2024 February 06 Archive - People's Balita

Archive for February 6th, 2024

Bunsod ng pagiging number one na krimen ang ‘rape’: Abalos, ipinag-utos ang mas maraming kapulisan sa ilang lugar sa Pinas

Posted on: February 6th, 2024 by @peoplesbalita No Comments

IPINAG-UTOS ni Department of Interior and Local Government (DILG) Secretary Benhur Abalos Jr. sa Philippine National Police (PNP) na gawin ang lahat ng makakaya para protektahan ang mga kabataang kababaihan at paigtingin ang implementasyon ng “Kuwarto ni Nene” program sa mga komunidad kung saan tumaas ang sexual abuse cases laban sa mga kabataang kababaihan.

“Rape is now the number one crime in some parts of the Philippines,” ayon kay Abalos.

“I was surprised na merong lugar na hindi nakawan, hindi cybercrime, kung hindi number one crime is rape,’’ aniya pa rin.

Ipinaliwanag naman ng Kalihim na ang “Kuwarto ni Nene” ay proyekto ng PNP na naglalayong protektahan ang mga kabataang kababaihan at tiyakin ang kanilang kaligtasan mula sa mga sekswal na mandaragit.

“I asked the PNP, we have this program, it’s called Kwarto ni Nene. Where we give out (building) materials para yung mga nagdadalaga, (dapat) may sariling kwarto na. Hinihiwalay na,” aniya pa rin.

Sa ilalim ng nasabing programa, sinabi ni Abalos na dapat na regular na binibisita ng mga babaeng pulis at social workers ang mga tinedyer na biktima upang i- check ang kanilang kapakanan.

Tinuran pa ni Abalos na kinokonsidera rin nila ang posibilidad na magpalabas ng polisiya na maghihikayat sa mga overseas Filipino workers (OFWs) na ipaalam sa kanilang barangay ang kanilang pag-alis.

Layon nito ay magsagawa ng regular na pagbisita ang barangay women officers, pulis at social welfare officials sa bahay ng OFWs at I-check ang situwasyon at kondisyon ng kanilang anak.

Sa kabilang dako, sinabi pa rin ng Kalihim na makikita sa 2022 National Demographic and Health Survey na ginawa ng Philippine Statistics Authority (PSA) na 17.5% ng mga kababaihang Filipina na may edad na 15 hanggang 49 ay may karanasan o nakaranas ng “physical, sexual at emotional violence”mula sa kanilang intimate partners.

“The Philippines continues to be the leading Asian country in closing the gender gap according to the 2023 Global Gender Gap Index Report by the World Economic Forum,’’ ayon kay Abalos. (Daris Jose)

Bong Go: Pension ng seniors doble na

Posted on: February 6th, 2024 by @peoplesbalita No Comments

INIHAYAG ni Senador Christopher “Bong” Go na patuloy niyang susuportahan ang mga batas at programa para sa kapakanan ng mga senior citizen sa bansa, lalo ang mga mahihirap.

Kahapon ay pinuri ni Go ang pagpapatupad ng Republic Act No. 11916 o ang batas na nagdodoble sa social pension ng mga kwalipikadong senior citizen.

Ang RA 11916, na co-authored mismo siya sa Senado, ay nagtaas ng monthly stipend ng indigent senior citizens mula P500 hanggang P1,000.

Inaatasan din ng batas ang Department of Social Welfare and Development (DSWD) na suriin at ayusin ang halaga ng social pension kada dalawang taon, batay sa consumer price index at iba pang economic indicators.

Ayon sa DSWD, mahigit 2,000 benepisyaryo sa National Capital Region ang nakatanggap na ng pinataas na social pension mula nang magkabisa ang batas noong Hulyo 2022. Tiniyak ng DSWD na mayroon itong sapat na pondo para mabayaran ang karagdagang pension para sa apat na milyong kwalipikadong indigent senior.

“Ang batas na ito ay patunay ng aming malasakit at pagpapahalaga sa ating mga senior citizen na nag-ambag sa pag-unlad ng ating bansa. Hindi namin sila pababayaan, lalo na ang mga mahihirap at pinaka nangangailangan,” sabi ni Go.

