2020 September Archive - People's Balita

Archive for September, 2020

‘Pinas, mananatiling miyembro ng Gavi Covax VaccinE Alliance

Posted on: September 19th, 2020 by @peoplesbalita No Comments

MANANATILING miyembro ng Gavi Covax VaccinE Alliance ang Pilipinas sa kabila ng naging pahayag ni Pangulong Rodrigo Roa Duterte na hindi ito magbibigay ng cash advance sa mga western countries para lamang makasiguro ang bansa na makakukuha ng madidiskubreng Covid-19 vaccine.

Sinabi ni Presidential spokesperson Harry Roque, ipinahihiwatig lamang daw ng naging pahayag na ito ng Pangulo ay kung bakit humihingi na ang mga western companies ng reservation fee gayong isinasailalim pa sa clinical trial ang mga dinidiskubreng Covid-19 vaccine.

Hindi aniya maunawaan ng Punong Ehekutibo kung bakit maagang humihingi ng bayad ang ilang Western countries gayung wala namang hinihinging ganito ang bansang China at Russia.

Sa katunayan pa nga aniya ay maaari pa ngang utangin ng Pilipinas sa Russia at China ang covid vaccine na maaring kunin sa kanila ng Philippine government. (Daris Jose)

Gierran, may hanggang Disyembre para ‘linisin’ ang PhilHealth – Palasyo

Posted on: September 19th, 2020 by @peoplesbalita No Comments

Binibigyan umano ni Pangulong Rodrigo Duterte ng hanggang Disyembre ang bagong upong pinuno ng Philippine Health Insurance Corp (PhilHealth) na si Dante Gierran para linisin ang umano’y kurapsyon sa ahensya.

Ayon kay Presidential Spokesperson Harry Roque, titingnan umano ng Pangulong Duterte kung makakaya ba ni Gierran, na dating hepe ng National Bureau of Investigation, na malinis ang hanay ng PhilHealth bago nito ikonsidera ang pagbuwag o pagsasapribado sa state health insurer.

“The deadline given to Attorney Gierran is a deadline to clean up the organization. File all the cases that need to be filed, suspend, terminate, whatever you need to do in order to cleanse the ranks of PhilHealth,” wika ni Roque.

“Hindi naman po ibig sabihin na ang termino niya ay hanggang doon lamang.”

Una rito, nakipagpulong ang presidente kina Senate President Vicente Sotto III at House Speaker Alan Peter Cayetano kung saan isa sa mga natalakay ang mga kontrobersiyang bumabalot sa PhilHealth.

Ayon kay Sotto, siya raw ang nagrekomenda sa Pangulo na i-review muna ang pamumuno ni Gierran bago magpasya ang pagbuwag o pag-privatize ng ahensya.

Matatandaang nangako si Gierran na tutugunan nito ang isyu ng katiwalian sa PhilHealth sa loob ng dalawang taon.

“Sigurado ‘yan, kakayanin. Kakayanin ko talaga ‘yan,” ani Gierran. (Ara Romero)

PDu30, hands off sa napipintong pagpapalit ng House leadership -Sec. Roque

Posted on: September 19th, 2020 by @peoplesbalita No Comments

HANDS off si Pangulong Rodrigo Roa Duterte sa usapin ng term sharing sa Kamara sa pagitan nina House Speaker Allan Peter Cayetano at Marinduque Representative Lord Allan Jay Velasco.

Tiniyak ni Presidential spokesperson Harry Roque, hindi panghihimasukan ni Pangulong Duterte ang una nang naging arrangement ng dalawang mambabatas na may kinalaman sa hatian ng pamumuno sa Kamara de Representante.

Ayon kay Sec. Roque, ang desisyon ay nasa hanay ng mga miyembro ng Kongreso kasabay ng pagpapahayag ng pasubali na walang dahilan para mamagitan sa ngayon ang Presidente sa dalawang Kongresista.

“Wala po tayong kinalaman diyan bagama’t ang paghalal ng Speaker ay desisyon po iyan ng mga miyembro ng Kamara, so hindi po nanghihimasok diyan ang Presidente sa ngayon,” ayon kay Sec. Roque.

