2022 August Archive - People's Balita

Archive for August, 2022

Fertilizer at pesticides subsidy sa magsasaka, palawigin

Posted on: August 15th, 2022 by @peoplesbalita No Comments

BILANG tugon sa panawagan ng mga magsasaka ukol sa patuloy na pagtaas sa gastos sa mga farm inputs, ipinanukala ni AGRI-Party-list Rep. Wilbert Lee na magtatag ng fertilizer and pesticides subsidy program.

Sa ilalim ng House Bill No. 3528 o National Fertilizer Subsidy Act, ang Department of Agriculture (DA) ay magpapatupad ng National Fertilizer and Pesticide Subsidy Program para sa mga kuwalipikadong magsasaka.

“Through this bill, we assure our agricultural sector that we respond and guarantee them that in scenarios of high prices of these agricultural inputs, subsidies are available as we separately push to sustainably increase its local manufacturing and production,” ani Lee.

Ayon sa ginawa nilang monitoring, ang walang habas na pagtaas sa presyo ng agricultural inputs, partikular na sa pataba ay tumaas ng triple sa nakalipas na 18 buwan.

Lumabas pa aniya sa ulat na ang presyo ng urea ay tumaas ng P900-P950 kada bag noong 2021 sa P2,240-P2,920 nitong Pebrero 2022.

Sa ilalim ng panukala, ang subsidiya na ibibigay ay aktuwal na fertilizer bags o subsidy vouchers depende sa kasalukuyang market prices at geographical and logistical challenges ng rehiyon habang ang tulong sa pestisidyo ay ipapamahagi sa pamamagitan ng subsidy vouchers.

Para makatanggap o maging benepisaryo kailangan na isang Pinoy na miyembro ng agri-basic sector at 18 anyos sa panahon ng registration; isang magsasaka, farm laborer/ worker o Agri-youth base sa Registry System for Basic Sectors in Agriculture (RSBSA) Definitions of Members of the Agriculture and Fisheries Sector.

“Umaasa po tayo sa suporta ng Kongreso upang agarang maisabatas ang panukalang ito. Hangad po natin na maibsan ang mga pasanin ng mga magsasaka, mapalaki ang kanilang produksyon at kita para sa pangangailangan ng pamilya, at sa paghakbang natin palapit sa katuparan ng inaasam na food security,” pahayag ni Lee. (BISHOP JESUS “JEMBA” M. BASCO)

Hotshots diniskaril ang Tropang Giga

Posted on: August 15th, 2022 by @peoplesbalita No Comments

PINIGILAN ng Magnolia ang pagpasok ng nagdedepensang TNT Tropang Giga sa PBA Finals matapos agawin ang 105-97 panalo sa Game Five ng 2022 Philippine Cup semifinals series kahapon sa Smart Araneta Coliseum.

Kumamada si veteran guard Mark Barroca ng 25 points, 6 rebounds at 4 assists para idikit ang Hotshots sa 2-3 sa kanilang best-of-seven wars ng Tropang Giga.

Nag-ambag sina Calvin Abueva, Paul Lee at Ian Sangalang ng tig-16 markers para sa Magnolia.

“Ang maganda doon hindi sila sabay-sabay. Kapag pumutok kasi mahirap eh. Ma-limit lang namin ang isa sa kanila, may chance kaming manalo,” sabi ni Barroca kina Jayson Castro at Mikey Williams.

Tumapos si Castro na may 18 points at may 13 markers si Williams sa panig ng TNT.

Ang maliit na 28-26 lead sa first period ay pinalobo ng Hotshots sa 16-point lead, 51-35, mula sa basket ni Aris Dionisio sa 2:49 minuto ng second period.

Naputol ito ng Tropang Giga sa 92-95 sa likod nina Castro, Williams, Poy Erram at Glenn Khobuntin sa huling 3:59 minuto ng fourth quarter.

Huling nagbanta ang TNT sa 94-99 galing sa follow up ni Kelly Williams sa 2:47 minuto ng laro kasunod ang jumper at dalawang free throws ni Lee para muling ilayo ang Magnolia sa 103-94 sa 2:04 minuto nito.

Samantala, lumapit ang San Miguel sa finals berth matapos pabagsakin ang Meralco, 89-78, para angkinin ang 3-2 lead tampok ang 25 points ni CJ Perez.

Iniskor naman ni Rodney Brondial ang kabuuan niyang limang puntos sa dulo ng fourth period kasama ang krusyal na jumper para sa 84-76 paglayo ng Beermen sa Bolts sa huling 1:01 minuto.