Binanggit din ni Go ang kanyang co-authorship at co-sponsorship sa Senate Bill No. 2028 na naglalayong palawakin ang saklaw ng Centenarians Act of 2016 sa mga Pilipinong umabot sa edad na 80 at 90 sa pamamagitan ng pagbibigay sa kanila ng P10,000 at P20,000 cash gift, ayon sa pagkakabanggit.

Sa ilalim ng Centenarian Act of 2016, binibigyan ng P100,000 cash gift ang mga aabot sa edad na 100. At dahil hindi lahat ay umaabot sa edad na isang siglo, isinulong ni Go at mga kapwa mambabatas na gawin itong 80 at 90 taong gulang.

Top 8 MWP sa Caloocan, timbog

Posted on: February 6th, 2024 by @peoplesbalita No Comments

ISANG lalaki na nakatala bilang top 8 most wanted person ang nasakote ng pulisya sa isinagawang manhunt operation sa Caloocan City, kamakalawa ng gabi.

Ayon kay Caloocan police chief P/Col. Ruben Lacuesta, nakatanggap ng impormasyon ang mga operatiba ng Warrant and Subpoena Section (WSS) hinggil sa kinaroroonan ng akusadong si alyas “Rudy” na kabilang sa mga most wanted persons sa lungsod.

Alinsunod sa inilatag na agenda ni Chief PNP na “Aggressive & Honest Law Enforcement Operations”, kaagad nagsagawa ang mga operatiba ng WSS sa pangunguna ni PMSg Mark Andrew Bartolome, kasama ang mga tauhan ng Police Sub-Station 10 sa pangunguna ni P/Maj. Valmark Funelas ng joint manhunt operation na nagresulta sa pagkakaaresto sa akusado dakong alas-11:30 ng gabi sa San Vicente Ferrer Brgy., 178.

Ani Col. Lacuesta, ang akusado ay inaresto sa bisa ng warrant of arrest na inisyu ni Caloocan City Family Court, Branch 1, Judge Barbara Aleli Hernandez Briones noong November 21, 2023, para sa paglabag sa Lascivious Conduct under Sec. 5 (b) of R.A 7610.

Pansamantalang ipiniit ang akusado sa IDMS-WSS sa Caloocan police habang hinihintay ang pagpapalabas ng commitment order mula sa korte. (Richard Mesa)

National govt, mapipilitang gumamit ng puwersa laban sa mga taong magpipilit na ihiwalay ang Mindanao sa Pinas

Posted on: February 6th, 2024 by @peoplesbalita No Comments

MAPIPILITAN ang national government na gumamit ng kapangyarihan at puwersa laban sa mga taong magtatangka na ihiwalay ang Mindanao mula sa Pilipinas gaya ng ipinanawagan ni dating Pangulong Rodrigo Roa Duterte.

“The National Government will not hesitate to use its authority and forces to quell and stop any and all attempts to dismember the Republic,” ayon kay National Security Adviser Secretary Eduardo Año.

“Any attempt to secede any part of the Philippines will be met by the government with resolute force, as it remains steadfast in securing the sovereignty and integrity of the national territory,” diing pahayag ni Año.

Binigyang-diin ni Año ang kahalagahan ng “national unity, security and stability” sabay sabing ang panawagan na dibisyon o paghahatid sa bansa ay “only serve to undermine our collective progress and prosperity.”

“The strength of our country lies in our unity and any attempt to sow division must be rejected by all sectors unequivocally,” ani Año.

Si Año ay nagsilbing Armed Forces of the Philippines (AFP) Chief of Staff at Kalihim ng Department of the Interior and Local Government (DILG) sa ilalim ng administrasyong Duterte.

“It is imperative for all Filipinos to uphold the principles enshrined in our Constitution which espouses the unity and territorial integrity of our nation. Any suggestion of secession not only runs counter to the Constitution but also threatens to undo the hard-won gains of peace and development, particularly in Mindanao,” ayon pa rin kay Año.

Noong nakaraang linggo, inihirit ni Digong Duterte ang paghiwalay ng Mindanao sa Pilipinas.

Sa pulong balitaan sa Davao, sinabi ng dating Pangulo na ito ay maisasagawa sa pamamagitan nang pagkalap ng mga pirma.

