2023 February Archive - People's Balita

Archive for February, 2023

123 aftershocks niyanig ang lalawigan ng Masbate

Posted on: February 17th, 2023 by @peoplesbalita No Comments

PATULOY na nakakapagtala ng mga aftershocks ang National Disaster Risk Reduction and Management Council (NDRRMC) sa lalawigan ng Masbate.

Ito ay kasunod pa rin ng pagtama ng magnitude 6.0 na lindol doon kaninang madaling araw.

Sa ulat ng kagawaran, as of 12:00 ng tanghali ay pumalo na sa 123 ang bilang ng mga aftershocks na yumanig sa naturang lalawigan.

Nasa 44 dito ang naitala bilang plotted earthquakes, habang nasa 13 naman ang naramdaman.

Anila, ang naturang mga aftershocks ay mayroong lakas na 1.5 hanggang 4.2 na magnitude.

Samantala, sa ngayon ay wala pa namang naitatalang major damages ang National Disaster Risk Reduction and Management Council sa Masbate na niyanig ng lindol ngunit nagpapatuloy pa rin anila ang ginagawang assessment ng local disaster response units hinggil sa mga pinsalang tinamo ng nasabing lalawigan.

Habang suspendido na rin naman ang lahat ng mga klase at trabaho sa buong Masbate bilang bahagi pa rin ng pag-iingat. (Daris Jose)

Pagkuha ng PhD sa UP, pangako sa ina: ALFRED, kinakiligan nang namigay ng roses noong V-Day

Posted on: February 17th, 2023 by @peoplesbalita No Comments

MARAMING kinilig sa ginawa ng aktor at Quezon City Councilor na si Alfred Vargas noong Araw ng mga Puso, February 14 na kung saan bumisita siya sa University of the Philippines para mag-enroll sa UP School of Urban and Regional Planning para sa kanyang Doctorate degree on urban planning.

Nakuha ngang magpakilig ang isa sa kinilalang TV heartthrob at matinee idol dahil matapos niyang mag-enroll ay nagsimula siyang maglibot sa campus para mamigay ng red roses sa mga kababaihan na kilabibilangan ng mga kapwa estudyante, ilang guro at staff din ng UP.

Ayon sa Instagram reel post ni Konsi Alfred may caption ito na, “Met so many lovely people in UP Diliman during enrollment… So I thought of giving them roses for V-day Happy V-day, everyone!”

“BTW, I got my form 5 na! Thank you, UP!”

Ayon pa sa paniniwala ni Alfred na makakasama sina Nora Aunor at Gina Alajar sa ‘Pieta’, hindi lang dapat sa Araw ng mga Puso dapat ipinapakita ang ating pagmamahal sa mga babae sa buhay natin. Dahil araw-araw ay deserve ng ating mga nanay, asawa, kapatid, kaklase, iniirog na makatanggap ng ating appreciation, kahit sa mumunting paraan, tulad ng pagbibigay ng bulaklak o ano mang regalo na magpapasaya sa kanila.

Kaya naman ‘di naitago ang pagkakilig at pagkagulat sa ginawang pambubulaga at sweet gesture ni Konsi Alfred. Na ang Ilan at ‘di pinalampas na nagpakuha ng picture o magpa-selfie sa guwapong aktor at pulitiko.

Mayroon na ngang Master’s Degree in Public Administration si Alfred mula sa University of the Philippines National College of Public Administration and Governance at nasa plano niya ang mag-PhD sa Urban Planning.
Pangako rin niya ito sa kanyang yumaong ina na si Atty. Susana “Ching” Dumlao Vargas. Sa minamahal niyang ina natutunan ang pagpupursige sa pag-aaral at ang pagpapahalaga sa tunay na kahulugan ng serbisyon publiko.

Pagbabahagi pa ni Alfred, “Yes, after finishing my masters in public ad in UPNCPAG in 2021, I took the entrance exam of the college last year naman (2022). I passed it, and I am now pursuing my PhD in UPSURP (UP School of Urban and Regional Planning)to become an urban planner.

“It’s a long journey which will probably take me 4-5 years coz I’ll first have to get my urban planning diploma for the first two years, then masters for urban planning for another year, then my PhD for another 1-2 years, depending on my schedule.

