2023 April Archive - People's Balita

Archive for April, 2023

PBBM, pinangunahan ang “mega groundbreaking” ng 6 na housing projects sa Bulacan

Posted on: April 21st, 2023 by @peoplesbalita No Comments

PINANGUNAHAN ni Pangulong Ferdinand R. Marcos Jr. ang “mega groundbreaking” ng anim na housing projects sa anim na lungsod at munisipalidad ng lalawigan ng Bulacan, maaaring makapagtayo ng 30,000 shelter units.

“Sa pamamagitan po ng proyektong ito, maisasakatuparan [ng] libolibong Bulakenyo ang pangarap nila na magkaroon ng maayos at abot-kayang bahay namatatawag nilang sariling tahanan,” ayon kay Pangulong Marcos sa idinaos na groundbreaking ng Pambansang Pabahay para sa Pilipino Housing (4PH) Program.

“Ito ay bahagi ng programa ng inyong pamahalaan na 1 milyong bahay sa iba’t ibang dako ng bansa sa bawat taon sa administrasyong Marcos,” ang wika ng Pangulo.

Ang makasaysayang sabay-sabay na paglulunsad ay panibagong testamento ng nagpapatuloy na rollout ng flagship 4PH program ng administrasyon na naglalayong magtayo ng 1 milyong housing units kada taon hanggang 2028 para tugunan ang housing backlog ng bansa na umabot na sa mahigit sa 6.5 milyong units.

Ang groundbreaking ceremonies ay isinagawa sa San Jose Del Monte City, Pulilan at San Rafael, kung saan sina Pangulong Marcos at Department of Human Settlements and Urban Development (DHSUD) Secretary Jose Rizalino Acuzar ang nanguna sa events habang ang mga opisyal naman ng DHSUD kasama ang mga local government units (LGUs) executives ang nanguna naman sa mga aktibidad sa Pandi, Guiguinto at Malolos City

May kabuuang 12, 563 housing units ang itatayo sa panahon ng “initial phase” ng anim na proyekto sa San Jose Del Monte City.

Base sa isinumiteng master development plans, ang Bulacan housing projects ay makalilikha ng 30,000 pabahay kapag pinalawak sa karagdagang phases.

Maliban sa pabahay, plano ng Pangulo na palawigin ang 4H program para maisama ang pagtatayo ng iba pang pasilidad para sa edukasyon at maging sa healthcare.

“The housing program is an important component of government initiative to address housing backlog in the country,” ayon kay Pangulong Marcos.

Nagpahayag naman ng kanilang pasasalamat ang ilang benepisaryo dagil nakarating ang flagship housing program ng administrasyon sa grassroots sa kani-kanilang lugar.

Binansagan ng mga ito ang 4PH bilang malaking hakbang tungo sa kanilang pangarap na magkaroon ng sariling bahay.

Sa Barangay Gaya-gaya, San Jose Del Monte City, ang Rising City Residential Project ay binubuo ng siyam na 8-story buildings na may paunang target na 1,890 housing units at commercial area sa 6.9 ektaryang lupain ang unang lugar na pinasinayaan.

Sinundan naman ito ng groundbreaking ceremony sa Barangay Caingin sa bayan ng San Rafael para sa 7-hectare San Rafael Heights Development Project kung saan 3,920 residential condominium units ang inisyal na itatayo.

Matapos ito ay dumiretso naman sina Pangulong Marcos at Acuzar sa bayan ng Pulilan para sa inagurasyon ng Mom’s Ville Homeowners Association Incorporated project sa Barangay Penabatan, na paunang binubuo ng walong 10-story residential buildings na may 1,920 housing units sa 2-hectare property.

Samantala, may tatlong groundbreaking ceremonies sa Bulacan ang sabay-sabay na isinagawa at publicly aired – ito’y ang 12-hectare Pandi Terraces sa Barangay Bagong Barrio, Pandi na may panukalang 4,050 units; ang 2-hectare Municipal Government of Guiguinto Employees Housing sa Barangay Sta. Cruz, Guiguinto na may 108 units; at ang 2.6-hectare Pambansang Pabahay para sa Maloleño Program 2023-2025 sa Barangay Santor, Malolos City na may 675 units.

May ilang DHSUD executives ang nanguna naman sa huling tatlong events.

