2023 March Archive - People's Balita

Archive for March, 2023

‘Di pinalampas ang pambabastos ng netizen: BELA, nilinaw na walang inisnab sa concert ni HARRY STYLES

Posted on: March 17th, 2023 by @peoplesbalita No Comments

PINATULAN at hindi pinalampas ni Bela Padilla ang pambabastos ng isang netizen dahil daw sa pang-iisnab niya sa mga taong gustong magpa-picture sa concert ni Harry Styles.

Very vocal ang aktres at direktor na fan siya ng international artist at dating member ng One Direction, kaya nag-watch siya ng concert noong Martes, March 14 sa Phil. Arena.

Tweet nga ng netizen, “Super nakaka-disappoint si bela padilla kagabi huhu she was such a c*nt”

Sa isa pang tweet, “Bago pa kami magpa-picture POLITELY AND WE WERE SO HAPPY TO SEE HER TOO), bago pa kami lumapit sa kanya nakatayo lang kami ng friend ko sa gilid niya, pinapanood kung paano siya mang-irap at mairita sa mga nag-approach sa kanya.”

Kinontra naman ni Bela ang akusasyon sa kanya ng netizen.

Sagot ng aktres, “Such a lie. I took photos with soooo many people. you must’ve treated me a certain way. Also, don’t call people c*nts with no context.

“May I remind you, I’m a fan who paid for my ticket with NO obligation to take photos with people who treat me rudely.”

Paglilinaw pa ni Bela, kasama ang screenshot ng mga tweets ng netizen.

“Pangit mo ka-bonding. Wala akong inirapan, kahit isa, imbento. Isa ka sa isang libong ‘di napagbigyan [na magpa-picture],” komento ng aktres.

Dagdag pa baguhang direktor, “If I didn’t TYWK (treat you with kindness), it was probably because you shoved your phone in my face.”

Dagdag paliwanag pa ni m Bela, “I gave away tickets because I didn’t think I’d be here. Luckily I had to extend. I went there at 3 pm cause I drove myself, a friend and a fan.

“Took photos with guards, fans, vendors since 3. If you caught me at 6 onwards, I was tired. I’m a fan wanting to dance too and I did.”

“Now, if you asked me to take a photo while I was clearly talking to my 4 friends that I met there, I would’ve replied “sorry were talking, let’s take it later.”

“The people around me can attest to that, any thing you add on, will be mostly fabricated. I went to a concert, PERIOD.”

Kaya sabad naman ng isang netizen para kay Bela, “You should never have to explain yourself, after all you’re a fan too and you were so kind having to giveaway A LOT of tickets. Luv u!!”

Paglilinaw pa ng aktres na noong tinanong siya ng mga ito kung pwede magpa-picture ay may karapatan siyang magsabi ng “no”.

“We literally didn’t cause why would we??? I was standing just near you for a good amount of time and i was actually so giddy that wow she really is here. AND girl please you were rolling your eyes at every people who approached you,” ayon savnetizen.

“Hindi ko ugali mang-irap,” sagit niya. “When I’m stressed or tired, I stop smiling, but I don’t roll my eyes. That’s so not me. Look, you can’t even say this from your real account where you can be held accountable.”

“Girl, ask the 4 people I was with if I rolled my eyes EVER. Hindi ko ugali mangirap. When I’m stressed or tired, I stop smiling, but I don’t roll my eyes. That’s so not me. Look, you can’t even say this from your real account where you can be held accountable.”

Matapos nga ang palitan ng tweet mukhang natauhan ang netizen at binura na rin ang kanyang tweet. Humingi rin daw ito ng dispensa kay Bela.

“Because you deleted your original post and went private (and apologised personally, which I appreciate…) I will delete my replies to you.

“TPWK and again, be mindful of your words,” say pa ni Bela na binura na rin ang iba pa niyang tweet.

(ROHN ROMULO)

Foreign tourist arrivals sa Pinas, pumalo sa mahigit 1 milyon —DOT

Posted on: March 17th, 2023 by @peoplesbalita No Comments

MAHIGIT isang milyon na international travelers ang dumating sa Pilipinas sa unang tatlong buwan ng 2023.

Sinabi ni Department of Tourism (DOT) Secretary Christina Frasco na nakikini-kinita na niya ang pagbangon ng tourism sector dahil 1,152,590 international tourists ang bumita sa bansa “as of March 15, 2023.”

