NGAYONG nasa GTV na ang noontime show na “It’s Showtime,” naging open na ang main host nito na si Vice Ganda na type niyang mag-guest sa mga GMA shows. Kaya naman nakaisip agad si Michael V. ng isang project sakaling gustong mag-guest ni Vice sa “Bubble Gang.”

Ayon pa kay Bitoy, open daw si Vice sa collaboration, at noong nag-meet sila minsan, sabi nito sana ay makapag-guest sa “Bubble Gang.” At alam ni Bitoy kung ano ang gagawin nila ni Vice Ganda, iyong popular niyang character na Mr. Assimo. Tamang- tama na may bago na silang timeslot simula sa July 9, every Sunday, at 6:00 pm sa GMA-7.

***

DAMA namin ang happiness ni Asia’s Limitless Star Julie Anne San Jose, habang kausap namin.

Kita rin namin iyon sa kanyang mga ngiti, kapag binabanggit namin ang pangalan ni Rayver Cruz, na hindi na nga lihim ang maganda nilang relasyon. Biniro namin si Julie kung balak na nilang magpakasal, napahalakhak siya sabay sabing, “ewan ko sa kanya!” Pero happy si Julie dahil pasisimulan na raw niya ang pagpapatayo ng isang vacation house her family sa nabili niyang lote sa Tagaytay. May balak na rin ba sila na magkaroon ng business sila ni Rayver? “Sa ngayon po kasi may clothing business kami ng sister ko. Si Rayver nga po ang model namin ng men’s clothing at gratis et amore po ang talent fee niya,” natatawang wika pa ni Julie. This week ay naka-schedule nang umalis sina Julie at Rayver for some shows in Canada. “Pero mauuna pong bumalik dito si Rayver, kasi may show pa ako, at si Rayver naman ay may sisimulang bagong teleserye. Sa July 26 naman ang opening ng “The Cheating Game” na first movie team up nila for GMA Public Affairs and GMA Pictures.

(NORA V. CALDERON)

PASABOG ang teaser ng ‘The Cheating Game’!

Umani nga ng mga positibong komento ang teaser ng pelikula ng GMA Public Affairs at GMA Pictures na pagbibidahan nina Asia’s Limitless Star Julie Anne San Jose at Total Heartthrob and Performer Rayver Cruz.

Nitong Miyerkules (June 28) ito napanood on air at online. Marami ang lalong na-excite sa pelikula dahil very interesting, intense, at unpredictable umano ang ipinakitang storyline batay sa teaser.

Talaga ring damang-dama na agad ang emosyon ng mga bida kasama pa sina Martin del Rosario, Winwyn Marquez, at Thea Tolentino. Syempre, hakot-papuri rin si Julie Anne dahil kitang-kita ang versatility niya bilang aktres dahil tila hindi na mala-Maria Clara ang role niya rito.

Konting tulog na lang, malalaman na ang kuwento nina Hope Celestial (Julie Anne) at Miguel Agustin (Ravyer). Mapapanood na sa mga sinehan ang ‘The Cheating Game’ simula July 26!

***

PINAKILALA na ang mga actors na mapapanood sa second season ng ‘Squid Game’, ang phenomenal Korean survival drama na pinalabas sa Netflix noong 2021.

Unang in-announce ng Netflix na kasama sa second season sina Yim Si-wan, Kang Ha-neul, Park Sung-hoon and Yang Dong-geun. Magbabalik din sa series sina Lee Jung-jae, Wi Ha-joon, Lee Byung-hun and Gong Yoo.

Dagdag pa sa cast ang K-pop stars na sina Choi Seung-hyun (formerly T.O.P of the iconic group Big Bang) at Jo Yuri of the South Korean-Japanese girl group IZ*ONE. Join din sina Park Gyu-young, Lee Jin-wook, Kang Ae-sim, Lee David, Won Ji-an and Roh Jae-won.

Mga nagwagi ng acting awards sa first season ng ‘Squid Games’ ay sina O Yeong-su (Golden Globe best supporting actor) at Lee Jung-jae (Screen Actors Guild, Independent Spirit and Primetime Emmy best actor).

(RUEL J. MENDOZA)

SI Megastar Sharon Cuneta ang special guest ng TVJ at Legit Dabarkads sa pilot telecast nila ng noontime show nila sa TV5, ang “E.A.T.” last Saturday, July 1.  Kinanta ni Sharon ang “Kahit Maputi Na Ang Buhok Ko,” pero nag-request pa ng another song ang TVJ, ang “Bituing Walang Ningning.”  

Pero bago muling kumanta si Shawie, tinawag muna niya si Maine Mendoza at ibinalita rito na may kasama siya ngayon sa shooting, at binanggit niya ang name ni Alden Richards.

“Maine congrats ha!  Nagsu-shooting ako ngayon, may kasama ako, ‘yung anak kong bago, ‘yung bago kong son, ang pangalan niya Alden.”

Nakangiti namang sagot ni Maine, “Congrats po sa movie ninyo Ms. Sharon.”

Sabi ulit ni Sharon, “Pero congrats ha, Hi. Alden, nandito si Maine.  Hi, Direk Nuel (Naval)”  na sinabayan ng tawanan ng Dabarkads at ng studio audience.

Patunay daw na isa pa rin palang certified AlDub fan si Mega, at halatang kinikilig pa rin siya sa AlDub love team, tulad pa rin ng mga loyal AlDub fans. (Nakilala noon ni Sharon sina Alden at Maine nang mag-guest siya sa “Eat Bulaga.”)

