BALIK-CINEMALAYA si Jackie Lou Blanco sa pamamagitan ng horror movie na “Mag-iina” na isa sa siyam na feature-length films ng ‘Cinemalaya 22: Reel Reflections’ na simula August 6 hanggang August 18.

Ito ang ikalawang pelikula sa natuwang film festival.  Last year ay gumanap siya bilang relihiyosang asawa ni Leo Martinez sa Cinemalaya 2025 feature-length film na”Paglilitis.”

Nakakaloka ang character ni Jackie Lou sa ‘Mag-iina’…“Ha! Ha! Ha! Ha! Ha! Yes, 90 years old, grabe, ‘no?” Kuwento niya.

“Mahirap. I’d like to think this is my most difficult film. Film na natakot ako, hindi ko alam kung kaya ko.

“Kasi nga, number one, 90 years old. Kahit nilalagyan ka ng prosthetics, iba yung galaw, iba yung boses.

“And yun na nga because it’s an eerie film, di ba? It’s an eerie drama.

“So, parang I don’t know, parang yung uungkatin, it’s just different.

“So, parang mahirap talaga siya.”Dagdag pa ng actres,“They could get an older actress na siguro, or maybe a more named actress. I mean, puwede namang hindi napunta sa akin.

“Kasi a lot of people, I’m sure, pag in-offer ito, gagawin mo kasi nga it’s challenging.”

“Hindi siya talaga madali pero I’m very happy na ako yung napili to play the part kasi very seldom ka naman mabigyan ng ganun,” pahayag ni Jackie Lou na isa sa stars na rumampa sa Maddox Iconic Runway: Diamond Jewelry Fashion Show para sa segment na ‘Icons of Legacy’ noong Hulyo 30, sa Shangri-La EDSA.

Co-stars niya sa Mag-iina sina Janine Gutierrez, Cherry Pie Picache, Agot Isidro, Ness Roque, Bart Guingona, Alejandra Cortez at si Lucas Andalio. 

Kumusta namang katrabaho si Lucas na nagwaging MMFF 2025 best child performer para sa “Call Me Mother”?

“Ay! Mahusay! Mahusay na bata. I mean, kahit na mainit kung saan kami nagsu-shoot, very game siya,” tugon ni Jackie Lou.

“Alam niya yung linya niya. He knows what he’s supposed to do.”

Sa Virgin Lab Fest (VLF) nag-debut siya na “Lualhati’ na kabilang daw sa tatlong revisited plays for next year, kaya posibleng magbalik stage siya.

Sa Setyembre ay sing-and-dance naman ang drama ni Jackie Lou sa “Bongga ka Day! The Annie Batungbakal Musical (Based on the Songs of Hotdog).”

“Sobrang iba-iba. From anthropology to Lualhati to Cinemalaya, saka at least musical ulit after so, so many years,” masayang pahayag pa ni Jackie Lou Blanco.

“ACCEPTED ko naman yung reaction. Nabigla lang ako sa babayaran ko,” ito ang sagot ni Anjo Yllana tungkol sa utos ng korte na pinagbabayad siya ng 3.5 million pesos bilang danyos sa petition for permanent injunction na isinampa laban sa kanya ng TVJ Productions, Inc. 

Dahil nga ito sa mga mapanirang pahayag niya laban sa “Eat Bulaga!” at sa mga host ng show.”Alam mo, habang tumatagal, naiisip ko, ang taas pala ng value ko,” pagbibiro pa niya.

“Kasi pagka ikaw ay ano, hahatulan ng ganun kalaking halaga, bini-base yan sa kung ano yung kakayahan mo.”E kayang-kaya ko pala to. Sabi ng korte,” Inamin ni Anjo na inapela na nila ang desisyon ni Presiding Judge Gloria Monica S. Lopez ng Branch 279 ng Regional Trial Court ng Mandaluyong City.

“It is under appeal. And siyempre it will take time. Right now, nag-appeal ako sa court.

“So siguro mga ano yun, baka dalawa o tatlong appeal pa yun pag ‘di makukuha sa isa,” lahad niya nang mapanayam siya sa MADDOX Jewelry Iconic Runway Fashion Show 2026 ng Maddox Jewelry owner na si Charo Cordial, na kung saan naimbita siya na manood.

Aminado naman si Anjo sa kanyang pagkakamali sa mga naging pahayag niya laban sa mga dating kasamahan sa noontime show.”Twice na I made a public apology. I said sorry,” sabi niya.

“I am vocal na mahal ko sila hanggang ngayon.

“And I admitted I had mistakes. May mga mali akong nagawa, and sabi ko nga, pinagsisisihan ko naman yun.

“The most important thing is, natuto ka doon sa pagkamali.

“Ang pinaka-wish ko lang naman ngayon hindi naman yung guilty ako or hindi, may babayaran ako, malaki or hindi.

“Mas wish ko yung sana humupa na kung meron man sama ng loob at galit sila.”

