DINEPENSAHAN ng young actress na si Francine Diaz ang paulit-ulit na naglalabasang blind items tungkol sa kanya.

Ayon sa blind item, diretsahan daw nitong tinukoy siya bilang maldita, snobbish, at hindi madaling lapitan.     

Ang ipinagtataka raw nito madalas daw na tahimik lamang siya.  Madalas daw kasi siyang pagod sa trabaho, pressured kaya raw siguro siya nahuhusgahan.

Kaya’t hanggang sa ngayon hindi raw nito alam kung paano ang sapat na sangkap ng pag-uugali upang mapatunayan niyang hindi tama ang mga ibinibintang sa kanya.     

Dahil maging siya mismo ayaw daw niyang maging hindi komportable ang mga tao sa kanyang paligid.   

But lately, napagisip-isip daw nito na huwag na lang i-pressure ang sarili kung ano ang tingin sa kanya ng ibang tao.     

Although, tinatanggap naman daw nito ang mga positibong kritisismo, at hinahayaan na lamang ang mga negatibo.     

Ang tanong… paano niya nalaman na siya ang tinutukoy ng mga blind item?

Guilty ba siya?

***

SOFT launch ng kanilang relasyon na matatawag ang viral Instagram reel nina Magui Ford at Robbie Jaworski.

Sa nasabing Instagram reel, makikkitang magkasama sina Magui at Robbie sa Ocean Park sa Hongkong. Sa nasabing video, makikita rin na magkahawak ang kamay ng dalawa.

Walang personal na pag-amin ang dalawa tungkol sa kanilang hinihinalang relasyon.

Si Magui ay anak ng aktres/singer/host na si Karla Estrada at ng dating Quezon City Councilor na si Mike Planas.     

Nagtapos ito ng kanyang pag-aaral sa University of Melbourne sa Australia.     Samantalang si Robbie naman ay anak ng dating Asian Gold Medalist an si Mikee Cojuangco at ng politikong si Robert “Dodot” Jaworski Jr.

Well, hindi naman siguro masama kung maging sila na nga. Afterall, pareho naman silang single. Pareho rin silang nasa tamang edad para magdesisyon sa kung sino ang gugustuhin nila.

Ang abangan natin ay kung ano ang mga susunod nilang ipapakita sa kani-kanilang mga social media accounts.

KINAALIWAN ng netizens ang Facebook post ng aktor na si Khalil Ramos.

Makikita ang screenshot ng kanyang Instagram bio, na kung saan naka-line up ang upcoming projects sa September na katulad ng style sa social media ng sikat na Hollywood at Oscar-winning actress na si Anne Hathaway.

Tila pang-aasar na post ni Khalil, “O, sorry, Anne Hathaway.” 

Bida si Khalil sa ‘Saving Cherry’ na showing na sa September 2 at sa ‘Patay Gutom’ na part naman ng Puregold CinePanalo Film Festival (Sept. 23 – Oct. 4)

Kasama rin siya star-studded series na pinagbibidahan nina Sharon Cuneta at Barbie Forteza, ang ‘Honor Thy Mother’, na streaming sa Prime Video PH simula sa September 11.

Kamakailan ay parang na-canonize bilang unofficial patron saint of productivity ng internet dahil ang kanyang Instagram bio na ang textbook definition ng ‘peak ng career!’

Nakalagay sa bio ni Anne ang dalawang pelikulang magkasunod na pinalabas sa mga sinehan, ang mega-blockbuster na ‘The Odyssey’ at ‘End of Oak Street’.  

Sa Oktubre, bida naman siya sa movie adaptation ng psychological romantic thriller novel na ‘Verity’ ni Colleen Hoover.  

Early this year, nagbida si Anne sa ‘Mother Mary’ at ‘The Devil Wears Prada 2’, na parehong streaming ngayon.

Pabirong comment naman ang kanyang girlfriend na si Gabbi Garcia, “anne hathaway is shaking, sama mo na si tom and zendaya.”

Natawa naman si Iza Calzado at kasunod nito ay, “Seriously, you deserve all the blessings! Congratulations!!! 

