UPANG mahikayat ang mga Bulakenyo sa pakikilahok at pagtataguyod ng mga serbisyong makatao, idinaos ng Philippine Red Cross – Bulacan Chapter ang Walk for Humanity kung saan humigit-kumulang 4,100 Bulakenyo ang lumahok sa martsa na nagsimula sa Malolos Sports and Convention Center hanggang Bulacan Capitol Gymnasium sa lungsod na ito.
Alinsunod sa temang “PRC is always first, always ready, and always there in service for humanity”, inilunsad ang programa upang isulong ang programang Red Cross 143 sa lahat ng barangay sa lalawigan at hinihikayat ang bawat pamilya na magkaroon ng isang responder upang palakasin ang misyon ng PRC na magbigay ng humanitarian aid sa mga nangangailangan.
Bilang isa sa mga sumusuporta sa adbokasiya, ipinaabot ni Gob. Daniel R. Fernando ang kanyang suporta sa nasabing layunin sa kanyang mensahe na binasa ng kanyang kinatawan na si James Santos.
Hinikayat din niya ang mga Bulakenyo na suportahan at isulong ang bolunterismo sa lalawigan.
Ang ating gobernador ay patuloy na nakikiisa sa mga ganitong aktibidad sa lalawigan ng Bulacan, sa katunayan ay napakahalaga pong yugto ang unity walk para sa inyo sapagkat naipapakita ninyo sa inyong lipunan ang pagkakaisa, ani Santos.
Nakiisa rin sa paglalakad si Iana Khrys Godoy, isang second-year nursing student, at kanya ring hinikayat ang mga kabataan na lumahok at suportahan ang mga adbokasiya at programa ng PRC.
“Pumunta po ako dito dahil gusto ko pong sumama sa walk for humanity. Bilang kabataan, tayo ang magsisimula ng pagtulong sa ating kapwa. Itong walk for humanity, hindi lang po ito for clout, nanghihikayat po tayo ng kapwa nating mga Bulakenyo upang matulungan ang mga ito. bawat isa, ani Godoy.
Dinaluhan din ang programa nina Provincial Social Welfare and Development Office Head Rowena J. Tiongson, Bulacan State University President Cecilia Navasero-Gascon, Congresswoman Lorna C. Silverio, PRC Board of Directors na sina Raymundo Carlos, Bartolome Agustin, Annabelle Talusan, Rosalie Lava, Josefina Natividad at Dr. Erwin Tecson at iba pang mga boluntaryo. (BISHOP JESUS “JEMBA” M. BASCO)
KULONG ang tatlong drug personalities, kabilang ang isang listed bilang high value individual (HVI) matapos makuhanan ng mahigit P.4 milyon halaga ng shabu sa magkahiwalay na buy bust operation ng pulisya sa Caloocan City.
PINAG-IINGAT ng Department of Health (DOH) ang publiko laban sa mga lamok na naghahatid ng dengue dahil hindi umano pinalalagpas nito ang panahon ng tag-init sa pagpapakalat ng sakit.
SOBRANG nakaka-touch ang latest post ni Sylvia Sanchez sa kanyang IG account na para sa kanyang soon to be daugther-in-law na si Maine Mendoza.
IPINANUKALA ni House Speaker Martin Romualdez ang posibleng partnership ng Pilipinas, United States (US), at India sa pagtatayo ng digital public infrastructure sa bansa.
MAY ISANG linggong mawawalan ng suplay ng tubig ang mga kustomer ng water concessionaire na Maynilad Water Services Inc. sa ilang bahagi ng Metro Manila at lalawigan ng Cavite.
PINALAGAN ng Department of National Defense (DND) ang naging pahayag ni Chinese Ambassador Huang Xilian na ginagatungan ng Pilipinas ang geopolitical tensions sa pamamagitan ng pag-alok sa Estados Unidos ng military bases nito malapit sa Taiwan.
NAGSIMULA nang mag-shooting ng movie sina Asia’s MultiMedia Star Alden Richards at si Kapamilya actress Julia Montes, last Sunday, April 16. 
MARAMING netizens ang natuwa sa mabilis na recovery ni Gardo Versoza mula sa kanyang operasyon after niyang maka-experience ng heart attack noong nakaraang buwan.