“In less than three months, we have logged more than a million visitors into the Philippines,” ani Frasco sa kanyang naging talumpati sa National Tourism Development Plan (NTDP) 2023-2028 Tourism Stakeholders’ National Summit sa Maynila.

“The country is well on its way to tourism recovery. These figures build our confidence that we will, again, exceed our targets this year that we set at 4.8 million international arrivals and we fully foresee the full recovery of domestic recovery this year,” dagdag na wika ni Frasco.

Sinabi pa ng Kalihim na magsisilbi ito bilang blueprint para sa estratehiya sa kung paano balak ituloy at palaguin ng DOT ang epekto ng turismo sa ekonomiya sa susunod na mga taon.

Magsisilbi rin aniya itong “guidebook” ng industriya kung saan ang DOT ay “put in place mechanisms of sustainability for many, many years to come”.

Sa ilalim ng NTDP, binalangkas ng DOT ang 7 mga layunin para sa susunod na limang taon para i-improve ang sektor.

Kabilang na rito ang “improvement of tourism infrastructure and accessibility; cohesive and comprehensive digitalization and connectivity; at enhancement of the overall tourist experience.”

Kasama rin ang “equalization of tourism product development and promotion; diversification of portfolio through multidimensional tourism; maximization of domestic and international tourism; at strengthening tourism governance through close collaborations with national and local stakeholders.”

Binanggit din ng Kalihim ang ilang hakbang na tinitingnan ng DOT para ipatupad gaya ng paglulunsad ng “tourist lifecycle” mobile application na makapagbibigay ng impormasyon ukol sa destinasyon sa bansa.

Plano ng DOT na magtatag ng tourist assistance call center at magsanay ng 100,000 Filipino tourism workers.

Samantala, nakatakda namang pormal na isumite ng DOT ang NTDP 2023-2028 kay Pangulong Ferdinand Marcos Jr. para sa final approval nito. (Daris Jose)

PBBM, pinangunahan ang 2 groundbreaking rites para sa 20K housing units para sa mga residente ng CamSur

Posted on: March 17th, 2023 by @peoplesbalita No Comments

PINANGUNAHAN ni Pangulong Ferdinand R. Marcos Jr. ang dalawang groundbreaking ceremonies para sa pagtatayo ng mahigit sa 20,000 housing units para sa mga residente ng Camarines Sur bilang bahagi ng Pambansang Pabahay Para sa Pilipino (4PH) Program ng gobyerno.

“Isa po ito sa mga proyekto ng aking administrasyon na nakaangkla sa ating layunin na mabigyan ng komportable, maayos, at disenteng buhay ang lahat ng ating kababayan,” ayon kay Pangulong Marcos sa groundbreaking para sa pagtatayo ng housing units sa Panganiban Drive sa Naga City.

“Ang pagkakaroon ng sariling bahay ay pangarap ng lahat ng Pilipino na nais magkaroon ng isang lugar kung saan sila makakapagsimula ng bagong kabanata ng kanilang buhay,” ayon sa Pangulo.

Ito ang unang housing project sa ilalim ng 4PH program na pinasok ng Department of Human Settlements and Urban Development (DHSUD) kasama ang provincial government.

Layon ng 4PH Project ng CamSur na magtayo ng limang residential towers na mayroong 11,880 housing units sa 6-ektaryang lupain sa Panganiban Drive, Naga City. Magtatayo rin ng apat na commercial buildings sa palibot ng residential towers.

Layon naman ng administrasyon ayon sa Pangulo na magtayo ng isang milyong bahay kada taon sa ilalim ng kanyang six-year term bilang halal na Pangulo ng bansa.

Ito’y upang bigyan ng disenteng tirahan ang mga tao at matugunan ang 6 milyong housing backlog sa bansa.

“Lahat ito nais natin paabutin ng anim na milyon na bagong pabahay dahil ‘pag pinag-aaralan natin ang housing sa Pilipinas, ‘yan ang numerong lumalabas na kulang na pabahay para sa ating mga kababayan,” ang wika ng Pangulo.

Maliban sa pagbibigay ng bahay sa ilalim ng nasabing proyekto, magkakaroon din ng access ang mga residente sa mga pangunahin at mahahalagang pasilidad gaya ng eskuwelahan, pamilihian, medical facilities at maging sa livelihood infrastructure.

