2022 August Archive - People's Balita

Archive for August, 2022

Naomi Osaka hindi na tinapos ang Canadian Open dahil sa injury

Posted on: August 12th, 2022 by @peoplesbalita No Comments

NAPILITANG mag-withdraw sa Canadian Open si Japanese tennis star Naomi Osaka dahil sa back injury.

Hawak ni Estonian tennis player Kaia Kanepi ang kalamangan 7-6(4), 3-0, sa opening game ng mapilitang itigil ni Osaka ang laro dahil sa hindi na nito matiis ang sakit mula sa injury.

Nilapatan pa ito ng bahagyang lunas sa court at mangiyak-iyak na itong umalis sa playing court.

Sinabi nito na sa simula pa lamang ng laro ay naramdaman na niya ang hapdi ng kaniyang likod.

Dahil dito ay binati nito si Kaia at hangad nito ang kaniyang tagumpay sa torneo.

Nauna ng umatras na rin si Osaka sa semifinals ng Melbourne Summer Set 1 tournament noong Enero dahil sa abdominal injury.

Hindi na rin ito lumahok sa Italian Open at Wimbledon dahil sa Achilles injury.

Noong nakaraang linggo sa Mubadala Silicon Valley Classic ay tinalo siya ni Coco Gauff sa quarterfinals

17.9 milyong mag-aaral naka-enrol na – DepEd

Posted on: August 12th, 2022 by @peoplesbalita No Comments

INIULAT ng Department of Education (DepEd) na umaabot na sa higit 17.9 milyon ang bilang ng mga mag-aaral na nagpatala na para sa susunod na pasukan.

Batay sa huling datos mula sa Learner Information System (LIS) para sa SY 2022-2023, nabatid na hanggang alas-7 kahapon, nakapagtala na ang DepEd ng kabuuang 17,900,833 enrollees.

Sa naturang bilang, 1,186,012 ang kindergarten; 8,235,937 ang elementary; 5,789,747 ang junior high school; at 2,689,137 ang senior high school.

Pinakamarami na ang mga estudyanteng nakapagpatala sa Region IV-A na umabot sa 2,604,227 na sinusundan ng Region III na may 2,046,017 enrollees at National Capital Region (NCR) na mayroon namang 2,020,134.

Pinakamababa pa rin ang enrollment sa Cordillera Administrative Region (CAR) na nasa 232,001 pa lamang.

Matatandaang sinimulan ang enrollment noong Hulyo 25 at magpapatuloy hanggang sa Agosto 22, 2022, na siyang unang araw ng pasukan.

Target ng DepEd na makapagtala ng may 28 milyong mag-aaral para sa nalalapit na pasukan.

“Seoul Vibe” Trailer Unveils this August’s Coolest Crew

Posted on: August 12th, 2022 by @peoplesbalita No Comments

CHECK out the official trailer ( https://www.youtube.com/watch?v=PM4pZG9TkOI) and main ensemble key art for Seoul Vibe starring Yoo Ah-in (as Dong-wook, the supreme driver with perfect drifting skills), Ko Kyung-Pyo (as John Woo, the Club DJ), Lee Kyoo-hyung (as Bok-nam, the human navigator), Park Ju-hyun (as Yoon-hee, the talented motorcyclist) and Ong Seong-wu (as Joon-gi, the mechanic).

A fresh new trailer and poster for Seoul Vibe were released showcasing the ensemble cast of Sanggye-dong Supreme Team – a crew of stylish drivers and mechanics to uncover some fishy business involving a VIP slush fund.

With popping visuals and music to excite viewers’ eyes and ears, Seoul Vibe will release globally on August 26th only on Netflix.

Here is what to expect in the coolest drive this summer!

With a rhythmic beat from a tape titled ‘Seoul Vibe mixtape 1988’, the trailer kicks off
The stylish Sanggye-dong Supreme Team receives an irresistible offer from Prosecutor Ahn, jumping into an unofficial case revolving around the VIP slush fund.

On fully customized hip vehicles the crew in disguise starts to deliver President Kang’s slush funds – unofficially the second most influential person in 1988 Korea.

Numerous obstacles stand in their way, including the threat from Director Lee, who finds the crew’s actions to be fishy.

With hip music and exhilarating car action on track, Seoul Vibe will deliver the coolest ride this August.
The poster reveals the crew’s (aka “Bbagkku fam”) hip hideout.