Ang Empowered by Republic Act 11201, o ang “Department of Human Settlements and Urban Development Act,” ay “the 4PH Program is part of the DHSUD’s thrust to fulfill its mandate to develop and adopt a national strategy to address the proper and timely provision of adequate and affordable shelter to Filipino families. Similarly, the Department – as the primary agency responsible for the management of housing and urban development in the country – is tasked with policy creation, regulation, stakeholder coordination and progress monitoring of the projects under the 4PH Program.”

Sa ilalim ng bagong housing program, inatasan din ang DHSUD na tiyakin ang alignment ng mga polisiya, programa at proyekto ng attached agencies nito para i-facilitate ang achievement ng objective ng programa.

“So far, more than 130 memoranda of understanding have been signed by DHSUD with various LGUs from Luzon, Visayas and Mindanao since the launching of 4PH last September,” ayon ulat. (Daris Jose)

PBBM, tiniyak sa publiko ang tuloy-tuloy na suplay ng basic goods sa ‘KADIWA’ OUTLETS

Posted on: April 21st, 2023 by @peoplesbalita No Comments

TINIYAK ni Pangulong Ferdinand R. Marcos Jr. sa publiko ang tuloy-tuloy na suplay ng mga produkto na itinitinda sa “Kadiwa ng Pangulo” outlets.

Nangako kasi ang Pangulo na gagayahin niya ang inisyatiba sa iba’t ibang bahagi ng bansa para tulungan ang mga Filipino consumers na mabigyan ang mga ito ng mga “affordable products.”

“Kaya’t tinitiyak namin na magkaroon ng magandang supply sa susunod. Hindi na natin kailangan alalahanin na mauubos,” ayon sa Pangulo sa isinagawang paglulunsad ng Kadiwa ng Pangulo sa San Jose del Monte, Bulacan.

“Pero siyempre pagka nakakapagbili tayo ng bigas na 25 pesos, makabili ng asukal ng below 80 pesos, eh talaga namang dadagsain ‘yan. Eh ‘yun naman talaga ang dahilan kung bakit natin ginawa itong Kadiwa,” giit ng Pangulo.

Sinabi pa ng Chief Executive na muling inilunsad ng kanyang administrasyon ang Kadiwa, na unang pinasimulan ng kanyang ama na si dating Pangulong Ferdinand Matcos Sr., para pagaanin ang epekto ng tumataas na presyo ng iba’t ibang produkto at tulungan ang maliliit na negosyo na makabangon mula sa matinding epekto dulot ng COVID-19 pandemic.

“At talagang marami sa kanila, naubos ang kanilang savings, napilitan silang magsara at kaya naman ay napakalaking bahagi niyan ng ating ekonomiya,” ayon sa Punong Ehekutibo.

“Kaya’t binibigyan natin ng pagkakataon ang ating mga MSMEs (micro, small, and medium enterprises), binibigyan natin sila ng isang lugar, isang palengke, isang merkado kung saan sila makapunta para naman maibenta nila ang kanilang mga produkto,” aniya pa rin.

Sa kabilang dako, pinasalamatan naman ng Pangulo ang lahat ng nagpartisipa at maging ang Bulacan local government, binigyang diin na hindi ito magagawa ng pamahalaan ng nag-iisa.

“Dahil hindi po kaya ng DA lamang. Hindi po kaya ng national government lamang kung walang tulong at walang magandang partnership sa ating mga local government,” dagdag na wika ng Pangulo. (Daris Jose)

“The Boogeyman” Terrifying New Trailer and Poster Out Now

Posted on: April 20th, 2023 by @peoplesbalita No Comments

EMBRACE the fear and mark your calendars for May 2023, as “The Boogeyman” prepares to haunt theaters near you and terrifying new trailer and a new poster is available now.

The horror-thriller from the mind of best-selling author Stephen King.
The wait is finally over, as the spine-chilling new trailer and poster for 20th Century Studios’ and 21 Laps’ “The Boogeyman” have made their eerie debut.

Watch the trailer below:

This horror-thriller, adapted from the mind of best-selling author Stephen King, is set to make hearts race exclusively in theaters come May 2023.