Sa kabilang dako, nanawagan naman ang Punong Ehekutibo sa iba’t ibang ahensiya ng pamahalaan, construction companies, private financial institutions at iba pang katuwang na sundin ang “rules and regulations” ng gobyerno sa pagsasakatuparan ng kanilang mga proyekto.

Iniulat naman ng mga housing officials na “as of March 13” ngayong taon, nilagdaan ng DHSUD ang 83 memoranda of understanding (MOU) at apat na memoranda of agreement (MOA) kasama ang local government units (LGUs) sa buong bansa.

At bilang resulta ng inisyatiba, isinagawa ang groundbreaking ceremonies sa 17 LGUs sa buong bansa.

Sa ilalim MOU, magsasanib-puwersa ang DHSUD at ang government financial institutions para sa “funding strategies at alokasyon ng financial, technical at operational resources.

Sa ngayon, naglaan ang Pag-IBIG Fund ng P250 billion para sa 4PH project.

Samantala, kasama naman ng Pangulo sina DHSUD Secretary Jose Rizalino Acuzar, Camarines Sur Gov. Vincenzo Renato Luigi Reyes Villafuerte, Camarines Sur 2nd District Rep. Luis Raymond Villafuerte, Camarines Sur 5th District Rep. Miguel Luis Villafuerte at maging ang mga miyembro ng Gabinete at iba pang lokal na opisyal. (Daris Jose)

Ads March 17, 2023

Posted on: March 17th, 2023 by @peoplesbalita No Comments

Ads March 16, 2023

Posted on: March 16th, 2023 by @peoplesbalita No Comments

adsmar_162023

Administrasyon ni PBBM, palalakasin ang mga kababaihan sa pamamagitan ng ICT education, skills training – DICT

Posted on: March 16th, 2023 by @peoplesbalita No Comments

MAYROONG mga programa ang administrasyong Marcos na naglalayong turuan at paghusayin ang kasanayan ng mga kababaihang Filipina ukol sa information and communications technology (ICT).

Isang paraan ito upang mabigyan ng kapangyarihan ang mga kababaihang Filipina, ayon kay Patricia Nicole Uy, head executive assistant (HEA) ng Kalihim ng Department of Information and Communications Technology (DICT), tumayong kinatawan ng 67th session ng United Nations Commission on the Status of Women (CSW67) sa New York.

Sa isang kalatas sa idinaos na UNCSW67 Interactive Dialogue with Youth Representatives on the Priority Theme, sinabi ni Uy na nakompleto kamakailan ng Pilipinas ang first-ever national survey na naglalayong makalikha ng baseline data ukol sa “access, use at skills” ng mga kababaihan sa ICT.

“It identified where women are currently underrepresented in the ICT sector and tailor our efforts accordingly. We also launched the Digital Innovation for Women Advancement Program,” ani Uy sabay sabing noong nakaraang taon, nagsanay ang pamahalaan ng 94,000 kababaihan sa 1,100 capability development activities gaya ng web at software development, blockchain at cybersecurity.

“As we move forward, we will continue to work to ensure that everyone, regardless of their circumstances, has access to the opportunities that digitalization can offer. With a focus on inclusivity and accountability, we hope to continue to serve the Filipino youth and women by empowering them in this new digital world,” dagdag na pahayag ni Uy.

At para ma-improve ang digital literacy, sinabi ni Uy na ang DICT ay ng-aalok ng ICT training, programming para sa mga bata, physical at online learning platforms at cybersecurity certifications at maging ang pagpapasa, pag-aabot o pagbibigay ng laptops at tablets.

Sa kabila ng napakalaking benepisyo ng digitalisasyon, madalas na hindi ito nagagamit lalo na sa mga bansang may mababang antas ng digital literacy.

Binigyang halimbawa ni Uy ang Pilipinas kung saan mayroong 82.7% ng populasyon ang mayroong Facebook account, tanging 8% lamang ng mga Filipino na may edad na 15 pataas ang mayroong basic ICT skills.

“Those exposed to social media at a young age tend to follow trends blindly, due to the ‘Fear Of Missing Out’ which usually leads to personal data being collected without their knowledge,” ayon kay Uy.

“Therefore, it is crucial not only to provide access to technology but also to educate users on how to use it safely and responsibly,” dagdag na wika ni Uy.

