2023 July Archive - People's Balita

Archive for July, 2023

Matatagalan pa bago makabalik ng ‘Pinas: Fulfilling kay AI-AI ang magtrabaho sa isang nursing home

Posted on: July 13th, 2023 by @peoplesbalita No Comments

KASALUKUYAN nang napapanood ang award-winning Kapuso adventure series na ”Lolong” sa Indonesia, na may titulo roon bilang “Dakkila.”

Pinalabas na noong nakaraang Lunes ng gabi ang “Dakkila” sa Indonesian channel na ANTV.

Narito ang naka-post sa Facebook ng ANTV:

“TODAY!! Don’t miss watching the story of Dakkila starting Monday, July 10 at 09.30 pm only on #ANTVRame

“Make sure you have also installed Set Top Box on your TV and re-scan ya. Now re-scanning is easier! @rurumadrid8 @shairadiaz_ #DakkilaANTV #Lolong”

Ang “Dakkila” ay gaya rin ng pangalan ng buwaya o crocodile sa kuwento na si Dakila.

Ang naturang adventure series ay tungkol kay Lolong, karakter ni Ruru Madrid, na nakabuo ng pagkakaibigan sa buwayang si Dakila.

Kasama ni Ruru sa cast sina Christopher de Leon, Shaira Diaz, Paul Salas, Jean Garcia, Ian de Leon, Rochelle Pangilinan at Arra San Agustin.

***

HABANG wala pang bagong proyekto si Ai-Ai delas Alas sa Pilipinas, nagtatrabaho ito bilang activity director sa isang nursing home sa Amerika.

Trabaho ng Comedy Concert Queen ang asikasuhin ang daily activities ng mga seniors na naka-reside sa naturang nursing home.

“’Pag ‘yung everyday na buhay ko, pumapasok ako as activity director. Pero kapag Saturday and Sunday, may mga shows din ako, may mga upcoming shows ako and concerts so ganun ang buhay ko rito.

“Bilang activity director, ikaw ‘yung mag-iisip dun sa mga residente kung ano ‘yung gagawin nila na magiging masaya sila. Like magbi-bingo sila, tapos meron din mga computer,” sey ni Ai-Ai.

Fulfilling daw kay Ai-Ai ang magtrabaho sa isang nursing home dahil nakatutulong siya sa maraming senior citizens. Naaalala rin daw niya ang mga seniors na tinulungan niya rito sa Pilipinas.

Nabanggit din ni Ai-Ai na baka matagalan pa bago siya makauwi ng Pilipinas dahil kasalukuyang nagpapagaling din siya sa kanyang sakit na Myokymia, isang unilateral and uncontrollable twitch ng kanyang eyelids na sanhi ng stress. Kabilang daw sa stress na iyon ay ang pagbiyahe niya.

“Pasensiya na, alam n’yo naman ang nangyari sa akin. Hindi na ako nakauwi dahil hindi na kaya ng katawan ko ang sobrang pabalik-balik. Di na kinaya ng katawan ko kasi parang nabugbog na ako sa jetlag at masyadong biyahe.

“Kasi ‘yung last na biyahe ko, parang medyo hindi maganda ang nangyari. Parang 30 hours akong nagbiyahe,” paliwanag ni Ai-Ai na mapapanood sa pelikulang ‘Litrato’.

***

SA edad na 56, maalindog pa rin ang Hollywood actress na si Salma Hayek. Kaya noong National Bikini Day last July 5, wala itong kiyeme na mag-post ng kanyang bikini photos sa social media.

Tunay na may asim pa rin ang Mexican-American star sa suot niyang colorful bikini with matching loopy earrings habang naka-pose siya sa swimming pool. Hindi nga magpapakabog si Salma sa mga mas bata sa kanya lalo na pagdating sa pagpapa-sexy sa social media.

“Happy #NationalBikiniDay! Can you believe the bikini has only been around for 77 years?! Let’s hope they don’t ban them too #notathrowback,” caption ni Salma.

