2020 November Archive - People's Balita

Archive for November, 2020

Galvez, itinalagang Vaccine Czar ni PDu30

Posted on: November 4th, 2020 by @peoplesbalita No Comments

ITINALAGA ni Pangulong Rodrigo Roa Duterte si National Task Force (NTF) on COVID-19 chief implementer Carlito Galvez Jr. bilang vaccine czar ng bansa.

Si Pangulong Duterte mismo ang nag-anunsyo sa idinaos na televised meeting kasama ang mga key officials ng pamahalaan.

“Pagbili ng bakuna, the negotiation, manufacture, production, or distribution, binigay ko ‘yan kay Secretary Galvez. So only Secretary Galvez is authorized to negotiate or whatever. Isa lang,” ayon kay Pangulong Duterte.

Binigyang diin ng Chief Executive na nais niya ang ‘single line of authority’ pagdating sa pagbili ng inaasahan ng bakuna laban sa COVID-19.

“Ayaw ko ‘yang committee, committee. Matagal ‘yan. I have great faith in Charlie to really come up with the solutions for the problem,” dagdag na pahayag nito.

Kaugnay nito, kinumpirma naman ni Presidential spokesperson Harry Roque ang pagkakatalaga kay Galvez bilang vaccine czar.

Sa ulat, iminungkahi ni Senate Pro Tempore Ralph Recto sa Malacañang na magtalaga ng vaccine czar na titiyak sa access sa COVID-19 vaccine ng tinatayang 110-million na Pilipino oras na ito ay mailabas sa merkado.

Ayon kay Recto, reresolbahin ng vaccine czar ang mga hamon sa importation hanggang sa injection.

Batid kasi ng senador na marami nang mayayaman na bansa na pumopondo sa development ng vaccine ang unang makakakuha ng suplay.

Pwede rin aniya simulan ng vaccine czar ang pag-set up ng “supply-to-syringe cold chain” na may freezing temperatures para may mapaglagyan ang mga bakuna.

Matatandaan na sinabi ng Malacañang na maaaring magkaroon ng logistical challenge ang bansa sa distribusyon ng COVID-19 vaccine doses sa mga Pilipino oras na ito ay maging available. (Daris Jose)

LTFRB: 2,000 UV Express units balik kalsada

Posted on: November 4th, 2020 by @peoplesbalita No Comments

HALOS mayroong 2,000 UV Express units ang pinayagan muli ng Land Transportation Franchising and Regulatory Board (LTFRB) na bumalik sa kanilang operasyon.

Ayon sa LTFRB may kabuohang 6,755 na UV Express units ang magkakaron ng operasyon sa 118 na pinayagang ruta sa Metro Manila matapos ang huling batch ng 2,428 na units maging operational.

Ang mga bagong ruta na pinayagan ay ang mga sumusunod: Karuhatan-North Road Rail Station Terminal; Karuhatan-SM North EDSA/Trinoma; Robinson’s Novaliches-Vito Cruz at Buendia; Rosario- McKinley Hills; San Bartolome-MRT North Avenue Station; San Roque-Commonwealth Market; SM Fairview-Buendia at TM Kalaw.

Kasama rin ang rutang SM North CIT-TM Kalaw; SM South Mall- Lawton; Sto. Nino-Ayala at Ortigas Center; Sucat-Lawton; Tandang Sora –TM Kalaw;Trinoma –Robinson’s Novaliches; Rodriquez-Araneta at Cubao; at Montalban Central Terminal-Cubao Central Terminal.

Sinabi ng LTFRB sa mga operators na hindi na nila kailangan kumuha ng special permits upang makapag operasyon subalit kailangan nilang kumuha ng downloadable QR code at mag observed ng minimum health at safety standards.

Pinaalalahanin ng ahensiya na ang public utility vehicles ay kinakailangan magkaron ng valid certificates of public convenience bago sila mag operasyon.

Sa ilalim naman ng Memorandum Circular 2020-066, ang lahat ng UV Express units ay kinakailangan din na may Personal Passenger Insurance policy.

Wala rin na fare hike ang papayagan maliban kung pinayagan ng LTFRB. Dapat lahat ng regulasyon ng LTFRB ay kanilang susundin at kung hindi mapipilitan ang LTFRB na bigyan ng multa ang mga operators.

“Anyone caught violating these rules would be penalized, fined and their permits revoked,” sabi ng LTFRB.

Samantala, ang LTFRB ay pinayagan ang may kaubohang 33,163 na traditional jeepneys ang magkaron ng operasyon sa 371 na ruta; 4,499 buses sa 35 na ruta; 387 na point-to-point shuttles sa 34 na ruta; at 865 na modern jeepneys sa 48 na ruta.

Mayron namang kabuohang 305 na provincial buses ang pinayagan din na magkaron ng operasyon.

Ang Taxis naman ay 20,964 at 25,068 Transport Network Vehicle Services ang may operasyon sa Metro Manila. (LASACMAR)

Sec. Cimatu, sinuspinde ang quarry operations sa Guinobatan, Albay

Posted on: November 4th, 2020 by @peoplesbalita No Comments

SINUSPINDE ni Environment Secretary Roy Cimatu ang quarry operations sa Guinobatan, Albay makaraan ang pinsala na dulot ng Bagyong Rolly.

