NAG-SHINE ang Filipino actress na si Liza Soberano sa kanyang debut sa Hollywood sa horror-comedy film na ‘Lisa Frankenstein’ mula sa Focus Features at Universal Pictures International.

Mula sa inventive, delightfully twisted minds ng Academy Award®-winning na screenwriter na si Diablo Cody and first-time feature director ni Zelda Williams, hatid nila ang fiendishly clever genre-bending romp na “Lisa Frankenstein”.

Isa itong nakakahumaling sardonic spin sa 1818 classic ni Mary Shelley, ang bagong movie ay naglalakbay sa 1989 suburbia kung saan ginugugol ng senior high school na si Lisa Swallows ang kanyang libreng oras sa abandonadong sementeryo ng Bachelor’s Grove sa libingan ng isang binata na namatay ilang dekada na ang nakalilipas, isang hindi kinaugalian na libangan na nangangako na babaguhin ang takbo ng kanyang buhay.

Pinagbibidahan ni Kathryn Newton na unang napanood sa ‘Big Little Lies’ at ‘Ant-Man And The Wasp: Quantumania’, kasama si Cole Sprouse, na nakilala naman sa ‘The Suite Life Of Zack & Cody’ at sa CW’s ‘Riverdale’, ang dalawa ay pinagtambal unang pagkakataon bilang mga lead sa pelikula.

Sa isang screenplay ni Diablo Cody na nanalo ng Academy at BAFTA Award para sa kanyang trabaho sa Juno noong 2007.

Nakasentro ang movie sa paligid ni Lisa Swallows (Newton), na hindi sinasadyang nabuhay muli ang isang makisig na bangkay mula sa panahon ng Victoria, na ginampanan ni Sprouse, sa panahon ng may matinding kidlat. Naglalahad ang salaysay habang nagsisimula ang mag-asawa sa isang madilim nakakatawang paglalakbay na naghahanap ng pagmamahal, kaligayahan, at ilang nawawalang bahagi ng katawan. Ito ay isang kakaibang coming-of-rage love story na itinakda laban sa backdrop ng 1980s habang pinagsasama ang mga elemento ng komedya, romansa, at pantasya.

Si Liza ang gumaganap bilang Taffy – ang stepsister ni Lisa.

“I met Zelda in a trip to LA, and she brought up this project. I was instantly hooked,” pag-alala ng aktres.

“It’s amazing because the day I met her was the same day the studio greenlit the project. When she found out it was a go, ‘They’ve got their main leads lined-up. They were looking to fill other roles. How about auditioning for one?’ I was like, ‘Sure, let me check out the script. If it’s something that interests me, I’m in.’ And when I saw Diablo Cody was on board, I just had to audition for it.” Kaya very excited and grateful for the opportunity si Liza.

“It’s set in the 80s, so the whole look—the hair, makeup—is totally 80s, which is new for me,” sabi niya.

“It’s the kind of movie I’ve always wanted to do. It has horror, comedy, and romance in one. I was looking for a role that would really push me. Sure, it’s a huge risk for my career, but that’s what’s exciting about it. I know I’ve learned a lot no matter how it turns out. That’s what counts.”

Dapat asahan ng mga tagahanga ni Soberano na ibang side ang makikita sa kanya sa role na ito, na talaga namang kapansin-pansin ang pagganap.

Sa isang kamangha-manghang cast, makabagong script, at natatanging pananaw ni Williams, ipinapangako ng ‘Lisa Frankenstein’ na magbibigay ng bagong pananaw sa klasikong salaysay ng Frankenstein.

Nagtatampok din sa pelikula ang mga kilalang aktor tulad ni Joe Chrest (Stranger Things), Henry Eikenberry (The Crowded Room), at Carla Gugino (San Andreas).

Sa suporta ng Maya at SM Cinemas, nagkaroon ng advanced screening last February 6 ang mga celebrity na kinabibilangan nina James Reid, Issa Pressman at Enrique Gil, at miyembro ng press, habang ang mga Pilipinong tagahanga ay nag-aabang para sa isang kakaibang romance, horror-comedy na maranasan sa mga sinehan na sakto para sa Araw ng mga Puso.

Napapanood na ang ‘Lisa Frankenstein’ sa mga sinehan sa buong bansa.

(ROHN ROMULO)

MASAYA at ikinagulat pala ni Martin del Rosario na panggabi ang serye nilang Asawa Ng Asawa Ko.

“Siyempre proud kasi unexpected, e!

