SA alinmang henerasyon, wika ng damdamin, alaala, at identidad ng mga Pilipino ang Original Pinoy Music (OPM). 

Sa Hulyo 11, itatampok muli ng Puregold ang malalim na ugnayan ng mga Pilipino at ng OPM sa Araneta Coliseum, sa pamamagitan ng pinakamalaki at pinakamaingay na konsiyerto ng taon, na nakatakdang ipagmalaki ng lahat. 

Higit pa sa isang engrandeng pagtatanghal ng musika, naging pangunahing retailtainment platform na ng Puregold ang OPM Con, na nagpapatibay sa gampanin nito bilang nangunguna sa pagsulong ng pagsasanib ng retail, entertainment, at kulturang pang-fandom ng mga Pilipino. 

Sa paglipas ng mga taon, natagpuan ng mga Pilipino ang kanilang tinig sa musika—sa mga kantang kanilang kinalakihan, mga linyang ibinabahagi online, mga awiting sinasabayan nang buong sigla sa mga konsiyerto, at mga fandom na nagiging parang pamilya dahil sa pagmamahal nila sa kanilang mga paboritong talento.

Matapos ang dalawang magkasunod na taon ng sold-out na mga konsiyerto at mga viral na sandali ng mga tagahanga—kasabay ng pag-aabang ng buong bansa—nagbabalik ang isa sa pinakahihintay na music events ng taon. 

Sa “OPM Con Generations,” pagsasama-samahin nito ang ilan sa pinakamalalaking pangalan sa industriya para sa isang gabi ng pagdiriwang ng patuloy na pag-usbong ng musikang Pilipino at mga komunidad na nabuo dahil dito.

Kabilang sa mga tampok na artista ang kinikilalang folk-pop band na Ben&Ben at ang sumisikat na P-Pop group na Alamat, na hindi lamang magtatanghal kundi magsisilbi rin bilang dalawa sa mga pinakabagong brand ambassadors ng Puregold—isang makabuluhang kolaborasyon lalo para sa kanilang mga tapat na tagahanga na kilala bilang “Liwanag” at “Magiliw.”

Tinuturing na pinakakaabang-abang ang linya ng mga artistang tampok sa OPM Con ngayong taon: ang mga hari ng P-Pop, SB19, ang kilala sa larang ng rap na si Flow G, paborito rin sa rap na si Skusta Clee, minamahal na bandang SunKissed Lola, at ang mga pausbong na all-female P-Pop groups, G22, KAIA, at Xonara. 

Mula sa mga kapana-panabik na pagtatanghal ng P-Pop, mga kilalang kanta ng rap, mga emosyonal na awitin at viral na nangunguna sa mga tsart, ipinapangako ng “OPM Con Generations” ang hindi malilimutang selebrasyong tatawid ng genre, henerasyon, at fandom. 

Mula sa paglulunsad nito noong 2024, mabilis na naging pinakainaabangang live music event ang OPM Con, at pinag-aalab nito ang damdamin ng mga tagahanga. Dagdag pa rito ang mekanismo ng pagkuha ng tiket, kung saan nagiging bahagi din ng karanasan ng mga tagahanga ang pamimili sa groseri.

“Music has a unique way of bringing people together, no matter the generation or genre),” ani ni Ivy Hayagan-Piedad, Senior Marketing Manager ng Puregold Price Club Inc. 

“Through OPM Con Generations, Puregold hopes to create a space where loyal Puregold customers and fans can proudly gather, interact, and celebrate Philippine artistry and culture.”

Opisyal na magsisimula ang ticket redemption para sa OPM Con Generations sa Hunyo 12 sa 12 piling Puregold stores sa buong bansa: Taytay, Rizal; Biñan, Laguna; Anabu-Imus, Cavite; Valenzuela; QI Central, Quezon City; Cubao, Quezon City; Fairview Terraces, Quezon City; Tayuman, Tondo, Maynila; Sucat, Parañaque; Kalentong, San Andres, Maynila; Sto. Domingo Cainta Junction, Rizal; at San Pedro, Laguna.

Maaaring makakuha ng libreng concert tickets ang mga miyembro ng Aling Puring at Perks sa pamamagitan ng kwalipikadong single-receipt grocery purchases sa mga kalahok na tindahan. Kabilang sa mga ticket tier ang VIP Standing para sa minimum purchase na P8,500, Patron para sa P7,000, Lower Box para sa P5,500, Upper Box para sa P4,000, General Admission para sa P2,500, at Obstructed Upper Box at Obstructed General Admission para sa P1,500. 

Para naman sa mga customer mula sa mga probinsiya, maglulunsad din ang Puregold ng limitadong inisyatibong Regional Fan Pass upang mabigyan ng mas maraming pagkakataon ang mga tagahanga sa labas ng Metro Manila na makapagparehistro at makakuha ng mga tiket habang may suplay pa.

Para sa mga update, i-like ang @puregold.shopping sa Facebook, mag-subscribe sa Puregold Channel sa YouTube, at i-follow ang @puregold_ph sa Instagram at X, at @puregoldph sa Tiktok.

