2021 January 14 Archive - People's Balita

Archive for January 14th, 2021

Ai Ai, ramdam ang sakit sa ina ni Christine at sa LGBT na nahusgahan

Posted on: January 14th, 2021 by @peoplesbalita No Comments

DUMAAN man tayo sa pandemic nitong nagdaang taon, marami pa rin dapat ipagpasalamat si Ms. Ai Ai delas Alas.

Bagong blessing sa kanya ngayong 2021 ang renewal ng contract niya para sa Hobi Bihon and Noodles bilang endorser. Ito ang ikaanim na taon ni Ai Ai bilang endorser. At sabi ni Boss Bobby Go ng Hobe, forever na raw nilang endorser ang comedy queen.

Kahit na may pandemya ay hindi naman ito nakaapekto sa sales ng Hobe. In fact, with Ai Ai as endorser ay lalong lumaki ang kita ng kompanya. Kaya naman buong-buo ang tiwala nila kay Ai Ai.

Thankful si Ai Ai dahil hindi naman daw siya pinabayaan ni Lord. Aminado naman siya na humina ang kanyang kita dahil sa pandemic pero ipagpapasalamat pa rin niya kumakain pa rin sila three times a day at wala naman nagkakasakit sa kanila.

After The Clash which recently had its grand finals ay magre-resume naman sina Ai Ai ng lock in taping ng Owe My Love sa Bulacan. Bale 55 days silang walang uwian. Pagpunta nila sa taping ay hindi na sila pwedeng umuwi para sure na hindi kakalat ang virus.

Sanay na raw sila ng mga co-stars niya working together at sabay sa pagkain kaya parang isang family na sila. Para raw silang OFW na nalayo sa kanilang family. Naging close na silang lahat sa taping at nagka-sepanx daw si Ai Ai nang mag-uwian sila.

Ginagampanan ni Ai Ai ang papel ng boss ni Lovi Poe. Siya ang may-ari ng La Vida Shop kung saan nagwo-work si Lovi. Kasama rin sa bagong serye sina Benjamin Alves, Winwyn Marquez, Nova Villa, Leo Martinez, Jackielou Blanco, Ruby Rodriguez at marami pang iba

Noong panahon ng pandemic ay lagi raw siyang pinapadalhan ng noodles ng Hobe kaya naman naisama niya ang mga noodles sa mga food ayuda na kanyang ipinamigay.

Wala man siyang increase sa TF bilang endorser dahil sa pandemic pero in-assure naman siya ng kanyang boss na next year ay may dagdag na siya sa budget.

Nahingan si Ai Ai ng opinion tungkol sa kaso ni Christine Dacera at narito ang kanyang pahayag: “Ayokong masabing sumasawsaw ako, tinatanong nyo lang ako, ha. Ang sagot ko, una bilang inang nawalan ng anak, masakit talaga yun so I can understand yung nanay ni Christine.

“Sana, may she rest in peace na kasi nalibing na siya. Yun namang mga inaakusahan, iba na ang social media ngayon, sana bago manghusga, himayin munang mabuti ang mga pangyayari bago tayo maging judgmental.

“Alamin muna natin ang mga tunay na nangyari, lalo na yung mga miembro ng LGBT na nilait na buong pagkatao nila, paano pa maibabalik yung nasabi against them at yung dating buhay nila kung mapatunayang inosente pala sila? Kawawa rin naman sila.” (Ricky Calderon)

Sinovac, natatanging opsyon ng ‘Pinas -Sec. Roque

Posted on: January 14th, 2021 by @peoplesbalita No Comments

Ang COVID-19 vaccine na Sinovac mula sa China ang natatanging opsyon para sa pagbabakuna sa mga Filipino hanggang sa kalagitnaan ng taon.

Ang first batch ng Sinovac vaccine ay nakatakdang dumating sa bansa sa Pebrero habang ang mga doses mula sa Western drug makers ay magiging available pa lamang sa buwan ng Hunyo.

