PINURI ng American director-producer na si Joe Russo ang Pinay aktres na si Liza Soberano matapos mapanood sa kanyang Hollywood debut film na “Liza Frankenstein”.

Sa X (dating Twitter) account ng direktor, ibinahagi nito ang kanyang opinyon tungkol sa pelikula:

“Movies like LISA FRANKENSTEIN can be great vehicles to break new stars, and @zeldawilliams and Diablo Cody found a superstar in Liza Soberano, who steals every scene she’s in as Lisa’s step-sister, Taffy.”

Sinang-ayunan naman ito ng co-star at bida sa movie si Kathryn Newton sa naging komento ni Joe.

“YES SHE DOES [stars emoji] I [love] Liza,” say ni Kathryn.

Pinuri rin naman ng naturang direktor ang lead actress ng pelikula, “By the way, you’re pretty epic in this too!!! You could tell you guys were having a blast.”

Ang “Lisa Frankentein” ay ang kauna-unahang Hollywood project na ginawa ni Liza na pinagbibidahan naman nina Kathryn Newton at Cole Sprouse, na showing na sa February 7 nationwide.

Samantala, kinumpirma ni Enrique Gil, na masaya at together pa rin sila ni Liza, matapos kumalat na hiwalay na sila.

Sa kanyang interview kay Gretchen Fullido, nilinaw ito ng aktor at sinabing, “Yeah, yeah. We’re happy! We’re just really busy.”

Dagdag pa ni Quen, “I think we just realized in life that we shouldn’t just be centered around each other. We can do more and grow more with our paths and we can achieve more, and it will just make us better.”

Nabanggit din ng Kapamilya actor na magiging busy si Liza sa pag-promote ng “Lisa Frankenstein”, kaya sa darating na Valentine’s Day, ang kanyang mommy ang makaka-date muna.

Sa February 14 din ang showing ng movie niyang “I Am Not Big Bird”.

Dagdag pa niya, “Sadly, Liza is going to be in the US for ‘Lisa Frankenstein,’ but hopefully, if she gets back in time, she said she was gonna go and support me.”

***

KAHIT na medyo maginaw pa rin lalo na sa madaling araw, iba pa rin ang pakiramdam na hatid ng tunay na snow.

At matatagpuan lang ito sa Snow World Manila, na nakahanda na rin ngayon para salubungin ang Year of the Dragon at Valentine’s Day.

Marami nang naiibang karanasan sa loob ng Snow World Manila. Ilang ulit nang nangyari na habang namamasyal sila sa loob nito, lumuhod na lang sa yelo ang lalaki at inalok ng kasal ang kanyang girlfriend.

Doon nagsimula ang engagement na nauwi sa kasalan.

Marami namang dahil sa ginaw ay nagyakapan at na-realize nila na may pagtingin pala sa isa’t isa. Doon nagsimula ang kanilang pag-iibigan.

Sinasabi ng mga feng shui experts na nangyayari iyan dahil sa mandarin duck na nasa may Snow Village. Ang mandarin duck ay sagisag ng pag-iibigan pang habang buhay sa paniwala ng mga taga-silangan.

Dahil ang mga hayop na iyan ay tapat sa kanilang mga partner habang buhay, at kung mamatay man ang isa, hindi nagtatagal at namamatay din ang partner.

Kaya nga sa tradisyon laging may mandarin duck sa mga kasalan, kung ‘di man totoo ay imahe man lang noon para magbigay suwerte sa mga ikinasal.

Kaya nga sinasabing nagkakaroon din ng “romantic feeling” basta nasa loob ng Snow World.

Bukod doon, nakahanda na rin ang Snow World para salubungin ang Chinese New Year. May mga nakasabit nang Chinese lanterns at mga dragon figures, para salubungin ang swerteng Year of the Dragon.

Isang kilalang feng shui expert mula sa Singapore ang siyang nagbigay ng gabay kung anong mga figures, lanterns at kung paano ang directions ng mga iyon para magbigay swerte sa mga magdiriwang ng Chinese New Year sa Snow World.

Kung giginawin naman, maaaring uminom ng hot chocolate sa coffee shop sa loob mismo ng Snow World.

At para mas swerte at magbigay ng tibay sa pagsasamahan maaaring kumain ng sticky rice mango, dahil sinasabing mas magiging mahigpit ang pagsasama at dahil sa tamis ng mangga, magiging matamis rin diumano ang pag-iibigan.

Kaya huwag na ninyong palampasin ang pagkakataon na ipagdiwang ang Year of the Dragon sa loob ng Snow World sa Star City.

Ang Snow World Manika ay bukas mula alas dos ng hapon Huwebes hanggang Linggo.

(RATED R)

HINDI napigilan ni Heart Evangelista na maging emotional sa kanyang latest unscripted, documentary-style “I Am Heart” vlog na kinunan noong 2023 sa photo shoot niya sa Indonesia at Singapore.

Napag-usapan sa vlog ang pag-please ni Heart sa mga taong katrabaho niya.

“I’m only human. Like, I’m really tired. When I get problems, like even personal problems, I couldn’t even be in a bad mood because they would make me feel like… that I’m so toxic.

“Mas bubbly ako before kasi fina-fight ko yung mga personal problems ko,” sey ni Heart na ang tinutukoy ay ang mga taong ginawan siya ng mali sa gitna ng kanyang maayos na pakikisama.

Dagdag pa niya: “I know they’re gone. But it’s how they paint you, like you’re such a bad person. Parang you have to be extra perfect to people around you. It’s about like… they really destroyed my inner joy. Parang dinumihan nila yung part nung area kung san ako nagtatrabaho, nandiyan sila.”

