PINAIGTING ng  Department of Agriculture (DA) ang pagsisikap nito npara masiguro na mayroong  zero sa  minimal wastage para sa  agricultural commodities sa bansa.

Sa isang kalatas, sinabi ng DA na palalakasin nito ang ugnayan sa mga  industrial buyers para tulungan ang mga producers na maka-secure ng merkado para sa  kanilang produksyon.

“The Department of Agriculture (DA) is intensifying market linkages through contract farming with hotels, restaurants and other institutional buyers on the procurement of surplus harvests,” ayon sa DA.

“The program will be in the form of relevant assistance and interventions seen to facilitate the transport of produce to areas where these are in demand, with zero to minimal wastage and supply of excess agricultural goods,” dagdag na wika ng DA.

Ang pahayag na ito ng  DA ay kasunod ng ulat ng small tomato wastage sa Nueva Vizcaya.

“Reports on the dumping of some 500 kilos of small tomatoes, valued at PHP8 to PHP12 per kilogram, from the Nueva Vizcaya Agricultural Trading (NVAT) on January 25, 2023 (are) being looked into by the DA,” ayon sa DA.

Sinabi ng  NVAT na ang preference ng mga consumers para sa larger tomatoes na binebenta sa kaparehong price range ay maaaring maging dahilan ng usapin.

At upang maiwasan ito, binigyang diin ng DA ang pangangailangan para sa sapat na  food mobilization strategy.

“(This) will be realized through the distribution of delivery trucks and vegetable crates to more farmers’ cooperatives and associations (FCAs) and municipalities under the agency’s Enhanced Kadiwa grant,” ayon sa departamento.

Sa pamamagitan ng estratehiyang ito, naniniwala ang departamento na ang problema sa oversupply ay dapat na “i-minimized” hanggang sa makamit ng administrasyon ang layunin nito na tulungan ang mga magsasaka na kumita ng mas marami at malaki at tiyakin ang sapat na suplay ng agricultural commodities para sa mga consumers sa merkado.

Samantala, na-identify na ng DA ang  10 municipal beneficiaries ng nasabing distribusyon.

Ang  administasyon, sa ilalim ng liderato ni Pangulong Ferdinand Marcos Jr. , kasalukuyang Kalihim ng DA  ay nauna nang nangako na pahusayin ang kabuuang  value chain ng bansa para makatulong na makamit ang food sufficiency targets. (Daris Jose)

SUMIRIT  din ang presyo ng itlog sa ibang bansa.

Dahil dito, sinabi ng Department of Agriculture (DA) na hindi “exclusive” para sa Pilipinas ang pagtaas ng presyo ng itlog kundi ito’y  kasalukuyang global issue.

Base sa pinakabagong data ng DA,  sa kanilang price monitoring , makikita rito na ang medium-sized eggs ay may presyo na P9  kada piraso sa ilang pamilihan sa Kalakhang Maynila.

Gayunman, sinabi ng ahensiya na ang presyo ay hindi dapat na tumaas na kasing-taas ng kanilang ‘current rate’ lalo na kung ibabase sa  production costs.

“Mayroon po tayong nakita na P6.20 na cost to produce tapos syempre may iba pang incidental cost P7 pero again to factor in agricultural input at P7.20 tapos ‘yung byahero plus retailer ang per piece po hindi po dapat aabot ng P9 per piece ang itlog,” ayon kay DA Assistant Secretary Kristine Evangelista.

Sa kabilang dako, batay naman sa pinakabagong survey ng Philippine Egg Board (PEB), ang farmgate prices sa iba’t ibang parte ng bansa ay ang mga sumusunod:  P5.93 kada piraso sa Cebu;  P6.50 sa Laguna, at P9 sa Iloilo.

Sinabi pa rin ng PEB na ang pagtaas ng presyo ay problema rin sa ibang bansa gaya ng Japan,  Estados Unidos, at New Zealand.

Sa ulat, ang presyo ng itlog sa New Zealand ay P20.76 kada piraso piece; P17.59  kada piraso sa Amerika; P11.41 kada piraso sa United Kingdom, at P8.58 kada piraso sa  Japan.

“Hindi lamang ito sa Pilipinas nararanasan but we are open din to look for a solution that will protect our producers,” dagdag na pahayag ni Evangelista.

“One of the solutions to lower the prices is to reduce the production costs of egg farming,” ayon naman sa DA.

Subalit para sa Philippine Egg Board Association (PEBA), mahalaga na konsultahin ang lahat ng stakeholders at pag-aralan ang karagdagang halaga na ipinataw sa pagbebenta ng itlog.

“Kausapin din nila ‘yung mga middleman, ‘yung mga biyahero tsaka ‘yung mga retailers para tanungin nila bakit ganoon,” ayon kay PEBA chairperson Gregorio San Diego. (Daris Jose)

SINABI ng  Home Development Mutual Fund o Pag-IBIG na nakapag-save ang mga miyembro nito ng  P79.9 bilyon noong 2022, isang record-high savings ng mga miyembro nito sa isang ‘single year.’