The poster lines up all five members along with the star ensemble cast – Yoo Ah-in (as Dong-wook, the supreme driver with perfect drifting skills), Ko Kyung-Pyo (as John Woo, the Club DJ), Lee Kyoo-hyung (as Bok-nam, the human navigator), Park Ju-hyun (as Yoon-hee, the talented motorcyclist) and Ong Seong-wu (as Joon-gi, the mechanic) will uncover the truth behind a massive money laundering ring.

The stylish old-school props underscore the hip retro (Hip-tro) vibe – bold gold chains, retro boombox, chic bike, navy jumpsuits and more.

Director Moon Hyun-sung said, “The first step of Seoul Vibe was hip hop,” attributing hip hop music and culture from the 80s as one of the movie’s motif. The stylish Sanggye-dong Supreme Team will reflect a combination of retro and hip hop (“hip-tro”) vibe.

Cast Yoo Ah-in (from Hellbound), who will transform into a new image in Seoul Vibe said, “From start to finish, it was like being and hanging out with friends my age”, highlighting the chemistry within the crew.
Cast Ong Seong-wu added, “The vibe on set was spectacular! It was as though ‘Bbangkku Fam’ was united in real life.”

(ROHN ROMULO)

Naging dahilan para lumayo sa mga taong gustong tumulong: IAN, tatlong taon na dumanas nang matinding depression

Posted on: August 12th, 2022 by @peoplesbalita No Comments

MINSAN lang gumawa ng pelikula ang tinaguriang Asia’s Fastest Woman noong dekada ’80 na si Lydia de Vega.

Ginawa niya ang pelikulang ‘Medalyang Ginto’ noong 1982 at kuwento ito kung paano siya noon nagkaroon ng simpleng pangarap, hinarap ang mga pagsubok sa buhay, ang kanyang mga sakripisyo sa pamilya hanggang sa maipanalo niya sa Pilipinas ang gintong medalya sa 1982 Asian Games.

Nakasama ni Lydia sa pelikula sina Tony Santos Sr., Perla Bautista, Joseph Sytangco at Dave Brodett. Dinirek ito ni Romy Suzara. Inalay pa ni Lydia ang pelikula sa lahat ng Pinoy na siyang naging inspirasyon niya para makapag-uwi ng medalyang ginto.

Kahit na maraming naging offers si Lydia noon na gumawa ng maraming pelikula, mas pinili niya ang mag-focus sa kanyang pagtakbo kaya muli siyang nakauwi ng gold medal sa 1986 Asian Games at nakapag-compete din siya sa 1984 at 1988 Olympic Games.

Nagretiro si Lydia noong 1994 na hawak pa rin ang fastest record sa 100-meter and 200-meter run for 30 years.
Noong Miyerkules ay pumanaw na ang Filipino athletic legend sa edad na 57 dahil sa kanyang sakit na breast cancer.
Noong nakaraang July 20 ay naging critical ang kondisyon ni Lydia sa kanyang sakit nilabanan niya simula pa noong 2018.

Maraming mga atleta ang nag-ambag-ambag ng tulong para sa medical expenses ni Lydia na naka-confine noon sa isang ospital sa Makati City.

Huling nakita sa publiko si Lydia ay noong 2019 nang isa siya sa maging flag bearers sa opening ceremony ng 30th Southeast Asian Games na ginanap sa Philippine Arena.

Ang anak niyang si Stephanie, na isang volleyball player for De La Salle University, ang nagbalita ng pagpanaw ng kanyang ina.

***

TATLONG taong dumanas nang matinding depression ang aktor na si Ian de Leon.

Ang sakit daw niyang ito raw ang naging dahilan daw kung bakit siya lumayo sa mga taong gustong tumulong sa kanya, kasama na rito ang sarili niyang pamilya.

Kinuwento ng aktor ang tungkol sa pinagdaanang mental health condition sa podcast na ‘Surprise Guest with Pia Archangel.’

Sinara raw ng aktor ang kanyang sarili sa mga taong handang tulungan siya. Pati raw ang magdasal ay nakalimutan na rin niyang gawin.

Ayon kay Ian: “When I hit rock bottom talaga, I was searching for answers eh. I strayed away from family for a while. I didn’t want to see anyone, I didn’t want to talk to anyone. I didn’t want anyone asking me how I am. I just had that spiraling depression moment in my life where it took me three years to get over it, and it was a really dark and difficult time for me. I forgot about God, I forgot about people who cared for me, people who loved me and I just shut myself off from the world.”

Hindi rin daw maintindihan ni Ian kung bakit nangyari iyon sa kanya. Gustuhin man daw niyang humingi ng tulong, pero nahihiya raw siyang magkuwento nang pinagdaraanan niya.