“I love being a student again. I get a lot of insights and wisdom from my profs and classmates which I can apply as public servant. Learning is an everyday process. It should never end. I think I’ll continue to study, study, and study until I’m a senior citizen!

“I finished AB Management Economics in Ateneo de Manila as my undergrad. Then finished my MPA in UPNCPAG. And I will do everything I can to get that PhD from UPSURP in the next few years.

“I feel so lucky to have had the chance to study in two of the best universities in our country.”

Active na active nga si Councilor Vargas sa social media na kung saan umabot na sa 500K followers niya sa TikTok para maabot ang kanyang constituents at makapagbigay tulong at impormasyon, ginagamit rin ni Alfred ang social media para makapagpasaya ng publiko.

***

NAGBIGAY nga ng statement ang Movie and Television and Classifcation Board regarding sa pelikulang ‘Plane’.

Ayon kay Chair Dionella Maria G. Sotto-Antonio:

“We acknowledge the sentiments expressed by our honorable Senators concerning the film, “Plane.” Although the film is fictional, we still would not want our country to be portrayed in a negative and inaccurate light. The MTRCB will re- evaluate the film in view of their concerns and will take all necessary measures if found to be in any way injurious to the prestige of the Philippines or its people.”

(ROHN ROMULO)

Pinas, malapit na sa rice self-sufficiency sa loob ng 2 taon kung ikakasa ang ‘major reorganization’- PBBM

Posted on: February 17th, 2023 by @peoplesbalita No Comments

NANINIWALA si Pangulong Ferdinand Marcos Jr. na malapit na ang bansa sa rice self-sufficiency sa loob ng dalawang taon kung ipatutupad ng gobyerno ang “major reorganization” sa ahensiya nito.

Ang pahayag na ito ng Pangulo ay kasunod ng pakikipagpulong sa mga opisyal ng Department of Agriculture (DA) at National Irrigation Administration (NIA) sa Palasyo ng Malakanyang.

“From that discussion, we have begun to put on the timetable of what are the things that we need to do. And sa aming calculation, kung magawa natin lahat ng kailangang gawin — kasi marami tayong kailangan ayusin, marami tayong ire-reorganize — pero kung magawa natin lahat ‘yan, we will be close to self-sufficiency for rice in two years,” ayon kay Pangulong Marcos.

“There’s a great deal of work to do pero nakikita na namin kung papaano gagawin. So that’s what we will work on for now,” dagdag na wika nito.

Sinabi pa ng Punong Ehekutibo na kailangan ng plano ng “cooperation, convergence, and coordination” kasama ang DA, NIA, Department of Public Works and Highways (DPWH), at National Economic and Development Authority (NEDA).

“So our next meeting will be that. Nandiyan na lahat ng mga concerned agency and we will present the timetable as to what needs to be done, what forms of coordination need to be done,” dagdag na wika nito.

Ayon sa Malakanyang, ang gobyerno ay nagpapatupad na ng estratehiya para itaas ang rice production, gaya ng “convincing irrigators associations (IA) and farmers to plant hybrid rice, adopting alternate wetting and drying as a water-saving technology for irrigated lands, harvesting in September during the wet season, and ratooning after the wet season harvest.”

Ang rice ratooning o sagibo ay ang pagpapatubo ng bagong suwi o uhay mula sa mga pinaggapasan ng pangunahing tanim o main crop at maging sa second crop ng palay.

Sa ratooning, hindi na kailangang dumaan pa sa paghahanda ng lupa, pamumunla, at pagtatanim, at mas kaunting pataba ang kailangan kaya mas matipid. Bukod dito, sa tag-ulan at tag-araw, maaari ring umani ng katumbas sa 20 hanggang 60 porsyento ng main crop. Mas mabilis din itong anihin dahil 45-60 araw lang matapos i-ratoon, ay maaari nang anihin.

Sinabi pa n Malakanyang na ang NIA ay may total investment pledge ng mahigit sa ₱1 trillion mula sa potential private partners, kung saan papayagan ang ahensiya na isulong ang irrigation projects nito ng walang restriksyon sa limitadong funding.