Sa isang kalatas, sinabi ng Pag-IBIG na may  P80 bilyong piso ang na-save  ng mga miyembro nito noong nakaraang taon, itinuturing na pinakamataas ng ahensiya sa nakalipas na 42 taon.

Lumago ito ng 25% o P16.2 bilyon mula sa P63.7 bilyon na nakolekta noong  2021.

Bahagi ng total savings ay ang  Pag-IBIG Regular Savings ng ahensiya, na tumaas ng 6% mula sa  P37.71 bilyon noong 2021 hanggang P40.06 bilyon noong 2022.

“The sustained growth in Pag-IBIG Members’ Savings collections has been truly remarkable. It denotes our members’ trust and confidence in our programs, and our capacity to manage each hard-earned peso they have saved with us,” ayon kay Housing Secretary Jose Rizalino Acuzar, pinuno ng  Department of Human Settlements and Urban Development (DHSUD) at 11-member Pag-IBIG Fund Board of Trustees.

“And, as our collections remain strong, we remain able to finance and maintain the low interest rates of our loan programs. These are among our many efforts in adhering to the call of President Ferdinand Marcos, Jr. towards advancing the welfare of our fellow Filipinos,” ayon kay Acuzar.

Sinabi naman Pag-IBIG Fund CEO Marilene Acosta, ang MP2 Savings ng ahensiya ay nagpapatuloy para isulong ang paglago ng savings ng mga miyembro nito.

Pinapanatili naman ng voluntary savings program ang paglago noong 2022, habang ang mga miyembro  members saved a record-high P39.84 billion in the program, up 53%, or P13.89 billion from the P25.95 billion collected in 2021.

“We are happy that we continue to gain the trust of our members, as shown by the record-high amounts that they have saved with us in 2022, as well as in the past years. This shows their growing appreciation of the value in saving with Pag-IBIG Fund,” ayon kay Acosta.

“That is why we remain committed in responsibly and prudently managing their savings, so that we can provide them the best possible returns,” dagdag na pahayag nito. (Daris Jose)

MULING magsasanib-puwersa ang Pilipinas at  Estados  Unidos pagdating sa mga  joint naval patrols sa  South China Sea.

Kasunod  ito ng pagbibigay sa Amerika ng mas malawak na access sa mga miltary base ng Pilipinas sa ilalim ng Enhanced Defense Cooperation  Agreement (EDCA).

“The United States and the Philippines have agreed to restart joint patrols in the South China Sea as the longtime allies seek to counter China’s military rise,” ayon sa kalatas ng  US Defense Department.

Matatandaang, kapuwa sinuspinde ng dalawang bansa ang  maritime patrols sa napakainit na pinagtatalunang lugar sa ilalim ng liderato ni dating Pangulong Rodrigo Roa  Duterte.

Sa naging pagbisita sa Pilipinas ni  US Defense Secretary Lloyd Austin, sinabi nito na siya at ang kanyang Philippine counterpart na si Carlito Galvez ay  “agreed to restart joint maritime patrols in the South China Sea to help address (security) challenges.”

Inanunsyo rin nina Austin at Galvez ang isang kasunduan na bigyan ang tropa ng Amerika ng  access sa apat pang bases sa  “strategic areas” sa Southeast Asian nation.

Ang mga kasunduan ay bunsod na rin ng hangarin ng dalawang bansa na kumpunihin ang ugnayan na nabali sa ilalim ni dating Pangulong Duterte, na sinasabing di umano’y pinaboran ang China kaysa sa dating colonial master ng bansa.

Masigasig naman ang bagong administrasyon sa ilalim ni Pangulong Ferdinand Marcos Jr.,  na plantsahin ito. (Daris Jose)

LUNGSOD NG MALOLOS – Bilang bahagi ng pagpupugay sa Ika-96 Anibersaryo ng Kapanganakan ni Gat Blas F. Ople, nagsagawa ang Pamahalaang Panlalawigan ng Bulacan sa pamamagitan ng Provincial Youth, Sports and Public Employment Service Office ng Job Fair (Local and Overseas Employment) at Department of Migrant Workers-PGB Medical Mission sa pakikipagtulungan ng Damayan Sa Barangay na isinagawa sa The Pavilion, Hiyas ng Bulacan Convention Center sa lungsod na ito noong Biyernes.

Ayon kay Abgd. Kenneth Z. Ocampo-Lantin, pinuno ng PYSPESO, mahigit 3,000 mga Bulakenyo ang nag pre-register sa job fair kung saan 48 na mga local employers ang may hatid na 4,309 na trabaho habang 22 overseas agencies naman ang may hatid na kabuuang 6,918 na bakanteng trabaho sa ibang bansa.

Sa kanyang mensahe bilang panauhing pandangal, pinaalalahan ni Kalihim Maria Susana ‘Toots’ V. Ople ng DMW ang mga Bulakenyo na maging maingat sa mga trabahong inaalok mula sa online platforms gaya ng Facebook at hinikayat ang mga naghahanap ng trabaho na isaalang-alang din ang lokal na empleyo.

