2023 July 11 Archive - People's Balita

Archive for July 11th, 2023

Maraming kanta ang paborito nila bilang grupo: JIM at BOBOY, mami-miss lalo si DANNY sa kanilang 50th anniversary concert

Posted on: July 11th, 2023 by @peoplesbalita No Comments

KUWENTO ng APO Hiking Society members na sina Jim Paredes at Boboy Garrovillo na mayroon silang mga personal na paborito mula sa kanilang hit songs na nagsilbing daan para sa pag-usbong ng Original Pinoy Music.

Sa ‘Surprise Guest with Pia Arcangel’, sinabi nina Jim at Boboy na hindi lang isang kanta ang paborito nila bilang grupo.

Para kay Boboy, paborito niya ang “Awit ng Barkada,” “Nakapagtataka,” “Kaibigan,” at ang kanta ng pumanaw nilang kagrupo na si Danny Javier na “Care.”

Para naman kay Jim, personal niyang paborito ang “Pumapatak Ang Ulan,” “When I Met You,” at “Panalangin.”

Kilala man dahil sa pagsulat ng kanilang mga kanta, inilahad din nina Jim at Boboy na mayroon din naman silang mga awitin na hindi sila ang sumulat.

Ito ang mga kantang “Ewan” at “Anna,” dahil ang sumulat nito ay ang legendary OPM composer na si Louie Ocampo.

Ang kanta naman na “Saan Na Nga Ba’ng Barkada” na may tema tungkol sa mga pagkakaibigan na nagsimula sa eskwelahan ay isinulat ni Jim ilang taon matapos ang kanilang graduation.

Ayon sa APO Hiking Society, maraming tao na mula sa iba’t ibang larangan ang nakare-relate sa kanilang mga kanta dahil na rin sa mga kuwentong nasa likod ng mga awitin.

“I think for a lot of our followers, it has become the soundtrack of their lives. Like we have songs for OFW, we have songs for heartbreak. We have songs for newlyweds, we have songs for getting married,” sabi ni Jim.

“I think we’ve covered a lot of spaces in the person’s life,” pagpapatuloy pa niya.

Sinabi naman ni Boboy na isinusulat nila ang kanilang mga kanta para magkuwento.

“Walang time ‘yun e, walang old or new doon e, kasi the story is the same—that are heartfelt, you will feel it at any age. So ngayon, even the young kids when they listen to old music like ours, they realize ‘oo nga no, there’s a look at the story,” aniya.

“It’s not nanggagaya ng iba, it’s not repetitive. There’s a real story going on,” pagpapatuloy ni Boboy.

Magkakaroon ng dalawang gabing concert ang APO Hiking Society sa Hulyo 15 at 16 para sa kanilang ika-50 anibersaryo.

Bukod kina Boboy at Jim, miyembro rin ng APO Hiking Society si Danny Javier, na pumanaw noong nakaraang taon sa edad na 75, na for sure nami-miss na nila ng husto.

(RUEL J. MENDOZA)

AFP binago ang kanilang military acquisition plan, Horizon 3 magsisimula ngayong 2023

Posted on: July 11th, 2023 by @peoplesbalita No Comments

TINIYAK ni Pang. Ferdinand Marcos Jr. na gagawin ng kaniyang administrasyon ang lahat para makahabol sa modernization program ng Armed Forces of the Philippines (AFP) kasunod ng mga delays dahil sa Covid-19 pandemic.

“Kung ano ‘yung schedule natin medyo naatras lang nang kaunti because of the pandemic. But now, we are proceeding back to our established schedule. Hopefully, we will catch up and, in a year, maybe two, we will already be back to where we were supposed to be at that time before the pandemic,” pahayag ng Pang. Marcos Jr.

Sinabi ng Pangulo na nakipag-usap siya sa mga commander ng AFP partikular sa Chief of Staff dahil sa pangangailangang tugunan ang kasalukuyang mga hamon na kinakaharap ng bansa.

Sinabi ng Pangulo na ang isa sa pinakamahalagang bagay ay ang pagsasanay sa mga miyembro ng pwersang panseguridad.

Ngayong taon magsisimula na ang Horizon 3. (Daris Jose)

Isa sa achievements sa aquatic adventure: MIGUEL, pinost ang impressive backflip video

Posted on: July 11th, 2023 by @peoplesbalita No Comments

SA kanyang Instagram, pinost ni Miguel Tanfelix ang bagong achievement niya, ang mag-backflip.

