PINANGASIWAAN ni Pangulong Ferdinand R. Marcos Jr., araw ng Biyernes ang pamamahagi ng government assistance sa kanyang naging pagbisita sa Pampanga Food Security Complex (PFSC) sa Lubao, Pampanga.

Personal na ininspeksyon ni Pangulong Marcos ang newly completed PFSC, kasama si Agriculture Secretary Francisco Tiu Laurel Jr., dating pangulo at Pampanga Second District Rep. Gloria Macapagal Arroyo, at Pampanga Governor Lilia Pineda.

Dinisenyo bilang isang one-stop postharvest service center, ang P465.76-million PFSC ay nagbibigay sa mga magsasaka ng “accreditation, palay procurement at receiving services, drying, milling, storage, inventory management, packaging, at distribution.”

Ang integrated rice processing facility ay inaasahan na mapakikinabangan ng 30,995 rice farmers na nagsasaka o nagbubungkal sa 42,994 ektarya ng rice-producing land sa Pampanga.

Mayroon itong tinatantyang annual output na 136,800 bags ng dry palay at 78,000 bags ng milled rice, kung saan ang bawat bag ay tumitimbang ng 50 kilo.

Nagtatampok din ito ng dalawang bodega na may pinagsamang floor area na 5,000 square meters.

Ang Warehouse 1 ay maaaring m ag-imbak ng 83,000 bags ng milled rice, habang ang Warehouse 2 ay may kapasidad na 45,000 bags ng dry palay.

Ang drying facility ay mayroong six 6-ton mechanical dryers at dalawang 12-ton mechanical dryers, may kakayahan na magtuyo ng 1,200 bags ng palay, araw-araw.

Ang isang 5,000-square-meter drying pavement ay maaaring mag-accommodate ng 1,400 bags ng wet palay, habang ang rice mill ay mayroong processing capacity ng apat hanggang limang tonelada kada oras, na may tinatayang milling recovery rate na 65%.

Sinabi ni Tiu Laurel na ang strategic location ng food security complex ay ginawa nitong mahalaga para sa food security requirements ng bansa.

Idinagdag pa nito na ginawang simple ng pasilidad ang postharvest operations para sa mga magsasaka, nagpapabuti ng kahusayan at tinitiyak na ligtas ang mga pagkain.

“More or less, we’re more ready than ever this harvest season,” ayon kay Tiu Laurel.

“The data [and] the facts will show that [Marcos] admin has provided the most facilities and machineries for the modernization of the agriculture,” anito.

At upang mapalawak pa ang kakayahan ng pasilidad, naglaan ng P240 million sa ilalim ng General Appropriations Act at sa pamamagitan ng pagsisikap ni Arroyo para sa konstruksyon ng dalawang karagdagang bodega.

“Once completed, the new warehouses will accommodate an additional 112,500 bags of milled rice and 75,000 bags of palay, significantly increasing the PFSC’s storage capacity and further enhancing the province’s food security efforts,” ayon pa rin sa Kalihim.

Samantala, sa naging pagbisita ng Pangulo, pinangunahan nito ang distribusyon ng P17.7 million na Sustainable Livelihood Program assistance mula sa Department of Social Welfare and Development (DSWD) sa 21 SLP associations na kumakatawan sa 630 miyembro.

“Each association received grants ranging from P600,000 to P900,000, while individual farmers received P3,000 each under the DSWD’s Assistance to Individuals in Crisis Situations program,” ayon sa ulat.

Nakapulong naman ng Pangulo ang 11 kinatawan ng kooperatiba at asosasyon ng mga magsasaka kung saan ang mga miyembro ay benepisaryo ng ng palay procurement program ng Pampanga at PFSC’s post-harvest services. ( DARIS JOSE)

BINISITA ni Pangulong Ferdinand R. Marcos Jr. ang pinakamalaking data center ng fiber broadband provider Converge ICT Solutions sa Angeles City, Pampanga, isang artificial intelligence o AI-ready facility na dinisenyo para suportahan ang lumalaking demand para sa content at cloud services.