“Lahat tayo nakatingin sa overseas na mga trabaho pero mahirap mawalay sa pamilya. Kaya sana balansehin ninyo ang pagdedesisyon dahil hindi lahat ay pang OFW. At pakiusap namin ni Governor, huwag papatol sa mga trabaho na pino-post sa Facebook. Kaya may mga nabibiktima at napapahamak dahil hindi nakikilala ang employer. Dati ang illegal recruitment face to face, ngayon puro online na. Mayroon din tayong mga government agencies na nandito sa job fair kaya sana samantalahin n’yo na,” ani Kalihim Ople.

Inihayag naman ni Gob. Daniel R. Fernando ang kanyang interes na magsagawa ng job fair kada buwan at siniguro na bawat Bulakenyo ay makikinabang sa lumalagong ekonomiya ng lalawigan.

“Ang job fair po natin ngayon ay alay natin sa alaala ni Blas Ople because today is his birthday. Pinasasalamatan natin ang mga ahensya na katuwang ng ating Pamahalaang Panlalawigan. Patuloy po tayo sa paghikayat sa pagpasok ng iba’t ibang kumpanya, proyekto, negosyo’t pamumuhunan sa Bulacan. Ito ay upang matiyak natin na masigla ang mga lokal na ekonomiya at may nakalaang mga trabaho sa bawat Bulakenyo. Bulakenyos, parating na ang development sa atin,” anang gobernador.

Nag-alok rin ang job fair ng one-stop shop kung saan maaaring makakuha ang mga aplikante ng serbisyong pang gobyerno mula sa SSS, PSA, Pag-IBIG, PhilHealth, BIR, DMW, DTI at DOLE. Samantala, nagpasalamat naman sa Pamahalaang Panalalawigan si Jeymalyn Larin, isang fresh graduate, dahil isa siya sa mga na-hire on the spot.

“First time ko po mag-apply dahil fresh graduate po ako at masaya po talaga ako na na-hire agad ako bilang cashier sa Villarica. Maraming salamat po sa Pamahalaang Panlalawigan ng Bulacan sa pagbubukas ng mga oportunidad sa kagaya ko na naghahanap ng marangal na trabaho,” ani Larin.

Kasabay ng job fair ang medical mission para sa mahigit 400 Overseas Filipino Workers at mga Bulakenyo kung saan maaari silang mag-avail ng libreng general checkup, mga gamot, bakuna laban sa tigdas, COVID-19 vaccines at booster shots sa tulong ng 10 duktor mula sa DMW, 10 duktor mula sa Lalawigan ng Pampanga, at walong duktor mula sa Pamahalaang Panalalawigan ng Bulacan.

MAGLALABAS ang National Economic and Development Authority (NEDA) ng pinal na listahan ng major projects sa ilalim ng administrasyong Marcos sa pagtatapos ng first quarter ng 2023.

Kasunod ito ng paunang pagpapalabas ng 7 “high-impact projects” ngayong linggo.

Sinabi ni NEDA Undersecretary Rosemarie Edillon, hinihimay mabuti at sinusuri ng socioeconomic planning body ang mahabang listahan ng mga proyekto.

“So far, mga 206 iyong nasa listahan ngayon. And that’s just for iyong tinatawag nating magiging flagship. That could still be trimmed down… iyon nga tinitingnan natin iyong viability nito,” ayon kay Edillon.

“Iyong the benefits versus the cost, of course. Kasi iyong longer list, ito iyong mga 3,000 projects iyon, all the way to 2028. But, like I said, iyong listahan na iyon, we will come up with it, it will be uploaded again on the NEDA website by the end of this first quarter,” ayon sa nasabing opisyal.

Winika pa nito na ang mga proyekto ng pamahalaan ay popondohan sa pamamagitan ng iba’t ibang schemes o pamamaraan  gaya ng “public private partnership (PPP), grants at government allocation.”

Sa pagpapatupad ng PPP projects,  sinabi ni Edillon na nakatuon ang pansin ng administrasyon sa  “solicited PPPs, or those well-crafted and vetted projects, which could help the government achieve its targets of economic growth, increased employment and poverty reduction.”

Kabilang sa mga  high-impact projects na inaprubahan ng NEDA Board,  sa pangunguna ni Pangulong  Ferdinand R. Marcos Jr., tumatayong chairman nito ang mga establisimyento gaya ng  “300-bed capacity University of the Philippines (UP)-Philippine General Hospital (PGH) Cancer Center-Public Private Partnership (PPP) project, pagtataas sa halaga ng  Metro Rail Transit Line 3 (MRT-3) rehabilitation project, utilisasyon ng  Japan International Cooperation Agency (JICA) loan balance para sa bagong Communications, Navigation, Surveillance-Air Traffic Management (CNS-ATM) system, at pagtatayo ng bagong  Dumaguete Airport Development Project.

Ang iba pang proyekto na inaprubahan o kinumpirma ng  NEDA board ay ang  Mindanao Inclusive Agriculture Development Project (MIDP) ng DA, at ang  P20-billion first phase ng Integrated Flood Resilience at adaptation project ng Department of Public Works and Highways’  (DPWH) sa tatlong mga pangunahing river basin sa bansa.