2021 April 09 Archive - People's Balita

Archive for April 9th, 2021

TRICYCLE DRIVER TIMBOG SA PANUNUHOL SA PARAK

Posted on: April 9th, 2021 by @peoplesbalita No Comments

KALABOSO ang isang 47-anyos na tricycle driver matapos at tangkain suhulan ng pera ang mga pulis na nag-isyu sa kanya ng ordinance volation receipt (OVR) dahil sa paglabag sa traffic restriction code sa Malabon City, kahapon ng umaga.

Nahaharap sa kasong paglabag sa Art 212 of RPC o ang Corruption of Public Official ang dinakip na si Leonardo Dela Cruz, ng 67 Ignacio St. Bacog, Navotas city.

Sa report nina PSSg Diego Ngippol at PSSg Michael Oben kay Malabon police chief Col. Joel Villanueva, alas-5:47 ng umaga, nakabantay ang mga tauhan ng Sub-Station 6 na sina PCpl John Carlo Mata at PCpl Bengie Nalogoc sa quarantine control point (QCP) sa Estrella St. Brgy. Tañong nang makita nila ang papalapit na suspek sakay ng kanyang minamanehong tricycle kaya’t pinara nila ito.

Natuklasan ng mga pulis na nagmula si Dela Cruz sa Navotas city at pumasok sa lungsod ng Malabon na isang paglabag sa umiiral na panuntunan sa ilalim ng enhanced community quarantine (ECQ) kaya’t inisyuhan siya ng OVR saka pinabalik sa kanyang pinanggalingan.

Gayunman, ilang sandali ang lumipas ay bumalik si Dela Cruz at inalok ng areglo ang mga arresting officers sabay abot ng P1,000 bilang suhol na naging dahilan upang tuluyan siyang inaresto ng mga pulis. (Richard Mesa)

Talk to the People Address ni PDu30, pinagpaliban

Posted on: April 9th, 2021 by @peoplesbalita No Comments

KINUMPIRMA ng Malakanyang na walang magaganap na Talk to the People Address si Pangulong Rodrigo Roa Duterte noong Abril 7 bunsod ng tumataas na bilang ng aktibong COVID-19 cases kasama na rito ang mga tauhan ng presidential security group (PSG).

“The physical safety of the President remains our utmost concern,” ayon kay Presidential spokesperson Harry Roque.

Bukod dito, kailangan din aniya na bigyan ng konsiderasyon ng Malakanyang ang kapakanan ng mga taong bahagi ng paghahanda ng Talk to the People Address ni Pangulong Duterte.

“In addition, the preparation for the Talk to the People Address entails a number of staff complement and we also take due consideration of their well-being. Please be guided accordingly,” ang pahayag ni Sec. Roque.

Sa kabilang dako, gustong makasiguro ng Malakanyang na hindi mako- kompromiso ang seguridad at kaligtasan ni Pangulong Duterte laban sa covid 19.

Sinabi ni Senador Christopher Lawrence Bong Go na nagpasyang ipagpaliban na muna ang talk to the people ng Chief Executive makaraang marami sa mga tauhan ng presidential security group ang nag positibo sa Covid -19.

Hindi naman masabi ni Go ang eksaktong bilang ng psg personnel na nagpositibo sa Covid -19.

Siniguro naman ni Go na wala sa mga PSG personnel na ito ang nagkaroon ng direktang kontak sa Punong Ehekutibo.

Nais lamang aniya nilang makasiguro na wala munang magiging exposure ang Pangulo sa maraming PSG personnel.

Samantala, wala naman dapat na ipag alala ang publiko sa kalusugan ng Pangulo dahil “all is well” aniya ito, nasa mabuting kalagayan ang kalusugan at wala namang nararanasang anumang sintomas.

Sa katunayan ay nasa bahay lamang ang Pangulo sa Malakanyang at hindi muna makauuwi sa Davao City dahil nasa nananatiling nasa ilalim ng Enhanced Community Quarantine (ECQ) ang NCR Plus.

FDA: Mga tinurukan ng AstraZeneca vaccine, tuloy sa pagtanggap ng second dose

Posted on: April 9th, 2021 by @peoplesbalita No Comments

Tuloy sa pagtanggap ng ikalawang dose ng AstraZeneca vaccines ang mga indibidwal na nakatanggap ng unang dose na hindi nakaranas ng kahit anong side effect.

Ito ang nilinaw ni Food and Drug Administration (FDA) director general Eric Domingo sa gitna ng mga kwestyon matapos suspendihin ang pagtuturok ng nasabing bakuna.

“Kung nabakunahan sila at okay, walang naging adverse event then they will get the second vaccine dahil walang nakikitang problema sa second dose,” ani Domingo.

Nitong Huwebes nang magdesisyon ang FDA at Department of Health (DOH) na ihinto ang pagbabakuna ng AstraZeneca.

Ito ay kasunod ng mga report sa Europe na may ilang naturukan ng naturang bakuna na nakaranas ng blood clotting at mababang platelet count.

Pero nilinaw ni Domingo na lahat ng naitalang kaso ay mula sa mga naturukan lang ng unang dose.

“Yung mga kasong nakitaan nitong very rare adverse event, nakita during the first vaccine. There were no cases seen in second vaccines.”

Batay sa tala ng National Adverse Events Following Immunization Committee (NAEFIC), wala pang naitatalang kaso ng pamumuo ng dugo at mababang platelet count mula sa mga nabakunahan ng British-Swedish vaccine dito sa bansa.

Una nang sinabi ng Department of Health (DOH) na ubos na 525,600 doses ng Pilipinas sa AstraZeneca vaccines.

