KUNG matatandaan naging isyu noon ang pagkakaroon ng anak ni dating Paranaque Mayor Joey Marquez.

Noon din panahon na yon ay karelasyon ni Joey ang dating seksi aktres na si Alicia Mayer.     

Kung dati hindi sinagot ni Joey ang katanungan kung nagkaanak nga sila ni Alicia, ngayon tahasang sinagot nang huli ang matagal nang katanungan na hindi nalinawan.     Sa isang interview ni Snooky Serna sa kanyang “The Snooky Serna Channel” walang kagatul-gatol na sinagot ni Alicia ang matagal ng nabinbing katanungan.   

“Wala,” maikli nitong sagot.

“Kung noon hindi sinagot ni Joey ang katanungan na nyan, ngayon ko sasabihin na hindi kami nagkaanak.”     

Inamin din ni Alicia bukod kay Joey ay nauna nitong naging karelasyon si Edu Manzano.

Sa kanyang panayam, naikumpara nito ang dalawa bilang mga naging bahagi ng kanyang buhay sa showbiz.     

“Very pleasing, maaruga, at maalaga si Edu.     

“I would say na parang mabilisan yung ano namin…yung decision. And then we just have to stop talking to each other.

“And then, I think kapag nag-uusap pa kami lalong gumugulo, so both of us decided just to completely stop the connection.”     

Samantalang kay Joey ay maikli ang kanyang pahayag.     

“Mabait, nagpo-provide,  at caring din naman.”     

Tahimik na ang namumuhay si Alicia sa piling ng kanyang bagong pag-ibig.

Hindi nagbigay ng detalye ang aktres, pero bakas ang kaligayahan sa kanyang mukha.

TILA namamayagpag ang career ng 2025 MMFF Best Actress na si Krystel Go, ang lead star ng “I’mPerfect.”

Napag-alaman naming kasama rin ito sa isang comedy film na produced ng Wide Internaitonal.

Wala pang definite title ang nabanggit na pelikula, pero makakasama niya rito sina Rufa Mae Quinto at Empoy Marquez.     

At ang writer-director ay Sigrid Andrea Bernardo, na siya rin nagdirek ng “I’mPerfect.”

Samantala, kasalukuyang nasa Italy ang grupo ng nasabing pelikula, kasama ang batikang aktres na si Sylvia Sanchez, ang producer ng Nathan Studios.

Nitong August 4, 2026, ipinalabas sa Tolve, Basilicata, Italy ang pelikulang pinag-usapan sa history ng Philippine cinema, kung saan mga persons with down syndrome ang mga bida.

Sa 27th Lucania Film Festival ipinalabas and European premier ng “I’mPerfect” bilang bahagi ng San Rocco Cinema network.

Hindi kasali ang pelikula sa kumpetisyon, ipinalabas ito at naihanay sa exhibition section ng pelikula.     

Ayon sa CEO ng Nathan Studios na si Ria Atayde-Marudo ang pagkakapili ng “I’mPerfect” bilang isa sa mga delegado ng Pilipinas ay bunga ng dedikasyon at pagsisikap ng buong production team at isang pagkakataon upang maipakita ang galing ng mga Pilipino sa mas malaking pandaigdigang entablado. 

Congratulations sa buong team ng “I’m Perfect.”

***

NAKIUSAP si Claudine Barretto sa netizens na huwag siyang husgahan.

Kamakailan lang kasi, nag-post si Claudine ng photo niya kasama ang anak nila ni Raymart Santiago na si Santino.

Ang nasabi kasing photo ay kuha noong 2024 kung saan nakatanggap ng certificate si Santino mula sa Brent International School dahil sa pagiging honor nito ng dalawang semesters.     

Ayon sa aktres, nung makita niyang muli ang mga larawan ng kanyang anak, nanariwa ang kanyang pasasalamat sa achievement ng kanyang anak.

Gusto lang daw nitong muling i-share at ipagyabang ang nasabing larawan sa kanyang mga followers.     

Dahil kung hindi rin naman daw sa kanyang mga followers, hindi niya magagawang mapag-aral ang kanyang anak.     

Napakasaya nga naman sa pakiramdam na sariwain ang mga yugto sa ating buhay na nagbibigay sa atin ng inspirasyon at motivation para lalong magsumikap.

I’m sure, kahit naman sino sa atin ipagyayabang din ang ganung klaseng achievement, noh! 

NAGPAPASALAMAT si Kapuso actress Mikee Quintos sa Regal Entertainment at kanyang management kasama nga siya sa cast ng “Saving Cherry” na pinagbibidahan ni Barbie Forteza at ipalalabas na sa September 2.

Ito pala ang first movie at first time niya makakasama ang tinaguriang Kapuso Primetime Drama Princess.

Kasama rin sa pelikula sina Khalil Ramos, Mika Salamanca, Mikee Quintos, AC Bonifacio, Sassa Gurl, Joey Marquez, JC Alcantara at Kokoy De Santos. 

Mula ito sa direksyon ni Ivan Andrew Payawal.Inamin ni Mikee na si Barbie ang isa sa mga dahilan kung bakit niya tinanggap ang “Saving Cherry.”

“Sinabi ko kay Barbie na isa sa mga rason kung bakit din ako umoo is because she’s leading it,” pahayag ni Mikee na gumaganap na Beth sa comedy film.

“And for my very first movie, it’s an honor to support Barbie.”

Dagdag pa niya, “Girl, pasabog ka rito! Pasabog siya dito and I’m so honored to be part of that. 

“I know it’s a milestone in your career, that’s why it will be a milestone in mine,” 

Natanong ang buong cast na dumalo sa grand mediacon, kung dapat bang bigyan ng second chance ang mga cheaters?Isa may magandang pananaw si Mikee, although lahat naman sila ay ’no’ ang sagot.“Deserve ba ng mga cheaters ng second chance? Full transparency. I used to believe na wala naman talaga kasing perfect,” lahad niya.

“So, I used to believe na puwede, okay lang ‘yon. And the important thing is the why, ‘yung sagot sa kung bakit nagawa.”

Pagpapatuloy pa niya, “But now I agree with Khalil na no because giving a chance to a cheater, ‘yung chance is hindi para don sa cheater, ‘yung compromise mas nasa iyo.

“So, no. No more. That’s the answer.”