“What was going on sa buhay ko during that time was I felt so empty and depressed that I couldn’t feel anymore. I woke up one night thinking ‘What is wrong with me? What is going on? What should I do? Who should I go to? Who should I talk to? I don’t want to talk to anyone, I don’t want to see anyone,” diin pa niya.

Pero kahit daw pilit na lumalayo si Ian, hindi raw siya sinukuan ng kanyang pamilya. Nanatili raw silang nasa tabi ng aktor dahil alam nilang kailangan nito ng tulong.

Nagpasalamat ang ‘Lolong’ star sa kanyang asawa na si Jennifer Orcine dahil sa pagmamahal at sa pagtiyaga nito sa kanyang pinagdaanang depression.

***

KABILANG ang aktor na si John Travolta sa nadurog ang puso sa pagpanaw ng singer-actress na si Olivia Newton-John sa edad na 73 noong nakaraang August 9 pagkatapos ng 30-year battle nito with cancer
Si Travolta ang naging leading man ni Olivia sa 1978 hit musical film na ‘Grease.’

Sa kanyang Instagram post, ramdam ang labis na kalungkutan ng aktor dahil sa pag-alala ng mga pinagsamahan nila ni Olivia noong ginawa nila ang pelikulang ‘Grease’ at noong magtambal ulit sila sa 1983 comedy na ‘Two of a Kind’.
“My dearest Olivia, you made all of our lives so much better. Your impact was incredible. I love you so much. I will see you down the road and we will all be together again. Yours from the first moment I saw you and forever! Your Danny, your John,” caption pa ng aktor.

Sa naging 40th anniversary ng ‘Grease’noong 2018, sinabi ni Travolta na na-in love siya kay Olivia noong ginagawa nila ang pelikula. Ginampanan nila ang characters na sina Danny Zuko and Sandy Olsson.

“She was my favorite thing about doing Grease. If you were a young man in the ’70s…, if you remember that album cover with Olivia with that blue shirt on, with those big blue eyes staring at you. Every boy’s, every man’s dream was: ‘Oh, I would love for that girl to be my girlfriend’.”

Noong 2020, pumanaw din sa sakit na breast cancer ang misis ni Travolta, ang aktres na si Kelly Preston sa edad na 57.

(RUEL J. MENDOZA)

2 binitbit sa cara y cruz at baril sa Malabon

Posted on: August 12th, 2022 by @peoplesbalita No Comments

BAGSAK sa kalaboso ang dalawang laborer matapos maaresto sa isinagawang anti-illegal gambling operation at makuhanan ng baril ang isa sa mga ito sa Malabon City.

Kinilala ni Malabon police chief Col. Albert Barot ang mga naarestong mga suspek bilang si Allan Bataanon, 37, ng Mabolo St., Brgy., Maysilo at Norlito Pacon, 40, ng C-4 Road, Brgy., Tañong.

Lumabas sa imbestigasyon nina PSSg Ernie Baroy at PSSg Diego Ngippol, nakatanggap ang Station Inteliigence Section (SIS) ng impormasyon mula sa Barangay Information Network (BIN) hinggil sa nagaganap na illegal na sugal “cara y cruz” sa Leoño St., Brgy., Tañong.

Kaagad namang rumesponde sa naturang lugar ang mga operatiba ng SIS sa pangunguna PLT Richel Sinel sa koordinasyon sa Sub-Station 6 sa pamumuno ni PLT Manny Ric Delos Angeles na nagresulta sa pagkakaaresto sa mga suspek matapos maaktuhang nagka-cara y cruz dakong alas-3:15 ng madaling araw.

Narekober ng mga pulis ang tatlong pirasong one-peso coin na gamit bilang “pangara” at P890.00 bet money habang nang kapkapan ang mga suspek, nakuha kay Pacon ang isang cal. 38 revolver na kargado ng anim na bala.

Nahaharap ang mga suspek sa kasong paglabag sa PD 1602 as Amended by RA 9287 habang karagdagang kasong paglabag sa RA 10591 o ang Comprehensive Law on Firearms and Ammunations ang kakaharapin ni Pacon. (Richard Mesa)

Kongreso iimbestigahan ang no-contact apprehension

Posted on: August 12th, 2022 by @peoplesbalita No Comments

HININGI ni Surigao del Norte Rep. Robert “Ace” Barbers sa Kongreso na gumawa ng isang imbestigasyon sa pagpapatupad ng no-contact apprehension policy (NCAP) na ginagawa ng mga local government units (LGUs) at ng Metro Manila Development Authority (MMDA).