Pero nangako raw ang World Health Organization na ngayong buwan darating ang karagdagang supply mula sa COVAX Facility.

“The good thing is kasi ang schedule natin ng second dose is 8 to 12 weeks after (first dose) so yung mga nabakunahan nitong buwang ‘to, actually mga next month or one to two months pa bago yung schedule nila ng second dose.”

Ayon sa European Medicines Agency, maituturing lang na “very rare adverse effect” ang nasabing mga kaso ng blood clotting at mababang platelet count.

Bagamat iminumungkahi pa rin nila ang patuloy na pagbabantay at pag-aaral sa mga insidente.

“The reported combination of blood clots and low blood platelets is very rare, and the overall benefits of the vaccine in preventing COVID-19 outweigh the risks of side effects,” nakasaad sa EMA statement.

Higit 922K naturukan na vs COVID-19

Posted on: April 9th, 2021 by @peoplesbalita No Comments

Umabot sa 922,898 indibidwal ang naturukan na ng bakuna kontra COVID-19, ayon sa Department of Health (DOH).

Sa naturang bilang, 64% o 872,213 ang nakakuha na ng kanilang first dose ng bakuna, habang 3.7% o 50,685 ang nakakumpleto na ng dalawang dose.

Mayroon din uma-nong 2,670 vaccination sites sa buong bansa ang nagtuturok ng 1,936,600 doses na naipamahagi na ng pamahalaan, o katumbas ng 77% ng 2,525,600 shots ng bakuna na nai-deliber sa bansa.

Umabot sa 922,898 indibidwal ang naturukan na ng bakuna kontra COVID-19, ayon sa Department of Health (DOH).

Sa naturang bilang, 64% o 872,213 ang nakakuha na ng kanilang first dose ng bakuna, habang 3.7% o 50,685 ang nakakumpleto na ng dalawang dose.

Mayroon din uma-nong 2,670 vaccination sites sa buong bansa ang nagtuturok ng 1,936,600 doses na naipamahagi na ng pamahalaan, o katumbas ng 77% ng 2,525,600 shots ng bakuna na nai-deliber sa bansa.

Ang Sinovac ay dating pinapayagan sa mga edad 18-59 na may comorbidities at ang AstraZeneca naman ay ibinibigay para sa mga senior citizen. (Bishop Jesus “Jemba” M. Basco)

Duterte nagbigay-pugay sa mga frontliners ngayong Araw ng Kagitingan

Posted on: April 9th, 2021 by @peoplesbalita No Comments

Nakikiisa si Pangulong Rodrigo Duterte sa buong bayan sa paggunita sa Araw ng Kagitingan.

Sa kanyang taped video message para sa ika-79 National Day of Valor, sinabi ni Pangulong Duterte na sa pamamagitan ng araw na ito ay mabibigyan tayo ng isang matibay na paalala ng hindi matatawarang determinasyon ng mga Pilipino na mangibabaw sa lahat ng uri ng hamon at pagsubok.

Ayon kay Pangulong Duterte, ang katapangan ng ating mga ninuno na ipinakita sa panahon ng pagtatanggol sa Bataan halos walong dekada na ang nakalipas ay nag-iwan ng katangi-tanging marka sa kasaysayan at humubog ng ating diwa para bumangon sa bawat pagbagsak o pagkakadapa.

Inihayag ni Pangulong Duterte na habang nagpapatuloy ang bansa na malagpasan ang hamon ng COVID-19 pandemic, hayaang maglaan tayo ng konting sandali para parangalan ang lakas ng loob at dedikasyong ipinamamalas ng ating mga health workers at essential frontliners.

Ang hindi umanong matatawarang commitment nila sa labang ito ay nagpapakita ng kabayanihan ng ating mga ninuno na nakipaglaban at ipinagtanggol ang Bataan noong mga unang panahon na patuloy na nagbibigay ngayon ng inspirasyon at pagiging makabayan sa panahong gipit ang sitwasyon.

AstraZeneca ipinatigil muna

Posted on: April 9th, 2021 by @peoplesbalita No Comments

Pansamantalang sinuspinde ng Department of Health (DOH) ang pagtuturok ng AstraZeneca vaccine sa mga edad 59 pababa kasunod ng abiso ng Food and Drug Admi-nistration (FDA) dahil sa ulat na may mga nabakunahan ang nakaranas ng blood clotting o pamumuo ng dugo at pagbaba ng platelet count.

“We are aware of the recommendation of the European Medicines Agency (EMA) to list blood clots as very rare side effects of the AstraZeneca vaccine,” ani FDA director general Eric Domingo.

Ayon sa opisyal, bagama’t wala pang naitatalang kaso ng pamumuo ng dugo at mababang platelet count sa mga nabakunahan ng AstraZeneca sa Pilipinas, ay kailangan ihinto ang pagbabakuna para matiyak ang kaligtasan ng populasyon.

Tiniyak naman ng DOH at FDA sa publiko na masusing pinag-aaralan na ng mga eksperto ang mga impormasyon kaugnay sa mga pangyayaring ito upang ma-kagawa ng nararapat na rekomendasyon sa paggamit ng nasabing bakuna.

Sa kasalukuyan, wala pang naitatalang kaso hinggil sa side effects ng nasabing bakuna ang National Adverse Events Following Immunization Committee (NAEFIC).

Nilinaw naman ni Domingo na bagama’t sinuspinde ang pagbabakuna ng AstraZeneca, hindi nangangahulugan na delikado at hindi epektibo ang nasabing bakuna.