Kasabay naman ng panawagan ni Digong dumistansya ang mga senador sa plano na isulong ang paghihiwalay ng Mindanao sa Pilipinas. (Daris Jose)

DSWD, planong parusahan ang nagpapautang na tumatanggap ng 4Ps ATM card bilang kolateral

Posted on: February 6th, 2024 by @peoplesbalita No Comments

PLANONG Department of Social Welfare and Development (DSWD) na parusahan ang mga nagpapautang para mapigilan ang mga ito na tanggapin ang Pantawid Pamilyang Pilipino Program (4Ps) cash cards bilang kolateral o pang-garantiya mula sa mga mangungutang.

Ipinanukala ng 4Ps National Program Management Office (NPMO) ng DSWD na amiyendahan ang Republic Act No. 11310, o mas kilala bilang 4Ps Law, na magpaparusa sa mga nagpapautang dahil sa pagtanggap ng mga ito ng cash cards bilang sangla.

Sa ngayon, ang parusa para sa nagpe-prenda ng kanilang cash cards sa mga nagpapautang ay ang pag-alis sa kanila bilang benepisaryo ng programa ng 4Ps.

Hinikayat naman ni Director Gemma Gabuya, National Program Manager ng 4Ps, ang mga benepisaryo na iwasan na makipagkasundo sa mga nagpapautang at iprenda ang kanilang cash cards.

“Nag-iispot check kami during the family development sessions na dapat dala nila ang ATM, dahil bawal ‘yun [pagsasanla ng 4Ps cash card]. They can be delisted from the program,” ayon kay Gabuya.

Pinayuhan din nito ang mga 4Ps beneficiaries na maging modelong mamamayan na sumusunod sa alituntunin ng programa dahil maaaring silang mawala sa listahan dahilan sa kanilang “misbehavior” matapos ang tatlong babala kung matutuklasan na ginagamit nilang kolaterala ng kanilang cash cards sa mga nagpapautang.

“You have to take care of the resources of the government. Ikaw dapat ang nag-momodel kung ano ang mukha ng programa,” ayon kay Gabuya.

Ang Pantawid Pamilyang Pilipino Program (4Ps) ay isang hakbang ng pambansang pamahalaan para sa pagpapabuti ng kalagayang pantao ng ating mga kababayan.

Nagbibigay ito ng kondisyonal na tulong-pinansiyal para sa pinakamahihirap na Pilipino upang pabutihin ang kalusugan, nutrisyon, at edukasyon ng mga batang may edad 0 hanggang 18 taong gulang.

Kailangang matupad ng mga pamilya ang mga kondisyon ng pamahalaan upang maibigay sa kanila ang tulong-pinansiyal.

Halaw ito sa programang Conditional Cash Transfer (CCT) ng mga bansa sa Latin Amerika at Aprika, na naialpas sa kahirapan ang milyon-milyong tao sa buong mundo.

Ang Department of Social Welfare and Development (DSWD) ang punong ahensiya ng pamahalaan na namamahala sa 4Ps. (Daris Jose)

QC LGU nakiisa sa proyekto ng DOH at USAID

Posted on: February 6th, 2024 by @peoplesbalita No Comments

NAKIISA ang pamahalaang lungsod ng Quezon City sa culminating activity ng Department of Health (DOH) at United States Agency for International Development (USAID) na pinamagatang “Padayon: The DOH-USAID Shared Journey Towards a Healthy Pilipinas”.

Mainit na tinanggap ni Mayor Joy Belmonte si DOH Sec. Ted Herbosa at mga kinatawan ng USAID sa pangunguna ni Asst. Administrator for Global Health Dr. Atul Gawandee kasama sina Deputy Asst. Administrator Dr. Bama Athreya at Deputy Mission Director Ms. Rebekah Eubanks.

Pinasalamatan naman ng DOH ang kanilang mga naging katuwang mula sa pribadong sektor sa ibat-ibang programa ng ahensya. Layon ng programa na paigtingin pa ang pagbibigay ng mas maayos na serbisyong pangkalusugan para sa mga Pilipino.

