2021 March 18 Archive - People's Balita

Archive for March 18th, 2021

PVL players sasailalim sa swab test

Posted on: March 18th, 2021 by @peoplesbalita No Comments

Kagaya ng mga pumasok sa bubble sa Inspire Sports Academy sa Calamba, Laguna ay sasailalim din sa proseso ang 12 koponang sasabak sa unang professional tournament ng (PVL) sa Mayo 8.

Ito ang sinabi kahapon ni PVL president Ricky Palou sa Philippine Sportswriters Association (PSA) online Forum sa pagharap ng liga sa coronavirus disease (COVID-19) pandemic.

“What we want them to do is when they enter the bubble is about four or five days before they enter the bubble is have their swab test. And when they come in they will have another swab test,” ani Palou.

Gagawin ng PVL ang kanilang torneo sa loob ng bubble sa Inspire Sports Academy sa Calamba, Laguna.

Bukod sa swab test ay tinitingnan din ng PVL bilang opsyon ang saliva test na 12 oras lamang ang kailangan para makuha ang resulta.

Ang mga tropang maglalaro sa PVL tournament ay ang F2 Logistics, PLDT Fibr Hitters, Creamline, Bali Pure, Unlimited Athletes Club (UAC), Cignal HD, Phi-lippine Army, BanKo Perlas, Choco Mucho, Petro Gazz, Cherry Tiggo at Sta. Lucia.

Sinabi rin ni Palou na nakaorder na ang Choco Mucho (Rebisco) at Petro Gazz ng COVID-19 vaccines na plano rin nilang ialok sa mga PVL players at teams.

“What I know is Rebisco (Choco Mucho) and Petro Gazz have ordered on their own and I’m not sure how they did this,” ani Palou. “They’re saying they ordered enough vaccines which they want to offer also to players.”

Inaasahang gagastos ang PVL ng humigit-kumulang sa P20 milyon para sa kanilang bubble tournament kumpara sa inilabas na halos P70 milyon ng PBA para sa 2020 Philippine Cup bubble sa Clark, Pampanga.

Itinira ng PBA ang 12 koponan sa Quest Hotel habang ang mga laro ay idinaos sa Angeles University Foundation sa Angeles, Pampanga.

Pambato ng bansa sa table tennis hindi pa natatapos ang tsansa na makapasok sa Olympics

Posted on: March 18th, 2021 by @peoplesbalita No Comments

Nabigo ang pambato ng bansa sa larong table tennis na makakuha ng spot sa Olympic matapos na sila ay nabigo sa World Singles Qualification Tournament sa Doha, Qatar.

Hindi na nakabangon pa si Rose Jean Fadol sa nakalaban nitong si Margaryta Pesotska ng Ukraine.

Mayroong 11-4, 11-4, 11-3, 11-2 ang naitalang puntos ng Ukrainian table tennis player sa kanilang women’s Knockout 2 semifinals.

Habang hindi umubra si Jann Mari Nayre sa kalaban nitong Niagol Stoyanov ng Italy sa men’s Knockout 1 quarterfinals.

Mayroong puntos na 11-5, 11-4, 11-4, 8-11, 13-11 kaya nanaig ang Italian player.

Hindi pa nawawalan ang pambato ng bansa sa table tennis na sina Fadol, Nayre kasama sina John Russel Misal at Jannah Romero na makapasok sa Olympics kapag magtagumpay sila sa Asian Olympic Qualifying Tournament na gaganapin rin sa Doha sa darating na Marso 18-20.

QCinema International Film Festival, Accepts Entries for Short Film Competition

Posted on: March 18th, 2021 by @peoplesbalita No Comments

THE search is on for QCinema International Film Festival’s new batch of entries for its short film competition.

Each chosen film will receive a production grant worth P350,000 with ownership of film rights.

QCinema, which has been recently voted as the best local film festival in the country by local film reviewers and regarded as one of the leading international film festivals in Southeast Asia, is now in its 9th year.