“As of Dec. 31, 2021, tinatayang may 2.04 million hectares (ha), o 65% potential irrigable area ng 3.13 million ha ng bansa ang na-develop. May 1.5 milyong magsasaka ang nakinabang dito.

Tinatayang may 1.09 million ha, o 35%, ng natitirang lugar ang nananatiling kailangang i-develop.

3 patay, 1 kritikal sa pamamaril ng kapitbahay sa Caloocan

Posted on: February 17th, 2023 by @peoplesbalita No Comments

NASAWI ang tatlong babae, kabilang ang 72-anyos na biyuda habang nasa kritikal naman na kalagayan ang asawa ng isa sa namatay matapos pagbabarilin ng kanilang kapitbahay sa Caloocan City, Miyerkules ng gabi.

Dead-on-the-spot sanhi ng tinamong mga tama ng bala sa katawan ang mga biktimang si Lourma Orbe, 72, at kanyang manugang na si Angelica Orbe, 39, kapwa ng No. 299 Gen. Luna St. Brgy. 10, habang dead-on-arrival naman sa Caloocan City Medical Center (CCMC) ang kanilang kapitbahay na si Mary Jane Abary, 48.

Ginagamot naman sa naturang pagamutan ang asawa ni Angelica na si Christian Orbe, 38, sanhi rin ng tinamong mga tama ng bala sa katawan.

Hawak naman ng Caloocan City Police ang suspek na kinilala bilang si William Jaymee Sy, 46, ng No. 296 Gen. Luna st. Brgy. 10 na nahaharap ngayon sa kaukulang mga kaso.

Base sa nakarating na report kay Caloocan police chief P/Col. Ruben Lacuesta, naganap ang insiente sa pagitan ng bandang alas-6:40 ng gabi hanggang 7:09 ng gabi sa Gen. Luna St., Corner 5th St., Brgy. 10.

Sa salaysay sa pulisya ng saksing si Shebo Orbe, 36, armado umano ang suspek ng mga baril at walang habas na pinagbabaril ang mga biktima na nagresulta sa pagkamatay ng tatlong babae.

Mabilis namang rumesponde sa nasabing lugar ang mga pulis na nagresulta sa agarang pagkakaaresto sa suspek at narekober sa kanya ang isang 9mm pistol na may isang magazine at 23 bala, isang cal. 38 revolver na may anim na bala, 12 gauge shotgun na may walong bala, folding knife, cellphone, ammunition box at glock box para sa 9mm.

Patuloy naman ang isinasagawang imbestigasyon ng pulisya upang matukoy kung anu ang motibo ng suspek sa pamamaril sa mga biktima. (Richard Mesa)

Sa pag-amin nina Aljur at AJ: KYLIE, pahapyaw na sinabing happy para sa kanilang relasyon

Posted on: February 17th, 2023 by @peoplesbalita No Comments

MASAYA ang Valentine’s Day ng pamilya ni Richard Yap, nang umalis siya, kasama ang wife niyang si Melody at mga anak na sina Ashley at Dylan, for Zurich, Switzerland, last February 14.

Ayon kay Richard, sa Switzerland na raw nila isi-celebrate ng family niya ang Valentine’s Day, na araw naman ng pag-alis nila ng kapwa Kapuso, sina Gabbi Garcia at Will Ashley, para sa pagsisimula ng shooting nila roon ng “Unbreak My Heart,” a collaboration ng teleserye between GMA Network, ABS-CBN and Viu Philippines.

Makakasama rin nila sina Jodi Sta. Maria at Joshua Garcia. First time na magtatambal sina Gabbi at Joshua, while Richard and Jodi will reunite, after nilang magtambal noon sa “Be Careful With My Heart.”

May additional trip pa rin sila sa Italy, dahil may kukunan din doon na mga eksena ng teleserye, na ipalalabas sa GMA-7 at will be streamed in 15 territories outside the Philippines on Viu this 2023.

***

VALENTINE’S Day report pa rin tayo: Hindi pinalampas ng Kapuso Royal Couple na sina Dingdong Dantes at Marian Rivera ang pagsi-celebrate ng Valentine’s Day na siyempre kasama ang mga anak na sina Zia at Sixto, sa Boracay.