Komento pa ng ilang netizens…

“Napaisip pa ako, naalala ko nga pla this year ang dami din premiere showing ni Anne Hathaway, ahahahaha.” 

“Actually, dasurb nmn tlga maraming projects ni Khalil since magaling xa — not only limited sa pg act but pati theater, sing, dance + photography pa.”

“Just spotted a strong Anne Hathaway contender.”

“May paraan lang si Anne, ngunit mayroon si Khalil.” 

“Oh pak! Peak ng career! Daming ganap ni Khalil the cinephile!” 

“Anne Hathaway worthy opponent,” hirit pa ng isang netizen.

“The reference is referencing.” 

“PEAK NG CAREER!! Kinabahan na rin si Zendaya,” 

“Booked and Blessed! HAHAHAHAHA.” 

Kaya sa susunod na gusto mong ipaalam sa buong mundo kung gaano ka pinagpala at abala sa career mo, isulat ito sa iyong Instagram bio. 

PLANO na nina Bea Alonzo at Vincent Co na bumuo ng pamilya.

Si Bea mismo ang nagsabi na may plano sila ni Vincent na magkaroon na ng baby.

“Of course, we’re going to have to try to have kids in the future and, you know, build a family.

“And when that day comes, of course, I’d love to be able to have the energy to run around with my kids, you know, and to play with them and not just watch from the sidelines,” pagbabahagi ni Bea sa Q&A sa isang event na ini-report naman sa GTV News Balitanghali kamakailan.

Isang buwan na ang nakalilipas mula nang sila ay ikasal at kitang-kita sa aura ni Bea na masayang-masaya siya ngayon bilang misis ni Vincent.

At ayon sa premyadong aktres ay hindi siya makapaniwala na higit isang buwan na ang lumipas mula nang kasal sila ni Vincent.

“Siyempre, nag-move in na kami together. Right now, I’m on cloud nine. I’m very, very happy. 

“Na-share ko yata, I’m at my happiest. Siyempre, we, you know, wake up right next to each other every day and it’s special to me,” pahayag pa ni Bea na malapit nang mapanood sa upcoming GMA series na “Whispers from Heaven.***

MGA bida ang mga Korean stars na sina Nam Woo Hyun, Han Jae Syok, at Park Eun Hye sa upcoming film na “The Guardian.”

May mga Pinoy actors rin sa pelikula tulad nina Yassi Pressman, Joko Diaz, Jeric Raval, Ashtine Olviga, at sina Wilbert Ross at Eric Ejercito na nasa mediacon ng nabanggit na pelikula ng international production na Noori Pictures with Parallax Studio, Inc. at Robosheep Studios.

Nasa mediacon rin na ipinatawag ng Viva Films sina Wesley Villarica ng Parallax Studio, Inc. at Micah Fernandez ng Robosheep Studios.

Dito sa Pilipinas kinunan ang pelikula at naikuwento ni Wesley ang mahal na singil sa isang barangay.

“Yung mga barangay tanod pa yung nagpapahirap. Kasi, let’s say, ang barangay tanod sasabihin, ‘Ah, gusto nyo, tulungan namin kayo, kailangan bayaran niyo kami ng ganun.’

“Tapos biglang naging double, magiging triple yung babayaran. Bakit ganun? Parang pahirap naman, di ba? So yun ang na-experience namin.

“Sabi na lang namin, like moving forward to the other locations, ‘Ah, small project lang ito, para hindi kami tatagain.

“Tinataga ka, e, pag nalaman nilang international ka. Taga! Automatic!”

Napuri naman ni Wesley ang Quezon City.

“Pero some LGUs naman were very very helpful.

“So, I think it really depends on where, ah, siguro which area and how willing the people really to help.

“We’re very happy to work with Quezon City, actually, for this.”

Malapit sa puso namin ang QC dahil Councilor (ng District 5) si Aiko Melendez at Congressman (ng District 1) si Arjo Atayde na parehong mahal na mahal namin.

Sa September 2 na mapapanood sa mga sinehan ang “The Guardian”, na ipapalabas rin sa iba-ibang bansa worldwide.

Ang nagdirek nito ay ang Korean director na si Jeaong Jang Hwan.