‘Laptop anomaly’ sa DepEd, ‘di palalagpasin

Posted on: August 15th, 2022 by @peoplesbalita No Comments

HINDI palalagpasin ng Senado ang umano’y overpriced na mga laptop na binili ng Department of Education (DepEd) bunsod para maghain na ng resolusyon na nananawagan sa Senate Blue Ribbon Committee na magsagawa ng imbestigasyon tungkol dito.

Sa Proposed Senate Resolution No. 134, sinabi ni Sen. Alan Peter Cayetano na may kagyat na pangangailangan na maimbestigahan ng Senado ang naturang isyu upang makatulong sa paglikha ng batas at para alamin kung bakit natagalan ang pagbili ng mga laptop gayong dapat napabilis ang proseso sa ilalim ng Bayanihan II.

Tinukoy ni Cayetano ang Commission on Audit (COA) report noong July 29, 2022 kung saan ipinunto ng ahensya ang pagiging overpriced ng mga laptop na binili ng Department of Budget and Management Procurement Service (DBM-PS) kumpara sa unit specifications ng mga ito.

Binili ang mga laptop gamit ang P4-bilyon pondo na itinalaga para sa implementasyon ng Digital Education, Information Technology (IT) at Digital Infrastructures and Alternative Learning Modalities bilang bahagi ng Bayanihan to Recover As One o Bayanihan II Act.

Inaprubahan ang panukala noong September 11, 2020, sa panahon ni Cayetano bilang House Speaker, upang tulungan ang mga guro na makaangkop sa hybrid learning at makapagturo sa mga mag-aaral online.

Gayunpaman, nagkaroon ng siyam na buwang pagitan mula sa pag-apruba ng budget at sa mismong pagbili ng mga laptop. Naigawad ang kontratang nagkakahalaga ng P2.4 billion para sa pagbili ng mga laptop noong June 30, 2021, samantalang nasimulan na lamang ang pagbibigay ng laptop sa mga guro noong August 2021, ayon sa DepEd.

Iminungkahi rin ni Cayetano na usisain ng Senado ang “evident discrepancy” o malaking diperensya sa pagitan ng P4-billion pondo at P2.4 bilyon na presyo ng kontrata sa umano’y overpriced at malumang mga laptop na ipinamahagi sa mga guro.

Una nang naghain ng Senate Resolution 120 si Senate Minority Leader Koko Pimentel na inaatasan ang Committee on Accountability of Public Officers and Investigations na silipin ang ‘overpriced’ at ‘outdated’ na laptops para sa public school teachers. (Daris Jose)

Kelot na tumangay sa bag ng ginang, arestado sa Valenzuela

Posted on: August 15th, 2022 by @peoplesbalita No Comments

ISINELDA ang isang lalaki matapos tangayin ang bag ng isang out-patient na babae sa isang diagnostic clinic sa Valenzuela City, kamakalawa ng umaga.

Kinilala ni PLt Francisco Tannagan, Sub-Station-9 commander ang naarestong suspek bilang si Percival Carlos, 41 ng Balubaran, Brgy., Malinta ng lungsod na nangagarap sa kasong Theft.

Ayon sa ulat, naiwan ni Eloisa Santos, 48, ng Brgy., Gen. T. De Leon ang kanyang bag sa upuan sa waiting area ng diagnostic clinic sa McArthur Highway, Brgy., Karuhatan habang kausap niya ang doctor dakong alas-11:45 ng umaga.

Kinuha ng suspek ang bag ng biktima sa upuan at mabilis na tumakas kaya hinabol siya ng ginang at iba pang pasyente sa clinic habang napansin naman ng napadaan na mga pulis ng SS9 na sina PSSg Darwin Orale at Pat Norbert Rosario ang kaguluhan.

Kaagad tumulong sa paghabol ang dalawang pulis na nagresulta sa pagkakaaresto sa suspek at narekober sa kanya ang belt bag ng biktima na may laman, id card, comb, ballpen, at P200 cash.

Nadiskubre ng pulisya na may record ng pagnanakaw (salisi) ang suspek sa Dasmarinas, Cavite noong March 9, 2020, robbery sa Quirino, Quezon City noong June 10, 2018, at robbery at paglabag sa R.A. 10591 sa Baler, Quezon City noong February 8, 2022.