Dahil na rin sa mga reklamo ng mga motorista lalo na ang mga motorcycle-riding delivery men sa mga alegasyon ng malpractice sa pagpapatupad ng NCAP na ayon sa kanila ay nagpapataw ng mataas na multa ng wala naman due process.

“The NCAP system is laudable since the intent is to discipline erring, abusive or wayward drivers,however, the drivers and the public should be enlightened about the details of its implementation to stop abuses” wika ni Barbers.

Sa ilalim ng NCAPsystem, ang mga bawat LGUs o MMDA ay siyang nagbibigay ng mga notices at mails derecho sa mga registered owner ng mga sasakyan. Ang hindi pagbabayad ng multa sa itinakdang araw ng mga sasakayan na sangkot sa violation ay hindi papayagan na marehistro.

Dagdag pa ni Barbers na ang NCAP ay nagiging isang parusa sa mga motorista na maaaring pagsimulan ng corruption.

Ayon pa sa kanya ang pagpapataw ng mataas ng multa ng mga traffic enforcers ng NCAP ay isang paglabag sa Constitution.

“There is no law, ordinance or regulation prohibiting vehicle registration due to non-payment of fines for traffic violations. We need to change our traffic management system, and I am fully in support of the intent of NCAP but this early, we need further enlightenment on this policy so that there would be less or no more complaints from motorists in the days to come,” dagdag ni Barbers.

Samantala, ang Land Transportation Office (LTO) naman ay huming na magkaron ng pag-uusap ang mga LGUs sa mga opisyales ng LTO upang marepaso ang NCAP.

“I appealed to LGUs to sit down with the agency and iron out the implementing rules and regulations in the wake of widespread complaints from motorist,” saad ni LTO assistant secretary Teofilo Guadiz.

Ayon sa kanya ang mga operators ay siyang nagrereklamo at napipilitan na magbayad ng mataas na multa sa mga traffic violations na dapat sana ay ang mananagot ay ang mga drivers.

Kung kaya’t pag-aaralan ng LTO ang nasabing polisia upang ang mga drivers ang siyang maging liable sa mga traffic offenses.

Mayron naman mga issues na kung saan ang mga sasakyan na involved ay nabenta na sa ibang may-ari subalit hindi pa naililipat ang ownership sa bagong may-ari ng sasakyan.

“There are also instances wherein the name of the owner of the vehicle has been changed, and yet since this was not immediately registered with the LTO, it’s the former owner of the vehicle who is being asked to pay the fines,” dagdag ni Guadiz.

Handa naman ang LTO na tumulong sa mga LGUs at MMDA sa pagpapatupad ng NCAP. Kailangan lamang na ayusin ang NCAP para magkaron ng isang epektibong pagpapatupad nito upang magkaron ng magandang daloy ng trapiko sa mga lansangan ng kalakhang Maynila. LASACMAR

Pag-uulit ng DepEd, booster hindi required sa mga estudyante

Posted on: August 12th, 2022 by @peoplesbalita No Comments

MULING inulit ng Department of Education (DepEd) na mananatiling hindi mandatory o sapilitan para sa mga estudyante na tumanggap ng kanilang primary vaccine series at booster shots bilang paghahanda para sa pagpapatuloy ng “in-person classes”.

Ito’y sa kabila ng naging panawagan ni Pangulong Ferdinand Marcos Jr. sa publiko kabilang na sa mga kabataan na magpa-booster shot.

Sa press conference, tinanong si DepEd spokesperson Michael Poa hinggil sa vaccination policies na ipatutupad ng DepEd matapos na ihayag ni Pangulong Marcos sa kanyang vlog, araw ng Sabado na kailangan na tiyakin sa lahat lalo na sa mga kabataan na makatatanggap ang mga ito ng kanilang booster para protektahan ang kanilang mga sarili mula sa COVID-19.

Aniya, sumusunod lamang ang DepEd sa national policy na ang pagbabakuna ay hindi sapilitan.

“Of course, we are one with the President in encouraging everyone to get either vaccinated or get their booster shots kung hindi pa sila nakakapagpa-booster. However, as we all know, the government’s vaccination program is not mandatory in nature. Voluntary pa rin po siya. As a matter of national policy, sumusunod din ang DepEd. Hindi po tayo mandatory sa DepEd,” ayon kay Poa.

Tiniyak ng departamento na hindi nila idi-discriminate ang kahit na sinuman laban sa mga hindi bakunado mula sa mga bakunado na kapuwa mag-aaral at teaching at non-teaching staff.