“Alam namin lahat na Afternoon Prime kami tapos biglang GMA Telebabad, so something to be proud of, di ba,” saad ni Martin.

May dream role pa ba siya?

“Parang gusto ko romantic roles naman kasi nagawa ko na yung kontrabida, tapos ngayon mabait, parang gusto ko naman yung romance, yung tungkol sa malalim na pag-iibigan.”

Kinumusta naman namin kay Martin ang tungkol sa lovelife niya…

“Wala single pa din, pero nagdi-date naman,” sagot niya.

Non-showbiz raw ang dine-date ni Martin sa ngayon.

Choice ba ni Martin na non-showbiz ang makarelasyon?

“Oo. Pero ngayon kasi hindi ako naghahanap. Pero based dun sa mga past relationships ko, lahat sila non-showbiz.

“Pero kasi kung may dumating na tao na from showbiz hindi ko mapipigilan iyon. Ang love naman, basta dumarating, di ba?”

Maglilimang taon na ngayon na walang karelasyon si Martin.

Pero kahit loveless siya ay happy si Martin.

“Actually ngayon sobrang masaya ako,” lahad ng Kapuso actor. “Kasi na-realize ko na kapag naka-focus ako sa sarili ko, I mean lahat ng mga goals ko nakukuha ko ngayon.

“Nakakapag-ipon ako, may negosyo ako, may mga nabibili ako for myself, for my family, lahat ng hindi ko nagawa nung time na wala ako sa focus, so… I mean ngayon na thirty one na ako proud ako sa mga na-accomplish ko sa sarili ko.”

Sa serye ay gumaganap si Martin bilang si Jeff kung saan mga lead stars rin sina Rayver Cruz as Jordan, Jasmine Curtis-Smith as Cristy, Joem Bascon as Leon at Liezel Lopez as Shaira.

Sa direksyon ni Ms. Laurice Guillen, ang Asawa Ng Asawa Ko ay napapanood tuwing 9:35 pm sa GMA Prime.

***

UMAASA si Xian Lim na mabibigyan siya ng pagkakataon ng GMA na maging direktor ng isang teleserye.

Sa panayam kasi namin noon kay Xian sa mediacon via Zoom ng ‘False Positive’ noong 2022, nabanggit niya na nasa bucket list niya ang maging direktor ng isang TV series lalo pa nga at that time ay kalilipat lamang niya bakuran na siya ng Kapuso Network..

Kaya kamakailan ay tinanong namin si Xian kung ano na ang update sa mga proyektong ipagkakaloob sa kanya ng Kapuso Network; kasama ba rito ang teleserye kung saan hindi siya artista kundi direktor?

“Sana po, nanawagan po ako sa mga bosses,” sabay tumatawang pakli ni Xian.

Seryosong pagpapatuloy ni Xian, “Una po sa lahat gusto ko lang sabihin na I’m very grateful to GMA. Like katulad po nitong Love. Die. Repeat, it was the very first show na in-offer po sa akin ng GMA, wala pa yung False Positive, wala pa yung Hearts On Ice.”

Ang ‘Love. Die. Repeat.’ sana ang pinakaunang teleserye ni Xian sa GMA, pero nabuntis ang female lead star ng show na si Jennylyn Mercado habang nagte-taping sila noong Setyembre 2021 para sa nabanggit na serye kaya nahinto ito sa loob ng halos tatlong taon.

Kaya naman mas naunang natapos at naipalabas ang False Positive at Hearts On Ice kung saan parehong si Xian ang leading man.

Labis raw nag pasasalamat ni Xian sa Kapuso Network sa pagbibigay sa kanya ng iba-iba genres ng show; isa siyang lalaking nabuntis sa Flase Positive at isa naman siyang fihure skater sa Hearts On Ice.

Pagdating naman raw sa pagiging direktor, lingid sa kaalaman ng marami ay nakapagdirek an si Xian ng isang episode ng Wish Ko Lang last year, taong 2023.

Lahad pa ni Xian, “And hopefully po, sana, sana more projects pa po in terms of being behind the camera, as a director.

“Aside from acting, masayang -masaya po ako behind the camera. Alam yan ni direk Jerry, palagi akong nagtatanong sa kanya, ‘Direk, ang saya naman diyan behind the camera, ano na nangyayari diyan?’”

Si Jerry Lopez Sineneng (at si Irene Villamor) ang direktor ng Love. Die. Repeat.

Leading lady niya rito si Jennylyn Mercado.

Napapanood ito weeknights, 8:50 pm sa GMA Prime.

(ROMMEL L. GONZALES)