Pinusuan ng maraming netizens ang post ni Salma dahil wala raw pagbabago sa seksing katawan nito na una niyang pinakita sa pelikulang ‘From Dusk Till Dawn’ noong 1996.

Huling nagpakita ng kanyang alindog sa pelikula si Salma ay sa pelikulang ‘Magic Mike’s Last Dance’ kunsaan nakasama niya ang isa sa tinawag na Sexiest Man Alive na si Channing Tatum.

(RUEL J. MENDOZA)

Mixed emotions ang naramdaman nang mag-taping na: MARIAN, biniro pa ni GABBY kung sigurado na sa kanilang pagtatambal

Posted on: July 13th, 2023 by @peoplesbalita No Comments

NGAYONG Friday, July 14, ang simula ng 5^th anniversary presentation ng “Amazing Earth PH” na magpapasimula ng GMA Best WKND Ever.

Simula kasi iyon ng pagbabago ng schedules tuwing weekend ng mga GMA shows. Mapapanood muna si Kapuso Primetime King Dingdong Dantes, sa mystery action series na “Royal Blood,” at pagkatapos mapapanood na siya hosting “Amazing Earth”.

Sa zoom interview kay Dingdong, naniniwala siyang mag-i-enjoy ang mga viewers ng show, even the kids, dahil pwede silang magpuyat dahil kinabukasan ay wala silang classes.

Marami naman silang mapapanood sa “Amazing Earth” na matututunan since mga bagong episodes naman ang kanilang ipalalabas, at 9:35 p.m.

Sa sunud-sunod bang projects na ginagawa ni Dingdong, may time pa siyang maka-bonding ang mga anak na sina Zia at Sixto?

“Yes, kahit busy sa work, may nakalaan kaming time ni Marian para sa kanila,” sagot ni Dingdong.

“Like kapag nagbo-voice over ako ng mga ipinalalabas kong episodes, na ginagawa ko sa bahay namin, kasama ko sila. Nakikipanood sila at minsan nagko-comment pa, lalo si Zia na nakakaintindi na ng ginagawa ko. Kaya kung minsan may naririnig na boses ng bata sa voice over ko.”

Nagbigay pa si Dingdong ng ilang pwedeng mapanood sa mga coming episodes ng show. Isa raw dito ang paggi-guest ng love team nina Sofia Pablo at allen Ansay, na sumamang mag-clean-up ng Pasig River.

Dream din ni Dingdong na makapag-shoot siya (with Marian) ng isang episode ng “Amazing Earth,” na kukunan sa South Africa or Iceland.

***

KAHIT pala si Kapuso Primetime Queen Marian Rivera ay back-to-work na rin. Last Tuesday, July 11, nagsimula na siyang mag-taping.

Sa ‘Chika Minute’ ipinakita si Marian na nagti-taping na, kasama ang gumaganap niyang anak, si Raphael Landicho.

“Mixed emotions ang naramdaman ko nang nasa set na ako,” sabi ni Marian. “Biniro pa ako ni Gabby kung sigurado na raw ba ako na tuloy na ang pagtatambal namin. Sabi ko, “yes, tuloy na tuloy na tayo.’

“Bukod sa teleserye, magsisimula na rin kaming mag-shooting ni Dong ng comeback movie namin, ang ‘Rewind’ na pasado nang entry sa coming Metro Manila Film Festival this December.”

Tuloy pa rin si Marian na mag-host ng OFW documentary na “Tadhana” na napapanood every Saturday, 3:20 pm sa GMA-7.

***

NAMI-MAINTAIN ng “Eat Bulaga” ng TAPE, Inc. ang kanilang daily rating.

May mga nagsabing tiyak daw nagugustuhan ng mga viewers ang segment ng show na “G sa Gedli,” hosted by former Manila Mayor Isko Moreno kasama si Buboy Villar or si Betong Sumaya, na nagbibigay ng tulong at saya sa mga personal nilang kinakausap na mga ‘people on the street.”