Nag-post si Marian sa kanyang Facebook page ng pictures ng kanyang family habang nasa Boracay sila at kita mo ang kaligayahan ng buong pamilya habang magkakasama sila roon.

Very open na rin ang mag-sweethearts na sina Rayver Cruz at Julie Anne San Jose, na sa The Vineyard in Tanauan, Batangas naman nagpalipas ng Valentine’s Day.

Post ni Julie Anne, “my kind of all-day picnics and everyday Valentine’s. Sinagot naman ito ni Rayver ng “my everyday Valentine.” Natuwa naman ang mga fans nila, “thanks for sharing photos of your celebration. So happy you finally find The One!”

Sa Tagaytay naman nagpalipas ng Valentine’s Day ang mag-sweethearts na sina Lexi Gonzales at Gil Cuerva. Tuwang-tuwa ang mga fans ng lovers nang mag-guest si Gil sa “Fast Talk with Boy Abunda” na lahat ng tanong kay Gil sa 2-minute fast talk, lahat yata ng sagot niya ay ‘Lexi Gonzales.’ Nakatutuwa ang comments ng mga fans na “bagay kayo,” “magkamukha kayo” “para kayong kambal.” Lahat ng mga activities nila kasi ay napapanood ng mga fans nila sa YouTube channel ni Lexi.

Isa nga ritong ipinakita ni Lexi ay nang magsabit siya ng pink lock sa Seoul Tower na may names nila ni Gil nang mag-shoot sila noon sa Korea ng “Running Man Philippines.”

Magkatambal ngayon sina Lexi at Gil sa “Underage”.

***

TAMANG-TAMA na media conference ng “Mga Lihim ni Urduja,” na tampok sina Kylie Padilla, Gabbi Garcia at Sanya Lopez, lumabas ang balita ng pag-amin nina Aljur Abrenica at AJ Raval ng kanilang relasyon.

Kaya sinamantala na ng mga press na matanong si Kylie. Pero maingat namang sumagot ito sa tanong.

“I’m happy for everybody, and everybody’s happy, and that’s what important,” sagot ni Kylie.

“I’m just happy everyone’s finding their happiness already.”

Kasama ni Kylie ang brother-in-law niyang si Vin Abrenica at masaya siya dahil para silang isang family (ang buong cast) kapag magkakasama sa set.

(NORA V. CALDERON)

Mahigit P3.41-B pondo para sa Filipino scholars sa technical vocational institutions, inilabas na ng DBM

Posted on: February 17th, 2023 by @peoplesbalita No Comments

NAGLABAS ang Department of Budget and Management (DBM) ng mahigit P3.410 billion para pondohan ang pag-aaral ng mga Pilipinong mag-aaral sa technical vocational institutions.

Ito ay kasunod ng paglagda ni DBM Secretary Amenah Pangandaman noong nakalipas na araw sa special allotment release order (SARO) para sa paglalabas ng naturang pondo sa Technical Education and Skills Development Authority (TESDA) para sa implementasyon ng Universal Access to Quality Tertiary Education (UAQTE) Act.

Saklaw sa popondohan ang gastusin sa tertiary education ng lahat ng Pilipinong estudyante sa technical vocational institutions na nakarehistro sa ilalim ng TESDA.

Nasa 54,783 target beneficiaries ang naturang programa ngayong taon na ipapatupad sa buong bansa sa pamamagitan ng Diploma Programs.

Ipinunto ng Budget Secretary na ang pinakamagandang investment para sa ating mga kabataang Pilipino ay ang edukasyon at makakatiyak din na walang mag-aaral ang mapag-iiwanan.

Sinabi din ng DNM na ang naturang pondo ay kalakip sa regular budget ng TESDA para ngayong taon kung saan saklaw dito ang payment para sa tuition fees, miscellaneous fees, accident insurance, trainee provision, health/protective equipment, internet allowance, starter tool kits, national assessment fees at iba pang school fees ng mga benepisyaryo para sa kasalukuyang taon. (Daris Jose)

Rehab ng MRT 3 train-cars tapos na

Posted on: February 17th, 2023 by @peoplesbalita No Comments

NATAPOS ng Metro Rail Transit Line 3 (MRT3) ang rehab ng mga train cars ng nasabing rail line kung kaya’t makakaa sana ang mga pasahero ng pagbabago sa train availability nito.