“Pagdating po ng bakuna hanggang Hunyo, wala po talagang pilian ‘yan dahil iisa lang po ang bakuna na magiging available. Iyon nga po iyong galing sa Tsina,” ayon kay Presidential Spokesperson Harry Roque.

Kahapon, pinasaringan ni Sec.Roque ang mga Filipino na mas pinipili ang COVID-19 vaccine mula sa US-based pharmaceutical giant na Pfizer.

Sinabihan niya ang mga ito na huwag nang maging “choosy” sa bakunang ibibigay sa kanila ng pamahalaan.

Gayunpaman sinabi naman ni vaccine czar Carlito Galvez na ang Pfizer vaccine ay maaaring dumating ng mas maaga kaysa sa Sinovac dahil ang pag-rollout nito ay pangangasiwaan ng COVAX Facility, isang global initiative na naglalayong tiyakin ang equitable access sa gamot.

Ang lahat ng bakuna na bibigyang awtorisasyon para sa emergency use ng local Food and Drug Administration ay mayroong “equal footing,” ayon naman kay Health Undersecretary Maria Rosario Vergeire.

“Ito po ay magiging ligtas saka magiging epektibo para sa ating mga kababayan,” ayon kay Usec. Vergeire sa press briefing ni Sec. Roque.

“Hindi po natin kailangan na mamili po tayo ng bakuna. Kung ano po iyong mauunang bakuna, atin pong tanggapin iyan,” dagdag na pahayag ni Usec. Vergeire. (Daris Jose)

5 timbog sa shabu sa Caloocan at Valenzuela

Posted on: January 14th, 2021 by @peoplesbalita No Comments

Limang hinihinalang drug personalities, kabilang ang isang bebot ang arestado matapos makuhanan ng higit sa P.1 milyon halaga ng shabu sa magkahiwalay na drug operation ng pulisya sa Caloocan at Valenzuela cities.

Ayon kay Caloocan polic chief Col. Samuel Mina Jr., dakong 9:50 ng gabi nang respondehan ng mga tauhan ng Sub-Station 15 ang natanggap na text message mula sa isang concerned citizen hinggil sa nagaganap umanong shabu session sa 657 Anonas St., Amparo Subd, Brgy. 179.

Pagdating sa lugar, nakita nina PCpl Rodolfo Domingo II at Pat. Gellord Catapang si Jhon Lester Mayor, 19, at Raymond Debangco, 28, na sumisinghot ng shabu kaya’t agad nilang inaresto ang mga suspek.

Nakumpiska sa mga suspek ang tatlong medium plastic sachets na naglalaman ng nasa 15.06 gramo ng hinihinalang ng shabu na tinatayang nasa P102,408 ang halaga at ilang drug paraphernalias.

Sa Valenzuela, nadakma naman ng mga operatiba ng Valenzuela Police Station Drug Enforecment Unit (SDEU) sa pangunguna ni PLT Robin Santos sa ilalim ng pangangasiwa ni P/Col. Fernando Ortega sa buy-bust operation sa Blk 3, Compound 2, Sitio Kabatuhan, Brgy. Gen. T. Deleon si Wilfredo Paragas Jr. alyas Nog-nog, 34, Cherry Deloria, 32, at Jaspher Reyes, 24, bandang alas-12:15 ng madaling araw.

Narekober sa kanila ang nasa P34,000 halaga ng hinihinalang shabu, P500 marked money, cellphone at P500 bills. (Richard Mesa)

Philippine Sports Hall of Fame headquarters mabubuksan na

Posted on: January 14th, 2021 by @peoplesbalita No Comments

NAKATAKDANG babasbasan at pasinayaan ang magiging bahay ng Philippine Sports Hall of Fame sa (PSHoF) darating na Hulyo o Agosto.