Isa nga sa nakausap nila ay ang kambal na may kapansanan, sina Jaylo at Jaymar, sa Valenzuela City, na nagbabantay sa maliit nilang tindahan ng bulaklak, kandila at iba pa, habang wala ang mga magulang nila. Malapit sa cemetery ang lugar nila.

Si Jaylo ay Grade 7 na pero si Jaymar ay Grade 4 pa lamang, Hindi nakakalakad si Jaymar kaya binubuhat siya ng ama para makapasok sa school. Dream ni Jaymar na maging isang engineer. Binigyan ni Yorme si Jaylo ng pera pambili ng wheel chair ni Jaymar at dagdag na puhunan ng tindahan nila.

Ayon kay Jaymar gusto niyang maging isang engineer para mapatayuan niya ng bahay ang parents nila. Doon na tumulo ang luha nina Yorme at Betong, ganoon din ang mga hosts at manonood sa APT Studio.

(NORA V. CALDERON)

PBBM, nanawagan sa PAGCOR na ituloy ang commitment nito sa paglaban sa illicit activity

Posted on: July 13th, 2023 by @peoplesbalita No Comments

NANAWAGAN si Pangulong Ferdinand R. Marcos Jr. sa Philippine Amusement and Gaming Corporation (PAGCOR) na panatilihin ang commitment nito na labanan ang illicit activities at tiyakin ang “responsible practices” sa loob ng gaming industry, habang pinapanatili ang “social relevance.”

“Let this anniversary therefore be a call to the future—a future where PAGCOR is at the front and center in reshaping the gaming landscape with responsible practices, unwavering integrity, and a steadfast commitment to combating illicit activities,” ito ang inihayag ni Pangulong Marcos sa kanyang talumpati sa isinagawang ika-40 anibersaryo ng PAGCOR.

Sinabi pa ng Pangulo na ang “brightest years” ng PAGCOR ay nananatili sabay pagkilala sa kahalagahan ng kontribusyon nito sa nation-building, partikular na sa sektor ng turismo, paglikha ng trabaho, pagpapalawig ng social services sa marginalized sectors at pagsuporta sa mga mahahalagang programa ng pamahalaan.

“Certainly, PAGCOR has made an indelible mark in our society with its undeniable contribution to nation-building,” ayon sa Chief Executive.

Binigyang diin din ng Punong Eheklutibo ang ipinamahaging napakalaking resources ng PAGCOR at kapasidad ng mga manggagawa nito, hinikayat ng Pangulo ang PAGCOR na magtakda ng bagong standards at ituloy lamang na pangunahan puwersa sa gaming industry hindi lamang para matamo pinansiyal na tagumpay kundi maging para sa social impact.

“May you remain a shining example of what it means to be workers at PAGCOR—individuals who stand firm in their dedication to service, excellence, and integrity, [and] who are determined to leave their mark not only in the gaming industry, but in our society as a whole,” ayon sa Pangulo.

Sa kabilang dako, sinabi ni PAGCOR Chairman at CEO Alejandro H. Tengco, ang kabuuang Contributions to Nation Building (CNB) ng ahensiya ay umabot na sa P607 billion para sa *the last four decades*, habang ang kabuuang dividend remittances naman nito simula 2011 ay P64 billion.

Sa ilalim ng administrasyong Marcos, ang kabuuang CNB ng PAGCOR ay P45 billion. Target naman ng ahensiya na abutin ang 70 billion sa pagtatapos ng taon.

Kabilang naman sa mga programa na ipinatupad ng PAGCOR ay ang pagtatatag ng classrooms, multi-purpose evacuation centers, at grants of assistance o subsidy sa institutions, government offices at indibidwal.