This year’s production grants have been increased to help local filmmakers abide by the increased safety protocols due to the pandemic. Filmmakers, at every stage of the production, must follow existing shooting guidelines like working hours, testing, and lock-in safety procedures. The selected narrative concepts must be feasible to shoot under these conditions, with few locations and scaled-down number of talents and crew members.

To join, filmmakers should submit a completed #QCShorts online application form together with a short synopsis, treatment, full script in proper screenplay format, director’s statement, line item budget, and timeline.

The line item budget must reflect the safety protocols. Also, the director’s profile with sample works and proposed cast and crew must be submitted. Logline is optional, but preferred.

This grant is open to Filipino citizens, 18 years old and above.

Proposed entries must be in the form of narrative fiction. Animated entries will be accepted. The total running time (TRT) of completed film output with opening and closing credits must not exceed 20 minutes.

Original literary sources, music materials, and film footages must have proper clearance from respective copyright owners before they can be used in any part of the movie.

The film must have its Philippine premiere in #QCinema2021. The rights for the final product belong to the filmmaker.

Nonetheless, the Quezon City Film Development Commission, as the executive producer, reserves the right to screen it for the whole duration of #QCinema2021 and in other selected events after the festival screenings.

Application forms are available for download at https://qcinema.ph/grants/2021/qcshorts and are also posted on QCinema’s Facebook and Twitter pages. (ROHN ROMULO)

Pilipinas, tinintahan na ang supply agreement para sa 30 million doses ng COVID-19 vaccine

Posted on: March 18th, 2021 by @peoplesbalita No Comments

TININTAHAN na ng Pilipinas ang supply agreement para sa 30 million doses ng COVID-19 vaccine na dinivelop ng American firm Novavax.

Sinabi ni vaccine czar Secretary Carlito Galvez Jr. na naging maganda ang resulta ng pagbiyahe sa India noong isang linggo.

Doon aniya ay napirmahan na ang supply agreement kung saan ang Serum Institute of India ay magsu-supply ng 30 million doses ng Novavax sa Pilipinas.

Ani Galvez, ang doses na gawa sa India ay inaasahang darating sa third o fourth quarter ng taon.

Ang Novavax’s COVID-19 vaccine ay hindi pa naaprubahan para sa emergency use ng Food and Drug Administration (FDA) ng Pilipinas.

Nauna rito, tiniyak ng embahada ng India na makukuha ng Pilipinas ang 30 milyong doses ng bakunang Novavax sa ikalawa at ikatlong bahagi ng taon.

Ayon kay Indian Ambassador Shambu Kumaran, sa oras na malagdaan ang supply agreement nito ay maaari nang mai-deliver ang mga bakuna sa bansa.

Sa ngayon ay nasa India pa rin si Vaccine Czar Secretary Carlito Galvez Jr. para lagdaan ang supply agreement ng Novavax mula sa China.

Bukod dito, pinag-uusapan ng mga opisyal ng India at ni Sec. Galvez kung maitataas pa ang bilang ng mga bakuna maaaring makuha ng Pilipinas.— sa panulat ni Rashid Locsin

Samantala, sinabi ni Galvez na makatatanggap ang Pilipinas ng 1.4 million doses ng coronavirus vaccine na dinivelop ng Chinese firm Sinovac Biotech sa loob ng buwang kasalukuyan.

Ani Galvez, ang doses na ito ay kinabibilangan ng karagdagang 400,000 na dinonate ng Chinese government at ang isang milyon na binili naman ng gobyerno ng Pilipinas.

Bilang ng Covid-19 infections noong nakaraang Agosto 2020, posibleng maulit ngayon

Posted on: March 18th, 2021 by @peoplesbalita No Comments

SINABI ng Malakanyang na papalapit na ang bilang ng COVID-19 infections na naitala noong Agosto ng nakaraang taon.