“We have decided to inaugurate on July, Philippine Sports Hall of Fame in PNB office at Rizal Memorial Sports Complex Malate, Manila. PNB will vacate the building on May 31,” pagbubunyag kahapon ni Philipine Sports Commission (PSC) Chairman William Ramirez.

Ang pasilidad ang magiging national headquarter na ng PSHoF para sa mga itinalang kasaysayan ng pinakamahuhusay na atletang Pinoy na nagbigay ng karangalan sa bansa sa sa larangan ng sports.

Ikinatuwa naman ni dating PSC Chairman Aparicio Mequi ang nasabing hakbang ng PSC Board na kinabiblangan din nina Commissioners Ramon Fernandez, Charles Raymond Maxey, Arnold Agustin at Fatima Celia Kiram. (REC)

Daquis pinasilip ang kurba

Posted on: January 14th, 2021 by @peoplesbalita No Comments

Hindi papatinag pagdating sa paseksihan si Philippine SuperLiga (PSL) star Rachel Anne Daquis ng Cignal High Definition Spikers na ipinasilip ang kanyang alindog sa social media nito lang isang araw.

Pinaskil ng 33-taong gulang at may taas na 5-9 ang ilang mga larawan niya sa Instagram kung saan makikita ang taglay pa ring kaseksihan suot ang isang orange two-piece swimsuit.

Sumisid na parang sirena ang dati ring national indoor women’s volleyball team sa ilalim ng isang karagatan.

“Fear is only as deep as the mind allows,” bulalas pa ng dalagang beteranang balibolista.

Maaring masaksihan si Daquis sa pagbabalik ng liga sa pamamagitan ng Beach Volleyball Challenge Cup sa darating na Pebrero sa Subic, Zambales mula nang matengga nitong Marso 2020 dahil sa Covid-19. Planong maging kasunod na okasyon ng PSL ang Fan’s Day sa Marso 7. (REC)

Meralco may 5 malaking pambabakod kay Fajardo

Posted on: January 14th, 2021 by @peoplesbalita No Comments

INAASAHAN na ng marami na mabibigyan ng contract extension si Raymon ‘Jammer’ Jamito sa Meralco dahil sa impresibong pinakita sa 45th Philippine Basketball Association 2020 Philippine Cup bubble sa Angeles City.

Namemeligro naman si Siverino ‘Nonoy’ Baclao Jr. dahil hindi nakapaglaro sa Pampanga bubble na naipit sa pag-lineup sa kanya noong isang taon at galing sa injury.

Pero lumagda na ang dalawang basketbolista sa Bolts para sa 46th PBA PH Cup 2021 na magbubukas sa darating na Abril 9.

Maaaring nabigyan din ng isang taong bagong kontrata si Baclao kagaya ni Jamito dahil sa iisa ang kanilang agent-manager, ang magaling na si Danny Espiritu.

Mula sa bench, may average ang 30-anyos, 6-5 ang taas at tubong Basud, Batangas na si Jamito ng 5.0 points at 3.8 rebounds per game pumatok ang YouTube channel niyang Jammer Jamito Explore sa pasiklab sa Bolts sa semifinals.

Makakabalik na rin sana sa all-Pinoy bubble ang 6-5, 33-anyos na center/forward na si Baclao mula nang operahan sa injury (ruptured patellar tendon), pero naipit sa rule. Hindi naisama ang pangalan niya sa

Makakatulong ang dalawa sa malalaking manlalaro ni Bolts Norman Black kina Raymond Almazan, Clifford Hodge at Reynel Hugnatan sa misyong madale na nila ang unang titulo sa ika-11 taon sa parating na season.

Nasisilip ng Opensa Depensa, na preparasyon na rin ng team ang hakbang para pagbabalik naman ni 6-10 center, six-time pro league Most Valuable Player June Mar Fajardo para sa San Miguel Beer makaraan ang one-season rest sanhi rin ng operasyon sa injury. (REC)

PAALALA SA KAPISTAHAN NG STO NINO SA TONDO

Posted on: January 14th, 2021 by @peoplesbalita No Comments

PINAALALAHANAN ng pamahalaang lungsod ng Maynila ang simbahan at mga residente hinggil sa pagdiriwang ng Kapistahan naman ng Poong Sto. Nino de Tondo.