Kasama ng Pangulo si Information and Communications Technology Secretary Henry Aguda, ininspeksyon ang pasilidad, kung saan sumusuporta sa data sovereignty agenda ng gobyerno.

Ang pagbisita ay kasunod ng ipinalabas ni Pangulong Marcos na Executive Order 119, na nag-update sa Government Data Classification Framework at nagtatag ng unified rules ukol sa data classification, data residency, at cross-border data transfers.

Hangad ng kautusan na palakasin ang cybersecurity sa pamamagitan ng pagbibigay ng balangkas para sa pagbibigay proteksyon sa “classified government information, safeguarding national security, upholding data sovereignty, at pagsuporta sa nakuhang digital transformation.”

Sa kabilang dako, sinabi ni Converge Chief Executive Officer at co-founder Dennis Anthony Uy na pahihintulutan ng Angeles City data center ang mga ahensiya ng gobyerno na mag-migrate ng sistema mula sa ‘costly foreign-hosted servers’ patungo sa isang ‘secure facility operated’ sa loob ng teritoryo ng Pilipinas.

“Keeping government data locally hosted would help reduce cybersecurity risks, ensure service continuity during global Internet disruptions, and keep critical citizen records under the jurisdiction of Philippine courts,” ayon kay Uy.

“Securing our government data locally is a crucial milestone, but the next frontier is ensuring our national infrastructure is AI-capable,” aniya pa rin.

“Converge will continue to upgrade and scale our facilities to support high-density, AI-driven workloads, strengthening the country’s readiness for AI adoption and regional digital growth,” ang sinabi ni Uy.

Binigyang diin naman ni Aguda ang kahalagahan na protektahan ang mahalagang government information habang pinananatiling bukas ang Pilipinas sa inobasyon, cloud technologies, at global digital partnerships.

Itinayo sa 5,000-square-meter site, ang Angeles data center ay mayroong kapasidad na 12 megawatts at mayroong built-in redundancy para suportahan ang operasyon.

“The facility was designed to meet the country’s data residency requirements and handle high-performance computing workloads, particularly for AI and machine learning applications, strengthening the Philippines’ role in the global digital ecosystem,” ayon sa ulat.

Samantala, pinangunahan naman ni Unang GInang Liza Araneta-Marcos ang paglulunsad ng data center noong Marso kasama si Uy at iba pang opisyal ng gobyerno.

Ang Angeles Data Center ay pinakabagong karagdagan sa pasilidad ng Converge, pagpunan sa mga kasalukuyang site sa 

Clark, Pampanga at sa mga Lungsod ng Pasig at Caloocan.

Ang pasilidad ay bahagi ng broader digital infrastructure strategy ng Converge, kabilang dito ang fiber backbone, satellite network, subsea cable systems, at cable landing stations. ( DARIS JOSE)

NASA depensa ni Vice President Sara Z. Duterte ang bola matapos na iprisinta ng prosekusyon ang “competent and credible evidence” sa article of impeachment kaugnay sa umano’y pagbabanta kina 

Presidente Bongbong Marcos, First Lady Liza Araneta-Marcos, at dating Speaker Ferdinand Martin G. Romualdez.

Ang pahayag ay ginawa ng House prosecution panel sa pagtatapos presentasyon ng ebidensiya sa kaso.

Sinabi ng prosekusyon na na- 

establish na nila ang kaso at nasa depensa na ang pagkakataon na pasinungalingan ang ebidensiya sa Senate impeachment court.

“Nag-shift na ngayon [ang burden] kasi noong una nung nagpresenta ang prosekusyon ay iprinisenta namin, inilatag natin ang mga ebidensya na sa aming paniwala ay dapat madinig, makita ng ating mga kababayan,” pahayag ni dating Surigao del Norte Rep. Robert Ace Barbers, adviser ay spokesperson para sa prosekusyon.

SInabi naman ni Atty. Benjamin “Jay” Tolosa Jr., spokesperson at counsel para sa House prosecutors, na naiprisinta na ng panel ang supisyenteng evidensiya na sumusuporta sa kaso.