Matatandaang noong Agosto 2020 ay pinakinggan ni Pangulong Rodrigo Roa Duterte ang panawagan ng mga health workers para sa 2-linggong pagbabalik ng Metro Manila sa itinuturing na “second strictest lockdown level” dahil sa pagbaha ng mga coronavirus patients sa mga ospital.

“Itong spike po talaga ay nangyayari ngayon. We are nearing the peak that we saw last August,” ayon kay Presidential spokesperson Harry Roque.

“Pupuwede pong lumampas pa tayo sa peak natin noong August kung hindi natin mapapababa ang mga kaso ng COVID-19,” dagdag na pahayag ni Sec. Roque.

Sa ulat, nakapagtala ng dadag na 5,404 bagong kaso ng coronavirus disease (COVID-19) ngayong Lunes ang Department of Health (DOH), kung kaya’t napatalon na sa 626,893 ang nahahawaan nito ngayon sa Pilipinas.

Batay sa mga sariwang datos ng Kagawaran ng Kalusugan, narito ang bagong mga numero para araw na ito:

Lahat ng kaso: 626,893

Nagpapagaling pa: 53,479, o 8.5% ng total infections

Kare-recover lang: 71, dahilan para maging 560,577 na lahat ng gumagaling

kamamatay lang: 87, na siyang nag-aakyat sa local death toll sa 12,837

“Mapapababa po natin ang numerong iyan dahil alam po natin sa nakalipas na taon, importante po na pag-ingatan ang ating buhay para tayo po’y makapag-hanapbuhay,” anito.

“Napakahirap pong muli kung tayo po’y magsasara ng ekonomiya at mawawalan ng hanapbuhay ang napakarami nating mga kababayan.” ang pahayag ni Sec. Roque.

Sinabi pa ni Sec. Roque a na habang ang 8 mula sa 17 rehiyon sa bansa ay nakapagtala ng pagtaas ng health care utilization rates simula Pebrero 11 ay wala naman ang humantong sa moderate-risk level.

At bilang bahagi ng akikipaglaban sa pagsirit ng covid 19 case ay pagbabawalan nang lumabas ang mga menor-de-edad sa National Capital Region simula bukas, ika-17 ng Marso.

Ito ang inihayag ng Metro Manila Development Authority (MMDA) dahil sa patuloy na pagtaas ng kaso ng coronavirus disease 2019 (COVID-19) sa bansa.

Ayon sa MMDA, binabalangkas na ng Metro Manila Council (MMC) ang resolusyon para sa mas mahigpit na pagpapatupad na health measures kung saan sakop nito ang 17 local government unit sa rehiyon.

Sa ilalim ng resolusyon, pinapayagang lumabas ng bahay ay edad 18 hanggang 65-anyos habang pinagbabawalan naman ang edad 15 hanggang 17-anyos na tatagal ng dalawang linggo. (Daris Jose)

16 SAKAY NG FISHING BOAT NAILIGTAS

Posted on: March 18th, 2021 by @peoplesbalita No Comments

NAILIGTAS ng mga tauhan ng Philippine Coast Guard (PCG) ang 16 indibidwal sakay ng nasiraang fishing boat na ginamit para sa paghahatid ng mga bisita para sa “Unveiling Ceremony of the Historical Marker” sa Homonhon island kaugnay sa ika-500 anibersaryo ng “First Circumnavigation of the World” ngayong araw.

Ayon sa PCG,nasiraan ang makina ng FBCA Bencor sa baybayin sa pagitan ng Manicani at Homnhon Island sa Guiuan,Eastern Samar ngayong umaga.

Mabilis namang nagdeploy ng tatlong rubber boats ang PCG upang tulongan at mailipat ang mga pasahero sa BRP Suluan (MRRV-4406) na nagsilbing maritime security vessel sa nasabing aktibidad.

Nasa maayos namang kalagayan na nakarating sa Homonhon Island ang mga bisita.