With the recent passing of their mother, high school student Sadie Harper and her younger sister Sawyer find themselves grappling with grief. Their father, Will, a therapist, struggles with his own sorrow and offers little support.

But when a frantic patient unexpectedly appears at their home, he unleashes a horrifying supernatural force that targets families and feasts on their suffering.

The Creative Minds Behind the Nightmare

Rob Savage, the director of “Host,” helms “The Boogeyman,” which features a screenplay by Scott Beck & Bryan Woods (“A Quiet Place”) and Mark Heyman (“Black Swan”). The story, based on Stephen King’s short story, showcases an all-star cast, including Sophie Thatcher (“Yellowjackets”), Chris Messina (“Air”), Vivien Lyra Blair (“Obi-Wan Kenobi”), Marin Ireland (“The Umbrella Academy”), Madison Hu (“Bizaardvark”), LisaGay Hamilton (“Vice”), and David Dastmalchian (“Boston Strangler”).

A Spine-chilling Collaboration

The film is produced by Shawn Levy (“Stranger Things”), Dan Levine (“Arrival”), and Dan Cohen (“The Adam Project”), with executive producers including John H. Starke (“Sicario”), Emily Morris (“Rosaline”), Scott Beck, Bryan Woods, Ryan Cunningham, Adam Kolbrenner (“The Tomorrow War”), and Robyn Meisinger.

Rob Savage’s Vision of Fear

“’The Boogeyman’ is a classic horror movie in the mold of ‘Poltergeist’ that has scares and heart in equal measure,” says director Rob Savage.

“I vividly remember the terror I felt reading King’s short story as a kid, and it’s this feeling of childhood fear that I wanted to inspire in cinema audiences around the world.

“This film was made in collaboration with an incredibly talented team of creatives, and is anchored by wonderful, soulful performances from our incredible cast – I’m in awe of them, truly. We’re incredibly proud of this movie and can’t wait to give you all a reason to fear the dark again.”

(ROHN ROMULO)

Ads April 20, 2023

Posted on: April 20th, 2023 by @peoplesbalita No Comments

Number coding suspendido sa Biyernes

Posted on: April 20th, 2023 by @peoplesbalita No Comments

INANUNSIYO ng Metropolitan Manila Development Authority (MMDA) ang suspensyon ng number coding sa darating na Biyernes, dahil sa obserbasyon sa Eid’l Fitr o Piyesta ng Ramadan.

Ito ay bilang pagsunod sa inilabas na Proclamation No. 201 ng Malacañang na nagdedeklara sa Abril 21 bilang regular holiday dahil sa Ramadan.

Naglabas na rin ng Facebook post sa kanilang page ang MMDA para sa pansamantalang suspensyon ng number coding scheme upang gabayan ang mga motorista.

Dahil dito, para sa mga may plano na magbakasyon sa darating na bagong long weekend, pinayuhan ng MMDA ang mga motorista na planuhing mabuti ang kanilang biyahe at maging maingat sa pagmamaneho para makaiwas sa aksidente.

Ang Eid’l Fitr ang hudyat ng pagtatapos ng isang buwang pag-aayuno dahil sa Ramadan na isinasagawa ng lahat ng Muslim sa buong mundo.

DOH handa sa COVID-19 surge

Posted on: April 20th, 2023 by @peoplesbalita No Comments

TINIYAK ng Department of Health (DOH) na handang-handa sila ngayon sa anumang uri ng surge ng COVID-19 kasunod ng pag-amin na umakyat ang positivity rate nito matapos ang paggunita ng mga Pilipino sa Semana Santa.

Sinabi ni DOH Officer-in-charge Maria Rosario Vergeire na naitala na sa 7.6% ang positivity rate mula sa 6.9% noong nakaraang linggo. Lagpas ito sa ‘threshold’ o pamantayan na 5% na itinakda ng World Health Organization (WHO).

Ani Vergeire, mula 274 average na kaso kada araw ay nasa 371 na ito.

Ngunit handang-handa umano ang health system ng bansa para sa panibagong surge kung mangyayari man ito. Ito ay dahil sa maayos nang sistema na naitakda sa mga pagamutan, dagdag na kaalaman ng mga healthcare workers at presensya ng mga bakuna at gamot.

Hindi rin umano dapat gamitin ang positivity rate sa antas na sitwasyon sa COVID-19 sa bansa.

Ipinaliwanag niya na mababa ngayon ang demand sa laboratory testing dahil sa marami sa mga tao ay gumagamit ng antigen testing o nagsi-self isolate na lang kapag nakaramdam ng sama ng pakiramdam. (Daris Jose)

Teves, hari-harian sa Negros Oriental – Mayor Degamo

Posted on: April 20th, 2023 by @peoplesbalita No Comments

INILAHAD ni Pamplona Mayor Janice Degamo ang ginagawang paghahari-harian ni suspended Cong. Arnolfo Teves Jr., at kanyang mga kaanak sa kanilang lalawigan sa Negros Oriental.

Sa pagdinig ng Senado patungkol sa pagpaslang kay Negros Oriental Gov. Roel Degamo, direktang itinuturo ni Mayor Degamo si Teves na may kinalaman sa mga nangyayaring patayan sa kanilang probinsya

Ipinakita ni Mayor Degamo ang listahan ng 49 na mga biktima ng pagpatay sa Negros Oriental mula 2007 at ang mga kasong ito ay konektado dahil lumalabas sa ilang mga kaso na pareho ang suspek sa pagpaslang patunay na may private armed groups ang mga Teves.

Bukod dito, kinatatakutan din ang pamilya sa kanilang lugar dahil kapag ang mga Teves ang kalaban at inireklamo walang abogadong gustong tumanggap sa kaso at minsan pa aniya ang piskalya pa ang magrerekomenda na huwag nang ituloy ang reklamo.

Maging ang Department of Agrarian Reform (DAR), Department of Environment of Natural Resources (DENR) at Commission on Elections (COMELEC) sa kanilang lalawigan ay takot din sa mga Teves dahil sa pangamba na baka raw sila ay mapatay.

Ibinahagi rin ni Mayor Degamo ang impormasyon na tuloy pa rin ang iligal na e-sabong sa kanilang probinsya na minamanduhan ng anak ng kongresista na si Kurt Matthew Teves at may proteksyon mula kay dating Gov. Pryde Henry Teves.

Itinanggi naman ni dating. Gov. Pryde Teves ang akusasyon ng Alkalde at sinabi rin nitong nakapagsumite na siya ng waiver sa Department of Justice (DOJ) para masilip ang kanyang bank accounts upang patunayan na wala siyang iligal na aktibidad. (Daris Jose)

Bagong China FM Qin Gang, darating sa bansa para sa isang official visit

Posted on: April 20th, 2023 by @peoplesbalita No Comments

NAKATAKDANG dumating sa Pilipinas si Chinese State Councilor and Foreign Minister Qin Gang para sa isang official visit simula Abril 21 hanggang 23.

Ang biyahe ni Qin ay tugon sa imbitasyon ni Foreign Affairs Secretary Enrique Manalo.

Ang planong pagbisita ni Qin ay dahil na rin sa “troublesome time” sa pagitan ng China at Pilipinas.

Mapapalitan ng kani-kanilang pananaw ang dalawang lider ukol sa kinalabasan ng Philippines-China Foreign Ministry Consultations atBilateral Consultations Mechanism sa South China Sea na nangyari na back-to-back sa Maynila nitong Marso.

Sinabi pa ng DFA sakop ng magiging pag-uusap ang implementasyon ng mga kasunduan sa mataas na antas sa idinaos na pulong sa pagitan nina Pangulong Ferdinand R. Marcos Jr. at Chinese President Xi Jinping noong Enero4.

“In particular, both sides will discuss increasing and strengthening cooperation in the fields of agriculture, trade, energy, infrastructure, and people-to-people relations, among others,”ayon sa kalatas ng DFA.

Nauna rito, mahigpit na tinutulan ng China ang desisyon ng administrasyong Marcos na pagkalooban ang US military forces ng access sa karagdagang sites sa ilalim ng Enhanced Defense Cooperation Agreement (EDCA) sa northern Luzon, na ayon sa Chinese officials ay gagamitin lamang ng Estados Unidos para sa posibleng pakikialam sa Taiwan issue.

Samantala, tatlo sa apat na karagdagang lokasyon ng EDCA na nahaharap sa Taiwan ay ang Naval Base Camilo Osias sa Sta. Ana sa Cagayan province, Lal-lo Airport sa Cagayan, at Camp Melchos Dela Cruz sa Gamu , Isabela.

Ang pang-apat na site ay sa Balabac Island sa Palawan, ang Philippine island province na malapit sa pinagtatalunang Spratlys sa West Philippine Sea, kung saan ang China at Pilipinas ay mayroong matagal ng “overlapping claims.”

“Judging from the locations of the new military bases, the intention behind those sites is more than obvious,” ayon sa Chinese Foreign Ministry.

Ang inisyal na limang predetermined EDCA sites ay matatagpuan sa Antonio Bautista Air Base sa Palawan – malapit sa pinagtatalunang South China Sea – Basa Air Base sa Pampanga, Fort Magsaysay sa Nueva Ecija, Mactan-Benito Ebuen Air Base sa Cebu at Lumbia Air Base sa Cagayan de Oro City. (Daris Jose)

Credit card scam may bagong modus – BSP

Posted on: April 20th, 2023 by @peoplesbalita No Comments

MULING nagbigay paalala ang Bangko Sentral ng Pilipinas (BSP) na mag-ingat sa credit card scam makaraang matukoy ang mga panibagong modus ng mga scammers sa kanilang mga biktima.

Paalala ng BSP na i-check kung may mga palatandaan ng scam tulad ng tatawagan ka ng nagpapanggap na kinatawan ng credit card company at sasabihin na hindi na sila naglalabas ng card na may numero sa harap at likod.

Bantayan din kung tatanungin nila kung nagagamit mo pa ang credit card mo dahil ito ay naka-deactivate na at sasabihin din nilang ipadadala lang nila ang bago mong credit card kapag ibinigay mo ang iyong kasalukuyang credit card details.

Payo rin ng BSP na huwag ibigay ang mga detalye ng iyong credit card tulad ng number, expiry date, at card verification value (CVV).

“Tandaan, hindi tatawag, mag-tetext, o mag-e-email sa inyo ang bangko, credit card issuer, o financial institution para humingi o magpa-update ng iyong personal at bank account details,” ayon sa BSP.

Pinayuhan ang mga credit card holders na kung may tanong o reklamo tungkol sa account, agad na makipag-ugnayan sa credit card issuer o bangko. Kung nasangkot sa scam, maaari ring makipag-ugnayan sa Philippine National Police (PNP) o sa National Bureau of Investigation (NBI) para maimbestigahan at makasuhan ang mga scammer. (Daris Jose)

Austria, bukas para mag-hire ng 200,000 Filipino sa darating na taon

Posted on: April 20th, 2023 by @peoplesbalita No Comments

LOOKING forward ang Austrian government na tumanggap ng mas maraming Filipino worker, dahil sa mahigit sa 200,000 job openings ang magiging available sa mga darating na taon.

Sa isang joint statement ng Department of Migrant Workers at Austrian Delegation on the Hiring of Filipino Workers for Austria, kailangan ng bansa ng 75,000 healthcare workers mula sa 60,000 na may karagdagang 200,000 job openings sa lahat ng industriya.

“Our partnership with the Philippine government through the DMW will create a win-win situation, providing employment opportunities for skilled Filipino workers while contributing to the growth of Austria’s economy,” ayon kay Austrian Ambassador to the Philippines Johann Brieger.

Samantala, sinabi ni DMW Secretary Susan Ople na kailangang lagdaan ang isang memorandum of agreement kasama ang Austrian government sa planong mag-hire ng mga Filipino worker.

“Upon the advice of the Department of Foreign Affairs, we would need to sign a Memorandum of Understanding to set the tone and define the parameters of our partnership with the Austrian Federal Economic Chamber and the Federal State of Vienna,” ani Ople.

Ayon kay Ople, ang Pilipinas at Austria ay kapuwa nabibilang sa Tier 1 category sa US State Department’s Trafficking in Persons Report, nangangahulugan na mayroon ang mga ito ng sapat na mekanismo at batas para mapigilan ang human trafficking.

Makikita naman sa data ng DMW na mayroong 5,824 overseas Filipino workers sa Austria, kung saan 1,220 sa mga ito ay nagtatrabaho sa “hospitality at food service sector, at 749 sa health at social work service. (Daris Jose)