Ang tinutukoy naman ni Sharon na movie na ginagawa nila ni Alden ay ang “A Mother and Son’s Story” for CineKo Productions at dinidirek ni Nuel Naval at intended for the 2023 Metro Manila Film Festival this December.

                                                            ***

STAR-STUDDED ang bagong proyekto ni Ruru Madrid sa GMA Public Affairs, after ng fantasy action series na “Lolong,” ang isa pang action series na “Black Rider,” na pagsasamahan nila for the first time ng bagong Kapuso actor and TV host na si Matteo Guidicelli.

Lahat-lahat, ang main cast ay binubuo ng 28 Sparkle actors and actresses ng GMA Network, na ang iba ay matagal na rin nating hindi napapanood sa mga shows ng GMA at ang iba naman ay kabilang sa mga Kapamilya stars.

Bukod kina Ruru at Matteo, ang iba pang bumubuo sa cast ay sina Katrina Halili, Jon Lucas, Jayson Gainza, Janus del Prado, Empoy, Rainier Castillo, Prince Clemente, Raymond Bagatsing, Gladys Reyes, Raymart Santiago, Zoren Legapi, Gary Estrada, Rio Locsin, Roi Vinzon, Almira Muhlach, Maureen Larrazabal, Aleck Bovick, Bodjie Pascua, Marco Masa, Asley Sarmiento, Luis Hontiveros, Dustin Yu, Saviour Ramos, Joaquin Manansala, Vance Larena at Kim Perez.

                                                            ***

IPAGPAPATULOY na kaya ni Bimby Aquino Yap ang pag-aartista at ang pagiging host tulad ng kanyang inang si Kris Aquino?

Nag-post kasi sa social media ang Cornerstone Entertainment kung saan magkakasama sa photo ang President at CEO ng talent agency na si Erickson Raymundo, ang Vice President nitong si Jeff Vadillo, si Bimb, ang ninong niyang si Boy Abunda, at si Tin Calawod na handler ni Kris.

Bale si Boy ang tumatayong guardian ni Bimb habang wala pa si Kris sa bansa dahil patuloy pa rin siyang nagpapagaling ngayon sa Amerika.

Matatandaang naging child actor na si Bimb noong araw at ang film debut niya ay ang “My Little Bossings” with Vic Sotto, “The Amazing Praybeyt Benjamin,” at “All You Need is Pag-ibig.”

May special participation naman siya sa TV show na “Kung Tayo’y Magkakalayo.”

(NORA V. CALDERON)

SA ngayon, nakukuha ni Awra Briguela ang majority na simpatiya ng mga kaibigan niyang artista, influencers na nagpo-post sa kani-kanilang mga social media accounts na “Justice for Awra.”

Ilan sa mga artista ang talagang nagpaparating ng buo nilang suporta kay Awra na mabuti talaga itong kaibigan at hindi nito deserve ang nangyayari sa kanya. Sa ngayon, nakakulong pa rin ito sa Makati, though, ang mga kasong isinampa naman daw rito ay mga bailable kaya malaki ang chance na makalabas din anytime.

Kahit si Maja Salvador na kasama ni Awra sa show nilang “Emojination” sa TV5 ay nag-tweet na, “napakabuti mong kaibigan beb, bebe girl ko at fezfren namin. mahal na mahal kita @AwraBriguelaaa.”

Gayundin ang ibang mga kaibigan niyang artista/influencers tulad nina Zeinab Harake, Riva Quenery, Kim Molina, Jerald Napoles at iba pa. Pero ang manager ni Awra na si Vice Ganda ay tila tahimik at wala pang pasabog o paramdam na kahit na ano.

‘Yun lang, may nagki-claim na lalaki na diumano’y pinahuhubad ni Awra at do’n daw nagsimula talaga ang gulo. May nakarating din sa amin na diumano’y may kuha sa CCTV ng eksenang ‘to.

So abang-abang na lang kung by this time at kung totoo nga ito ay lumabas na or hindi dahil walang katotohanan. Pero isa ang sigurado, sana ay may matutunan si Awra sa pangyayaring ito.

***

TINUPAD ni Melai Cantiveros ang pangako niya kay Kris Aquino na bibisitahin daw niya ang dalawang anak nito na sina Joshua at Bimby.

Nag-post nga si Melai sa kanyang Instagram ng mga larawan na kasama niya ang dalawang anak ni Kris.

Nagmukhang bata sa liit si Melai dahil sa parehong ang tatangkad nina Joshua at Bimby na kahit si Melai, nagulat.

Ayon dito, “A very gwapo, sweet, responsible and mature Bimb version na kausap ko kanina at very sweet lagi na very loving kuya Josh. Grabe na amaze ako kuya Bimb sa mga sagot n’ya habang kausap ko siya.

“Nakaka-amaze sila, dati kami pa ni Jason matangkad kay Bimb, ngayon si Bimb na napakatangkad. Ms. Kris, we miss you @krisaquino, pagaling ka diyan. Ms. Kris, tinupad ko promise ko Ms. Kris na i-visit si Bimb at Kuya Josh. Sane next time, makakasama ka na namin dito sa Pinas.

“Na-amaze and na-proud ako Ms. Kris sa ‘yo bilang momshie kasi mababait, marespeto and mabuti silang anak, sila Bimb and Kuya Josh.”

Nag-reply si Kris sa IG post na ito ni Melai at nagpasalamat. Sey niya, “Thank you Melai for the effort to visit them.”

(ROSE GARCIA)