Dumating na ang final set ng 72 train-cars ng MRT na ginawa sa maintenance yard nito. Dahil dito buo at tapos na ang rehabilitation ng 23-year old na rail line kung saan ito ay natapos ng ahead ng tatlong buwan sa kanyang target date.

Sa ngayon, ang MRT 3 ay makapaglalabas na ng hanggang 21 train sets kapag peak hours upang madagdagan at mabibigyan ng serbisyo ang tumataas na bilang ng mga pasahero dahil sa pagbubukas ng klase at trabaho sa mga paaralan at opisina.

“The rehabilitation will also cut the waiting time between trains to four minutes from the previous interval of 9.5 minutes. It will also increase the speed of train cars to 60 kilometers per hour, from 30 kph, slashing travel time from end to end to just 45 minutes from 1.25 minutes,” wikani Department of Transportation (DOTr) Secretary Jaime Bautista.

Noong nakaraang taon ay nagbigay ng libreng sakay ang DOTr at MRT3 sa mga pasahero ng panahon pa ng dating president Duterte subalit natapos ito ng umupo nasi President Marcos dahil sa kakulangan ng pondo.

Ang gumawa ng buong rehabilitation ay ang tatlong kumpanya ng Sumitomo Corp., Mitsubishi Heavy Industries Inc. at TES Philippines. Silarin ang gumawa ng design at building ng MRT 3 system. Ang nasabing 3 kumpanya ay siya rin nag-maintain ng system mula 2000 hanggang mag expire ang kontrata noong 2012.

Sa bagong kontrata na nilagdaan nila sa pamahalaan, ang consortium ang gagawa ng upgrading ng MRT sub-system sa pamamagitan ng pagpapalit ng revenue tracks at modernization ng signaling system nito.

Nakapagtala ang MRT3 ng 93.33 million napasaheronoong 2022 kung saan ito ay mahigit na nadoble mula sa 45.69 million nadati pang bilang ng mga pasahero noong 2021. LASACMAR

BIYAHENG PANDAGAT SA LEGAZPI, SINUSPINDE

Posted on: February 17th, 2023 by @peoplesbalita No Comments

SINUSPINDE pansamantala ang lahat ng mga biyahe ng sasakyang pandagat na may rutang Baseport Legazpi patungong Rapu-Rapu, Albay.

Ayon sa pamunuan ng Philippine Ports Authority (PPA), simula alas -5 ng umaga ngayong araw, ika-16 ng Pebrero 2023 ay Hindi muna pinayagang maglayag ang mg sasakyang pandagat.

Ang pagsuspinde ay bunsod ng Gale Warning na nagdadala ng malalaking alon at malakas na hangin alinsunod sa anunsyo ng PAG-ASA.

Ipinagbabawal din ang paglayag ng mga sasakyang pandagat na may timbang na 250 gross tonnage.

Pinapayuhan ng PPA ang mga apektadong pasahero na makipag-ugnayan sa pamunuan ng MV RMLC Ferry I at MV RRBTC para sa update at karagdagang detalye. (BISHOP JESUS “JEMBA” M. BASCO)

Minimum wage policy, pinarerepaso

Posted on: February 17th, 2023 by @peoplesbalita No Comments

NAGHAIN ng resolusyon si Sen. Raffy Tulfo para rebyuhin ang kasalukuyang polisiya ng gobyerno sa minimum wage increase para mapabuti ang kalidad ng buhay ng mga manggagawa, partikular na ang mga nasa lower income bracket.

Sa Senate Resolution No. 476, sinabi ni Tulfo na tila hindi sapat ang minimum wage increase noong nakaraang taon dahil marami pa ring manggagawa ang nakakaranas ng problemang pinansyal.

Ang pinakahuling minimum wage increase ay noong Hunyo 4, 2022 kung saan ang rate ay mula P533 hanggang P570 kada araw sa NCR.

Samantala, ang minimum wage hike naman sa mga probinsiya ay mula Hunyo 6-30, 2022 na mula P306 hanggang P470.

