2020 September Archive - People's Balita

Archive for September, 2020

ESTUDYANTE, 2 BUSINESSMAN KULONG SA P251-K SHABU

Posted on: September 21st, 2020 by @peoplesbalita No Comments

KALABOSO ang tatlong hinihinalang sangkot sa illegal na droga, kabilang ang 18-anyos na estudyante at dalawang businessman matapos makuhanan ng higit sa P.2 milyon halaga ng shabu sa isinagawang magkahiwalay na buy-bust operation ng pulisya sa Malabon city.

Ayon kay Malabon police chief Col. Jessie Tamayao, alas-2:15 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni PLT Adonis Aguila ang buy-bust operation sa M. H. Del Pilar Brgy. Tugatog.

Nasakote sa operation si Ryan Villanueva, 42 businessman ng Plaridel, Bulacan at Julius Velasquez, 36, businessman ng Lascano St. Brgy. Tugatog matapos bentahan ng P1,000 halaga ng shabu ang isang pulis na nagpanggap na poseur-buyer kapalit ng marked money.

Ani SDEU investigator PMSg Randy Billedo, nakumpiska sa mga suspek ang abaot sa 25.5 gramo ng shabu na tinatayang nasa P170,000 ang halaga at P1,000 buy-bust money.

Nauna rito, alas-5:45 ng hapon nang masakote din ng mga operatiba ng SDEU sa buy-bust operation sa P. Aquino corner Dr. Lascano St. Brgy. Tugatog, Malabon ang 18-anyos na estudyante na si Jastine Galang, ng PNR Compound. Brgy. 73, Caloocan city.

Nasamsam kay Galan gang aabot sa 12.0 gramo ng shabu na tinatayang nasa P81,600.00 ang halaga at P1,000 buy-bust money. (Richard Mesa)

VICTIM SWAPS BODY WITH A SERIAL KILLER IN FIRST ‘FREAKY’ TRAILER

Posted on: September 21st, 2020 by @peoplesbalita No Comments

FROM the director of the ‘Happy Death Day’ films comes another slasher film with a crazy twist!

A body swap that cuts deep. Watch the first trailer of Universal Pictures and Blumhouse’s new horror comedy Freaky starring Vince Vaughn & Kathryn Newton.

Prepare to get Freaky with a twisted take on the body-swap movie when a teenage girl switches bodies with a relentless serial killer.

Seventeen-year-old Millie Kessler (Kathryn Newton, Blockers, HBO’s Big Little Lies) is just trying to survive the bloodthirsty halls of Blissfield High and the cruelty of the popular crowd. But when she becomes the newest target of The Butcher (Vince Vaughn), her town’s infamous serial killer, her senior year becomes the least of her worries.

When The Butcher’s mystical ancient dagger causes him and Millie to wake up in each other’s bodies, Millie learns that she has just 24 hours to get her body back before the switch becomes permanent and she’s trapped in the form of a middle-aged maniac forever. The only problem is she now looks like a towering psychopath who’s the target of a city-wide manhunt while The Butcher looks like her and has brought his appetite for carnage to Home- coming.

With some help from her friends—ul- tra-woke Nyla (Celeste O’Connor, Ghostbusters: Afterlife), ultra-fabulous Joshua (Misha Osherovich, The Gold- finch) and her crush Booker (Uriah Shelton, Enter the Warriors Gate)—Millie races against the clock to reverse the curse while The Butcher discovers that having a female teen body is the perfect cover for a little Homecoming killing spree.

The film also stars Alan Ruck (HBO’s Succession), Katie Finneran (TV’s Why Women Kill) and Dana Drori (Hulu’s High Fidelity).

From the deliciously debased mind of writer-director Christopher Landon (Happy Death Day, the Paranormal Ac- tivity franchise) comes a pitch-black hor- ror-comedy about a slasher, a senior, and the brutal truth about high school.

Freaky is written by Christopher Landon and Michael Kennedy (Fox’s Bordertown) and is produced by Jason Blum (Halloween, The Invisible Man). The film is produced by Blumhouse Pro- ductions in association with Divide/Con- quer. The executive producers are Couper Samuelson and Jeanette Volturno.

