HUMANDUSAY ang duguang katawan ng isang hindi pa kilalang bebot nang malapitang barilin sa ulo ng isang armadong suspek sa Navotas City, kamakalawa ng gabi.

Sa imbestigasyon ng pulisya, naglalakad ang biktima sa kahabaan ng Leongson St. Brgy. San Roque dakong alas-11:10 ng gabi nang lapitan ng suspek na nakilala sa alyas “Kadyo” at pinutukan sa ulo ang bebot.

Dead-on-the-spot ang biktima habang mabilis namang tumakas ang suspek patungo sa hindi matukoy na direksyon matapos ang insidente.

Iniutos na ni Northern Police District (NPD) P/BGen. Benliner Capili kay Navotas police chief P/Col. Renante Pinuela ang pagtugis sa suspek na nakasuot ng itim na sando at basketball shorts na nakilala ng isang testigo.

Inaalam pa ng pulisya ang pagkakakilanlan ng biktima na dayo lang umano sa lugar at ang motibo sa pamamaslang.

 (Richard Mesa)

SUGATAN ang 55-anyos na kahera matapos hagisan ng granada ng dalawang miyembro ng fraternity ang pinagtatrabahuan niyang apartelle sa Caloocan City.

Patuloy namang tinutugis ng mga tauhan ni Caloocan police chief P/Col. Joey Goforth ang mga suspek na sina alyas “Tugu” at alyas “Bodoy Liit”, 26, matapos positibo silang kinilala ng nakasaksi na kawani ng Fhiolan Apartelle na nasa kanto ng M.H. Del Pilar at 2nd Avenue, Brgy. 120.

Sa ulat ng tanggapan ni Northern Police District (NPD) Director P/BGen. Benliner Capili, alas-2:30 ng madaling araw nang dumating ang mga suspek na sakay ng isang motorsiklo at inihagis ang dalang granada sa parking lot na malapit sa harap ng apartelle bago mabilis na tumakas.

Tinamaan ng sharpnel ang daliri sa kaliwang kamay ng kaherang si alyas “Bhesy” na isinigod kaagad sa pagamutan habang apat na nakaparadang sasakyan din sa parking lot ang nahagip ng sharpnel.

Bago ang insidente, napagalaman na pinagbabato muna ng bote ng mga suspek ang apartelle kaya inatasan ng may-ari nito na si alyas “Aniceto” ang mga kawani na maging mapagbantay.

Batay sa imbestigasyon ng pulisya, “frat war” ang motibo sa insidente dahil miyembro ng Tau Gamma Phi Fraternity si alyas Aniceto habang miyembro naman ng kalabang Magic 5 Fraternity ang mga suspek.

Ayon sa pulisya, noong nakaraang buwan ay pinagbabato rin ng bote ng mga suspek ang firetruck na pag-aari ni alyas Aniceto sa J. Theodoro St. Brgy. 120. (Richard Mesa)

NAGLAAN ang gobyerno ng P45.67 bilyon para sa National Disaster Risk Reduction and Management Fund (NDRRMF) sa ilalim ng 2027 National Expenditure Program (NEP) para magsilbi bilang fiscal buffer para sa El Niño at iba pang kalamidad.

Ang panukalang NDRRMF para sa 2027, sinasabing14.68% na mas mataas kaysa sa alokasyon ngayong taon, naglalayon na palakasin ang ‘disaster preparedness at resilience’ ng bansa, ang sinabi ni Budget Acting Secretary Kim Robert de Leon sa isinagawang presentasyon ng 2027 NEP sa Senate Finance Committee, araw ng Huwebes.

Winika ni De Leon na ang panukalang budget ay gagamitin kapag ang umiiral na government resources, gaya ng available badget ng Department of Agriculture (DA) upang masiguro na ang pagkain at water security ay hindi mauubos.

“But we also have on standby the NDRRM Fund for any possible shortfall that may arise if the regular funding sources under DA would not be enough,” ayon kay De leon, sabay sabing ang pondo para sa kasalukuyang taon ay maaaring gamitin para palakasin ang kakayahan ng gobyerno na maghanda para at pagtugon sa epekto ng kalamidad, sakuna at extreme weather events.

“The existing Risk Resiliency Program, which contains comprehensive data on climate and disaster risks, is crucial in determining the specific amount needed for government interventions to cushion the impact of El Niño,” ang tinuran ni De Leon.

Siya, gayunpaman, tiniyak sa publilko na ang gobyerno ay nakahanda para sa posibleng epekto ng El Niño, tinukoy ang pagpapagana sa government interventions sa ilalim ng Unified Package for Livelihoods, Industry, Food, and Transport (UPLIFT) framework para tulungan ang sektor ng agrikultura na maghanda ng mas maaga para sa potensiyal na pagkagambala sanhi ng phenomenon.

Samantala, sinabi ni De Leon na nagbigay ang gobyerno ng karagdagang pondo para sa agricultural inputs, kabilang na ang suporta para sa fertilizer at fuel requirements ng mga magsasaka, bilang bahagi ng pagsisikap na tulungan ang sektor na mag- adjust sa nagbabagong weather conditions at panahon ng pagtatanim.

Idinagdag pa niya na ginagamit ng National Food Authority ang umiiral na badget nito para sa rice buffer stocking, habang ang available na resources ng Department of Public Works and Highways ay maaaring gamitin para sa pagkukumpuni at rehabilitasyon ng napinsalang rainwater collection facilities.

