HINDI naglaho ang galing ni Sky Candy na nirendahan ng class A na hineteng si JA Guce, maski matagal na nabakasyon pinamayagpagan nitong Linggo ang PHILRACOM-RBHS Class 3 sa San Lazaro Leisure Park sa Carmona, Cavite.

Dinamba ura-urada ng nasabing kabayo ang primera pagkalabas ng aparato, paentra ng far turn, humirit sina Refuse To Lose at Kaka And Bachi sa paghablot sa trangko. Pero parehong bulilytaso sa winning horse, na ang may ari’y kumite ng P20,000 na cash buhat sa Philippine Racing Commission.

“Iba talaga ang husay ni Sky Candy pang stakes race, kahit matagal natengga hindi nagbago ang porma,” masayang dada ni Peter Gallardo, isang taga-Carmona na mananaya.

Pumangalawa si Two Timer, pumangatlo si Refuse To Lose, samantalang pumang-apat si Kaka And Bachi sa unang karera sa SLLP sapul nang mahinto noong Marso dahil sa pandemya. (REC)

Kinilala ng Forbes si Lionel Messi bilang pinakamayamang soccer player sa buong mundo.

Ayon sa Forbes, mayroon itong kabuuang yaman na $126 million.

million dito ay mula sa kaniyang sahod habang $34 million ay mula sa kaniyang mga endorsements.

Nasa pangalawang puwesto naman ang isa pang football superstar na si Cristiano Ronaldo na mayroong kabuuang assets na $117 million.

Pumapangatlo ang Brazilian star na si Neymar na mayroong $96 million na yaman.

Habang nasa pang-apat na puwesto ang 21-anyos na si Kylian Mbappe na tinatayang may $42 million.

ISA sa inaantabayanan ng mga professional basketball fan kapag nagbalik na ang 45^th Philippine Basketball Association (PBA) Philippine Cup 2020 eliminations ang pagtatapat ng magkapatid na Escoto.

Sila ay sina veteran Russel na nasa five-time defending champion San Miguel Beer  ang mas bata na si Blackwater Bossing rookie Richard.

Maaaring maganap na ang matagal na hinihintay ng fans  sa pagbabalik aksyon ng propesyona na liga sa git na ng Oktubre.

“First time kong makakalaban ang kuya ko sa buong buhay ko ‘pag bumalik na ang PBA,” pahayag ng newcomer para kay Russel.

Pero hindi ikinubli ng former FEU Tamaraw na binibigyan siya ng advice ng kanyang kuya sa kanyang nalalapit na pagsalang sa unang Asia play-for-pay hoop. (REC)

Interesadong mag-apply bilang bagong head coach ng University of Santo Tomas (UST) si dating PBA import Sean Chambers.

Kasunod ito ng pagbibitiw sa puwesto ni Aldin Ayo dahil sa kinakaharap nitong anomalya sa “Sorsogon bubble”.

Isa lamang ang 55-anyos na si Chambers sa mga nagsumite ng aplikasyon para maging coach ng UST Growling Tigers.

Sinabi nito na matagal na siyang naghahanap ng mga posisyon sa bansa at ang aplikasyon na maging coach sa UST ay napapanahon na.

Noon pang 2017 aniya ay nag-applya na ito sa nasabing posisyon.

Naniniwala ito na kayang bumangon muli at maging kampeonato ang UST.

Magugunitang bukod kay Ayo ay umalis din sa UST si reigning Rookie of the Year Mark Nonoy na sinasabing lilipat umano ito sa De La Salle University.

SUMABLAY sa mga korona sa magkasunod na linggong yugto ng 53rd Japan Ladies Professional Golf Association (JLPGA) 2020, pinakahuli sa Minolta Cup nitong Linggo ng hapon si Yuka Saso.

Pero siya pa rin lumilitaw na nagdodomina sa standings at sa mga statstic ng mayamang palarong ito sa rehiyon

Ang malakas pumalong 19-anyos na top Philippine golfer ang nagtatrangka pa rin makaraan ang limang torneo sa Mercedes ranking sa nalikom ng 644.85 points.

Ang isinilang sa San Ildefonso, Bulacan ang bida pa rin sa annual prize money sa ¥62,088,000 (P28.5M) kinita na, maski nahanay lang sa limang magkakatabla para sa ika-13 puwesto sa Minolta sa JFE Seto Inland Sea Golf Club sa Okayama kunsaan nabiyayaan siya ¥2,640,000 o P1.3M.

Susi rito ang pinagreynahan ng Fil-Japanese na  Nitori Ladies Golf Tournament sa Hokkaido nitong Agosto 27-30 at NEC Karuizawa 72 Golf Tournament nitong August 14-16 sa Nagano.

Nasa tuktok din si Saso para sa average strokes (69.3889), top 10 finishes (3), eagle number (3), birdie number (74),  number of rounds of 60 car (9), par 3 average scores (2.7917), qualifying round average stroke (69.3000), first round average stroke (67.4000);

Nasa limang kahilera iya sa number of games played (5), solo na uli sa sa number of rounds (18), average birdie (4.11), par break rate (23.77), par save rate (90.74), par on rate (76.85), ave. no. of putts (1.755), par (271), at dalawa pang kategorya. (REC)

HINDI naging maganda ang paghihiwalay ng Phoenix LPG Superkalan at ni coach Francisco Luis (Louie) Alas habang nakatengga pa rin ang 45^th Philippine Basketball Association (PBA) Philippine Cup 2020 sanhi ng COVID-19.

Nitong nagdaang Biyernes, Setyembre 11 nagpakalat ng statement ang Fuel Masters na sinisipa na ang stint ni Alas bilang coach ng koponan. May hanggang Oktubre 31, 2020 pa ang paso ng kanyang tatlong taong kontrata.

Kinabukasan (Sabado) aniya, kinausap siya ni team manager Paolo Bugia upang palagdain sa unang binigay na resignation letter. Hindi pumirma ang coach dahil ayaw niyang mag-iwan ng impresyon na inayawan niya ang kanyang team.

“Sabi sa’kin ‘nung Saturday night, ‘Coach, I’m appealing to you para at least may makuha ka du’n sa remainder ng contract mo.’ So ‘yun ang mas pinag-usapan namin,” salaysay nitong Linggo. “Sabi ko, let me sleep on it.

Patulugin n’yo muna ako dahil as I’ve said, I can’t do that – ‘yung magsa-sign ako sa piece of paper na nagre-resign ako, eh, hindi naman ako nagre-resign.”

Tumanggap siya ng sulat matapos pumunta sa management para tanungin kung puwede na siyang magpa-swab test at makabalik sa workout ng team sa Upper Deck sa Pasig City.

Binagsakan muna ang 56-anyos na tactician ng 15-day suspension without pay nitong Set. 1 dahil aniya sa paglabag niya sa health protocols, kabilang ang pagpasok sa facility habang hindi pa tapos ang disinfection.

Ang assistant ni Alas na si Michael Christopher ‘Topex’ Robinson ang tinapik ng Fuelmasters bilang interim coach muna.

Tingin ng OD, gusto na ring baklasin talaga ng Phoenix si Alas. Marahil nainip na rin sa may tatlong taon kawalang produktibo ng team sa ilalim niya.