Magugunitang, nagkaroon ng term sharing agreement sina Cayetano at Velasco na pinagtibay ng dalawa bilang gentleman’s agreement.

Kung masusunod ang kasunduan ng dalawa, dapat maupo bilang bagong Speaker of the House si Velasco kapalit ni Cayetano sa darating na Oktubre 18. (Daris Jose)

Extension ng deklarasyon ng state of calamity sa Pilipinas, definitely-Sec. Roque

Posted on: September 19th, 2020 by @peoplesbalita No Comments

SIGURADONG sinabi ni Presidential spokesperson Harry Roque na ie- extend o palalawigin ni Pangulong Rodrigo Roa Duterte ang idineklara nitong state of calamity sa Pilipinas.

Ito’y dahil sa patuloy na pakikibaka ng bansa sa COVID-19 pandemic.

“Yes, definitely ..it will be extended. It’s in the desk of the President, probably signed by now,” ayon kay Sec. Roque .

Matatandaang isinailalim ni Pangulong Duterte sa State of Calamity ang buong bansa sa harap ng patuloy na pagdami ng kaso ng coronavirus disease 2019 (COVID-19).

Ayon sa Proclamation No. 929, anim na buwan isasailalim sa state of calamity ang Pilipinas pero puwede itong palawigin o umikli depende sa mga pangyayari.

Sa ilalim ng state of calamity, mas mabibigyan ng mas malawak na access ang national government at mga local government unit (LGU) sa kinakailangang pondo, kabilang ang quick response fund, para sa disaster preparedness.

Ang deklarasyon ng state of calamity noong Marso ay nakapagbigay pagkakataon sa pamahalaan na mas maayos na tugunan ang pandemiya bago pa mapagtibay ang virus response na Bayanihan to Heal as One Act, at Bayanihan to Recover as One Act.

Sa ulat, ang Pilipinas ang isa sa may pinakamatagal at mahigpit na lockdowns sa buong mundo habang ang buong bansa ay nasa ilalim ng iba’t ibang levels ng community quarantine. (Bishop Jesus “Jemba” M. Basco)

42nd MILO BEST Center webcast clinic lang muna

Posted on: September 19th, 2020 by @peoplesbalita No Comments

TULOY ang dribol ng 42^nd MILO-BEST Center simula sa Setyembre 26 na hahawakan ng mga kilalang basketball coach sa bansa, pero online format muna dahil sa umiiral pang COVID-19.

Ipinahayag ang senaryo nina MILO Sports Executive Luigi Pumaren, BEST Center Executive Vice President Monica Jorge, at BEST Center product and MILO ambassadress Ella Patrice Fajardo sa Philippine Sportswriters Association (PSA) online Forum nitong Martes.

“We believe that even if we’re in this pandemic situation, we still have to be active, to be healthy. So we have developed programs for that,” bigkas ni Jorge, anak ni late BEST Center founder at former national coach Nicanor Jorge.

Hinatid ang lingguhang sesyon ng San Miguel Corporation, Go For Gold, MILO, Amelie Hotel Manila, Braska Restaurant, Philippine Amusement and Gaming Corp. (PAGCOR), Smart at Upstream Media. (REC)

Ipagpaliban ang physical distancing sa PUVs, suportado ni Senador Bong Go

Posted on: September 19th, 2020 by @peoplesbalita No Comments

SANG-AYON si Senador Bong Go sa rekomendasyon ng mga eksperto at mga doktor na pansamantalang ipagpaliban muna sana ang pagpapaluwag ng health protocols tulad ng pagpapaikli ng distansya ng mga tao sa pampublikong sasakyan.

Ang katwiran ni Go ay huwag na isugal kung may posibilidad na mas kumalat pa ang sakit na coronavirus.

Aniya, ayaw niya at ng pamahalaan na tumaas muli ang numero ng nagkakasakit, lumala ang sitwasyon at tuluyang bumagsak ang healthcare system.

