INULAN nang batikos si Sassa Gurl a.k.a. Felix Petate dahil sa birong binitiwan nito.

Hanggang sa ngayon at ‘di pa rin humuhupa ang galit ng fans ni AC Bonifacio dahil sa birong iyon.

Nagsimula iyon sa presscon ng movie nilang ’Saving Cherry’ kung saan nagpasalamat si AC na talent ng Star Magic, dahil sa magandang pakikitungo sa kanya ng kanyang co-stars na halos Kapuso stars.

Biglang-bigla na lang sumabat ito si Sassa Gurl at pabirong sinabing….”Naloka ka sa mga Kapuso, ‘no…walang plastikan, ‘no!”

Kung kaya’t sabay bumawi si AC na mahal niya ang kanyang network at ang Star Magic.

Dahil doon ay walang humpay ang negatibong komentong natanggap ni Sassa Gurl sa kanyang mga social media platform. 

Agad naman itong nag-apologize sa mga netizen na nam-bash sa kanya.     Nagpasalamat din ito sa mga basher na nagkomento. Dahil daw doon, natuto siyang lalo mag-grow sa bagong mundong kanyang pinasok.

Moral lesson, huwag kasi tayong basta-basta nagkokomento ng negatibo.     

Hayan, tuloy kung anu-anong masasakit na salita ang natanggap niya.

Ang masakit pa, pinababalik ng mga netizen si Sassa Gurl na mag-Tiktok na lang at lisanin ang showbiz!

***  

KASALUKUYANG nasa bansa ang dating aktres na si Bangs Garcia kasama ang kanyang asawang si Lloyd Brichmore, na isang Filipino-British businessman. 

Kasama rin nila ang at dalawang anak na sina Amelia at Isabella.  

Pansamantalang tinalikuran ni Bangs ang showbiz noong 2017 upang ituon ang kanyang atensyon sa binuong pamilya, at sa hobby nitong painting.

Matapos itong maging naturalized British citizen noong 2024, masaya nitong ibinahagi na na-reacquire niyang muli ang kanyang pagiging Filipino citizen.

Kumbaga, dual citizen na nga si Bangs ng Pilipinas at ng United Kingdom.     

Subali’t wala pang ibinigay na detalye ang aktres kung magtatagal ito sa bansa.  ‘Di rin nito binanggit kung may proyekto ba itong gagawin.

Sa loob ng halos labing isang taong pananatili sa UK, nanatili itong productive.     Pinagkakaabalahan nito ang kanilang London-based Filipino restaurant na D’Cocina.

Kasabay nito ang pagiging isang lifestyle vlogger, brand endorser at events host.     

Sa ngayon daw ay ine-enjoy muna ng buo niyang pamilya ang kanilang bakasyon.     Bukas naman daw ito kung sakaling may magandang proyektong dumating.

BUBUKAS na ang telon sa isa na namang ‘panalong’ karanasan mula sa Puregold.

Sa pagkakataong ito, ilalapit ang mundo ng teatrong Pinoy sa mga talentadong artista’t manlilikha, at sa mga Pilipinong nararapat lamang na matunghayan ang teatro.

Bilang pagpapalawak ng layuning itaguyod ang pagkamalikhain ng mga Pilipino, ipinagmamalaking ianunsyo ng Puregold ang pagbubukas ng ‘Teatro Panalo’, isang pista ng teatro na layuning makadiskubre, mapaunlad, at maitanghal sa entablado ang mga bago at mahuhusay na dula at musikal na may isang yugto, na gawa ng mga Pilipinong mandudula.

Kasama ang Wishbone Collective, Inc. bilang producer at organisador, ipinepresenta ng Puregold ang incubation theater festival na ito, isang plataporma kung saan ang mga orihinal na gawa, mula iskrip, ay maaaring maitanghal sa entablado nang may dramaturgical support, suporta sa mga kakailanganin sa produksyon, at kasiguraduhan na magkakaroon ng audience engagement o pagtangkilik mula sa mga manonood.

Labindalawang (12) orihinal na gawa, walong (8) straight play o dula at apat (4) na musikal na gawa, ang mapipili upang makatanggap ng buong produksyon bilang bahagi ng festival, at ang bawat mandudula ay makatatanggap ng Php 100,000.

Matapos ang festival, isang dula at isang musikal ang makatatanggap ng mga full-length development grant, oportunidad na lalo pang umunlad ang sining ng mga likha, at komersyal na produksyon sa kalaunan.

Para sa Puregold, sinasalamin ng Teatro Panalo ang patuloy na paniniwala ng kompanya na ang makabuluhang mga karanasan ay dapat abot-kamay ng karamihan, dahil ito ay tunay na karanasang panalo.

“Puregold has always been present in the everyday lives of Filipino communities,” sabi ni Ivy Hayagan-Piedad, Senior Marketing Manager ng Puregold. 

“Through Teatro Panalo, we hope to be present in another meaningful way by creating spaces where people can come together, exchange new ideas, and see Filipino artistry come to life on stage.”

Pahayag pa ni Hayagan, ang inisyatibang ito ay nakaugat sa pag-unawa ng Puregold na ang paglilingkod ay higit pa sa transaksyonal.

“Being of service to a community is not limited to what happens inside our stores. It also means listening to what matters to people and supporting experiences that help communities feel seen, connected, and represented,” sabi niya. 

“Theater has the power to create that kind of shared experience.”

