FIRST ever kissing scene pala at love scene na rin ni Alexa Ilacad ang bago niyang series sa iWant, ang “Miss Behave.”

Yun nga lang, after such a long time na she was in a loveteam on and off screen with KD Estrada, it’s JC Alcantara na masasabing naka-first base pa kay Alexa pagdating sa kissing at love scene.

All praises naman si Alexa sa kanyang leading man dahil nga first niya, kinakabahan siyang talaga, pero napaka-gentleman naman daw ni JC.

Ang “Miss Behave” ay may pagka-serious ang tema bilang sumasalamin ito sa nangyayari sa ilang campus bullying at sex scandal ng mga High School students.

We asked Alexa kung sakali at sa kanya nangyari in real life ang nangyari sa character, ramdam namin ang takot dito nang sabihin niya na, “hindi ko alam kung ano ang gagawin ko. Honestly, hindi ko alam.”

Magsisimula na itong mapanood sa iWant simula sa June 3. Kasama rin dito sina Xyriel Manabat, Reign Parani, Andi Abaya & Rans Rifol. 

Sa mga boys, kasama rin sina Akira Morishita, Raven Rigor, Zach Castañeda, LA Santos at Zach Guerrero. 

Directed by Andrew Payawal.

***

BELA, balitang ‘out’ na sa solid friendship nila ANGELICA at KIM

Kasabay halos ng mga naglalabasan na diumano’y may attitude si Bela Padilla, lalo na sa taping ng “Blood vs. Duty,” ang pagiging “out” na raw niya sa Ang Beki.

Yung akala mong sobrang solid ng friendship nilang tatlo nina Angelica Panganiban at Kim Chiu, dahil daw sa pangunguna ni Bela na i-announce na nagpa-frozen ng eggs si Kim, nagkasira na ang dalawa.

Although wala namang nagsasalita sa kanilang tatlo, ang kawalang interactions na nila partikular na sa Instagram ang nagiging source, lalo na ng mga fans.

Magkasunod na buwan din ng mag-birthday sina Kim at Bela, pero dedma, wala ng pa-Instagram greetings.

Pero wala rin duda na walang isyu sa pagitan nina Kim at Angelica dahil bukod sa nagkakasama sila, nagpapalitan din sila ng mga comment sa IG post nila.

Ang pinaka-recent nga ay ang may dump post ni Angelica.

So mukhang out na nga si Bela sa Ang Beki ha.

NAKATAKDANG magpakasal si Phoebe Walker sa boyfriend niyang DJ na si Rico Robles. 

Ito ay isang beach wedding na magaganap sa Boracay ngayong June 7. 

Nang nakapanayam namin ang aktres, inusisa namin siya kung kapag ba misis na siya, hindi niya iiwan ang showbiz?

Esplika ni Phoebe, “Hindi ko naman po iiwan ang showbiz, pero gusto ko na mag-start ng family. Also kaya happy ako, I get to host kasi lighter workload compared to acting. Pero I will also consider acting roles especially if maganda ang offer.”

Bawal na ba siya sa sexy role kung sakali?

“Maybe no more love scenes po, out of respect for my soon-to-be husband,” matipid na sagot niya.

Supportive naman ba si Rico sa career ni Phoebe sa showbiz?

Aniya, “Yes, supportive siya pero he always urges me to be more selective with the projects I accept – only those that are worthy. Which I respect din.”

Paano niya ide-describe si Rico as a BF and future husband?

“Three years kami when he proposed, pero as early as the first year I knew he was the one. Naks!” Nakangiting bulalas ng aktres.

Pagpapatuloy pa ni Phoebe, “Very mature and understanding siya, supportive and optimistic person. He taught me to have faith, to trust in God, in the universe and to accept that we don’t have control over most things.

“I used to be very impatient, controlling and pessimistic – but he helped me change. I’m not perfect but still working on certain aspects I know needs changing. Betterment will always be a continuous process.”

Dagdag pa niya, “We balance each other out po, in all aspects; and he has a gift of turning something so serious and heavy, into something lighthearted and funny.

“He makes me laugh. Which I think is needed in a relationship.”

Incidentally, may bagong series na aabangan kay Phoebe. 

Kuwento niya sa amin, “May series po ako sa Viva Movie Box, ito po ang ‘The Borrowed Life,’ kasama sina Ella Cruz and Nikko Natividad. Fantasy Rom/Com po ito, kontrabida po ako here nina Ella and Nikko, hehehe.”

Nabanggit din niyang enjoy siyang gumanap sa kontrabida role.

“Honestly, enjoy ako talaga sa kontrabida role, but of course at the end of the day the audience will not root for you.

“Longevity na po ang habol ko ngayon, dahil alam ko na ang mabilis mong makuha ay mabilis din na mawawala. Kaya I always love the grind. Iba talaga ang reward kapag nasa puso mo ang ginagawa mo, I will always be grateful for this,” pakli pa ni Phoebe.

NAGBABALIK sina Rabin Angeles at Angela Muji, ang tambalang kinabaliwan ng netizens.

Panibagong yugto ng buhay nina Drake Palma at Alys Perez ang matutunghayan sa “Dating Alys Perez”, na mapapanood na simula June 12 exclusive sa Viva One.

Mula sa wattpad story na umani ng milyon-milyong views, hanggang sa naging patok at pinag-usapang series adaptation, magpapatuloy ang kuwento ng roller coaster na pag-ibig sa “Seducing Drake Palma” series.

Nagbabalik ang tambalang RabGel upang muling gampanan ang papel ng misteryoso ngunit grabe magmahal na si Drake Palma at ang sweet pero palaban na si Alys Perez.

Samantala, papasok naman sa eksena si Zeke Polina bilang Tripp Pala, na gaganap bilang knight-in-shining armor ni Alys. 

Si Zeke ay unang nakilala sa pagganap bilang Ace “Supremo” Craige sa isa pang series ng Viva One na “Hell University”. Ngayon, siya naman ang gaganap bilang Tripp Palma, ang karakter na orihinal na ginampanan ni Dylan Menor na hindi na muling mapapanood sa serye.

Magsisimula ang “Dating Alys Perez” apat na taon matapos maka-graduate si Alys sa Brenford.  Sa paglipas ng panahon, buo na ulit ang kanyang puso at naghilom na sa sakit na dulot ng pagmamahal niya kay Drake Palma. Masaya na muli ang dalaga sa piling ng taong mahal niya, at minamahal din siya nang tapat, ang kanyang boyfriend na si Tripp.

Pero sa isang iglap, babalik ang lahat – ang mga alaala, ang sakit, maging ang pagmamahal na matagal nang binaon sa limot dahil sa muling pagdating ni Drake.

Gagawin ni Drake ang lahat upang muling makuha ang pag-ibig ni Alys. At tulad ng dati, muling iinit ang tensyon sa pagitan nina Drake at Tripp dahil sa pag-ibig nila para sa iisang babae. 

Hango sa kuwento ni Ariesa Domingo, o mas kilala bilang Beeyotch, at mula sa direksyon ni Crisanto B. Aquino, muling subaybayan ang mga karakter na minahal ninyo na maghahatid ng panibagong kilig at drama.

Siguradong mas exciting at patuloy na aabangan ang bagong kabanata sa Drake Palma Series. Ang “Dating Alys Perez” ay magsisimula na sa June 12, with fresh episode every Friday exclusive sa Viva One!