NAGING emosyonal at hindi naitago ang pagkadismaya ng aktor at councilor na si Alfred Vargas matapos ma-dismiss ang kasong isinampa nila sa aktor na si Rob Sy at asawa, mga magulang nang nam-bully raw sa kanilang anak.

Sa kanyang Facebook post nitong Sabado, May 30, inihayag ni Alfred ang labis na kalungkutan matapos mabasa ang naging desisyon ng korte.

Pero kahit nalungkot at nadismaya siya, lumakas pa rin ang kanilang loob na ipagpatuloy ang laban dahil sa mga mensahe at suportang natanggap nilang pamilya mula sa netizens at mga kaibigan.

“Aaminin ko na nanlumo ako pagkabasa ko ng desisyon. Parang gumuho ang mundo ko,” pahayag ng aktor.

“Naawa ako sa aking mga anak. Nahiya ako sa kanila. I felt like I failed them as a parent.” 

Pagpapatuloy pa niya, “Wala na ba kaming matatakbuhan? Wala na bang tutulong sa anak kong biniktima ng paulit-ulit na bullying?”

Himutok pa ni Alfred, “Seven years old lang ang anak ko. Sinaktan siya ng paulit-ulit, binigyan ng trauma, namiligro ang buhay niya, ipinahiya sa harap ng maraming tao. Sinira ang kaniyang dignidad.

“Tapos sasabihin na ‘away bata’ lang at wala na kaming magagawa? Paano na yung anak ko na biniktima? Wala ba siyang karapatang mabuhay na ligtas at walang takot?”

“But in our moment of doubt, all of you gave us clarity and purpose. You gave us strength. Nalaman namin na hindi kami nag-iisa,” sabi ni Alfred.

Dagdag pa niya,“Yasmine, my children, and I are overwhelmed with gratitude.”

Nagpapasalamat din si Alfred sa mga nagdarasal at sumusuporta sa kanilang pamilya.

“You have inspired us to continue working for the truth and for a safer community for our children. We say no to bullying with greater determination. Itutuloy namin ang aming pagtutol at paglaban sa bullying.

“Maraming, maraming salamat sa inyong pagmamahal at panalangin,” pahayag pa ni Alfred.

At sabi nga ni Alfred, tuloy lang at ‘di sila susuko dahil hindi pa tapos ang laban.

LAST May 17, nag-37 na si Kris Bernal at isa pala sa mga birthday wish niya ay magkaroon isa pang anak.

Sa guesting ni Kris sa recent episode ng “Fast Talk With Boy Abunda” kung saan kasama niya si Beauty Gonzales na co-star niya bilang bida sa GMA Afternoon Prime series na “House of Lies”, ay inihayag ni Kris na wish niyang magkaroon ng kalaro ang panganay niyang anak na si Hailee.

“Sana ma-bless pa ng another baby,” ang sagot ni Kris sa tanong kung ano ang kanyang birthday wish. 

“Gusto ko pa ng maraming maraming baby.

“Kasi parang kapag isa lang, kapag nakikita kong walang kalaro yung anak ko, parang ang sarap siguro kapag marami siyang kalaro, marami siyang kausap, marami siyang napagshe-share-an ng mga gamit niya.” 

Ang mister ni Kris ay ang businessman na si Perry Choi at ang anak nilang si Hailee ay ipinanganak noong 2023.

***

NAPANOOD na namin ang pelikulang “Backrooms”.

Sa umpisa, may maikling speech ang direktor ng pelikula na si Kane Parsons na batambata at napakaguwapo, kaya iisipin mo na ang panonoorin mo ay isang romcom film.

Pero noong sinimulan na ang pelikula, hanggang sa gitna, hanggang sa matapos, na-trauma kami, in a good viewing way.

Nakakatakot, nakawiwindang, nakakakilabot ang “Backrooms”!

Hindi kami matatakutin, sa scary movies man o sa tunay na buhay; ilang beses na kaming “pinaramdaman” ng mga supernatural entities.

Pero sa kabuuan ng panonood namin ng “Backrooms”, matinding takot at kilabot ang aming naramdaman.  

Mula sa A24-CREAZION STUDIOS, magsisimula na ang hilakbot sa mga sinehan sa June 3, 2026.

“Backrooms is more than just a movie release for us — it’s an experience designed to pull audiences deeper into the world of the film even before they enter the cinema,” sabi iyan ni Anter RJ San Agustin, CEO ng CreaZion Studios. 

Dagdag pa niya, “We wanted Filipino horror fans to feel the fear, the mystery, and the disorientation that made Backrooms a global phenomenon. This is something audiences have never experienced before.” 

Si Kane rin nga pala ang creator ng mga original viral Backrooms videos.

Mga bida naman sa pelikula bilang si Clark ang Academy Award nominee Chiwetel Ejiofor at ang Cannes Best Actress winner Renate Reinsve na parehong mahusay sa pelikula.