Binigyang-diin ng direktor ng festival na si Vincent de Jesus na ang Teatro Panalo ay tungkol sa pangangalaga sa mga artista, at paghahanap ng bagong mahusay na materyal.

“We’re looking for authentic voices, fresh perspectives, and stories that deserve to be seen on the stage,” sabi niya. 

“The festival is designed to help playwrights realize the full potential of their work through collaboration with experienced theater practitioners, while also giving audiences the opportunity to encounter exciting new Filipino stories.” 

Opisyal nang nagbukas ang pagsusumite sa mga bago at propesyonal na mandudulang Pilipino edad 18 pataas sa panahon ng aplikasyon. Maaaring nakasulat sa Filipino o Ingles ang mga entry, at dapat itong orihinal na mga dulang may isang-yugto, maaaring straight play o musikal. 

Hindi tatanggapin ang mga adaptasyon, pagsasalin, o mga nilikha gamit ang AI. Tumatanggap ang festival ng mga isusumiteng likha mula sa kahit anong genre, na may kahit anong estilo o anyong teatro, kung ito ay orihinal at nilikha para sa 35 hanggang 40 minutong pagtatanghal sa entablado.

Maaaring magsumite ang mga interesadong aplikante hanggang 11.59. n.g ng Setyembre 11, 2026. Kinakailangang magpasa ng kompetong iskrip ng dulang may isang yugto, synopsis, logline, development vision, mga dokumentong susuporta sa submission, at para sa mga musikal, mga demo recording.

Iaanunsyo ang paunang listahan ng labing-anim (16) na dula at walong (8) musika sa Oktubre 6. Iimbitahan ang mga kabilang sa shortlist na ipresenta ang kanilang mga gawa sa Selection Committee sa Oktubre 14 hanggang 16, at ang pinal na listahan ng walong (8) dula at apat (4) na musikal ay iaanunsyo sa Oktubre 16.

Lalahok ang mga mapipiling mandudula sa propesyonal na incubation program ng Wishbone, kung saan magkakaroon ng dramaturgical guidance, suporta sa produksyon, at oportunidad na maitanghal ang gawa sa mga manonood sa kauna-unahang festival, na kasalukuyang nakatada sa Pebrero hanggang Marso 2027.

Dagdag pa ni De Jesus, “Original stories have always shaped communities, reflected generations, and inspired change. With Puregold Teatro Panalo, the next great Filipino play may be waiting behind an unopened script. Puregold is inviting playwrights from across the country to bring those stories to the stage.”

Mababasa ang kompletong festival mechanics, mga kahingian sa pagsali, at detalye ng aplikasyon sa opisyal na submission form ng Puregold Teatro Panalo: https://bit.ly/PGTeatroPanalo.

MAY inspirasyon ang bagong awitin ni Andrew E. na “Pasta”.

“Unang-una, ang point of origin ng “Pasta” is you know, isang bagay na gustung-gusto natin, pero hindi naiiwan sa isipan mo yung bagay na iyun, e.

“Di ba? Naaalala mo lang iyan pag you know, kumakain ka sa restaurant, you know. Pero gustung-gusto natin yan.

“So maybe just like an Andrew E. song, gustung-gusto mo yung Andrew E. song, pero paminsan-minsan, e, hindi mo na naalintana na you know, naalala yung magagandang kanta ni Andrew E.

“Kasi sa rami na ng mga kanta ngayon na lumalabas, e, iyung panahon ngayon, puro mga bago iyung mga artist.

“So parang masyadong masikip! Masyadong masikip ang landas ngayon, ang music industry,” pahayag ni Andrew E. na pinagkalooban ng Pilita Corrales Lifetime Achievement Award (kasama si Ms. Celeste Legaspi) sa nakaraang 17th Star Awards Awards for Music

Halos lahat ng mga kanta niya ay naughty at may double meaning, pero ang “Pasta,” ay may tame na version at mayroon ding pasabog na version.

“Ngayon, mas brutal. Ha! Ha! Ha!

“Kasi, you know why? Kasi dati yung pagiging liberated ko sa kanta, e di ba? What? 1990, 1991, napaka-early pa nun sa Pilipinas.

“So hindi pa tayo masyadong liberated, di ba? But nowadays, meron tayong cellphone, you know, social media and all that.

“Ganun na ka-high level iyung technology. Each and everone knows each and everything. Wala na silang hindi alam.

“E ang tanong, papaano mo ngayon kikilitiin ang tao kung alam na nila lahat. Iyan ang challenge, mas mahirap.

“That is why ang kanta na ito, will really surpass the challenge. It will surpass the challenge.”

Ang “Pasta” ang unang kanta sa bagong album ni Andrew E na ‘Wholesome Again’ na naglalaman ng anim na kanta.

Isa na rito ay ang collaboration nila ng anak niyang si MC Fordy na Andrew Fordy Espiritu ang real name.

Ito ay sa love song from space na “Interstellar”.

Samantala, sinisigurado ni Andrew E. na muling magmamarka ang mga bago niyang kanta.

“So for me, I created something, like, a song na every time pag narinig mo ang kanta na ito, hinding-hindi mo na makakalimutan yung pasta.

“Kasi magpapaalala sa iyo na natuwa ka, or nakuha ko iyung kiliti mo muli just like nung nakita ko at nakuha ko ang kiliti niyo nung ‘Humanap Ka Ng Panget,’ ‘Andrew Ford Medina,’ ‘Binibi Rocha,’ the rest, and ‘Banyo Queen.’

“That’s why for me, this song is bubulaga sa inyong lahat.”