Suportado rin ng korporasyon ang pagpopondo sa mga programa na nasa ilalim ng Universal Health Care, Philippines Sports Commission, at Dangerous Drugs Board. (Daris Jose)

Bagong K-10 curriculum, ilulunsad sa mga susunod na linggo– DepEd

Posted on: July 13th, 2023 by @peoplesbalita No Comments

NAKATAKDANG ilunsad ng Department of Education (DepEd) ang revised curriculum para sa Kinder to Grade 10 (K to 10) sa mga susunod na linggo.

Sa press briefing sa Malakanyang, sinabi ni DepEd spokesperson Undersecretary Michael Poa na ang implementasyon ng “decongested” K to 10 curriculum ay sa School Year 2024-2025.

“Sa K to 10 review, since tapos na tayo do’n, ang feedback ng experts natin ay highly congested kasi ‘yung current K to 10 natin. Ibig sabihin, napakaraming kailangan matutunan ng learners na learning competencies within a school year. Napakarami ring kailangan ituro ng mga guro within a school year, which makes mastery of these subjects very difficult,” ayon kay Poa.

Para mapahusay pa aniya ang kalidad ng ‘basic education’ sa bansa, sinabi ni Poa na ang bagong curriculum ay mas nakatuon sa mga subject gaya ng matematika, agham, english, pagbabasa, at values formation.

Matatandaang, binuksan ng DepEd ang draft ng K to 10 curriculum para sa public review noong Abril, kung saan ang mga eksperto, miyembro ng akademya, at iba pang education stakeholders ay hinikayat na magbigay ng feedback sa “shaping papers at revised curriculum guides.”

“That’s why it took us time, we had to consider all the comments for the final tweaks. Now we’re done, we will be launching it in a few weeks time,” ayon pa rin kay Poa.

At para naman sa K to 12 curriculum, sinabi nito na nagpapatuloy ang pagsusuri.

Nito lamang Mayo, nag-organisa ang DepEd ng national task force na masusing magrerebisa sa implementasyon ng senior high school program.

“Ang promise ng K to 12 is that magiging employable ‘yung mga learners, pero we have to admit na hindi ‘yan nangyayari sa ngayon [the promise of K to 12 is that the learners will be employable, but we have to admit that that is not happening right now]. We are looking at ways to align that industry demands, to boost employability, attractiveness of our learners to be employed,” ayon kay Poa.

Nauna rito, sinabi naman ni Vice President at Education Secretary Sara Duterte na ang K to 12 curriculum ay babaguhin sa layuning makapag-produce ng mas “competent, job-ready, active, at responsible” graduates. (Daris Jose)

Ads July 13, 2023

Posted on: July 13th, 2023 by @peoplesbalita No Comments

Mas maraming medical programs sa ilalim ng administrasyong PBBM

Posted on: July 13th, 2023 by @peoplesbalita No Comments

TINATAYANG may anim na medical programs ang binuksan sa loob lamang ng isang taon sa ilalim ng administrasyong Marcos.

Bahagi ito ng pagsusulong ng Commission on Higher Education’s (CHED) para itaas ang bilang ng public universities na nag-aalok ng medical programs.

Sa press briefing sa Malakanyang, sinabi ni CHED Commissioner Prospero de Vera III na nagsumite na ang komisyon ng accomplishment report nito kay Pangulong Ferdinand R. Marcos Jr. gaya ng pagkompleto ng administrasyon sa unang taon nito sa tanggapan, kung saan nakatuon sa “six areas” na mayroong “verifiable at measurable success indicators.”

“For example, we are pushing for more public universities to have medical programs. There are now 18 medical schools in state universities and colleges where students can get scholarship for their medical education and they will serve in underserved areas after they graduate,” ayon kay De Vera.

“Out of the 18, the original number was eight. Under the (former President Rodrigo) Duterte administration, four were produced or four programs are opened in five years; under the Marcos administration, six medical programs are opened in one year. So we really presented those where there was a significant difference,” dagdag na wika nito.