Kabilang sa narescue sina Congressman Maria Fe Abunda ng Lone District Eastern Samar at Borongan City Mayor Jose Ivan Agda.

Nagpasalamat naman sila sa PCG sa agarang aksyon at pagtitiyak sa kanilang kaligtasan sa gitna ng hindi magandang nangyari sa kanilang paglalayag sa karagatan.

Ayon kay Abunda at Agda,ang insidente ay nagpapaalala sa kahalagahan ng coast guards lalo na sa pagliligtas ng buhay at pag-aari sa karagatan.

Dahil dito, nangako rin sila na susuportahan ang pagtatayo ng coast guard station Eastern Samar sa pamamagitan ng paglalaan ng pondo at lot donation. (GENE ADSUARA)

RACHELLE ANN, natupad ang wish na makasama sa London ang kanyang mommy bago isilang ang first baby nila ni MARK

Posted on: March 18th, 2021 by @peoplesbalita No Comments

NATUPAD ang wish ng international stage actress-singer na si Rachelle Ann Go-Spies, na makasama sa London ang Mama Russell niya, ngayong ilang araw na lamang at magsisilang na siya ng first baby nila ng American businessman husband niyang si Mark Spies.

Hindi siya umasa na makararating ang ina dahil sa pandemic na nararanasan natin ngayon worldwide, dahil sa Covid-19 virus.

But three days ago, dumating na sa London si Mama Russell, as per her Instagram post: “My Mama Russell! Love you! Happy Mother’s Day (in UK) and to all the moms & soon to be moms out there. Soooo grateful that my mama is here with us, cannot wait to learn more about motherhood. Excited din ako for her to meet Baby Spies….soon!!!”

Bago iyon, masipag mag-post si Rachellen Ann sa kanyang Instagram stories, ng mga gifts na natatanggap ng coming baby nila from friends and stores in London.

Siyempre ay very happy ang mga friends ni Rachelle Ann rito, like Lea Salonga, sa coming baby nila na secret pa ang gender.

***

NAG-VIRAL sa Facebook ang uploaded video ng Paano Ang Pangako? na umabot na sa 1.1 million views. Makikita rin ang trending video sa official Facebook page ng IdeaFirstCompany, ang mga mabibigat na eksena sa pagitan nina Hope Aguinaldo (Beauty Gonzales) at Karen Dominante-Cruz (Karel Marquez), at ang eksena ng torn-between-two-lovers na acting ni Ejay Falcon sa eksena.

Patuloy ninyong subaybayan ang napaka-classy yet intense na paghaharap-harap nila.

Napapanood ang Paano Ang Pangako? na tumaas ang ratings habang ka-back-to-back nito ang FPJ’s Ang Probinsyano, Lunes hanggang Biyernes sa TV5.

Kapuri-puri rin ang mahuhusay na performances ng cast na kinabibilangan nina Maricel Laxa-Pangilinan, Bing Loyzaga, Elijah Canlas at Miles Ocampo.

Nalalapit na ang season-ender ng serye at siguradong mami-miss sila ng viewers at ang pagti-trending ng mga eksena. Tiyak, may matinding pasabog ang ending nito, kaya dapat abangan at tutukan ng mga sumusubaybay sa serye.

***

NANG muling mag-appear sa All-Out Sundays ang The Clash 3 champion na si Jessica Villarubin last March 14, marami agad nakapuna na may nabago sa kanyang face.

Hindi naman nagkaila si Jessica, hindi niya itinago na kaya pansamantala siyang nawala sa AOS, ay dahil nagpa-enhance siya, na matagal na niyang gustong gawin, kasi noong bata pa siya, subject na raw siya ng pambu-bully ng mga kalaro niya.

At nang magsimula na siyang mag-audition, dahil maganda naman talaga ang boses niya, feeling niya parang hadlang ang looks niya para siya mapili.