In Philippine cinemas soon, Freaky is distributed by United International Pic- tures through Columbia Pictures. Follow us on Facebook, Twitter and Instagram. Connect with # and tag uipmoviesph (ROHN ROMULO)

Mga taga-MM na pupunta ng Tagaytay City kailangan pa ring kumuha ng travel pass-Malakanyang

Posted on: September 21st, 2020 by @peoplesbalita No Comments

PINAALALAHANAN ng Malakanyang ang mga residente ng Metro Manila na kailangan pa rin nilang kumuha ng travel pass mula sa Philippine National Police kung pupunta ng Tagaytay City.

Ang Tagaytay City ang itinuturing na top tourist destination sa Cavite province.

Suportado ng Malakanyang ang pahayag ni Joint Task Force COVID Shield commander Police Lieutenant General Guillermo Eleazar, na iginiit na kailangan ang travel authority matapos ihayag ng Tagaytay City government na hindi na ito requirement.

Ang Metro Manila ay kasalukuyan ngayong nasa ilalim ng general community quarantine (GCQ) habang ang Cavite ay nasa ilalim naman ng modified general community quarantine (MGCQ).

“MGCQ to MGCQ travel, hindi kinakailangan ng travel pass but the local government unit may still impose it. GCQ to MGCQ, kinakailangan ng travel pass,” ayon kay presidential spokesperson Harry Roque.

“Mga taga-Metro Manila na nais pumunta ng Tagaytay, kinakailangan n’yo pong kumuha ng travel pass at bago kayo mabigyan ng travel pass ng PNP, kinakailangan mag-presinta po kayo ng medical certificate,” dagdag na pahayag ni Sec. Roque.

Sa ulat, unti-unti nang nagsisibalikan ang mga turista sa Tagaytay City matapos ianunsyo ng city government na tumatanggap silang muli ng mga bisita magmula nang isailalim ang lungsod sa modified general quarantine noong September 1.

Pinaalalahanan ng City Administrator na si Engineer Gregorio Monreal na kailangang sundin ng mga turista ang minimum health protocols gaya ng physical distancing at pagsusuot ng face mask.

“’Yung mga gustong pumunta sa Tagaytay ay hindi natin puwedeng mapigilan, welcome sila sa atin pero kailangan nilang sumunod sa minimum public health standard. Bagamat ang ating guidelines ay nasa quarantine protocols pa rin tayo, pero ‘yung mga gustong pumunta sa Tagaytay ay hindi natin mapipigilan,” ani. Engr. Monreal.

Aniya, mayroon pa ring mga checkpoints sa entry at exit points ng lungsod subalit hindi oobligahin ang mga bisita na magprisinta ng travel pass. Ang kailangan lang ay mag-fill-up ng health declaration form.

Naglabas ng memorandum si City Mayor Agnes Tolentino noong September 1 para sa guidelines na dapat sundin ng mga establisimyento, mga tanggapan, public transportation, religious groups at mga barangay.

Kailangan umanong sundin ang mga health standards at protocols upang maproteksyunan ang mga workers at turista.

Pinapayagan ang mga hotel na mag-operate ng hanggang 50% capacity nito. Kailangang kumuha ng certification at accreditation mula sa Department of Tourism ang mga hotel bago makapag-operate.

Ang mga pribadong sasakyan ay papayagang maglabas-masok sa Tagaytay kung sinusunod ng mga pasahero nito ang physical distancing.

Inaasahan na sa muling pagbubukas ng pinto ng Tagaytay para sa mga turista ay makababawi na ang city government at mga negosyanteng nawalan ng kita dahil sa pandemya. (Daris Jose)

Nora, nakatakdang gawin ang short film na ‘Henerala Salud’

Posted on: September 21st, 2020 by @peoplesbalita No Comments

NAKATAKDA palang gawin ni Superstar Nora Aunor ang Henerala Salud na life story ng former beauty queen from Cabuyao, Laguna, who turned rebel against the Americans.

Ayon kay Nanding Josef, Artistic director ng Tanghalang Pilipino, ang magpu-produce ng short film on the 67-year-old Salud Algabre, ay ang Tanghalang Pilipino (TP), in time for the March 2021 celebration of National Women’s Month.

Sa ngayon daw ay sinusulat na ang script ng short film at pumayag naman si Nora na gawin ito. Mula rin kay Nanding Josef, igagawa rin daw ito ng full-length film ng TP with a partner producer.