Sa press briefing, sinabi ni Cimatu na may apat na katao ang namatay at tatlo naman ang nailibing ng rumagasang lahar mula Mayon Volcano.

Ani Cimatu, malakas kasi ang agos ng tubig- baha na nagmula sa bulkan at bumagsak sa tatlong ilog kung saan nag-o-operate ang 11 quarry o tibagan.

“Some of these operators left their stockpiles in the middle of these rivers kaya no’ng bumaba ‘yung tubig, malakas, dala-dala ‘yung lahar, pati ‘yung stockpiles nila boulders ay kasama na,” ayon kay Cimatu.

Aniya pa, ang 11 operators ay binigyan ng permit ng provincial government.

Dahil dito, ipinag-utos niya ang suspensyon ng mga ito kabilang na ang quarry operation sa palibot ng Mayon.

Nauna rito, sinabi ni Senador Bong Go na nais ni Pangulong Rodrigo Roa Duterte ang imbestigasyon ng quarrying operations matapos makatanggap ng reklamo mula sa mga residente.

Samantala, binisita naman ni Pangulong Duterte ang Albay isang araw matapos manalasa ang bagyong rolly sa Bicol.

Nagsagawa rin ang Punong Ehekutibo ng aerial inspection sa Catanduanes, unang lalawigan na binayo ng bagyong rolly. (Daris Jose)

World champ na Japanese boxer positibo sa COVID-19

Posted on: November 4th, 2020 by @peoplesbalita No Comments

NALUNGKOT ang kampo ni Japanese WBA light flyweight super champion Hiroto Kyoguchi matapos itong makumpirmang nagpositibo sa coronavirus isang araw bago ang nakatakdang laban nito.

Sasagupain sana ni Kyoguchi si Thanongsak Simsri ng Thailand sa Osaka, Japan pero tuluyan nang kinansela ang laban dahil sa pagpositibo ng Japanese boxer sa nakamamatay na coronavirus.

Aminado ang kampo ni Kyoguchi na wala silang nakikitang anomang sintomas sa 26-anyos na boksingero.

Sinabi ng WBA na muli nilang itatakda ang laban kapag gumaling na ang Japanese boxer sa coronavirus disease.

PDu30, maayos ang kalusugan-Malakanyang

Posted on: November 4th, 2020 by @peoplesbalita No Comments

“HE is as good as anyone of his age.”

Ito ang tugon ng Malakanyang sa mga nagtatanong at naghahanap kay Pangulong Rodrigo Roa Duterte sa mga araw na nananalasa at bumabayo ang super typhoon rolly sa bansa.

Ang hindi pagdalo ni Pangulong Duterte sa kauna-unang public briefing habang nananalasa ang bagyong rolly ay ginamit ng mga kritiko ni Pangulong Duterte para ungkatin ang kanyang kalusugan.

Sinabi ni Presidential Spokesperson Harry Roque na kung nasa masamang kondisyon ang kalusugan ng Pangulo, 75, ay hindi nito magagawang bisitahin ang typhoon-battered Guinobatan, Albay.

Nauna rito, habang pabalik sa Maynila mula sa Davao ay nagsagawa kahapon ng aerial inspection si Pangulong Duterte sa mga lugar na sinalanta ng bagyong Rolly sa Bicol at CALABARZON.

Wala namang ideya si Sec. Roque kung aksidenteng inalis o kusang tinanggal ni Pangulong Duterte ang suot nitong face mask.

“Ang importante po, nakarating po doon sa Guinobatan… Kung natanggal man ang mask niya, iyong danger ay na kay Presidente. Pero hindi po niya natiis ang mga Bicolano, pinuntahan niya. He exposed himself to the threat of COVID-19,” aniya pa rin.

2 tulak nasakote sa Caloocan buy-bust

Posted on: November 4th, 2020 by @peoplesbalita No Comments

WALANG kawala ang dalawang hinihinalang drug pushers matapos bentahan ng marijuana ang isang pulis na nagpanggap na buyer sa isinagawang buy- bust operation sa Caloocan City.

Kinilala ni Caloocan police deputy chief for administration PLTCOL Ilustre Mendoza naarestong mga suspek na si Ian Lester Catalan, 24 ng Misamis St. brgy. 153 at Norman Sta. Ana, 40, ng Malolos Ave. Brgy. 154.

Ayon kay PLTCOL Mendoza, dakong 1 ng madaling araw nang isagawa ng mga operatiba ng Caloocanb Police Station Drug Enforcement Unit (SDEU) warriors sa pangunguna ni P/Capt. Deo Cabildo at P/Capt. Jeraldson Rivera ng Bagong Barrio SS5 ang buy-bust operation kontra sa mga suspek sa Miraclre st. Brgy. 153, Bagong Barrio.

Nang tanggapin ng mga suspek ang P1,000 marked money mula kay PCpl Mark Christian Cabanilla na nagpanggap buyer kapalit ng isang medium size brick cling plastic ng pinatuyong dahon ng marijuana at fruiting tops at agad silang sinunggaban ng mga operatiba.

Narekober sa mga suspek ang 4 gramo ng hinihinalang shabu na nasa P27,000 ang halaga, 500 gramo ng pinatuyong dahon ng marijuana at fruiting tops na nasa P60,000 ang halaga at buy- bust money.

Mahaharap ang mga naarestong suspek sa kasong paglabag sa Comprehensive Dangerous Drugs Act of 2002. (Richard Mesa)