Aniya, ang mga bagong medical schools ay nag-aalok ng scholarships kasama ang kanilang state-of-the-art equipment para makapag- produce ng world-class doctors na magsisilbi sa tinatawag na “underserved areas” ng bansa.

Kabilang naman sa “six areas” na binanggit at isinumite ni De Vera na isinumite sa Pangulo ay ang “Universal Access to Quality Tertiary Education; CHED’s achievement in compliance to the European Maritime Safety Agency (EMSA); and, its achievements in addressing the nursing education issue. Expanding medical education to students; CHED’s niche programs particularly on science, technology, engineering and mathematics; and, internationalization of Philippine higher education.”

Ang lahat ng mga nabanggit ay bahagi ng report ng komisyon.

Sa aspeto naman ng achievements ng CHED sa pagtugon sa mga hamon sa nursing education, inihayag ni De Vera na partikular na bubuuin ng komisyon ang “long-term, medium-term at immediate actions” na maaaring gawin para tugunan ang kakapusan ng mga Filipino nurse.

“Those were the six areas that we discussed with the President, and we identified the verifiable success indicators and data to show that in the first year of the Marcos administration, there was a significant achievement and change in terms of the higher education sector,” ayon kay De Vera. (Daris Jose)

LATEST PHOTOS THAT ARE MUST-SEE SCENES IN CINEMAS IN CHRISTOPHER NOLAN’S MOST AMBITIOUS FILM TO-DATE “OPPENHEIMER” (PART 2)

Posted on: July 12th, 2023 by @peoplesbalita No Comments

UNIVERSAL Pictures has just released the latest photos of Christopher Nolan’s latest epic film “Oppenheimer” that will open in cinemas (PH) nationwide on July 19.

The photos are so stunning that one can’t help but get excited on how it will finally roll in cinemas! But first let’s meet the characters of “Oppenheimer” played by actors meant to fit into the roles of the movers and shakers that changed the world.

Oscar®-nominated writer-director Christopher Nolan brings to screen “Oppenheimer”, his most ambitious and urgent movie yet, a sweeping, epic thriller that delves deep into the psyche of a singular American mind: the brilliant scientist behind the world-shattering invention of the atomic bomb that represented the total sum of human ingenuity, an invention that would remake civilization, even as its very existence threatened the future of mankind.

Robert Downey, Jr. as Lewis Strauss

Lewis Strauss was a founding commissioner of the Atomic Energy Commission in 1947, playing a key role in shaping America’s post-war nuclear policy. The Oppenheimer opportunity arrived in Downey Jr.’s life at a moment when he was trying to be choosy following his blockbuster run playing the foremost avenger of the Marvel Cinematic Universe. “I had been cooling my heels for about a year before the pandemic, just reacquainting myself with my family and other interests because I had been working super consistently,” says Downey Jr. “But this was Christopher Nolan, doing something that was important to him. The cast was this large gathering of folks who have their choice of projects. And just as soon as we were under way, world events lined up in a way that turned this movie into an important metaphor that could speak to any number of things. So, it was kind of a no- brainer.”

Florence Pugh as Jean Tatlock

An intellectual, deep-feeling introvert, sensual, free-spirited, yet prone to bouts of melancholy, Jean Tatlock was a Stanford-educated psychiatrist who had an intense yet tortured romance with J. Robert Oppenheimer. To play Tatlock, the filmmakers cast Florence Pugh, whose performances in Black Widow, Midsommar and Little Women, which earned her an Oscar® nomination, have made her one of Hollywood’s brightest young stars. She took the part for the chance to work with a director she admired. “It’s a Christopher Nolan movie, number one,” says Pugh, “and number two, he has one of the most incredible leads. Cillian Murphy is an actor that I have been watching for quite some time and have been desperate to work with for ages. You’d have to be mad to say no. It felt like I was playing sports with some of the best athletes, so it was truly one of the best experiences that I’ve had.”

