TINATAGUYOD ni Leyte Rep. Ferdinand Martin Romualdez ang isang medical screening program para sa maagang detection ng kanser sa isang pasyente.
Sa inihaing House Bill (HB) No. 7942, kasama si Tingog Party-list Rep. Jude Acidre, bibigyan kapangyarihan ang Department of Health (DOH) na maglungsad ng programa upang pagtibayin ang cancer risk screening sa tulong ng local government units, barangay health workers at ilan kawani sa sektor ng kalusugan.
Ayon sa Philippine Statistics Authority (PSA), ang kanser ay ikatlong sanhi ng pagkamatay sa karamdaman ng mga Pilipino, sinabi ni Romualdez.
“A major factor contributing to this alarming reality is the late diagnosis of cancer cases, which not only reduces survival rates but also imposes severe financial hardship on affected families. Studies reveal that treatment of late-stage cancer can consume more than 30 percent of a household’s income, often pushing families into financial catastrophe,” ani Romualdez.
Aniya, sa mas mataas ang bilang ng may sakit na kanser sa mga mauunlad na bansa pero maaga nila itong naagapan dahil sa magandang early detection and prevention programs.
“Evidence shows that early detection significantly improves survival rates while reducing overall treatment costs, making it both a life-saving and cost-effective public health strategy,” pahayag ni Romualdez.
Sa panig naman ni Acidre, ang HB 7942 ay pagbibigay daan sa pagtatatag ng taunang community-based cancer early detection programs sa pamamagitan ng risk profiling, barangay-level screening, at awareness campaigns sa mga munisipalidad.
Idinagdag ni Acidre na bibigyan ng karagdagang suporta at kakayahan ang mga barangay health workers (BHWs) sa pamamagitan ng capacity development at training, upang makatulong sa mga cancer prevention programs, screening promotion, health navigation, at suporta sa mga pasyente.
“By integrating grassroots health workers into systematic cancer risk detection and awareness efforts, the State fulfills its mandate under the Constitution to protect and promote the right to health, while complementing the objectives of Republic Act No. 11215, or the National Integrated Cancer Control Act,” sinabi ni Acidre.
Sa ilalim ng Cancer Risk Screening and Awareness Act, ang mga inisyal na sa saklaw ng early detention programs ay breast, cervical, colorectal (colon), at prostate cancers. (Vina de Guzman)

NANAWAGAN ang Trade Union Congress of the Philippines (TUCP) sa Department of Foreign Affairs (DFA), Department of Migrant Workers (DMW), Overseas Workers Welfare Administration (OWWA), at iba pang ahensiya ng gobyerno na kaagyat na asikasuhin ang kapakanan at seguridad ng mga manggagawang Pilipino na naipit ng sigalot sa Middle East.

“We urge all relevant authorities to work triple-time and activate 24/7 rapid response systems. Clear, consistent, and real-time communication must be established with our kababayan on the ground, especially on critical matters such as their right to refuse unsafe work, access to emergency shelters, updated travel advisories, and verified hotline numbers,” pahayag ni TUCP Party-list Representative at House Deputy Speaker Raymond Democrito Mendoza.

Kasabay nito, nanawagan naman ang Makabayan bloc ng mga mambabatas sa Kamara sa gobyerno na magpatupad ng contingency measures bilang tugon sa tumataas na presyo ng langis dulot ng nagaganap na giyera sa pagitan ng US, Israel at Iran.

“The Filipino people are already suffering from weekly oil price hikes, but with the US-Israeli attack on Iran oil prices skyrocketied by P15.00 per liter for diesel, P7.00 for gasoline, and P28.00 for kerosene in just three days. This is a direct blow to drivers, farmers, fisherfolk, workers, and every Filipino family,” pahayag ng Makabayan bloc.

Anila, dapat sertipikahan ni Pangulong Marcos ang House Bill 215, o Presyo Ibaba Bill, para tanggalin ang excise tax at VAT sa langis, kuryente, tubig at pagkain.

“A long-term solution is also required, including the passage of reform bills to regulate the oil industry and the renationalization of Petron. Hindi lamang krisis sa seguridad ang digmaan ng US at Israel—krisis din ito sa kabuhayan para sa atin. Dapat kumilos agad ang mga nasa poder, at dapat nilang gawin ang agarang aksyon,” dagdag ng Makabayan.

Sinabi naman ng TUCP ang naging pahayag ni U.S. President Donald Trump na magpapatuloy ang pag-atake sa Iran “uninterrupted throughout the week or as long as necessary,” kung saan ipinapakita ang paglala ng sitwasyon.