HINDI na kailangan ng prosecution na ipatawag si Col. Raymund Dante Lachica, chief security officer ni Vice President Sara Z. Duterte, bilang testigo sa impeachment trial, ayon kay Lanao del Sur Rep. Zia Alonto Adiong, tagapagsalita ng House prosecution panel.

“With or without Lachica being presented by either of the sides, especially from the prosecution panel, we have already established the fact that there was misuse, and the one who ordered the transfer of these funds, again leading to the misuse of the confidential funds, is the Vice President,” sinabi ni Adiong.

 “And the accountability for such violations is also going towards the direction of the Vice President, being the head of the agency. We have already established that fact,” dagdag ng dating kongresista.

Ayon kay Adiong, wala nang interes ang prosecution na humingi ng subpoena sa impeachment court na ipatawag si Lachica bilang testigo nito at sapat na ang mga testimonya ng mga naunang testigo, sina dating Office of the Vice President (OVP) special disbursing officer (SDO) Gina Acosta at OVP Assistant Secretary and Assistant Chief of Staff Lemuel Ortonio.

Naunang tumestigo si Acosta na nagsabing si Duterte ang nag utos sa kanya na ibigay ang apat na P125-million tranches sa P500 million in confidential funds kay Lachica, hepe ng Vice Presidential Security and Protection Group.

Sa panig naman ni Ortonio, sinabi niya na sina Duterte at Lachica lamang ang nakakaalam kung saan at papaano gagamitin ang pondo.

Pinasinungalingan naman ni Adiong ang mga paratang na “hilaw” ang ebidensiya ng prosecution at makukumpleto lamang ito kung gagamitin si Lachica bilang hostile witness.

 “Buo naman po ‘yung storya na nakuha po natin kay Ms. Gina Acosta at saka kay Mr. Ortonio. Merong misuse ba? Yes, may misuse. Pangalawa, sino ‘yung nag-utos na it would lead to the misuse of the confidential funds? Ang Bise Presidente,” sabi ni Adiong.

“Now, those two areas were already been established, with or without the testimony of Colonel Lachica,” dagdag ni Adiong. 

(VINA de GUZMAN)

MAHIGIT 3,000 laptops ang ipinamahagi ni Malabon City Mayor Jeannie Sandoval sa mga guro ng pampublikong paaralan bilang suporta ng lokal na pamahalaan sa pagpapalakas sa sektor ng edukasyon.

Isinagawa ng alkalde ang pamamahagi sa Malabon Sports Complex na aniya ay katuparan ng kanyang pangako na matiyak na mas magiging madali at dekalidad ang trabaho ng mga guro at non-teaching personnel na silang pundasyon ng edukasyon at magandang kinabukasan ng mga mag-aaral.

“Ito ang katuparan ng ating naging pangako noon na masiguro na mas magiging madali at dekalidad ang pagtatrabaho ng ating mga guro at non-teaching personnel. Kayo ang pundasyon ng edukasyon at magandang kinabukasan ng ating mga mag-aaral. Makakaasa po kayo na ang Pamahalaang Lungsod ay patuloy na susuporta sa inyo,” ani Mayor Jeannie. 

Naniniwala din siya na makakatulong ang mga laptop sa pagsuporta sa mga guro sa paghahanda ng kinakailangang materyales sa pagtuturo, pamamahala ng gawaing pang-paaralan, at paggamit ng makabagong teknolohiya.

Bukod sa mga laptop, isinabay na rin ni Mayor Sandoval ang pamamahagi ng P4,500 na second-quarter allowance sa mga kuwalipikadong guro bilag karagdagang suportang pinansiyal at pagkilala sa kanilang pagsisikap na turuan ng maayos ang mga estudyanteng Malabueño.

Naniniwala naman si City Administrator Dr. Alexader Rosete na ang pagbibigay ng laptop at allowance sa mga guro ay pagpapakita ng pagpapahalaga ng lokal na pamahalaan sa sakripisyo at dedikasyon ng mga guro at non-teaching personnel ng mga pampublikong paaralan. 

Kabilang sa mga dumalo sa turn-over ceremony sina First Gentleman Cong. Ricky Sandoval, Malabon Schools Division Superintendent Juan Obierna, mga opisyal ng School Divisions Office at Malabon Public Elementary at Secondary Teachers’ Association Inc. (Richard Mesa)

DAHIL sa mahusay na pamumuno ni Ismael “Ka Maeng” Santos ng BULGAR, muli siyang

nahalal bilang presidente ng CAMANAVA PRESS CORPS sa taunang halalan na ginanap sa Caloocan City Police Headquarters.

Kasama ring nahalal sina Edd Reyes ng People’s Journal Tonight bilang Vice President, Merly Iral ng Remate bilang Secretary, Richard Mesa ng People’s Balita bilang Treasurer, Andrew Rabulan ng Manila Standard bilang Auditor, at Vickay Aquino ng Hataw bilang Chairman of the Board.

Nahalal naman bilang board of directors sina Jovy Lucero ng Agila ng Bayan, Edgar Rabulan ng Remate, Freddie Ng ng Radyo Agila, Ludwig Lechadores ng Metro, James Paragas ng Metro, at Hannah Nicol ng Manila Bulletin.

Nagpasalamat din ang grupo kina National Press Club Director Celestino “Jojo” Sicat, na nagsilbing election officer, at Caloocan City Police Chief PCOL. Joey Goforth sa kanilang suporta sa matagumpay na halalan.