Tinukoy pa ni Uy na may 53.7% ng Filipino Facebook users ay mga kababaihan at “at a higher risk of experiencing various forms of abuse” gaya ng sexual harassment at cyberbullying, pinagtibay ang kahalagahan ng pagpo-promote ng “safe at inclusive digital spaces.”

Samantala, ang United Nations Observance ng IWD, sa ilalim ng temang “DigitALL: Innovation and technology for gender equality”, kinikilala at ipinagdiriwang ang tagumpay ng mga kababaihan pagdating sa pagsusulong ng “transformative technology at digital education.”

“The observance explores the impact of the digital gender gap on widening economic and social inequalities, and it will also spotlight the importance of protecting the rights of women and girls in digital spaces and addressing online and ICT-facilitated gender-based violence.,” ayon sa ulat. (BISHOP JESUS “JEMBA” M. BASCO)

Dahil nasa crucial age pa ang anak na si Night: RYZA, nahihirapang umalis kaya inaral kung paano tumakas

Posted on: March 16th, 2023 by @peoplesbalita No Comments

NEXT chapter na ang pitong taong relasyon nina Ejay Falcon at Jana Roxas.

Pero ayon kay Ejay, sa March 25 na nga ang kasal nila at sa may Taguig nila ito gagawin.

Kahit na Bise-Gobernardor ng Mindoro, sa Manila na raw nila piniling magpakasal.

Ayon dito, “Mahihirapan kasi kapag ‘yung mga galing ng Manila ang pupunta ng Mindoro. Kakailanganin din na sumakay pa ng barko. ‘Yung mga taga-Mindoro naman, okay sa kanila na sa Manila, excited silang magpunta.”

Hindi muna nagbanggit ng mga pangalan si Ejay sa mga napili nilang ninong at ninang sa kasal, gayundin sa mga entourage. Ang sabi niya lang, “May mga sponsors na galing sa public servant, meron din mga artista rin. May mga abay rin po ako na naka-work dati.”

Pero ang sinigurado nito, si Joseph Marco ay isa sa mga abay niya. At ‘di malayong ang mga kaibigan din n’ya na sina Jake Cuenca at Aljur Abrenica.

***

“MEDYO,” pa rin ang natatawang sagot ni Ryza Cenon nang tanungin namin kung full blast na ang pagbabalik niyang muli sa pag-arte.

Halos tatlong taon din siyang masasabing namahinga at nag-focus sa pagpapalaki ng kanyang anak sa partner na si Miguel Cruz na si Night.

Pero sey niya rin, “Papunta na po do’n. Kasi, sinimulan sa mga guesting muna. Kasi nga, medyo ‘yung age kasi ni Night, medyo crucial pa. Ang hirap pang tumakas, so medyo nakikipaglaban ka talaga sa kanya.

“So, ang hirap umalis ng bahay kapag gano’n ang situation. Pero ngayon, medyo naaaral ko na kung paano tumakas. Ha ha ha! Nama-master ko na siya.”

Ngayong mommy na siya, magkakaroon na siya ng mga limitasyon?

“Well, sabi ko nga po sa interview, hindi naman limitation pero depende sa story. Kung hinihingi ng istorya na magpa-sexy ka, bakit hindi naman?

“Like sa ‘Manananggal’, hinihingi ng istorya. Hindi siya makakapag-transform kung hindi siya magma-masturbate, so gagawin ko siya kasi kailangan.

“Pero ‘yung pa-sexy lang talaga, tapos walang istorya, ay, pass na po ako ro’n,” sey niya.

Sa isang banda, palabas na sa mga sinehan ang “Kunwari… Mahal Kita” na pelikula niya with Joseph Marco at may bago siyang teleserye, ang “Kurdapya” ng TV5.

(ROSE GARCIA)

DOTr gusto ibaba sa P9 minimum na pasahe sa jeep

Posted on: March 16th, 2023 by @peoplesbalita No Comments

IMINUNGKAHI ng Department of Transportation (DOTr) ang ilang diskwento sa pamasahe ng mga pampublikong transportasyon gaya ng jeep, bus at UV Express — pero pansamantala lang ito kapalit ng pagtanggal ng “Libreng Sakay” sa EDSA Carousel.

Martes nang ibalita ito ng GMA News, bagay na base raw sa memorandum ng DOTr sa Land Transportation, Franchising and Regulatory Board.