Nakiisa rin sina Palo City Mayor Remedios Petilla, Tanauan City Mayor Ma. Gina Merilo, Department of Education Asec. Dexter Galban, Department of the Interior and Local Government Asec. Lilian de Leon, at Dangerous Drugs Board Asec. Maria Belen Angelita Matibag sa nasabing pagtitipon. (PAUL JOHN REYES)

First artist na may apat na ‘Album of the Year’: TAYLOR SWIFT, gumawa ng history sa 2024 Grammy Awards

Posted on: February 6th, 2024 by @peoplesbalita No Comments

BILANG beterana na sa showbiz, sinabi ni Janice de Belen na ang mahalagang aral na kanyang natutunan sa pagiging aktres ay ang pagrespeto sa oras ng iba.

“Discipline. Listening. And coming on time. Medyo OA ako pagdating sa time. Kahit na noong bata ako, my 8 a.m. on the set will always be 7:30. There are times naging 7 o’clock pa ‘yan. Kasi takot na takot akong ma-late,” sabi pa ni Janice.

Ayon sa aktres, kawalan ng galang sa ibang tao ang pagiging late.

“Because for me, the biggest disrespect to another person is when you don’t show up on time.”

Binalikan ni Janice ang pinagbidahan niyang drama series na “Flordeluna” noong 1980s, at nakaribal din ang pumanaw na aktres na si Julie Vega.

Pag-reveal ni Janice, si Julie pala dapat ang gaganap na bida ng Flordeluna at siya yung dapat ang kontrabida na si Wilma.

Pero hindi raw natuloy si Julie as Flordeluna sa RPN 9 dahil kinuha siya para maging bida sa Anna Liza sa GMA 7. Kaya kay Janice na raw binigay ang bida role.

Masuwerte rin si Janice dahil nakatrabaho ang mga mahuhusay na batikang direktor na nagsipanaw na tulad nila Lino Brocka, Ishmael Bernal, Danny Zialcita, Maryo J. delos Reyes, Mel Chionglo at Peque Gallaga.

“I was lucky to have worked with them. Yung mga bagong henerasyon ng artista ngayon, they will never get that chance dahil wala na sila.”

***

BINISITA ni Jinkee Pacquiao ang panganay nila ni Pambansang Kamao Manny Pacquiao na si Emmanuel Pacquiao Jr. or Jimuel sa Los Angeles, California.

Nasa L.A. si Jimuel para sa kanyang training na naging isang professional boxer tulad ng kanyang ama.

Hindi nasamahan ni Pacman si Jinkee pero ang kambal ni Jinkee na si Janet ang sumama at ilang miyembro ng pamilya niya.

Post ni Jinkee sa IG: “From Manila to Los Angeles. Reunited again with my son @pacquiao.emmanuel. Thank you LORD! #Godisgoodallthetime #thankyouJESUS #ILoveYouLord.”

Nagkaroon ng mother-son bonding ang dalawa sa L.A. Kumain sila sa isa sa sikat na restaurants roon at namasyal at nag-shopping ang mag-ina sa Rodeo Drive.

***

TAYLOR Swift makes history at this year’s Grammy Awards for becoming the first musical artist to win the Album of the Year four times!

Naungusan na ni Taylor ang mga naka-tie niya sa naturang category na sina Stevie Wonder, Paul Simon and Frank Sinatra na may tig-tatlong Album of the Year awards.

Ni-reveal din ni Taylor ang new album niya coming out on April 19 titled The Tortured Poets Department.

“It makes me so happy. All I want to do is keep doing this. I want to say thank you to the fans by telling you a secret that I’ve been keeping from you for the last two years.

“For me, the award is the work. All I want to do is keep being able to do this. I love it so much. It makes me so happy. It makes me unbelievably blown away that it makes some people happy who voted for this award too,” sey ni Taylor na napanalunan din ang Pop Vocal Album award for Midnights.

Wagi rin sina Miley Cyrus at Billie Eilish also sa Grammys. Ang “What Was I Made For?” ni Billie ang nagwaging Song of the Year.

“Everybody in this category – that was a crazy list of incredible people, incredible artists, incredible music. I feel crazy right now,” sey ng singer.

The song also won Best Song Written for Visual Media, while the Barbie album – which was put together by producer Mark Ronson – picked up the award for Best Compilation Soundtrack for Visual Media.

Ang Record of the Year award ay napunta sa “Flowers” ni Miley Cyrus na nanalo rin ng Best Pop Vocal Performance.