“The prosecution has presented competent and credible evidence proving that the Vice President made statements threatening the life of the President,” ani Tolosa.

Kasama aniya sa ebidensiya ng prosekusyon ang authenticated recordings ng Nov. 23, 2024 public statements ni Duterte, National Bureau of Investigation’s (NBI) forensic examination ng recordings, at official investigation ng ahensiya sa naturang alegasyon.

“Hindi na ho sapat ang simpleng denial. Kailangan na nilang sagutin ang authenticated recordings, ang forensic findings, ang official investigation, at ang national security assessment na nasa record na,” dagdag nito.

(VINA de GUZMAN)

PINANGUNAHAN ni Barangay Kapitan Journey “Jhay” Bandong De Jesus ang malawakang paglilinis sa kanilang nasasakupan. Kasama niya sa gawaing ito ang kanyang mga katuwang sa pamamahala na sina Kagawad Antonio C. Palma Jr., Derrish M. Ablaza, Lourdes B. Angeles, Aries G. Armas, Anthony C. Dela Cruz, Alberto G. Marcelo, at Zenaida P. De Guzman. Kabalikat din sa aktibidad sina Barangay Treasurer Ma. Crisanta C. Estoesta, Barangay Secretary Fe N. Concepcion, pati na sina Administrator Edwin N. Cruz at Rodolfo P. Cristobal.

Bukod sa kalinisan, pinagsumikapan din ng batang kapitan na maihatid ang mga mahahalagang serbisyo sa komunidad. Kabilang dito ang pagkakaroon ng sariling ambulansya para sa mga emergency, libreng gamot para sa mga senior citizens, at ang pagpapanatili ng kapayapaan at kaayusan (Peace and Order).

Aktibo ring isinasagawa sa barangay ang pag-aalis ng mga bara sa mga kanal at estero upang maiwasan ang pagbaha, pati na rin ang pagtatanim ng iba’t ibang uri ng gulay sa ilalim ng programang “HAPAG” para sa kalusugan at kabuhayan. Dagdag pa rito, pinailawan ang mga madidilim na bahagi ng kapaligiran at nagkabit ng mga CCTV camera para sa mas ligtas na monitoring.Upang gabayan ang moral na aspeto ng mamamayan, lalo na ang mga kabataan, naglunsad din ang lokal na pamahalaan ng “Church Visitation” upang mapanatili silang nasa tamang landas.Sa pagtatapos, nag-iwan ng isang makabuluhang paalala si Kapitan De Jesus ukol sa epektibong pamumuno: “Being a good leader means being a good follower.”

(Sonny Asignacion)

NAGPAHAYAG ng kumpiyansa si House Speaker Faustino “Bojie” G. Dy III na maipapasa ng House of Representatives ang lahat ng priority legislation ng administrasyon bago matapos ang taong kasulukuyan.

“Marami sa natitirang priority bills ay nasa advanced stage na po ng ating legislative process,” sinabi ni Dy.

 “Kaya hinihiling po sana natin sa ating mga counterpart sa Senado, na tulungan tayong maisabatas na ang iba pang mga bills bago matapos ang taon.” 

Ayon kay Dy, ilan sa mga umuusad na panukala ay ang Cybersecurity Act, na nakatakda sa ikalawang pagbasa. Walo pang panukala ang nakasalang sa Committee on Appropriations at Committee on Ways and Means. 

“Patuloy nating bibigyan ng prayoridad ang mga panukalang direktang makatutulong sa mga Pilipino at sisiguraduhin nating masusi at timely ang pagtalakay sa mga ito,” dagdag ni Dy.

Binigyan importansya ni Dy ang malapit na koordinasyon ng Kamara sa Ehekutibo, partikular sa Presidential Legislative Liaison Office (PLLO). “Ang aming layunin ay makapagpasa ng mga batas na may tunay na pakinabang at mararamdaman ng bawat Pilipino.” 

(VINA de GUZMAN)