Sa kabila ng nasabing pagtaas, sinabi ni Tulfo na ang tumataas na inflation na tumaas pa sa 8.7% noong Enero 2023 ay may malaking epekto sa pamumuhay ng mga manggagawa.

“It is imperative to improve the standard of living and quality of life for workers, particularly those in the lower income bracket, and to ensure that the policies on the minimum wage increase are fair, effective, and consistent with the needs of the workers and the economy,” dagdag ni Tulfo.

United Clark, umaayaw sa Philippines Football League

Posted on: February 17th, 2023 by @peoplesbalita No Comments

Umatras ang United Clark na sumali sa second half ng Philippines Football League (PFL) season.

Sinabi ng club noong Huwebes na kailangan nitong bawiin ang pakikilahok nito habang nasa isang ligal na labanan sa isang grupo ng pamumuhunan sa Singapore dahil sa hindi nabayarang mga bayarin, na nakaapekto sa mga operasyon nito.

“Gustong ipahayag ng United City Football Club na hiniling nito sa Philippine Football Federation na bigyan ang club ng ‘non-participation’ para sa natitirang 2022-23 Philippines Football League [matches] habang hinihintay ng club ang resulta ng legal proceedings sa Singapore laban sa mamumuhunan nitong Riau Capital Live,” sabi ng United Clark sa isang pahayag.

Inakusahan ng club ang RCL na nabigo sa pag-bankroll sa kanila, na nakaapekto sa payroll ng mga manlalaro.

“Dahil nabigo rin ang RCL na tuparin ang napagkasunduang huling mga deadline ng settlement mas maaga sa buwang ito, pinilit na nito ngayon ang UCFC na pansamantalang ihinto ang mga operasyon ng propesyonal na koponan ng football at i-withdraw ang koponan nito mula sa nalalabing bahagi ng 2022-23 PFL season,” sabi pa ni United Clark .

Pagkatapos ay pinasalamatan ng United Clark si PFF president Nonong Araneta, secretary-general Ed Gastanes, at PFL commissioner Coco Torre “sa kanilang suporta at gabay upang pamahalaan ng UCFC ang masalimuot na proseso.”

Para sa kanyang bahagi, sinabi ni Araneta, “Naiintindihan namin ang sitwasyon na nakakaapekto sa United City FC na nagpilit sa kanila na umatras sa liga. Umaasa kami na ang club at ang pamamahala nito ay makakabangon mula sa suliraning ito.”

Sa gitna ng mga espekulasyon na maaaring matiklop ito nang tuluyan matapos palayain ang halos lahat ng mga manlalaro nito, nilinaw ng Capas-based squad na balak pa rin nitong bumalik sa susunod na season kapag naayos na nito ang iskor sa dati nitong investment partner.

“Kasunod ng kahilingan nito para sa hindi paglahok, ang UCFC ay nangako sa PFF na ang mga legal na aksyon ay hinahabol upang mabawi ang puhunan at upang bayaran ang mga kasalukuyang pananagutan ng club habang ang UCFC ay nagnanais na bumalik sa mga kumpetisyon ng PFF para sa 2023-24 season,” ang club isinaad pa.

Gayunpaman, sinabi ni Gastanes, isang abogado, “Habang inulit ng club ang kanyang pagnanais na makipagkumpetensya sa mga susunod na panahon, kailangan muna nitong ayusin ang sitwasyon nito bago bumalik sa aksyon ng liga.”

Idinagdag ni Torre, “Ang kaso ng UCFC ay bahagi ng mga katotohanan sa lupa, na dapat matugunan. Pinupuri namin ang UCFC para sa mataas na pamantayan na kanilang itinakda noong una, ngunit dapat din nating isaalang-alang ang ekonomiya na nakapaligid sa football bilang isang negosyo.”

Ayon sa liga, ito “ay magsasaalang-alang sa katayuan ng United City FC patungkol sa mga laban sa liga na apektado kasunod ng pag-alis ng club.”

Ang United Clark ay dapat na maglaro sa restart ng PFL season sa Sabado sa isang road game laban sa Mendiola sa City of Imus Grandstand. (CARD)