Hinimok naman ni Valenzuela police chief Col. Salvador Destura Jr, ang publiko na maging alerto at bantayan ang kanilang mga mahahalagang gamit dahil iba-iba ang modus operandi ng mga kriminal. (Richard Mesa)

Pagsisimula ng FIFA World Cup napaaga

Posted on: August 15th, 2022 by @peoplesbalita No Comments

INIURONG ng mga organizers ng men’s 2022 FIFA World sa Qatar ang araw ng pagsisimula nito.

Imbes kasi na sa Nobyembre 21 ay ginawa na lamang ito sa Nobyembre 20.

Ito ay para payagan ang paglalaro ng host nation na Qatar laban sa Ecuador sa unang.

Ang nasabing desisyon aniya ay para maituloy ang matagal ng tradisyon kung saan ang unang laro ng World Cup ay dapat sa host country o sa mga defending champion.

Paglilinaw naman ng mga organizers na hindi magbabago ang paglalabas ng mga listahan ng mga maglalaro sa Nobyembre 14.

Dahil sa pagbabago ay napalitan na rin ang petsa na mula Nobyembre 20 na magtatapos sa Disyembre 18.

Cartel sa sugar industry buwagin, parusahan sangkot na opisyal, hamon kay BBM

Posted on: August 15th, 2022 by @peoplesbalita No Comments

HINAMON ng Unyon ng mga Manggagawa sa Agrikultura (UMA) si Presidente Bongbong Marcos na buwagin ang cartel sa sugar industry at parusahan ang mga opisyal ng gobyerno na sangkot dito, lalo na ang mga nasa Sugar Regulatory Administration (SRA) at Department of Agriculture (DA).

Ito ang tugon ng grupo sa pahayag ng pangulo na may gugulong na ulo matapos siyang pangunahan sa isyu nang importasyon ng asukal.

Hinamon pa ni UMA spokesperson John Milton “Butch” Lozande ang pangulo na pangalanan ang mga miyembro ng sugar cartel.

Sa isyu ng pagtaas sa presyo ng asukal, isinuwestiyon ni Lozande sa pangulo na pigilan ang mga middlemen na itaas ng husto ang presyo at makialam na ang gobyerno sa pagpi-presyo at marketing nito. (Ara Romero)

Ads August 15, 2022

Posted on: August 15th, 2022 by @peoplesbalita No Comments

Vaccination centers sa mga schools para mapabilis ang vax rollout bago magsimula ang klase

Posted on: August 15th, 2022 by @peoplesbalita No Comments

NANAWAGAN si Camarines Sur Rep. LRay Villafuerte sa mga local government unit (LGU) executives na makipagtulungan sa Departments of Education (DepEd), Health (DOH) at Interior and Local Government (DILG) sa paglalagay ng mga anti-Covid 19 vaccine centers sa kani-kanilang lokalidad, bilang suporta sa isinusulong ng Malacañang na masiguro ang ligtas na pagbabalik klase ngayong pasukan.

“Alongside providing the necessary assistance to public and private schools in preparation for the start of face-to-face and online learning modes on Aug. 22, local executives should team up with the DepEd, DOH and DILG in setting up in schools vax centers for primary and booster shots against the coronavirus ASAP, to better protect our students and their teachers this upcoming school year against the current and future surges in Covid-19,” ani Villafuerte.

Sinabi ng mambabatas na makakatulong ang LGU para sa mabilis na vaccine rollout ay mabakunahan ang mga mag-aaral at teenagers na hindi pa natuturukan ng primary o booster shots laban sa coronavirus, sa pamamagitan ng pag-aalis ng Covid-19 quarantine o isolation facilities na inilagay sa mga paaralan noong panahon ng pandemic at paglalagay ng vax sites sa mga naturang educational institutions.

Isang tugon na rin aniya ito sa apela ni Presidente Marcos na makumpleto ang primary o booster shots ng publiko lalo na ang mga kabataan laban sa Covid-19 upang mas maprotektahan ang mga ito.

Nakatakdang magsimula ang klase sa Agosto 22 na bubuuuin ng pinagsamang face-to-face sessions at online teaching modes. Inihayag din ng DepEd na ang full face-to-face classes mula Lunes hanggang Biyernes sa lahat ng elementary at high schools ay magsisimula ngayong Nobyembre.

Sa ngayon, ang lahat ng adults at minors na nasa edad 12-17 anyos ay maaaring magpaturok para sa unang booster shot habang ang mga batang 5- 11 taong gulang ay eligible naman sa two-dose primary shots.

Ayon sa DepEd, mahigit sa 16 million ang nakapag-enroll para sa school year 2022-2023, hanggang nitong Agosto 5.