“The (Philippine) Government must revisit, update, and fully operationalize its contingency and repatriation plans with definitive timelines, clear protocols, and ready logistical support, particularly for the thousands of Filipinos in Iran and the millions more in the entire Middle East, who may wish to return home. Our kababayan demand and deserve a proactive response that is accessible and deployable at a moment’s notice,” pahayag ni Mendoza. (Vina de Guzman)

BIBIGYANG-diin ni Pangulong Ferdinand Marcos Jr., ang commitment ng Pilipinas na isulong ang kapakanan ng mga kababaihan sa 70th session ng Commission on the Status of Women (CSW) sa New York, Estados Unidos.
Sinabi ni Department of Foreign Affairs (DFA) spokesperson Assistant Secretary Angelica Escalona na inaasahan na magbibigay ng kanyang pananalita si Pangulong Marcos sa nasabing event.
“Magsasalita po ang Pangulo sa 70th Session ng Commission on the Status of Women o CSW 70,” ang sinabi ni Escalona sa press briefing sa Malakanyang.
“He will also highlight here the Philippines’ commitment to promote, advance and protect the rights and well-being of women and girls,” aniya pa rin.
Ang working visit ng Pangulo sa Estados Unidos ay mula Marso 8 hanggang 11.
Makakasama naman ng Pangulo sa byahe niyang ito si Unang Ginang Liza Araneta-Marcos, pati na rin sina DFA Secretary Maria Theresa Lazaro, Migrant Workers Secretary Hans Leo Cacdac, Presidential Peace Adviser Carlito Galvez Jr., at Presidential Communications Office acting Secretary Dave Gomez.
Ang CSW ay isang UN commission na nagsisilbi bilang principal global intergovernmental body na nakatuon para i-promote ang ‘gender equality, karapatan ng mga kababaihan, at women’s empowerment.’
Ang CSW 70 ay nakatuon naman sa pagpapalakas ng access sa katarungan para sa lahat ng mga kababaihan, pino-promote ang inclusive at equitable legal systems, inaalis ang discriminatory laws, at tinutugunan ang structural barriers.
( Daris Jose)

LUMAGDA sa isang Memorandum of Understanding (MOU) ang Philippine Army at Bureau of Immigration upang palakasin ang koordinasyon sa pagbabantay sa hangganan at seguridad ng bansa.

Nilagdaan ang kasunduan noong Pebrero 23 sa Fort Bonifacio sa Taguig City nina Army Commanding General Antonio G. Nafarrete at Immigration Commissioner Joel Anthony Viado.

Sa ilalim ng kasunduan, pagtitibayin ang palitan ng intelligence information, koordinasyon sa operasyon, at pagsasagawa ng joint trainings at field operations upang labanan ang terorismo, human trafficking, transnational crime, at iba pang immigration violations.

Magkakaroon din ng Joint Coordination Committee upang pangasiwaan ang mga polisiya, operasyon, at mga programang magpapalakas sa seguridad ng bansa. Ayon sa dalawang ahensya, layunin ng partnership na mas maprotektahan ang mga hangganan ng Pilipinas at ang kaligtasan ng mamamayan laban sa mga banta mula sa ibang bansa. (Gene Adsuara)

SINABI ng Department of Foreign Affairs (DFA) na hangad ng Pilipinas ng mas malawak na suporta mula sa international para sa inaasam nito na non-permanent seat sa United Nations Security Council (UNSC).
Ang halalan para sa UNSC 2027-2028 term ay isasagawa sa June 2026.
Sinabi ni DFA spokesperson Assistant Secretary Angelica Escalona na nakatakdang magsalita si Pangulong Ferdinand R. Marcos Jr. sa isang special session ng United Nations General Assembly sa New York sa Marso 9 at 10.
Bibigyang-diin ni Pangulong Marcos ang long-standing commitment ng Pilipinas sa UN simula pa sa pagtatatag nito noong 1945.
“In his address at the General Assembly, the President will underscore how the Philippines has continuously and constructively engaged the United Nations and UN member-states since the UN’s founding in 1945,” ayon kay Escalona sa press briefing sa Malakanyang.
Sinabi pa ni Escalona na “the Philippines has advanced the rule of law, multilateralism, sustainable development, climate resilience, humanitarian action, and the promotion of human rights and protection of vulnerable groups in conflict situations.”
Bibigyang diin din ng Pangulo na ang makakuha ng UNSC seat ay makapagbibigay sa Pilipinas ng mas malakas na boses sa ‘global peace at security matters’ na nakaaapekto rin sa national interests gaya ng soberanya, maritime security, global economy, at kapakanan ng mga overseas Filipino Workers.
Samantala, sinabi ni Escalona na pinag-aaralan din ng Pilipinas ang naunang imbitasyon dito na sumali sa panukalang “Board of Peace,” na nauna nang binanggit ni Philippine Ambassador to the US Jose Manuel Romualdez. (Daris Jose)