“Kapag nakita kasi ng mga tao na pumayag na tayo na luwagan ang physical distancing measures sa public transportation, baka pumasok sa isip ng tao na pwede na palang maging kampante sa iba pang lugar. Mahihirapan tayo na limitahan lang sa transportation aspect ang polisyang ito,” ayon kay Go.

“Let us always remember that according to studies from experts, physical distancing is one of the most effective ways to avoid transmission of COVID-19,” dagdag na pahayag ni Go.

At sa pagtugon naman sa pangangailangan ng public transport sector, makabubuting humanap na lamang ng ibang paraan para tulungan ang ikinabubuhay ng mga PUV operators at drivers na hindi nailalagay sa panganib ang kanilang buhay at buhay ng ibang tao.

Kaya nga, kung maaari ani Go payagan sana ng Land Transportation Franchising and Regulatory Board
(LTFRB) ang mga hindi pinayagang bumyahe noon para madagdagan ang masasakyan ng publiko.

Makabubuting pag-aralan din kung pwedeng i-subsidize muna ng gobyerno para hindi malugi ang PUVs pero mapanatili pa rin ang pagpapatupad ng mga patakarang poprotekta sa kalusugan ng ating mga kababayan.

“We should balance the convenience and safety of commuters. Opening the economy should not be at the expense of keeping the riding public safe from COVID-19,” giit ni Go.

Sa laban ng lahat kontra COVID-19 ay marapat lamang na bigyan ng importansya ang posisyon ng mga medical experts.

“Pinakikinggan po palagi ni Pangulong Duterte ang mga rekomendasyon ng mga eksperto tulad ng mga doktor. Sila kasi ang mas nakakaalam sa aspetong kalusugan, at bilang frontliners natin sa gyerang ito, they know how to beat the enemy and keep the virus at bay, while there is still no vaccine available,” ayon kay Go

Sa panahong ito ay importante ang ekonomiya pero mas importante ang buhay ng bawat Pilipino.

Ang pera ay kikitain pero ang buhay ay hindi nabibili ng pera.

” A life lost is lost forever,” diing pahayag ni Go.

Sa ulat, isang grupo ng mga healthcare workers ang umapela sa Inter-Agency Task Force for Emerging Infectious Diseases (IATF) para ibasura ang panuntunan ng Department of Transportation (DOTr) na bawasan ang isang metrong physical distancing sa mga pampasaherong sasakyan.

Nag-aalala ang grupong Healthcare Professionals Alliance Against COVID-19 (HPAAC) na dahil sa pagbabago sa panuntunan sa physical distancing ay lalong tataas ang mga dadapuan ng virus at tuluyan nang hindi makakarekober ang bansa.

Sinabi ni Dr. Carmela Kasala, opisyal ng HPAAC, na sa pagpapaluwag ng physical distancing, maaaring isipin din ng publiko na pawala na ang virus na puwedeng mapunta sa kawalang disiplina.

Iginiit niya na ang droplets buhat sa pagsasalita, paghatsing at pag-ubo lalo na kung hindi mapigilan ay maaaring kumalat sa hangin at maipasa ng mas mabilis lalo na kung dikit-dikit.

Sa katwiran ng DOTr na mahigpit naman ang tagubilin na palagiang magsuot ang mga pasahero ng face mask at face shield, sinabi ng grupo na hindi tiyak ang proteksyong maibibigay ng mga ito at magiging mabisa lamang kung may angkop na physical distancing. (Daris Jose)

Binalangkas na IRR ng Anti Terror Law, tapos na – DoJ

Posted on: September 19th, 2020 by @peoplesbalita No Comments

Nasa tanggapan na ng Department of Justice (DoJ) ang binalangkas na implementing rules and regulation (IRR) ng Anti Terrorism Law na kaagad isailalim sa evaluation.

Ayon kay DoJ Sec. Menardo Guevarra, natanggap niya kahapon ang unang binalangkas na IRR ng RA 11479 o Anti Terrorism Law of 2020.