Kahit na naka-move on na si Heart, hindi pa rin daw siya ready na patawarin ang mga taong ito.

“I don’t wanna be bad. Like, I’m not a bad person. You know what I mean? It’s not anymore about them and what they do now. It’s the damage that’s still there.”

Anyway, patuloy pa rin ang pagrampa ni Heart sa Paris kunsaan um-attend siya ng Fendi fashion show at naging front row seatmate niya si Ming ng K-pop girl group na TWICE.

***

SUMIKAT ang tambalan noon nina Roderick Paulate at Carmi Martin, at nagkaroon pa sila ng musical-variety show na ‘Tonight With Dick & Carmi’ noong 1988 hanggang 1991.

May pagkakataon kayang nahulog ang loob nila sa isa’t isa?

“Kasi noong panahon namin nakita ko ‘yung mga nakaaligid kay Carmi, mga mestizo eh. Ako naman magaling naman akong makiramdam. Sa nakita ko parang hindi ata ako puwede pumasok diyan. Be realistic. Alam ko naman kung saan ako pupuwesto,” biro ni Roderick.

Hanggang ngayon, napanatili nila ang kanilang pagiging mabuting magkaibigan.

Bahagi naman si Carmi sa cast ng “Walang Matigas na Pulis sa Matinik na Misis” kasama sina Sen. Bong Revilla, Beauty Gonzalez, Niño Muhlach, Max Collins, Kelvin Miranda, Nikki Co, Liezel Lopez, Maey Bautista at iba pa.

***

ANG lakas maka-throwback ang Netflix docu na ‘The Greatest Night in Pop’ na tungkol sa pagbuo ng 1985 hit charity single na “We Are The World” ng USA For Africa sa isang gabi lamang.

Sa isang recording studio in Hollywood naganap ang session na kinabilangan ng biggest singers noong panahon na iyon tulad nila Lionel Richie, Diana Ross, Billy Joel, Bruce Springsteen, Dionne Warwick, Steve Perry, Bette Midler, Willie Nelson at marami pang iba. Nagsimula sila ng ala-una ng madaling-araw at natapos ng alas-ocho ng umaga.

Nakalulungkot lang dahil pumanaw na ang ibang singers ng “We Are The World” tulad nila Michael Jackson, Tina Turner, Kenny Rogers, James Ingram, Al Jarreau, Harry Belafonte at June and Ruth Pointer ng The Pointer Sisters.

Maraming behind-the-scenes na pinakita sa docu tulad ng pagiging lasing ni Al Jarreau, ang pag-snub ni Prince sa session, ang pag-walkout ni Waylon Jennings at ang paghubad ni Cyndi Lauper ng kanyang accessories dahil nakaka-interfere sa recording.

Naging big hit ang “We Are The World” sa buong mundo at higit na 20 million copies ang nabenta. At naging 9th best selling physical single of all time. Nanalo pa ito ng 4 Grammy Awards including Record of the Year in 1986.

Naka-raise ang single ng $63 million ($168 million today) para sa humanitarian aid in Africa and the United States.

(RUEL J. MENDOZA)

KASALUKUYANG nasa Amerika ngayon ang Kapamilya aktor na si Piolo Pascual.

Ito ay kaugnay sa first Manila International Film Festival na kung saan kasama ang pelikula niyang “Mallari” Malakas ang ugong-ugong na mukhang si Piolo raw ang mag uuwi ng best actor award.

Pero para sa mahusay na aktor ay sapat na raw sa kanya na masaksihan na tinangkilik ng mga tao na nasa Amerika ang mga pelikula nila na ipinalabas din sa 2023 Metro Manila Film Festival.

Dagdag pa ni Piolo sa isang interview sa kanya bago siya umalis ay umaasa raw siya na kung gaano katagumpay ang MMFF ay ganun din ang MIFF. At base sa narinig namin, isa sa gumawa ng ingay sa MIFF ay ang pelikula nilang “Mallari”. Pasalamat na rin si Piolo sa lahat ng nagtulong-tulong at sumugal para sa naturang pelikula na kung saan isa sa producer ay ang family friend ng mag-asawang Vilma Santos at Finance Secretary Ralph Recto. At least nakabawi na ang producer nila at madagdagan pa ang kinita ng pelikula dahil sa Warner Bros. ang distributor sa abroad na tiyak na maraming lugar pa ang ma pupuntahan ng naturang pelikula.

***

KUNG may mga natuwa sa pagpapahayag ni Willie Revillame sa desisyon na papasukin na rin ang mundo ng pulitika, marami rin ang hindi sumang-ayon sa desisyon niya.

Kasama si Willie sa prayer rally ng mga Duterte na ginanap sa Davao at doon binanggit ng TV host ang intensiyon tumakbo na rin bilang senador sa 2025 Elections. Kumbaga kung sa last national elections ay tumanggi si Willie na mapabilang sa mga senatoriables ng Unity Team ngayon ay decided na raw siya na mapabilang sa binubuo ngayong partido ng mga Duterte, huh!

Pero aware naman si Willie na may taong malalapit sa kanya na tutol sa pagpasok niya sa pulitika at isa na rito ang nanay-nanayan ng lahat na si Cristy Fermin. Naglabasan din ang komento ng ilang taga showbiz na hindi raw nila isasama ang TV host sa ini-endorsong senador sa darating na local elections.

(JIMI C. ESCALA)