Sa ngayon naman ay hinihintay na ng mga fans at televiewers ang pagbabalik-taping ng Afternoon Prime series na Bilangin ang Bituin sa Langit na pinagbibidahan ni Nora Aunor sa GMA Network.

***

HABANG naghihintay pa ng balik-taping ng Bilangin ang Bituin sa Langit si Kyline Alcantara, nag-enrol na ang 18- year-old actress as a college freshman in Tourism.

Ito ang ipinahayag ni Kyline sa interview niya sa 24 Oras, na na-inspire siya na magkaroon ng enough knowledge about the Philippines, para pagdating niya sa ibang bansa, kayang-kaya niyang ipagmalaki kung gaano kaganda ang Pilipinas. Kyline hails from Sorsogon in Bicol.

Dahil quarantine, online muna ang classes ni Kyline at inamin niyang nakakatakot dahil bagong school, pero excited daw siya at challenge sa kanya kung paano niya ima-manage ang kanyang oras.

Napapanood si Kyline sa rerun ng Kambal, Karibal na nasa finale week na simula ngayong Monday hanggang Friday, after ng Encantadia and soon sa All- Out Sundays pag nag-live na ito.

***

NAGBALIK na rin sa taping sa new normal ang Anak ni Waray Vs. Anak ni Biday at ang isa sa bida rito na si Kate Valdez ay inamin na magkahalong kaba at saya ang naramdaman niya sa pagbabalik nila ng taping, dahil naka-lock in sila.

“Sa totoo po, medyo nangangapa ako,” sabi ni Kate.

“Para kasi akong bumalik sa umpisa muli ng serye namin. Nakadagdag pa sa pressure naming lahat iyong kailangan naming tapusin ang mga eksena nang maaga alinsunod sa new normal taping protocols.

“Kaya po pinaghahandaan ko naman ang lahat bago ako dumating sa set, para hindi ako magkamali, matapos ang take para hindi kami magtagal sa set, nakakakaba po kasi talaga.”

Malapit na ring bumalik sa GMA Telebabad ang Anak ni Waray Vs. Anak ni Biday na nagtatampok din kina Snooky Serna, Dina Bonnevie, Barbie Forteza, Migo Adecer at Jay Manalo. (NORA V. CALDERON)

Tulong Puso Group Livelihood Program, inilunsad ng OWWA

Posted on: September 19th, 2020 by @peoplesbalita No Comments

INILUNSAD ng Overseas Workers Welfare Administration (OWWA) ang Tulong Puso Group Livelihood Program para matulungang makapagsimulang muli ang mga Overseas Filipino Workers na nawalan ng hanapbuhay dahil sa Covid- 19 pandemic.

Sa Laging Handa Public Press Briefing sinabi ni OWWA Administrator Hans Leo Cacdac na ang nasabing programa ay magkakaloob ng P150,000 – P1 million livelihood grant sa mga OFWs.

Ang paliwanag ni Cacdac, para makapag- avail ng programa kinakailangang bumuo ng pangkat o grupo ang OFWs na hindi bababa sa 5 ang miyembro na 80% sa kanila ay nawalan ng trabaho abroad dahil sa pandemya.

Rehistrado rin dapat ang grupo sa workers’ association ng DOLE o sa Securities and Exchange Commission, maliban sa mga dokumentong magpapatunay na nawalan nga ang mga kasaling ofws ng trabaho abroad dahil sa Covid-19 kinakailangan din nilang magsumite ng comprehensive business plans sa OWWA.

Sinasabing, susuriin ding maigi ang business proposals ng mga OFWs at ang mga negosyo na katulad ng spa, salon, gym o fitness centers ay hindi muna papayagan sa ngayon.

Aniya pa, magiging mahigpit ang screening bago sila magkaloob ng livelihood grant nang sa ganon ang maging end goal ng mga interesadong OFWs ay magtagumpay sa bago nilang karera sa buhay.

May nagsara, nagbukas kay Alas

Posted on: September 19th, 2020 by @peoplesbalita No Comments

PINAGSARHAN ng pinto ng Phoenix Superkalan LPG Fuelamsters sa Philippine Basketball Association (PBA) si Francisco Luis Alas nitong Setyembre 11.

Pero may panibagong bintana namang nagbukas para sa buhay-pamilya ng beteranong coach na nakatakdang matapos ang tatlong kontrata sa team sa darating na Oktubre 31.