Ang lesson learned ni Anjo?

“Sabi ko nga, I learned from my mistakes. First time ko nagawa to sa forty-one years ko sa showbiz.

“Ang pinagsisisihan ko yung bagay na natutunan ko. Sabi ko nga, you learn from your mistakes.

“Pag hindi ka nag-learn sa mistakes mo, e, wala ka natutunan. E sarili ko lang yun, e.

“Mag-isa, mag-isa, kumbaga mag-isang laban ko to. Ang kausap ko lang sarili ko.”

Natanong din si Anjo kung ano ang mas iniinda niya; ang kaso laban sa kanya o ang nasirang friendship?

“Well, yung friendship kasi namin medyo dormant na for years,” tugon niya.

“Kasi nung nag-resign ako sa show, medyo hindi ko na sila nakasama’t nakakausap.

“Mas masakit, para sa akin ha, mas masakit yung na-realize ko na pag meron ka palang mga taong pinakisamahan, minahal, e yung nararamdaman mo na may galit sila sa yo.

“At yun ang masakit sa akin. Hindi naman yung guilty ka o may babayaran ka.”

Nagkaroon ba sila ng pag-uusap sa labas ng korte?”Wala. Pero kasi sa akin kasi, parang hindi ko na kailangang mag-mediate pa kasi alam ko naman yung fault ko, e,” pag-amin niya.

“So, bakit pa kukuha ng tao na mag-mediate? Meron ngang fault e, at I admit naman I made a mistake.

“Parang kasalanan ko na naging emotional din ako. Naglabas ako ng mga sama ng loob.

“Pero yun nga, dahil sabi ko nga first time lahat to sa akin, e, ang importante sa akin din ‘yung natutunan ko na, ‘Ay mali pala to.’

“Tsaka ano rin, e, yung mga anak ko rin, pinagalitan ako ng mga anak ko.”

MAGBABALIK na nga ba ang tinaguriang Queen Of All Media na si Kris Aquino sa limelight?

Hindi naman kaya ang anak nitong Bimby Yap ang magtutuloy nang nasimulan ng kanyang ina sa showbiz? 

Kamakailan lamang ay nag-post si Jonathan Manalo, Asst. Vice President at Creative Director ng ABS-CBN, kasama si Roxy Laquigan, ABS-CBN Music Head, Kris, Bimby at iba pa, matapos ang ilang oras na meeting.

Subali’t walang detalyeng ibinahagi si Jonathan, isa lamang ang caption nito sa naturang post, “Last night’s productive meeting”, kung kaya’t marami sa mga netizens ang nagkomento at nagbigay ng kanilang mga haka-haka tungkol sa nasabing meeting.

May mga nag-speculate na malamang ito na ang hudyat ng muling pagbabalik ni Kris sa telebisyon.     

‘Yung iba naman si Bimby ang sinigurong magtutuloy ng daang tinahak ng kanyang ina.

Mukha raw si Bimby ang uupo sa sinasabing “blue chair”. Ito yung sagisag o tanyag na upuan kung saan pinauupo ang isang artist na nabibilang na sa kanilang pamilya.     Marami nga ang nag-iisip na si Bimby ito. 

Napapanood na kasi ito sa noontime show na “Eat Bulaga”, bilang isa sa mga guest co-host.

Maaari rin daw sa music industry ang pasukin nito. Nagpapakita raw kasi ito ng interes sa pagkanta.      

Sa kasalukuyan kasi, kumukuha ng voice lessons si Bimby under Thor Dulay.     

Kaya malamang may nilulutong proyekto ang ABS-CBN para rito.

***

NAGING madamdamin si Miss Philippines-Universe 2022 Celeste Cortesi sa premier showing ng kanyang documentary na pinamagatang “Celeste Unscripted”

Kasama ni Celeste ang kanyang partner na si tech millionaire/philanthropist/British national na si Jonathan Sterling sa nasabing event.

Makikita sa uploaded video na walang tigil na umiiyak si Celeste dahil sa kagalakan sa tagumpay ng kanyang documentary.     

Katabi nito ang kanyang partner na pinunasan pa ang kanyang luha.     

Sa nasabing docu, inilarawan ni Celeste ang naging yugto ng kanyang buhay na hindi nakikita ng mga tao.     

Ang mga struggles nito sa buhay, yung kanyang pagkapanalo na siyang nakatulong upang mahubog ang kanyang pagkatao sa likod ng kanyang korona.     

Sa nakita ng mga netizens, tila nabura na ang mga espekulasyon na naghiwalay ang dalawa. Itinuturong third party involved noon ay si Bianca Manalo.

Pero, tila walang katotohanan ang mga sapantaha tungkol sa kanilang relasyon.     May mga nagsabing kasama sa docu ang kuwento ng kanyang lovelife, maging ang mga pinagdaanan bago nila opisyal na ianunsiyo ang kanilang relasyon.