(RUEL J. MENDOZA)

PRODUCERS JAMES WAN & JASON BLUM, DIRECTOR BRYCE MCGUIRE TALK ABOUT THEIR NEW SUPERNATURAL THRILLER “NIGHT SWIM”

Posted on: February 6th, 2024 by @peoplesbalita No Comments

Night Swim

HORROR classics such as Poltergeist, Christine, Burnt Offerings and Jaws inspired Night Swim – well, these and a touch of aquaphobia.

“I’ve always had water on the brain,” director Bryce McGuire says. “Growing up in Florida, surrounded by ocean on three sides, in a climate that can only really be survived by partaking in water ritual, knowing friends who drowned, hurricanes that flooded homes, boating accidents, shark attacks, you come to have a kind of fear and reverence for the water.”

As a kid, McGuire loved movies and as he became increasingly interested in the medium, his wary regard for the water flowed naturally into an interest in seaside thrillers. “I saw Jaws when I was 10 years old. We had a swimming pool at the time, and I remember treading water by myself at night when my younger brother turned the lights out. And even though I knew the pool was only 9 feet deep and 18 feet wide, I was certain beyond any doubt that the water was an abyss and something horrible was rising toward me from the depths.”

Watch the trailer: https://youtu.be/hgnUYV330cA?si=I447yv_uA3Bt25du

In Night Swim, based on McGuire’s acclaimed 2014 short film of the same name, Ray Waller (Wyatt Russell) is a former major league baseball player forced into early retirement by a degenerative illness. Secretly hoping, against the odds, to return to pro ball, Ray persuades his wife, Eve (Kerry Condon), that their new home’s shimmering backyard swimming pool will be fun for the kids (Amélie Hoeferle and Gavin Warren) and provide physical therapy for him. But a dark secret in the home’s past will unleash a malevolent force that will drag the family under, into the depths of inescapable terror.

All of McGuire’s terrors and tastes find potent and poignant expression in Night Swim. “The pool represents status, diversion, fun,” McGuire says. “It’s sexy; it’s seductive, and that’s what makes it deadly.”

“It was abundantly clear from watching the short that Bryce was a gifted filmmaker with a command of craft and tone,” producer James Wan says. “The story it told was so mysterious and evocative, and Bryce had a compelling vision for how it could be turned into something bigger, stranger and scarier while also being emotionally resonant.”

Adds Jason Blum, also a producer, “What I liked about Bryce’s script was how it fleshed out the premise of a ‘spooky swimming pool’ in a credible, relatable, emotional way that felt contemporary and relatable yet classical at the same time. It’s scary; it’s emotional; it keeps you engaged by constantly begging the question: ‘What would you do if this happened to you?’”

Starting February 21, high dive into the deep end of horror with Night Swim, distributed by Universal Pictures International. #NightSwimMovie

Follow Universal Pictures PH (FB), UniversalPicturesPH (IG) and UniversalPicsPH (TikTok) for the latest updates on Night Swim.

(ROHN ROMULO)

“Walang puwang ang mga ‘paninira, paghahatakan pababa’ -PBBM

Posted on: February 6th, 2024 by @peoplesbalita No Comments

“SA isang Bagong Pilipinas, walang puwang ang mga paninira at paghahatakan pababa.

Ito ang sinabi ni Pangulong Ferdinand Marcos Jr. sa kanyang YouTube channel sabay sabing “unahin natin ang ating bayan. Magbago na tayo dahil walang Bagong Pilipinas kung walang bagong Pilipino.”

Noong nakaraang linggo, tinawag na ‘bangag’ at binatikos ni dating Pangulong Rodrigo Roa Duterte si Pangulong Marcos dahil sa umano’y plano nitong mapanatili ang kanilang kapangyarihan kasabay ng isyu ng People’s Initiative para amyendahan ang Konstitusyon.

Si Digong Duterte ay nagsalita sa isang prayer rally sa Davao City, na ginanap sa parehong araw na ginanap ni Marcos ang kanyang Bagong Pilipinas kickoff rally sa Quirino Grandstand sa Maynila.