Mapapanood ang impressive backflip video ng ‘Voltes V: Legacy’ star habang nagbabakasyon kasama ang kanyang co-star na si Ysabel Ortega at iba pa nilang kaibigan.

Isa lamang ang naturang achievement sa mga highlight ng aquatic adventure ni Miguel na sobra niyang ikinatuwa.

“Sharkboy,” caption ni Miguel, na gumaganap bilang si Steve Armstrong sa naturang series.

***

KAABANG-ABANG ang ikalimang anniversary special ng ‘Amazing Earth’, na lilibutin ang buong Pilipinas para patuloy na itampok ang mga nakamamanghang kuwento tungkol sa mga hayop at kalikasan.

Sinabi ng host nitong si Dingdong Dantes na iikutin ng programa mula Luzon hanggang Mindanao para sa kanilang three-part anniversary special.

“Sa Masbate ifi-feature namin ang Cave of Skulls doon, tapos ‘yung jellyfish swimming sa Surigao. Ifi-feature namin ang Snake Island sa Bicol, si Marco Puzon na inikot niya ang buong Pilipinas,” sabi ni Dingdong.

“Nandiyan din si Sofia (Pablo) tsaka si Allen (Ansay) na nag-clean up ng Pasig River,” sabi pa ng Kapuso Primetime King.

Pagkatapos ng anniversary special, itatampok ang pagbisita ng Kapuso environmental and informative program sa National Museum of Natural History.

Mapapanood na ang ‘Amazing Earth’ tuwing Biyernes simula Hulyo 14.

(RUEL J. MENDOZA)

Trabaho para sa seniors, PWDs tuluy-tuloy sa Maynila

Posted on: July 11th, 2023 by @peoplesbalita No Comments

TULOY pa rin ang pagsisikap ng pamahalaang lungsod na mabigyan ng pagkakataong makapasok ng trabaho ang mga senior citizen at persons with disability (PWDs) upang maitaas ang kanilang moral.

Sinabi ni Manila Mayor Honey Lacuna, na paborito niya ang mga senior citizen at PWDs na mabigyan ng trabaho dahil hindi lamang para kumita ng pera, kundi maramdaman din nila na sila ay productive at hindi pabigat sa pamilya.

“Kung inyong nasusubaybayan, ang paborito po naming talagang hinahanapan ng trabaho, basta willing and able sila and they have a clearance from their doctors na puwede pa silang magtrabaho ay talagang hinahanapan namin sila,” ayon pa sa alkalde.

Masuwerte aniya, ang Maynila dahil sa marami ang food chains na sumusuporta at tumutulong sa lokal na pamahalaan na mabigyan ng trabaho ang senior citizens at PWDs kaya pinasalamatan natin sila.

“Kapag lahat ay nabibigyan ng opportunity na magtrabaho, ito ay isang paraan para kahit anong edad maging productive sila. Kailangan po natin ng manpower at ‘yung job opportunities… it’s just a matter of kung aakma sila sa job opportunity na naibibigay sa kanila,” ani Lacuna.

Gobyerno, naghahanda para sa epekto ng El Niño sa food security, inflation – NEDA

Posted on: July 11th, 2023 by @peoplesbalita No Comments

TINIYAK ng National Economic and Development Authority (NEDA) sa publiko na gumagawa na ng hakbang ang administrasyon ni Pangulong Ferdinand R. Marcos Jr. para pagaanin ang posibleng negatibong epekto ng El Niño phenomenon sa bansa.

Sinabi ni NEDA Undersecretary Rosemarie Edillon, na ang epekto ng long-dry spell ngayong taon, partikular na sa inflation, ay hindi inaasahang magiging makabuluhan.

Gayunpaman, inaasahan naman na mangyayari ang matinding phenomenon sa simula ng 2024.

“Iyong brunt talaga ng El Niño we expect it to happen by beginning of next year of 2024 kaya lang iyong preparasyon para doon kailangan ngayon nagsisimula na,” ayon kay Edillon.

Tinukoy ni Edillon ang pagbabawas sa alokasyon para sa irrigation water pabor sa ‘residential use’ sa Angat Dam ay makatutulong na mapagaan ang epekto ng phenomenon.

“The planting season has already concluded, eliminating the need for irrigation water at this point,” ayon pa kay Edillon.