“Year 2020, nawala ang trabaho ko pero tatlong babae naman ang pumalit – si Amy ‘yung wife ni Junjun, si Selina ‘yung wife ni Kevin, at si Kamryn. So, saan ka pa, ‘di ba?” ,isa-isa ng 56-anyos na nanggaling na bilang tactician sa tatlong iba pang mga liga.

Ito ay sa ASEAN Basketball League (ABL), nabuwag na Metropolitan Basketball Association (MBA) at National Collegiate Athletic Association (NCAA). Pa-Phoenix hinawakan din niya ang Mobiline/Talkk ‘N Text sa PBA.

May dalawang bagong manugang at isang apong babae na si Alas ngayon.

“Kahit sinasabi mo nga na sobrang saya tapos napalitan ng lungkot,” dugtong niya.

“Pero hindi mapapalitan ‘yung saya na nakuha namin du’n sa pagkawala ng isang trabaho lang.”

Biyernes ng nabanggit na petsa ng buwang ito nang ipaskil ng Phoenix management na sinibak na si Alas bilang coach, walang binigay na konkretong rason. At pinalit sa puwesto niya si assistant coach Michael Christopher Robinson.

“’Nung pagpirma ko sa kanila dito, ang sinabi ko, ‘If you feel na ‘yung performance ko is nagdi-dip na, wala kayong kailangang gawing justification whatsoever. Just let me know,’” esplika pa ng bench strategist.

Maliwanag aniya ‘yung usapan nila, performance-based ang termino niya.

Sapul nang maupo sa koponan noong 2017, nakakolekta si Alas ng 33-33 win-loss record sa Fuel Masters.

Sa unang senaryo sa prangkisa, top seed ang Phoenix pagkatapos ng eliminations ng 44^th Philippine Cup 2019, nakaentra Final Four pero niligwak ng eventual champion San Miguel Beer. Hindi na sila nakabalik sa playoffs sa sumunod na dalawang komperensya.

Isa sa pumilay sa gasolina ang indefinite suspension kay Calvin Abueva sa kaagahan ng midseason Commissioner’s Cup. (REC)

QUARANTINE FACILITY SA MGA BARANGAY SA KYUSI NADAGDAGAN

Posted on: September 19th, 2020 by @peoplesbalita No Comments

NADAGDAGAN pa ng walo pang quarantine facility sa mga barangay sa Quezon City.

Ayon sa LGU, layon nitong mas makapaghatid ng serbisyo sa mga residente sa bawat barangay sa naturang lungsod. Layon din nito na ang mga walang sapat na lugar sa kanilang mga bahay na tinamaan ng COVID-19 ay doon na magpagaling.

Nitong nagdaang linggo, isa-isang binisita ni Mayor Joy Belmonte ang mga bagong bukas na pasilidad.

Kabilang sa mga may bagong quarantine facility ngayon ay ang Barangay Holy Spirit, Barangay Masagana, Barangay Milagrosa, Barangay Dioquino Zobel, Barangay Bagumbuhay, Barangay Duyan Duyan, Barangay Silangan at Barangay Bayanihan. Samantala sa datos ng Kyuis ay nasa 3,089 ang active cases habang 10,635 na ang naka-recover. Habang nasa 10,635 na ang namatay dulot ng COVID-19. Sa kabuuan ay 14, 183 na ang bilang ng natamaan ng naturang virus sa buong Q.C. (RONALDO QUINIO)

PULIS UTAS, 1 PA SUGATAN SA BARIL NG KANILANG KABARO

Posted on: September 19th, 2020 by @peoplesbalita No Comments

ISANG 33-anyos na pulis ang namatay habang sugatan naman ang isa pa matapos aksidenteng pumutok ang baril ng kanilang kabaro na nagsasagawa ng dry-firing sa Malabon City, kahapon ng umaga.

Kinilala ni P/Capt. Patrick Alvarado ng District Mobile Force Battalion ng Northern Police District (NPD-DMFB) ang nasawi na si P/SSgt. Christian Pacanor, 33, nakalataga sa DMFB-Forward Base at residente ng Sangandaan, Caloocan city habang si Pat. Jhomel Blas, 26 ng C-5 Road, Brgy. Ususan, Taguig City ay nasa ligtas ng kalagayan.