Ayon kay Manila Mayor Isko Moreno, ipagbabawal muna ang anumang aktibidad na gagawin sa labas ng Sto. Nino de Tondo Parish .

Papayagan naman ang pagsasagawa ng mga misa basta’t masusunod ang itinatakdang seating capacity na 30%.

Ngunit ang mga prusisyon o parada at kahalintulad na aktibidad na ginagawa sa kalye ay hindi papayagan.

Ayon kay Isko, kailangang mag-adopt ang mga tao sa “new normal” sa gitna ng patuloy na banta ng COVID-19.

Sinabi ng alkalde na dapat makinig ang mga residente tulad ng nangyari sa Kapistahan ng Poong Itim na Nazareno.

Nagpapasalamat naman ang alkalde sa mga nakibahagi sa Pista ng Nazareno dahil karamihan ay sumunod at nakipagtulungan kaya nairaos ng maayos ang okasyon.

Sa abiso naman ng Archdiocesan Shrine of Santo Nino, ang mga misa kaugnay sa pista ay gagawin sa:

– January 16 – 3:00 ng hapon; 5:00 ng hapon at 7:00 ng gabi

– January 17 – 4:00 ng umaga; 6:00 ng umaga; 8:00 ng umaga; at 10:00 ng umaga. At 12:00 ng tanghali; 3:00 ng hapon; 5:00 ng hapon at 7:00 ng gabi. (GENE ADSUARA)

3K MGA ESTUDYANTENG NAVOTEÑO NAKATANGGAP NG SMART PHONES

Posted on: January 14th, 2021 by @peoplesbalita No Comments

Namigay ang Pamahalaang Lungsod ng Navotas ng mga smart phones na magamit ng 3,057 na mga estudyante ng public elementary at high school para sa school year 2020-2021.

Ang mga beneficiaries ay kabilang sa mga ideniklara nung enrolment na walang sariling mga gadget na kanilang magamit para online classes.

“We set aside P4.5 million from our Special Education Fund and realigned P9.8 million of our budget for the programs of the Navotas City Council for the Protection of Children. This enabled us to purchase 2,682 smart phones for our students,” ani Mayor Toby Tiangco.

Samantala, nagbigay naman si Cong. John Rey Tiangco ng 350 cellphones para sa Tutor Learning Child (TLC) at Support Our Students (SOS) programs.

Ang TLC ay pinagsamang proyekto ni Cong. Tiangco at Department of Education-Navotas na inilaan upang tulungan ang mga nag-aaral ng K-12 na walang sinumang nagtuturo para gabayan sila sa modular lessons o walang gadget para sa mga nag-aaral sa bahay nila.

Habang ang SOS naman ay donasyon drive na suporta sa pangangailangan ng mga K-12 students, kabilang ang mga smart phones, tablets, internet load, school supplies, at iba pa.

Maliban sa mga smart phones mula sa pamahalaang lungsod at kay Cong. Tiangco, tumanggap din ang DepEd-Navotas ng 25 unit-donation mula sa isang private organization. (Richard Mesa)

Mas mahigpit na quarantine sa Metro Manila nakaamba

Posted on: January 14th, 2021 by @peoplesbalita No Comments

Nakaamba ang pagpapatupad ng mas istriktong quarantine sa Metro Manila kung magpapatuloy ang pagtaas ng kaso ng COVID-19.

Ayon kay Presidential Spokesperson Harry Roque, titingnan ang tinatawag na “two-week attack rate” at ang critical care capacity ng mga ospital.