Josh Hartnett as Ernest Lawrence

To play the physicist Lawrence, Nolan chose Josh Hartnett, no stranger to big films that tackle the morality of war and military heroics, having played an Army pilot in Michael Bay’s Pearl Harbor and an Army ranger in Ridley Scott’s Black Hawk Down. Returning to movies after taking time off to focus on raising kids, Hartnett re-engages the genre that made him a star through a different kind of character. “I knew a bit about Oppenheimer, but not Lawrence and how he was instrumental in creating nuclear weapons and what is now our 21st century dilemma,” Hartnett says. “He’s the most important and impressive historical figure from the 20th Century that I knew nothing about. He developed the cyclotron, developed the concept of big science, he basically gave birth to what is now the super-collider. Everything has changed because of this guy and his tinkering.”

Also starring Oscar® winner Casey Affleck as Boris Pash, chief of Army counter-intelligence at the Presidio in San Francisco, Oscar® winner Rami Malek plays David Hill, an associate experimental physicist, Matthew Modine as Vannevar Bush, head of the U.S. Office of Scientific Research and Development, Oscar® nominee Tom Conti as Albert Einstein and Oscar® winning filmmaker and actor Kenneth Branagh plays Nobel Prize winning physicist Niels Bohr.

Oppenheimer is filmed in a combination of IMAX® 65mm and 65mm large-format film photography including, for the first time ever, sections in IMAX® black and white analogue photography.

(ROHN ROMULO)

Nagbibiro na si Luis ng baby number 2: JESSY, inaming nabibilisan sila sa paglaki ni Baby ROSIE

Posted on: July 12th, 2023 by @peoplesbalita No Comments

NANGANAK noong December 28, 2022 si Jessy Mendiola sa unang anak nila ni Luis Manzano na si Isabella Rose.

Ano na ang mga “kakulitan” ni Baby Rosie o Peanut?

“Naku ayaw na niyang magpababa ngayon! Ayaw na niya, tapos tumitili na siya, pag pinapaliguan namin siya, pag pinapalitan ko siya ng diaper naninipa na, malikot na talaga siya.

“Tapos nakaka-upo na siyang mag-isa, tapos nag-start na siya ng solid food journey niya, so talagang parang mixed emotions kami, kasi bittersweet siya na, ‘Wow, lumalaki na siya!’

“Yung progress niya amazing, but then, parang nakaka-sad ng konti, kasi parang, ‘I don’t want you to grow up just yet’. Si Luis nga sabi niya, ‘Anak magso-solids ka na’, tapos sabi ko, ‘Oh-oh’, para siyang naiiyak, kasi sabi niya, ‘Ang bilis niyang lumaki’.

“Tapos tiningnan niya ako, sabi niya, ‘Number 2?’, sabi ko, ‘Wait lang! Hello! Wala pang one year!’ At tumawa si Jessy.

“Pero talagang ano, I’m just really amazed as a mother, as a new mother, grabe, yung parang totoo pala yun, hindi mo alam kung paano mo sisimulan, gagawin mo na lang siya, ganun!”

Balik na si Jessy sa mga showbiz events…

“Grabe, first ever event ko ‘to after kong manganak, as in! Kaya parang wow, ganito pala ang events ngayon, back to normal,” ang bulalas pa ni Jessy sa grand opening ng Manila Diamond Studio.

Matatagpuan ito sa 5th floor ng EDSA Shangri-La Plaza Mall sa Mandaluyong City kung saan sila ni Alexa Ilacad ang mga celebrity endorsers ng naturang jewelry store.

***

KONTRABIDA to the max si Moira Tanyag na buong husay na ginagampanan ni Pinky Amador sa Abot Kamay Na Pangarap.

Minsan, may mga viewers na “nadadala” sa acting ng isang artista, na naniniwala na sa tunay na buhay ay salbahe nga ang artistang kontrabida napapanood sa telebisyon o pelikula.

Kaya tinanong namin si Pinky kung may umaway na sa kanya sa mall o anumang pampublikong lugar?

“Wala pa naman! Pero online marami!