“Pre-pandemic fare matrix will be applied and the provisional fare increases implemented will be covered accordingly by the government,” wika ni Transport Secretary Jaime Bautista sa memo na isinumite kay LTFRB chairperson Teofilo Guadiz III.

Gustong ibaba sa P9 ang minimum na pamasahe, mula sa kasalukuyang P12, sa mga tradisyunal na jeepney habang gusto namang ibaba sa P11 ang ngayo’y P14 minimum sa modern minibuses.

Tinitingnan ngayon ang P3 hanggang P4 diskwento para sa mga bus habang inaaral pa ang discount fare para sa mga UV Express.

Ang lahat ng ito ay nangyayari habang nakabinbin pa rin ang posibleng phaseout ng mga tradisyunal na jeepney at UV Express matapos ang Disyembre 2023.

Matatandaang hininto ng Manibela at Piston ang kanilang tigil-pasada matapos ipangako ng gobyerno na aaralin nila ang posibleng pagrebyu ng PUV modernization program.

“Ang ikokonsidera dito ay yung mga ruta sa buong bansa na pinakamarami ang pasahero,” sabi naman ni Transport Undersecretary Mark Steven Pastor.

Sa ngayon, nakikitang ititigil ito kapag naubos na ang P2 bilyong pondo para sana sa service contracting program ng LTFRB para sa 2023. Hindi pa naman tiyak sa ngayon kung kailan ipatutupad ang mga nasabing discounted fares.

Coach Yeng Guiao nananahimik

Posted on: March 16th, 2023 by @peoplesbalita No Comments

SA pamantayan ng nakakakilala kay Yeng Guiao, behaved na ang maingay na coach habang minamanduhan ang Team Scottie kontra Team Japeth sa PBA All-Star Game sa Iloilo nitong Linggo.

Kinabitan ng mic sa buong first half ang tactician kaya dinig ang bawat salita.

“Ang hirap magpigil,” nakangiting bulalas ni Guiao. “Wala tuloy mura.”

May isang pagkakataon na nasinghalan niya ang game official.

“Ref, All-Star na nga ‘to mali ka pa rin,” singhal niya na umani ng tawa sa mga nakadinig sa City of Passi Arena.

Pinapatay ng 4-point shooting ni Paul Lee ang Team Scottie, may sundot pa ang veteran mentor.

“Kunin mo si Paul,” ani Guiao kay Mark Barroca nang ipasok kapalit ni Marcio Lassiter. “Tirahin mo, ha.”

Nang ipasok muli si Lee, si Kevin Alas naman ang itinoka niya:
“Sa ‘yo ‘yan, tirahin mo.”

Nagkaroon ng ilang tsansa ang Team Scottie na tumabla mula sa 4-point line sa final seconds pero ayaw pumasok ng mga tira nina Scottie Thompson at CJ Perez.

Masaya lang ang laro, alam ng lahat na nagbibiro ang coach.

“Malas!” sigaw ni Guiao pagtunog ng final buzzer ng 140-136 win ng Team Japeth. (CARD)

PH, nakapagtala ng ‘biggest trade deficit’ mula ng nakalipas na 5 buwan

Posted on: March 16th, 2023 by @peoplesbalita No Comments

LUMAWAK pa ang trade deficit sa $5.74 billion noong Enero ng kasalukuyang taon matapos na malampasan ng importasyon ang exports ng bansa base sa data mula sa Philippine Statistics Authority (PSA).

Ito ang biggest trade deficit mula noong agosto ng nakalipas na taon na nakapagtala ng monthly deficit na $6 billion.

Tumaas ang trade gap ng bansa sa 27.2% noong Enero kumpara sa pagbaba na naitala noong nakalipas na buwan na 11.9% at pagtaas naman ng 57% noong Enero 2022.

Bunsod nito, pumalo ang external trade noong Enero sa $16 billion na bumaba ng 2.4%.

Ayon pa sa data ng PSA ang kabuuang exports sale ng bansa ay umakyat ng $5.23 billion habang ang imports naman ay lumago ng 3.9% na nasa $10.97 billion.

Ang pangunahing export partners ng bansa ay ang Japan, US, China, Hong Kong, Singapore, Thailand, Korea, Germany, Netherlands at Taiwan habang ang mga import ng bansa ay pangunahing nanggagaling sa China, Indonesia, Jaan, Korea, the US, Singapore, Thailand, Malaysia, Taiwan at Vietnam.