DAHIL sa in-upload na black and white photo ni Ice Dino Seguerra sa kanyang Instagram account, napagtanto niya ngayon na, “ang hirap pala mag-post ng black and white photo sa IG, may phobia na ang mga tao.”

Ito ang nilagay na caption ni Ice sa kanyang FB post na kung saan ginawa rin niyang profile ang viral photo, kasama ang screenshot ng naging reaction ng mga netizens.

Sa kanyang IG makikita nga ang black and white photo na may caption ang edited post ng, “Kalma lang kayo guys. Ako lang ‘to. At buhay pa ako.”

Sa totoo lang, nabulabog talaga ang kanyang followers at ‘yun iba ay munting nang maiyak na naturang post at comment nga nila dahil inakala nilang may masamang nangyari sa kanilang idolo:

“Idol wg gnyn. Msmng biro yn magbi-birthday k man na. Ingat always idol. 👏🙏”

“Juskolord kinabahan ako dun ah.. akala ko d ko na makaka duet ang lodi ko… hahaha.. may pag asa pa pala.. wag mo na uulitin yan..”

“Oo nga grabe wag ka ganyan gulat ako😢😢😢 hearth broken, gamot pa nman ng mom ko sa alzheimers mga kanta mo calming music❤️😂🙌👏”

“Kinabahan ako sayo Aiza🤣😂 takot nako sa mga Black Photo. hahahah next time wag napo ganyan 😂🤣

nakakashookot lalo nat sunod sunod nkkita ko sa IG today.”

Say pa ng isa, “vaklaaah… wag black and white..😳 nyeeymes nman. eeey. huh!! wag ganyan… 🙃”

“Bawasan mo kasi magkape, kaya parati kang kabado eh,” sagot ni Ice sa isang netizen.

Hirit pa ng sikat na mang-aawit para sa mga kinabahan dahil para nga itong portrait, “ok lang ako. