MATAPANG na tumatalakay sa isyu ng mental health at suicide ang isa sa official entry sa Summer Metro Manila Film Festival na “Unravel” mula sa MavX Productions at kunsaan, kinunan buo sa Switzerland.

First time na pinagtatambalan ito nina Kylie Padilla at Gerald Anderson. At hindi itinanggi ni Kylie na siya mismo, dumaan din sa mental health issue. Inamin din niya na kinailangan din niyang kumonsulta ng professional help, lalo na sa mga pinagdaanan niya.

“Yes, I have… actually, I was diagnosed with post-partum depression and anxiety pagkatapos kong manganak sa pangalawa,” pag-amin niya.

“So I understand so much, ‘yung pinagdadaanan nila. And also, natutunan ko do’n, whenever you feel na you’re in a place na medyo dark, do’n ka dapat mag-speak-up lalo.

“Humingi ka ng tulong sa experts. Kasi, ‘yun ang chance to connect more. And I think, if ever na may message man, I think, that’s the message.”

At ito rin daw ang dahilan kung bakit nga tinanggap agad ni Kylie ang pelikula na kinuhanan buo sa Switzerland at mula sa MavX Productions.

Sabi pa niya, “That’s why I said yes sa movie, kasi, ‘yun ang gusto kong maramdaman ng mga tao na if ever you’re in his place, ask for help, connect with the people around you.

“We’re all humans and that’s something we experience together. Lahat tayo, we’ll go through it. Sana maalala natin na hindi tayo nag-iisa sa buhay.”

***

FIRST time pa lang pala na tumanggap ni Enchong Dee ng gay role.

At ito ay sa Summer Metro Manila Film Festival na “Here Comes The Groom” ng Quantum Films, Cineko Productions at Brightlight Productions.

It turns out, ang husay pala ni Enchong na gumanap ng isang gay, sa movie nga, transwoman pa bilang nagkapalit sila ng katawan ni KaladKaren or ni Jervi Li.

Sabi niya kung bakit daw siya tumanggap na ng gay role, “Bale po kasi, may mga pangyayari sa buhay natin na unexpected. Na akala ko, kapag meron nangyari sa buhay ko at nawala ‘yung mga bagay na ‘yon, I will be broken, I will be shattered, pero na-realize ko na when things started to change and fall, it was not bad.

“And na-realize ko na, okay, since nandito na ako sa situwasyon na ‘to ngayon at lalo na sa taong ito ngayon, I wanted to surprise my audience.

“I wanted to do something new to my audience that they will appreciate my craft and they will look at me as an actor and not someone who’s holding on sa past.”

Paulit-ulit na binabanggit ni Enchong ang “past” pero nang tanungin ito kung ano nga ang tungkol dito, sinabi na lang niya na, “Sigurado po ako na alam niyo kung ano ang nangyari sa past.”

Ang naiisip ng ilang press na um-attend ng premiere night ng “Here Comes the Groom” ay ang legal battle ni Enchong sa isang politician.

Sa isang banda, kahit ang director ng movie na si Direk Chris Martinez ay talagang hindi rin daw makapaniwala nang malaman na tinanggap ng ani Enchong ang movie kaya tuwang-tuwa raw siya.

(ROSE GARCIA)

SA mediacon na ginanap sa Kamuning Bakery, litaw na litaw pa rin kaguwapuhan ni Carlo Aquino na bida sa “Love You Long Time” na kung saan makatatambal niya ang baguhang young actress na si Eisel Serrano.

Infairness, parang hindi tumatanda ang 37 years old na award-winning actor at celebrity endorser ng Beautederm, kaya hindi nalalayo ang hitsura niya kay Eisel na 24 years old naman.

Inamin ni Eisel na noong bata pa siya ang unang pelikula ng kanyang leading man na napanood niya ay ‘Kokey’ na kung saan child star pa lang si Carlo. Kaya reaction ng aktor, sobrang tagal na noon, nakakakita pa raw siya ng alien.

Pag-amin pa ng young star, bata pa lang siya ay hinahangaan na niya si Carlo at na-starstruck talaga siya nang una niya itong makita.

“Friendly siya at very sweet. Kaya hindi ko in-expect na magiging matalik na kaibigan. Nakakapag-usap po kami sa chat at natatawagan ko rin, ganun po.”

Dagdag pa ni Eisel dapat minamahal ang mga nakakapareha sa pelikula pero di kailangang umabot sa relasyon, “minahal ko pa ang pagkatao ni Carlo dahil importante na siya. This is my first film, kaya mas kinilala ko pa siya.”

Opinyon naman ni Carlo, “mas maganda talaga na magbibigay ka ng pag-ibig kahit kanino. Masarap ang feeling din na pagkita kayo ulit ng nakatrabaho mo, ‘yun ang maalala niya sa ‘yo. Na nagbigay ka ng pagmamahal sa kanya.”

Nagduda pa raw siya noong mabasa niya ang script dahil baka hindi niya mabigyan ng justice. Kaya pinag-aralan niyang mabuti ang role.

Say naman ni Carlo na pabata nang pabata ang nagiging ka-partner niya.

“Siyempre happy, saka kailangan ko nga trabaho, dahil may anak na ako,” natatawang sagot niya.

“Pero thankful din ako na dahil sa pandemic, dumami ang gumagawa ng pelikula na hindi mo iisiping gagawa sila ng pelikula. Nagkakaroon tuloy ng chance ang mga bago at mga luma na makapagtrabaho.”

Samantala sa trailer ng movie, nakalagay sa caption na, “In a world full of noise, they found each other’s signal,” na parang tinutukso ang premise ng pelikula.

Gaya ng inilalarawan sa dalawang minutong trailer, umiikot ang pelikula kina Uly (Aquino) at Ikay (Serrano), na biglaang “nagkrus ang landas” sa pamamagitan ng kanilang mga walkie-talkie, dahil magkapareho sila ng frequency.

Sa paglipas ng panahon, nagsimula silang mag-usap nang mas madalas hanggang sa wakas ay nagpasya silang magkita.

Gayunpaman, ang clip ay nag-iiwan sa mga manonood na nagtataka kung ang dalawa ay talagang magkikita at kung paano ang kanilang kuwento ay magsisimula.

Mula sa direksyon ni JP Habac, ang “Love You Long Time” ay isa sa opisyal na entry sa 1st Summer Metro Manila Film Festival na may theme na “Tuloy-Tuloy Ang Saya.”

Produced by Studio Three Sixty PH, ang pelikula ay mapapanood na sa mga sinehan simula Abril 8 at magtatapos sa April 18.

Bago magsimula ang film festival, tiyak na aabangan ang Parade of Stars sa April 2, Linggo ng Palaspas, na magsisimula ng ika-4 ng hapon na mag-uumpisa sa may Villa Beatriz, Commonwealth Avenue, Quezon City, at magtatapos sa Quezon Memorial Circle.

(ROHN ROMULO)