Winika pa nito na ang madalas na pag-ulan na nararanasan sa buong bansa ay dapat na samantalahin, gaya ng pabilisin ang pagkumpleto sa maliit na ‘impounding water projects.’

“So, again ngayong taon na ito hindi namin nakikita iyon. Kung impact for next year that really depends on how we’re able to prepare this year,” aniya pa rin.

Sinabi pa ni Edillon, nakikita ng pamahalaan na walang makabuluhang epekto ang El Niño sa ekonomiya at inflation ng bansa kung ang tama at napapanahon na paghahanda at contingency measures ay nasa tamang lugar. (Daris Jose)

LATEST PHOTOS THAT ARE MUST-SEE SCENES IN CINEMAS IN CHRISTOPHER NOLAN’S MOST AMBITIOUS FILM TO-DATE “OPPENHEIMER” (PART 1)

Posted on: July 11th, 2023 by @peoplesbalita No Comments

Universal Pictures has just released the latest photos of Christopher Nolan’s latest epic film “Oppenheimer” that will open in cinemas (PH) nationwide on July 19.

The photos are so stunning that one can’t help but get excited on how it will finally roll in cinemas! But first let’s meet the characters of “Oppenheimer” played by actors meant to fit into the roles of the movers and shakers that changed the world.

Oscar®-nominated writer-director Christopher Nolan brings to screen “Oppenheimer”, his most ambitious and urgent movie yet, a sweeping, epic thriller that delves deep into the psyche of a singular American mind: the brilliant scientist behind the world-shattering invention of the atomic bomb that represented the total sum of human ingenuity, an invention that would remake civilization, even as its very existence threatened the future of mankind.

Cillian Murphy as J. Robert Oppenheimer

We’ve seen Murphy’s remarkable works in 28 Days Later, A Quiet Place II, Peaky Blinders – and his roles in Nolan’s films The Dark Knight Trilogy, Inception and Dunkirk, and with his latest role in “Oppenheimer” as the titular character, Murphy is about to give us another unforgettable experience at the cinemas as he takes on the man who became known as the Father of the Atomic Bomb. The appeal and challenge of playing Oppenheimer, Murphy says, was doing justice to the physicist’s immense intelligence and moral struggles. “We were always chasing after the complexity of Oppenheimer, as he was no simple man,” Murphy adds.

Emily Blunt as Kitty Oppenheimer

Blunt, best known for her breakout role and scene-stealing performances in “Devil Wears Prada” and A Quiet Place (I and II) plays another formidable role in Oppenheimer as biologist and botanist Kitty Oppenheimer, who’s also the wife of J. Robert. “Blunt was intrigued by Kitty’s rejection of social convention or expectation. “Kitty is a character who doesn’t do small talk; she only does big talk,” Blunt says. “She’s complicated, volatile, bewitching all at once. What I really was drawn to with her is that idea of a woman who refused to conform to the sort of feminine ideal of the time, why you need to get married and have children and support your man and that’s your job and that’s all you’re allowed. She just had this defiance against the system that felt so modern.”

Matt Damon as Leslie Groves Jr.

To play the brigadier general, the filmmakers recruited Matt Damon, who earlier this year added to a gilded resume of Oscar® nominated performances (and an Academy Award® for co-writing Good Will Hunting) with an acclaimed performance in Air. Groves made significant contributions to the work of building the atomic bomb. For Damon, the appeal of working on Oppenheimer was in crafting an origin story for the world he’s known his entire life, formed from the fallout of the Manhattan Project. “I’m a child of the Cold War,” Damon says. “I grew up with the consequences of this piece of history. So, without a doubt, this is one of the most important stories of our time.”

Oppenheimer is filmed in a combination of IMAX® 65mm and 65mm large-format film photography including, for the first time ever, sections in IMAX® black and white analogue photography.

(ROHN ROMULO)

Tubig sa Angat mababa na sa minimum operating level

Posted on: July 11th, 2023 by @peoplesbalita No Comments

BUMABA na sa minimum operating level ang tubig sa Angat Dam sa Norzagaray, Bulacan.

Ayon sa PAGASA, nasa 179.99 meters na lamang ang tubig sa Angat na mas mababa sa 180-meter minimum operating level.

Mas mababa rin ito ng 0.46 meter kumpara sa 180.45 meter noong Biyernes, Hulyo 7.

Nabatid na nasa 210 meters ang normal high water level o spilling level ng Angat.

Ang Angat ang nagsusuplay ng tubig sa 90 porsyento ng residente ng Metro Manila.

Dahil dito, sinabi ng National Water Resources Board (NWRB) na maaaring bawasan ang water allocation sa Metro Manila kapag bumaba ang water level sa Angat.

Una nang nag-anunsiyo ang Maynilad na halos 600,000 customers nito ang makararanas ng siyam na oras na water interruption simula sa susunod na linggo dahil sa patuloy na pagbaba ng water level sa Angat dulot ng walang ulan na nararanasan sa may watershed ng dam.

Magsisimula ang water interruption ng 7:00 ng gabi hanggang 4:00 ng umaga araw-araw.

Wala namang mararanasang water interruption ang mga customer ng Manila Water.

Samantala, nasa 98.76 meters ang water level sa Ipo Dam sa Bulacan, 745.32 meters sa Ambuklao Dam sa Benguet habang nasa 236.85 meters ang water level sa San Roque Dam sa Pangasinan at Benguet.

Nasa 179.39 meters naman ang water level sa Pantabangan Dam sa Nueva Ecija habang ang Magat sa Ifugao at Isabela provinces ay nasa 164.81 meters.

Una nang naideklara ng PAGASA na pumasok na ang El Niño sa Pilipinas na mararanasana hanggang unang quarter ng 2024. (Daris Jose)

First four official entries, inihayag na: SHARON, ALDEN, DINGDONG at MARIAN, ilan lang sa pagpapaningning ng ’49th MMFF”

Posted on: July 11th, 2023 by @peoplesbalita No Comments

SA Facebook post ng Metro Manila Film Festival (MMFF), inihayag ang first four official entries para sa ika-49 edisyon ng MMFF na magsisimula sa December 25, 2023.

Sa taon ito ay nakatanggap ang MMFF ng 26 script mula sa 32 production companies.

Kaya naman pinasalamatan ni Don Artes, ang concurrent acting chairman ng MMFF at Manila Development Authority (MMDA), ang mga filmmaker sa pagsuporta sa yearly festival.

Ayon sa naging pahayag ni Artes, “I am sure our selection committee will have hard time choosing among the scripts. But I am also confident that the best among the best will be chosen.”

Ayon sa MMFF, ang pagpili sa Top 4 scripts na isasama sa film festival ay batay sa mga sumusunod na pamantayan: artistic excellence (40%), commercial appeal (40%), Filipino cultural sensibility (10%), at global appeal ( 10%).

At ang apat na lumusot ang mga sumusunod:

“A Mother and Son’s Story” (Drama) ng CineKo Productions, Inc. na mula sa direksyon ni Nuel Naval at sa panulat ni Mel Mendoza-Del Rosario. Pagbibidahan ito nina Megastar Sharon Cuneta at Alden Richards.

“K(Ampon)” (Horror Thriller) ng Quantum Films, directed by King Palisoc and written by Dodo Dayao. Pagtatambalan ito nina Beauty Gonzalez at Derek Ramsay.

“Penduko” (Fantasy Action) ng Viva Films/Sari Sari Network, na mula sa panulat at direksyon ni Jason Paul Laxamana. Bida rito si Matteo Guidicelli at si Cristine Reyes ang kanyang leading lady.

“Rewind (Romance Drama) ng ABS-CBN Film Productions, Inc., directed by Mae Cruz-Alviar and written by Enrico Santos. Ito ang reunion movie nina Kapuso Primetime Queen and King Marian Rivera at Dingdong Dantes.

Samantala, ang deadline para sa natapos ng pelikula kung saan pipiliin ang natitira pang apat na opisyal na entry sa 49th MMFF ay sa Setyembre 29.

Congrats at Mabuhay ang Pelikulang Pilipino.

***

SPEEd, NAGDIWANG NG 8TH ANNIVERSARY SA PAMAMAGITAN NG OUTREACH PROGRAM

PARA sa mas makabuluhang pagdiriwang ng ika-8 na anibersaryo ng Society of Philippine Entertainment Editors (SPEEd), muling nagsagawa ang grupo ng outreach program nitong nagdaang Biyernes, July 7.

Dumalaw at nagbigay ng donasyon ang SPEEd, sa pangunguna ng presidente nitong si Eugene Asis (People’s Journal), kasama ang iba pang opisyal at mga miyembro nito, sa dalawang charitable institution sa Bulacan.

Unang binisita ng samahan ng mga entertainment editors sa Pilipinas ang Bethany House Sto. Niño Orphanage sa Guiguinto na nag-aalaga at nagbibigay proteksyon sa mga batang wala nang pamilya o kamag-anak.

May 30 kabataan ang naninirahan sa Bethany House Sto. Niño Orphanage na pinamumunuan ni Sister Emelita Cruz. Siya ang laging punung-abala sa pagtanggap sa mga nagnanais magpaabot ng tulong sa mga batang kanilang kinakalinga at pinag-aaral.

Kasunod nito, nagtungo naman ang SPEEd sa Emmaus House of Apostolate na matatagpuan sa Malolos, Bulacan kung saan may 60 lolo at lola ang naninirahan at inaalagaan.

Bukod sa financial assistance, ilan pa sa mga naiabot na tulong ng grupo ay food and medical supplies, cleaning materials, vitamins, adult diapers, at iba pang kagamitan na magagamit sa pang-araw-araw na pangangailangan.

Naging katuwang sa SPEEd Outreach 2023 sina Ms. Rhea Anicoche-Tan ng Beautederm at BlancPro, Ms. Cris Roque ng Kamiseta, Unilab Corporation at Pascual Laboratories na mula noon hanggang ngayon ay hindi nagsasawang sumuporta sa mga makabuluhang proyekto ng SPEEd. Nagpapasalamat din ang grupo kina Manay Lolis Solis, Hon. Bulacan Gov. Daniel Fernando, San Miguel Corporation, Jollibee, Universal Robina Corporation, Mr. Mark Parlade at Ms. Rosbel Buñag ng Stratworks, Ms. Dee Chanco ng Maris Pure Water, Ms. Lotlot de Leon, Ms. Susan Joven, Mr. Wilson Flores ng Kamuning Bakery, Mr. Edd Fuentes, Lamoiyan Corporation at Ms. Bebot Santos ng Colorete Clothing.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas.

(ROHN ROMULO)

Pinas, Italy inaasahang pag-uusapan na pagbutihin pa ang military cooperation – envoy

Posted on: July 11th, 2023 by @peoplesbalita No Comments

INAASAHAN na pag-uusapan ng Pilipinas at Italy ang pagpapalakas sa ugnayan sa pagtatanggol.

Ito ang sinabi ni Italian Ambassador to the Philippines Marco Clemente kasunod ng pagdating ng Italian navy ship Francesco Morosini sa Maynila para sa isang “goodwill visit.”

Sinabi ni Clemente, kapwa ginagawa ng dalawang panig ang makakaya nito para isapinal ang memorandum ukol dito.

“There will be negotiations also to reach a more, let’s say, more clear juridical context in the form of some agreements to improve the cooperation in the military industry context,” ani Clemente.

“The Italian technology in this field is amazing… We have a lot to offer, and I’m glad to say that the Philippines, they have a lot to ask, and they are very interested in our technology,” dagdag na wika nito.

Pinagtibay naman ni Clemente ang posisyon ng Italy na ang “rules-based international order” ay dapat na manaig sa pinagtatalunang katubigan.

Suportado naman nito ang 2016 landmark ruling ng tribunal sa The Hague kung saan pinanindigan ang sovereign rights ng Maynila sa loob ng exclusive economic zone (EEZ) nito sa pinagtatalunang South China Sea (SCS).

Ayon kay Clemente, “the legally binding arbitral award “set clear the concept that international law should always rule, as far as the law of the sea is concerned.”

“I think that the mission of the Morosini is in line with this award,” aniya pa rin.

Nauna rito, nagsagawa naman ng port call ang Italian vessel sa Maynila bilang bahagi ng five-month naval campaign sa Indo-Pacific region.

Sinabi ni Clemente na ang paglilibot ng barko ay “a clear signal” na mahalaga ang rehiyon sa Italy at nais ng kanyang bansa (Italy) na magkaroon ng mahalagang papel para tiyakin ang katatagan sa lugar.

“Italy is very much interested in the stability of the region, and this is a military aspect also that must be thrashed out during the meetings that will take place in the context of this visit,” aniya pa rin.

“The Indo-Pacific region is crucial not only for obvious geostrategic reasons, but also let’s not forget that through this area, the main bulk of the international trade goes through. So, stability in this region means also free trade and stability of the economic situation, which is in the interest of all countries,” ang paliwanag ni Clemente. (Daris Jose)

Ads July 11, 2023

Posted on: July 11th, 2023 by @peoplesbalita No Comments