“Ay, grabe yung mga talagang…di ba sa Tiktok sumasayaw kami, ‘Hindi ka naman marunong sumayaw, dalawang kaliwa ang paa mo!’

“Parang pagtingin ko hindi naman, pero… so I deal with them different ways, yung iba pag talagang bastos na or like there are slurs or talagang cussing, or talagang yung hindi lang nadala sa istorya, minsan ini-screenshot ko tapos pino-post ko,” at tumawa si Pinky, “para naman may accountability tayo ng konti, di ba?

“Pero yung mga nadadala lang sa show okay lang yun, kasi if you really know the power of storytelling, you know na may madadala at madadala, kaya nga kayo nandiyan, di ba?

“Para madala sila sa kuwento niyo. So yun, I think if anything, Abot Kamay is a testament to the power of storytelling and the brilliance of the creative team.”

Ang ‘Abot Kamay Na Pangarap’ na seryeng napapanood sa GMA ay sa direksyon ni LA Madridejos at tinatampukan nina Jillian Ward, Carmina Villarroel, Richard Yap, Kazel Kinouchi, Allan Dizon at marami pang iba.

May mahalagang papel rin sa serye ang batikang aktres na si Dina Bonnevie na madalas kaeksena ni Pinky.

(ROMMEL L. GONZALES)

Singil ng kuryente para sa buwan ng Hulyo, ibinababa ng Meralco

Posted on: July 12th, 2023 by @peoplesbalita No Comments

NAG-ANUNSYO ang Meralco ng pababang pagsasaayos sa mga singil sa kuryente para sa Hulyo, kasunod ng mga sunod-sunod na buwan ng pagtaas, habang bumababa ang mga singil sa generation at transmission period.

Sa isang advisory, sinabi ng Meralco na ibababa nito ang rates ng P0.72 kada kilowatt-hour (/kWh), na magdadala sa kabuuang rate para sa isang tipikal na sambahayan sa P11.18/kWh mula sa P11.91/kWh noong nakaraang buwan.

Ang mga pagbabago ay isasalin sa P144 na pagbaba sa kabuuang singil sa kuryente ng mga residential customer na kumokonsumo ng 200 kWh.

Dumating ito habang ang generation charge ay bumaba ng P0.64/kWh hanggang P6.60/kWh.

Ang transmission and other charges kabilang ang mga tax at subsidies ay nag-post din ng net reduction na P0.07/kWh.

Nanawagan din ang Meralco sa mga customer nito na mag-apply para sa lifeline discounts, kasunod ng pag-amyenda sa mga patakaran para sa Lifeline Rate program nito. (Daris Jose)

US$600-M inutang ng gobyerno para palakasin ang agri at fisheries sector

Posted on: July 12th, 2023 by @peoplesbalita No Comments

NASA US$600 million ang inutang ng gobyerno sa World bank na gagamiting pangtustos sa Philippine Rural Development Project (PRDP) Scale-Up na layong baguhin ang agrikultura para sa isang moderno at industrialized sector sa pamamagitan ng public infrastructure intervention at palawakin ang commodity value chain.

Ang PRDP Scale-Up ay proyekto ng Department of Agriculture (DA) na siyang tutugon sa mga hamon na kinakaharap ng agriculture and fisheries sector at rural communities sa bansa.

Ang nasabing proyekto ay magpapalakas sa mga magsasaka at mangingisda na magkaroon ng mabilis na access sa merkado, mapataas ang kanilang kita mula sa mga piling agri-fishery value chains, ng sa gayon ma-improve ang efficiency sa food supply chain.

Una ng binigyang-diin ni Pangulong Marcos Jr., ang kahalagahan na ma develop ang agriculture sector hindi lamang sa production kundi maging ang kapakanan ng mga magsasaka at mangingisda.

Sakop ng nasabing proyekto ang 16 na rehiyon na binubuo ng 82 probinsiya sa buong bansa. (Daris Jose)