Aniya pa, ang pagsasama ng mga kabataan na bakunado laban sa COVID-19 at iyong mga hindi bakunado ay hindi magiging problema sa face-to-face classes resume.

Sa kabila nito, nananatili namang nakikipag-ugnayan ang DepEd sa Department of Health (DOH) na i- roll out ang mobile COVID-19 vaccination at i-organisa ang counseling sessions sa hanay ng mga unvaccinated learners sa mga eskuwelahan.

Binigyang diin naman ni Poa ang kahalagahan ng pagsunod sa minimum public health standards, bilang tugon sa kalatas ni OCTA Research fellow Dr. Guido David na “very possible” para sa COVID-19 cases sa bansa na magpatuloy na tumaas sa oras na buksan na ang mga klase.

“Siyempre po, we take the OCTA Research seriously, nakakatulong naman po ‘yan as guidance for us. However, if you look at other studies also like UNICEF, there is no direct correlation between in-person classes and transmission as long as nandiyan ‘yung minimum health and safety standards natin,” ayon kay Poa. (Daris Jose)

Kai kumpirmado na sa FIBA World Cup Qualifiers

Posted on: August 12th, 2022 by @peoplesbalita No Comments

DESIDIDO ang Samahang Basketbol ng Pilipinas (SBP) na makapagbigay ng magandang laban sa FIBA World Cup Asian Qualifiers na idaraos sa Agosto 25 at 29.

Kinumpirma ng SBP na madadagdagan ang puwersa ng Gilas Pilipinas dahil maglalaro si 7-foot-3 Kai Sotto para sa fourth window ng qualifiers.

“The Samahang Basketbol ng Pilipinas confirms Kai Sotto is joining the Gilas Pilipinas men’s national team for the FIBA World Cup Window 4 Qualifiers,” ayon sa statement ng SBP.

Mismong si Sotto ang nagpahayag ng interes na maglaro sa Gilas Pilipinas.

Nakatakdang dumating ang dating UAAP Juniors MVP sa Agosto 18 upang makasama ang Gilas Pilipinas pool sa preparasyon nito para sa qualifiers.

“Kai has expressed his eagerness to join his Gilas teammates in preparing for the qualifiers and will arrive in Manila from Australia on Thursday,” nakasaad pa sa statement.

Nagpasalamat naman ang pamunuan ng SBP sa pagtugon ni Sotto sa panawagang maging bahagi ng Gilas Pilipinas pool.

“We are glad to have Kai into the Gilas fold and thank him for his proactive response to the call to play for flag and country for the August Qualifiers,” ani SBP executive director/spokesperson Sonny Barriors.

Makakasama ni Sotto sa pool si NBA star Jordan Clarkson ng Utah Jazz kasama sina Dwight Ramos, Ray Parks Jr., Kiefer at Thirdy Ravena, Carl Tamayo, Francis Lopez at Kevin Quiambao.

Nakatakda ring dumating si Clarkson sa pare-hong petsa sa Agosto 18 upang makadalo sa training camp ng tropa.

“Aside from Kai Sotto, the Gilas Pilipinas team will also be beffed up by NBA Utah Jazz star Jordan Clarkson for this FIBA Basketball World Cup 2023 Asian Qualifiers — Window 4,” dagdag pa ng SBP statement.

Inaasahang madadagdagan pa ito sa oras na matapos ang semifinal round ng PBA Philippine Cup kung saan huhugot ang SBP ng mga karagdagang players mula sa mga koponang nasibak na sa kontensiyon.

Ads August 12, 2022

Posted on: August 12th, 2022 by @peoplesbalita No Comments

Former Pres. Arroyo nagbigay pugay sa pumanaw na si Lydia de Vega

Posted on: August 12th, 2022 by @peoplesbalita No Comments

NAGPAABOT nang pakikiramay si dating Pangulong at ngayon ay Pampanga 2nd District representative at Senior Deputy Speaker Gloria Macapagal Arroyo sa pamilya ng yumaong Filipina track and field legend Lydia de Vega.

Inilarawan ng dating pangulo na isang malaking kawalan sa bansa ang pagpanaw ng tinaguriang ” fastest woman in Asia” dahil sa inangat nito ang Philippine sport sa world map at nagbigay ng maraming karangalan sa ating bansa.

Umaasa rin si Arroyo na ang tagumpay ni De Vega ay magsilbing inspirasyon sa mas marami pang Pilipino sa larangan ng sports.

Una nang inanunsiyo ng anak ni De Vega ang pagpanaw ng Philippine sports icon at track and Asian field star dahil sa komplikasyon mula sa breast cancer.