Ayon sa kalihim, kung kinakailangan pang i-edit ang nasabing IRR ay kaagad nila itong isagawa upang maisumite na kaagad sa Anti-Terrorism Council para sa kanilang pagpapasya.

Umaasa naman ang kalihim na magiging handa na ang nasabing binalangkas na IRR bago pa sumapit ang natakdang deadline nito sa susunod na buwan para sa promulgation.

Matatandaang umabot na sa 32 mga petition ang naihain sa Supreme Court (SC) ng mga kontra o tutol sa pagpapatupad sa bagong pasang batas dahil sa umanoy malalabag nito ang mga karapatang pantao sa bansa. (Ara Romero)

Implementasyon ng 0.75 meter na distancing suspendido

Posted on: September 19th, 2020 by @peoplesbalita No Comments

Pansamantalang sinuspinde ang implementasyon ng 0.75 meter na distancing sa mga pampublikong transportasyon at ibabalik ito sa sa one meter.

Ito ang inihayag ni Presidential spokesperson Harry Roque matapos itong ianunsyo ni Transportation Secretary Arthur Tugade sa isinagawang pulong ng Inter-Agency Task Force for the Management of Emerging Infectious Diseases (IATF).

Nakatakda namang magdesisyon si Pangulong Rodrigo Roa Duterte sa usaping ito sa susunod na linggo.

Sa ilalim ng bagong protocol na ipinalabas ng Department of Transportation noong nakaraang linggo, ang kasalukuyang one-meter distance ay magiging 0.75 meters simula Setyembre 14.

Maaari itong mabawasan ng hanggang 0.5 meters matapos ang dalawang linggo at 0.3 meters matapos ang susunod pang dalawang linggo.

Sinabi ni Dr. Carmela Kasala, opisyal ng HPAAC, na sa pagpapaluwag ng physical distancing, maaaring isipin din ng publiko na pawala na ang virus na puwedeng mapunta sa kawalang disiplina.

Iginiit niya na ang droplets buhat sa pagsasalita, paghatsing at pag-ubo lalo na kung hindi mapigilan ay maaaring kumalat sa hangin at maipasa ng mas mabilis lalo na kung dikit-dikit.

Ads September 19, 2020

Posted on: September 19th, 2020 by @peoplesbalita No Comments

PBA bubble gagawin sa Clark, Pampanga simula sa Oct. 9

Posted on: September 19th, 2020 by @peoplesbalita No Comments

Nagdesisyon na rin ang Philippine Basketball Association (PBA) na gagawin nila ang kanilang sariling bersiyon ng bubble sa Clark, Pampanga.

Ang pagbuhay sa mga laro ng PBA ay sisimulan sa pamamagitan ng All-Filipino Cup sa October 9.

Gayunman mag-aantay pa ang PBA sa desisyon ng Inter-Agency Task Force (IATF) kung aaprubahan ang kanilang mga protocols kung ligtas ang mga players sa pagkalat ng coronavirus.

Ayon kay PBA chairman Ricky Vargas pinili nila ang Clark dahil sa kompleto ang pasilidad.

Paliwanag pa ni Vargas, ang lahat ng team ay mananatili umano sa Quest Hotel habang ang mga games naman ay gagawin sa Angeles University Foundation na 10 minuto lamang ang layo sa hotel accomodation.

“We’re ready and we’re excited,” ani Vargas.

Ang naturang mga venue ay ginamit na rin noong taon sa SEA Games.

Ang bawat PBA team ay kailangan meron lamang eksklusibong mga bus.

Batay pa sa plano ng PBA, kada araw daw ay merong dalawang games kung saan ang uusad na apat na mga teams ay merong twice-to-beat advantage.

Ang semifinals ay magiging best-of-5 series, samantalang ang finals naman ay best-of-7 series.

Kung sakaling magsimula na ang mga PBA games tatagal ang mga players sa loob ng Clark City na walang aalis dahil sa may mahigpit na patakaran sa protocols tulad sa konsepto sa NBA bubble na ginaganap sa Disney World campus sa Florida.