Ayon kay Malabon police chief P/Col. Jessie Tamayao, kusang loob namang sumuko si Pat. Mark Jim Prado, 28, nakatalaga din sa DMFB Forward Base at residente ng 5-0 Gen. Santos Ave., Lower Bicutan, Taguig City na nahaharap sa kasong homicide at serious physical injury.

Sa inisyal na impormasyon mula kay P/SSgt. Jerry Bautista ng Malabon Police Sub-Station 4, habang nagsasagawa si Pat. Prado ng dry-fire gamit ang kanyang issued caliber .9mm Canik pistol sa loob ng DMFB Forward Base sa Blk 45 Salmon St. Brgy. Longos, alas-8:45 ng umaga nang aksidenteng pumutok ang baril.

Tumagos ang bala sa dingding na kahoy at tinamaan si SSgt. Pacanor sa likod at tumagos ang slug sa harap ng kanyang katawan habang si Pat. Blas ay nahagip naman sa ibabang bahagi ng kaliwang tainga.

Kaagad isinugod ang mga biktima sa Ospital ng Malabon subalit, hindi na umabot ng buhay si PSSg Pacanor habang inilipat naman kalaunan si Pat. Blas sa Tondo Medical Center kung saan ito patuloy na ginagamot. (Richard Mesa)

MM provincial bus operations posibleng buksan

Posted on: September 19th, 2020 by @peoplesbalita No Comments

May mga provincial bus routes papunta at galing sa Metro Manila ang puwede ng muling buksan kung saan sinabi ng Land Transportation Franchising and Regulatory Board (LTFRB) na kanilang ginagawaan ng paraan na mangyari.

Sinabi ni LTFRB Chairman Martin Delgra na ang kanilang ahensiya ay naghahanda na para sa muling pagbubukas ng ilang provincial bus routes na mula at magtatapos sa National Capital Region dahil sa ngayon ang NCR ay hindi na mahigpit sa pagpapatupad ng community quarantine status.

“We’re already reopening, if I may say that – inter-provincial and inter-regional route except the one here in Metro Manila, which we are ready to open. We’re organizing them. Hopefully we’ll be able to open it within the month,” ayon kay Delgra.

Nakikipag-usap din sila sa mga provinces na buksan nila ang kanilang mga borders upang magkaron ng cross-provincial buses.

May ilan namang provincial bus operations sa labas at loob ng Metro Manila ang nag resume na kanilang operasyon sapagkat ang ibang provincial governments ay pumayag na muling buksan ang kanilang borders upang mapagbigyan ang cross-provincial public transportation.

Mula sa 81 na provinces nationwide, at least may tatlong (3) unang pumayag na pagbigyan ang cross-border travel mula Manila kasama ang Antique, Quirino at Bataan.

“Agreements with the local government units (LGUs) need to be secured first before provincial bus operations to their areas could be allowed to resume,” ayon kay Delgra.

Samantala, ang iba namang provinces ay hindi gustong magkaron ng muling pagbubukas ng kanilang borders lalo na sa mga travelers mula sa Metro Manila na siyang epicenter ng COVID 19 outbreak.

“Public transport from Metro Manila to the provinces require us to coordinate with LGUs concerned. They received these passengers. Since we are in the context of the pandemic, LGUs also need to be prepared on how to handle arriving and departing passengers,” dagdag ni Delgra.

Mayroon ng anim na buwan mula ng ihinto ng pamahalaan ang operasyon ng transportation services subalit ito ay unti-unting muling binubuksan ngunit limited capacity lamang.

May ilan namang interprovincial at inter-regional routes ang nabuksan na sa labas ng Metro Manila. (LASACMAR)

NBA draft inilipat sa Nov. 18

Posted on: September 19th, 2020 by @peoplesbalita No Comments

Itinakda sa November 18 ang 2020 NBA draft.

Ito ay para may panahon pa sila para kumpirmahin ang pagsisimula ng susunod na NBA season.

Ayon sa NBA, ang revised date ay mabibigyan nang karagdagang panahon para sa pagsasagawa ng 2020 pre-draft process, pagkuha ng iba pang impormasyon tungkol sa pagsisimula ng 2020-21 season.

Magugunitang nakuha ng Minnesota Timberwolves ang number one overall pick sa draft habang mapupunta sa Golden State Warriors ang pangalawang puwesto at ang Charlotte Hornets naman ay masusungkit ang third pick.

Paglilinaw naman ng NBA, maaaring mabago pa ang nasabing petsa.