Inakusahan din niya si Marcos na isang adik sa droga at sinabing ang nangyari sa kanyang ama na si Ferdinand Sr—na napatalsik sa kapangyarihan noong 1986 ng People Power Revolution—maaaring mangyari rin sa kanya.

Habang pinagbibitiw naman sa puwesto ni Davao City Mayor Sebastian “Baste” Duterte si Pangulong Marcos.

Ayon sa alkalde, dapat magbitiw si Pangulong Marcos kung wala itong pagmamahal at mithiin para sa Pilipinas.

Samantala, ang resbak naman ni Pangulong Marcos kay Digong Duterte ay “Sa tingin ko ito ang Fentanyl. Ang Fentanyl ang pinakamalakas na pain killer na mabibili mo. Ito ay lubos na nakakahumaling at ito ay may napakalubhang epekto, at si PRRD ay umiinom ng gamot sa napakatagal na panahon ngayon,” sabi ni Pangulong Marcos.

Ginawa ni Pangulong Marcos ang pahayag nang hingan ng reaksyon sa mga alegasyon na ibinato laban sa kanya ng dating Pangulo.

“Ito ay panawagan para sa kolektibong kilos tungo sa pagbabago ng ating pag-iisip, pananalita at gawa. Ito ay hindi pagtakip sa kung anong kakulangan man ang mayroon,” ayon kay Pangulong Marcos sa kanyang video message.

“Ito ay imbitasyon sa bawat isa na kabahagi ka sa paghahanda at pagpapaganda ng ating bansa,” aniya pa rin. (Daris Jose)

Nagluluksa rin sa pagpanaw ng dating manager: KRIS, sising-sisi at nanghinayang na ‘di nag-reach out kay DEO

Posted on: February 6th, 2024 by @peoplesbalita No Comments

SISING-SISI at nanghinayang si Kris Aquino na hindi man lang siya nag-reach out noong nabubuhay pa ang yumaong si Deo Edrinal.

Sa kanyang Instagram post, isang mahabang mensahe ng pagpupugay ang isinulat ni Kris na kay Deo.

Ibinahagi ni Kris ang kanyang panghihinayang na hindi man lang nakarating sa kanya nang lumalala na ang kalusugan ni Sir Deo.

Panimula ni Kris, “I waited until i got to exchange messages with PJ before i posted. My choice of song says it all.

“I won’t deny that after working so closely together for almost 20 years, “lola deo” and i drifted apart when i was no longer with ABS-CBN.”

Pagpapatuloy pa niya, “But he shall ALWAYS remain the reason i learned the importance of honoring the job you’ve been given (when i was 28, a newly single mom, and he became my sole manager he imposed a 12 midnight curfew on me- he said: you have a morning show that airs LIVE at 11 AM, if you’re seen out until 3 AM, the staff in that restaurant may mga nanay at asawa- audience mo sila.

“Nasa studio ka ng 9 AM, meaning bumangon ka para maligo etc at 7:30- paano ka gagalangin ng audience mo kung hindi mo binibigyan ng importansya ang trabaho mo?) Deo believed in me when many doubted (i was the 3rd choice to host Game KNB).

“He showed me the value of professionalism, respect, and generosity in sharing the credit with everyone involved in the production of my shows & movies.

“He instilled in me how to separate my personal problems from my duty to entertain (if only my dressing rooms had CCTV cameras- sometimes 5 mins before going live my tears would still be rolling nonstop.)

“He fought for me when i asked to take an indefinite leave from SNN & the BUZZ during my mom’s last few weeks alive because he understood why i refused to leave her

hospital room.

“He was a generous & thoughtful ninong to bimb. He wrote the most beautiful messages in his cards, all of them i scanned so that i’d forever have copies of his heartfelt greetings.”

Dagdag pa niya, “For 16 years not a day passed that we didn’t communicate. I’m now so sorry for my failure to be the one to reach out because it hurt me when i failed to hear from him personally during my time of grief & the time my health started deteriorating.

“My wrong choice prevented us from being each other’s support system when we should’ve been there for each other.

“i’m sharing this for others to see that pride in the end only leaves us with regret.

“Please know LA, i never “unloved” you. And i am proud to declare- i’d never have become KRIS without the magical guidance of the creative genius that was DEO ENDRINAL.”

(ROHN ROMULO)