Sinabi ni Roque na hindi na maibabalik ang panahon para sa mga hindi sumunod sa social distancing noong Pasko, Bagong Taon at Traslacion.

“Well, unang-una iyong nangyari ay nangyari na hindi na natin maibabalik ang panahon. Iyong mga hindi po nag-observe ng social distancing noong panahon ng Pasko, BagongTaon at Traslacion, naririyan na iyan,” ani Roque.

Wala na rin aniyang magagawa para sa mga hindi sumunod na tiyak na nakakaranas na ng mga sintomas.

Pero ang mabuting balita aniya ay may sapat na kakayanan ang mga ospital para gamutin ang mga tinamaan ng COVID-19.

Inulit din ni Roque ang payo ng Department of Health para sa mga pumunta sa Traslacion na mag-isolate na kung may nararamdamang sintomas ng virus at magpa-test pagkatapos ng anim na araw simula nang magpunta sa Quiapo.

Sa pahayag ng OCTA Research Group, nagkaroon na ng pagtaas sa COVID sa Metro Manila matapos ang mahigit 400 nadagdag na kaso.

Ayon kay Dr. Ranjit Rye ng Octa Research, kailangan nang kumilos at magpatupad ng kaukulang hakbang ang pamahalaan para maiwasan ang paglobong muli ng COVID cases sa MM.

Tumaas din ang reproduction number ng bansa batay sa record ng Department of Health na 1.13 na mas mataas kumpara sa 1.02 noong Disyembre 21 na indikasyon na kumakalat ang virus.

Bunga nito, nanawagan ang grupo sa pamahalaan at LGUs na magpatupad ng pinaigting na testing, tracing, at pag-isolate upang maiwasan ang pagkalat ng sakit at higpitan ang border control.

Hinala pa ng OCTA team na maaaring nasa Pilipinas na ang bagong COVID-19 variant mula sa UK. (ARA ROMERO)

3 MENOR DE EDAD NA KABABAIHAN, NAISALBA SA ONLINE SEXUAL EXPLOITATION

Posted on: January 14th, 2021 by @peoplesbalita No Comments

NAISALBA ng National Bureau of Investigation (NBI)-Anti Human Trafficking (AHTRAD) ang tatlong menor de edad na kababaihan na biktima ng Human trafficking sa Dasmarinas City, Cavite.

Ayon kay NBI Officer-in-Charge (OIC) Director Eric B. Distor na nag-ugat ang kaso mula sa Federal Bureau of Investigation (FBI) na ipinadala sa Philippine Internet Crimes Against Children Center (PICACC) kung saan isang Filipina ang nagpadala sa isang American national ng mga hubad na larawan ng kanyang menor de edad na anak at dalawang kaibigan kapalit ng pera sa pagitan ng 2018 at 2019.

Nalaman na dahil sa mga ipinadala, nakatanggap ng nasabing Filipina mula sa American cititzen ng kabuuang USD 2,680.oo sa pagitan ng April hanggang August 2019. Ang nasabing mga porn materials ay ipinadala sa Facebook App.

Ang nasabing Filipina ay nakilala ng NBI-AHTRAD kaya nagsagawa ng surveillance operation sa kanilang lugar kung saan nalaman na isa sa mga biktima ay anak nito at nasa kanyang pangangalaga.

Upang malaman ang dalawa pang kasama ng menor de edad na biktima ay humingi ng tulong ang NBI-AHTRAD sa principal ng dalawang bata kung saan sila ay nag-aaral na naibigay naman ng Principal ng eskuwelahan ang pangalan ng kanilang mga magulang at kanilang address at nitong January 8, 2021, ay nagsagawa ng operasyon ang NBI, Philippine National Police – Women and Children Protection Center (PNP-WCPC) at Dasmariñas City , Cavite, City Social Welfare and Development Office (CSWD) na nagresulta sa pagkakasalba ng mga menor de edad saka ito in-turn over sa isang shelter sa Rizal. (GENE ADSUARA)