Sa nasabing bilang, ang kindergarten ang siyang may pinakamalaking bilang ng enrollees na nasa 1,060,138; sinundan ng Elementary (Grades 1-6) na may 7,376,586; Grades 7-10 (Junior High School) na 5,179,673 enrollees; at Grades 11-12 (Senior High School), na 2,412,855.

Inaasahan na madadagdagan pa ang bilang ng enrollees bago magsimula ang klase sa Agosto 22. (Ara Romero)

DTI naglabas ng revised SRP sa mga school supplies

Posted on: August 15th, 2022 by @peoplesbalita No Comments

INILABAS ng Department of Trade and Industry (DTI) ang bagong listahan ng price guide para sa mga school supplies.

Sinabi ni Trade Secretary Alfredo Pascual na ni-revise niya ang “Suggested Retail Price” o SRP list para sa school supplies dahil hindi detalyado ang lumang listahan.

Ang listahan ay may mga tatak at mga detalye na.

Para sa mga notebook, kasama sa bagong gabay ang laki, number of leaves, kalidad ng papel, brand name, at kahit na mayroon silang generic o character na disenyo.

Ang impormasyong ito ay makakatulong sa mga magulang at mag-aaral na ihambing ang mga presyo sa mga tindahan.

Ngunit para sa Philippine Stationers Association, hindi na kailangang maglabas ng SRP sa mga school supplies, sabi ng pangulo nito na si Charles Sy.

Dagdag pa niya, sa pangkalahatan ay mababa ang presyo ng mga gamit sa paaralan.

Mahirap ding magtakda aniya ng presyo dahil may mga ordinaryong brand at premium ang ilang items.

DA Usec. Leocadio Sebastian nag-resign kasunod nang unauthorized resolution sa pag-import ng 300,000MT ng asukal

Posted on: August 15th, 2022 by @peoplesbalita No Comments

BOLUNTARYONG nag-resign na sa kanyang puwesto si Agriculture Undersecretary Leocadio Sebastian matapos na mabulgar ang hindi otorisadong balakin na pag-angkat sana ng 300,000 metric tons ng asukal.

Ito ang kinumpirma ni Press Secretary Trixie Cruz-Angeles nitong Biyernes ng gabi.

Si Sebastian ang tumatayong undersecretary for operations and chief-of-staff ni Pangulong Ferdinand Marcos Jr. sa DA.

Ang sulat ni Sebastian ay may petsang August 11, 2022 at ipinadala ito sa tanggapan ni Atty. Victor Rodriguez, ang executive secretary ng pangulo.

Inamin ni Sebastian na ang pagpirma niya sa Sugar Order 4 ay hindi naaayon sa direksiyon ng Marcos administration sa sugar industry.

Humingi rin ito ng paumanhin dahil sa pagpirma niya sa dokumento na walang kaukulang pag-apruba mula mismo sa Pangulong Marcos.

“I sincerely offer my apologies, Your Excellency, for my having approved Sugar Order no. 4 on your behalf, and through the authority you have vested upon me,” ani Sebastian sa kanyang sulat.

Kasabay nito, nagpasalamat din si Sebastian sa pagbibibigay umano ng tiwala sa kanya ng presidente at makapagsilbi sa gobyerno.

Una nang iniulat ni Sec. Cruz-Angeles na suspindido muna ang ilang mga opisyal na nakapirma sa Sugar Order 4 habang isinasagawa ang imbestigasyon.

Binigyang diin ni Cruz-Angeles na ang Pangulong Marcos ang chairman ng Sugar Regulatory Board kaya siya rin ang magtatakda ng anumang meeting o agenda. Kaya anuman umano ang ginawa nina Sebastian ay “illegal.”

“The Chairman of the Sugar Regulatory Board is President Ferdinand Marcos, Jr. As such, the chairman sets the date of any meetings or convening of the Sugar Regulatory Board and its agenda. No such meeting was authorized by the President or such a resolution likewise, was not authorized,” giit pa ni Cruz-Angeles. “Usec Sebastian was not authorized to sign such a resolution because the President did not authorize the importation.”

Ang naturang kontrobersiya ay lumutang matapos na pigilan ng Pangulong Marcos ang pag-aangkat ng 300,000 na layon sana na mapababa umano ang presyo ng asukal at maibsan ang kakulangan na magtatagal na lamang sa katapusan ng buwan.

Sa panayam naman sa ilang mga stakeholders lalo na sa grupo ng sugarcane, kanilang sinabi na wala raw kakulangan sa asukal at tutol din sila panukalang pag-aangkat. (Daris Jose)