw ng dating pangulo ng bansa.

Tiniyak ng 84-year-old pontiff ang pagdarasal para sa namayapang dating pangulo ng bansa.

“Recalling the late president’s service to the nation, I commend his soul into the hands of the all-merciful God. Upon his family and all who mourn his passing, I invoke abundant consolation and peace in the Lord,” saad ng Mahal na Papa.

Taong 2015 nang personal nitong nakasalamuha si Aquino sa ilang araw na pagbisita sa bansa.

Binigyan pa ng 15th Philippine president ang Santo Papa na iskultura ni Mama Mary, habang binigyan naman nito si P-Noy ng “facsimile” ng Nautical Map na attributed kay Bartolome Olivia na bahagi ng Vatican Library collection.

COVID-19 cases sa Metro Manila, bumaba pa sa 9%

Posted on: July 2nd, 2021 by @peoplesbalita No Comments

Bumagsak pa sa siyam na porsiyento ang naitatalang COVID-19 cases sa Metro Manila na kasunod rin nang pagbaba sa ‘healthcare utilization’ sa rehiyon, ayon sa OCTA Research Group.

Sa datos ng OCTA, nakapagtala ng 667 daily cases mula Hunyo 21 hanggang Hunyo 27 na mas mababa sa 731 kasong arawang average mula Hunyo 14 hanggang 20.

Dahil dito, bumaba rin ang ‘average daily attack rate (ADAR) sa 4.83 per 100,000 population. Nagresulta ito na ilagay ang Metro Manla sa ‘moderate-low risk area’.

Nanatili naman ang ‘positivity rate’ sa Metro Manila sa 7 porsyento habang nasa ‘safe levels’ na ang utilization rate ng healthcare facilities.

Nasa 36% ang hospital bed occupancy, 45% ang ICU bed occupancy, at 32% ang mechanical ventilator occupancy.

Tinukoy ng OCTA ang mga lungsod ng Navotas, San Juan at Pateros sa may pinakakaunting ‘daily average cases’ na hindi bababa sa 10 kada araw. Pinakamababa rin ang ADAR ng Navotas.

Mas mababa na rin sa 5 ang ADAR ng mga siyudad ng Caloocan, Marikina, Malabon, Valenzuela, Quezon City, at Manila na mga “moderate-low risk areas” na.

“The other local government units (LGUs) in Metro Manila are considered moderate risk areas, with an ADAR between five and 10 per 100,000”, dagdag pa ng OCTA.

6 arestado sa droga sa Valenzuela

Posted on: July 2nd, 2021 by @peoplesbalita No Comments

Bagsak sa kulungan ang anim na hinihinalang drug personalities kabilang ang dalawang bebot matapos maaresto sa isinagawang magkahiwalay na drug operation ng pulisya sa Valenzuela city.

Sa report ni PCpl Christopher Quiao kay Valenzuela police chief Col. Ramchrisen Haveria Jr, dakong 1:40 ng Miyerkules ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation sa No. 4573 Sampaloc St., Santolan Rd. Gen T De Leon.

Kaagad sinunggaban ng mga operatiba ang kanilang target na si Jaycee Morales, 35, matapos bentahan umano ng P500 halaga ng shabu ang isang pulis na nagpanggap na poseur-buyer.

Kasama ring inaresto ng mga operatiba si Welly Pepito,40, matapos makuhanan ng isang transparent plastic sachet ng hinihinalang shabu.

Nakumpiska sa mga suspek ang tinatayang nasa 5 gramo ng hinihinalang shabu na may Standard Drug Price (SDP) na P34,000.00, buy bust money, P500 cash, 2 cellphones at maliit na silver box.

Samantala, bandang alas-2:30 naman ng Huwebes ng madaling araw nang maaktuhan ng mga operatiba ng SDEU na sumisinghot umano ng shabu sa loob ng isang bahay sa Area 4 Pinalagad, Brgy., Malinta, sina Christopher Garcia, alyas “Tsong”, 47, Rodelio Mamerto alyas “Botchok”, 45, Anne Navarra, 36, at Catherine Sevilla, alyas “Taneng”, 37, sa isinagawang validation ng mga pulis hinggil sa napaulat na pot session sa naturang lugar.

Ani SDEU investigator PSMS Fortunato Candido, nasamsam sa mga suspek ang tinayang nasa 5 gramo ng hinihinalang shabu na may Standard Drug Price (SDP) value P34,000, cellphone, P200 cash at ilang drug paraphernalias. (Richard Mesa)