MAAARI nang umangkat at bumili ng Covid-19 vaccines ang mga  private firms kahit pa gaano ito karami.

Sa kanyang Talk To The People, Lunes ng gabi ay ipinag-utos ni Pangulong Rodrigo Roa Duterte  kay Vaccine Czar Secretary Carlito Galvez na lagdaan na ang anuman at lahat ng dokumento  na naglalayong payagan ang  private sector “to import at will.”

” Maski anong gusto nilang amount na ipasok, OK sa akin,” pagtiyak ng Pangulo..

Ayon sa Punong Ehekutibo, maraming  private firms sa bansa ang nais na bumili ng bakuna para sa kanilang mga empleyado.

“You know the reason why? So that the economy can be opened,” aniya pa rin.

Sinabi pa ng Pangulo na pinapayagan niya na  kaagad na makabili ang pribadong sektor ng bakuna.

“There are so many restrictions, and workers come from all places, so it’s doubly hard for government to—alam mo ito, teka muna…mag-prangkahan tayo. Itong dumating na 1.2 million, tamang-tama lang ito sa mga frontliners, sa mga health workers…,” ani Pangulong Duterte na ang tinutukoy ay ang  one million doses ng  Sinovac vaccine na dumating sa bansa kahapon, Marso 29.

Ito naman ang first batch ng bakuna na binayaran ng pamahalaan para kaagad na dumating sa Pilipinas ang mga bakuna.

Nauna rito, nakatanggap ang Pilipinas ng dalawang  batch ng  Sinovac doses na dinonate ng China at isang batch ng AstraZeneca doses na libreng ibinigay ng  global COVAX vaccine-sharing facility.

Sinabi ng Pangulo na pinapayagan na ng pamahalaan ang  pribadong sektor na makabili ng bakuna dahil limitado lamang kasi ang bakunang natanggap nito.

Sa ulat, hiniling ng private sector sa pamahalaan na payagan silang mag-angkat at bumili ng  COVID-19 vaccines nang direkta mula sa  accredited sources nang walang  restriction o kondisyon.

Sa kasalukuyan, sinabi ni Galvez na hindi pa pinapayagan ang private sector na bumili ng sarili nilang bakuna.

Ang paliwanag ni Galvez, ang  COVID-vaccine na ginagamit sa ngayon ay  para pa lamang sa Emergency Use Authorizations (EUA) mula sa pamahalaan at hindi para sa  commercial use authorizations.

Ang ibig sabihin ay hindi babalikatin ng manufacturer ang  indemnification costs para sa kahit na anumang  adverse effects na mararanasan ng vaccine recipients.

“The responsibility cannot be delegated to the private sector and LGU. The national government will be liable, considering the product is still under clinical trial. If there will be adverse effects, the vaccine maker will be immune from liability,” ang pahayag ni Galvez . (Daris Jose)

ISASAPINAL na ngayong araw ni Vaccine czar at Chief Implementer Carlito Galvez ang supply agreement sa Johnson & Johnson.

Makikipagpulong si Galvez sa Johnson & Johnson para plantsahin ang hakbang ng pamahalaan na makakuha din ng bakuna mula sa nasabing American vaccine manufacturer.

Maliban sa Johnson & Johnson’s ay tinatrabaho din ani Galvez nila na maisapinal na din ang kasunduan sa kumpanyang Gamaleya na siya namang manufacturer ng Sputnik V.

Samantala, apat na mga vaccine manufacturers ang natapos nang makapirmahan ng pamahalaan para sa supply agreement at ito ay ang Sinovac, AstraZeneca, Moderna at Novavax.

Tiiwala naman si Galvez na pagdating ng Abril ay pulido’t tapos na ang lahat ng kailangang kontrata sa lahat ng mga kumpanyang target na angkatan ng bansa ng bakuna kabilang dito ang Pfizer.

“Magkakaroon po kami ng meeting tomorrow and hopefully we can finalize the supply agreement po. Iyong supply agreement po ng lahat po ng ating—ng Sinovac, AstraZeneca, Moderna and Novavax had been finalized and we will be finalizing iyong supply agreement po namin sa Johnson & Johnson’s and the Gamaleya,” ayon kay Galvez.

“We have also a meeting with Pfizer this morning and hopefully all of these contracts will be finished this coming first week or second week of April,” dagdag na pahayag ni Galvez. (Daris Jose)