Ngayon, mas may confidence na si Jessica at thankful siya kay Christian Bautista na isa sa mga judges ng The Clash 3, na iginawa siya ng kanta na siya niyang naging victory song noong grand finals ng musical competition. Ito na rin ang naging first single niya which she recorded sa GMA Music, ang “Ako Naman” na mapapakinggan na sa Spotify, YouTube Music, Apple Music, at iba pang digital streaming platforms worldwide. (NORA V. CALDERON)

Halos 216,000 na ang naturukan ng COVID-19 vaccine – gov’t

Posted on: March 18th, 2021 by @peoplesbalita No Comments

Umakyat pa sa 215,997 ang kabuuang bilang ng mga naturukan ng COVID-19 vaccine sa buong Pilipinas.

Sa datos na inilabas ng Department of Health at National Task Force Against COVID-19, ito rin ay 38% ng kalahati ng mahigit 1.1-milyong doses na dumating na sa bansa sa kasalukuyan.

Nasa 929 vaccination sites na ang nagsasagawa ng COVID-19 vaccination sa iba’t ibang lugar sa bansa.

Umabot na rin daw sa 96% ang mga naipamahaging doses ng bakuna kung saan naabot na rin umano ang mga kadulu-duluhang isla.

Ang mga rehiyon namang may pinakamataas na vaccine coverage ay ang Region 10, Metro Manila, at Region 2.

Nasa 90.25% o 17,780 ng kanilang 19,700 doses ang naiturok ng Northern Mindanao; may 68.77% coverage o 95,892 ng 139,435 doses naman sa Metro Manila; habang 61.39% o 9,816 ng 15,990 doses ang naiturok sa Cagayan Valley.

“Current deployment is limited to Priority Group A1 or frontline healthcare workers who were given the option between CoronaVac or AstraZeneca vaccines,” saad ng gobyerno.

“The vaccination of healthcare workers is being done in batches to ensure adequate staffing in health facilities in light of possible adverse events.”

Tiniyak naman ng pamahalaan na mas bibilis pa ang vaccination sa bansa sa oras na dumating na ang bulto ng mga bakuna para sa mga susunod na priority groups.

Malakanyang, pinaalalahanan ang publiko na sundin ang 7 commandments ng DOTr ngayong Mahal na Araw

Posted on: March 18th, 2021 by @peoplesbalita No Comments

PINAALALAHANAN ng Malakanyang ang publiko partikular na ang mga magbi-byahe sa probinsiya na sundin ang 7 commandments ng health protocols sa pampublikong transportasyon ngayong Mahal na Araw.

Inisa-isa ni Presidential Spokesperson Harry Roque ang 7 commandments na ipinatutupad ng Department of Transportation (DOTr). ito ay ang mga sumusunod:

1. Magsuot ng face mask at face shield;

2. Bawal ang pagsasalita, pakikpag-usap o pagsagot ng telepono;

3. Bawal ang pagkain at kumain;

4. Kailangang may sapat na ventilation;

5. Kailangang may frequent disinfection;

6. Bawal magsakay ng pasahero na may sintomas ng COVID-19; at

7. Kinakailangang sumunod sa appropriate physical distancing (one seat apart)

“Well, iyan lang po talaga ang ating mga tried and tested na sandata laban sa COVID-19. Again quoting Dr. Salvaña po ‘no, maski wala pa po tayong mga bakuna – the wearing of face shield, the wearing of face mask – katumbas din po iyan ng bakuna sa ngayon,” ayon kay Sec.Roque.

Sa kabilang dako, ang mga kautusang ito ay mariing pinapaalala ng DOTr na kinakailangang sundin, obserbahan, at isapuso ng bawat pasahero, drayber, operator, at konduktor.

Ang pagpapatupad ng mga health at sanitation protocols na ito, na alinsunod sa rekomendasyon ng mga health experts, ay ipinatutupad upang maprotektahan ang kalusugan at masiguro ang kaligtasan ng lahat.

Ads March 18, 2021

Posted on: March 18th, 2021 by @peoplesbalita No Comments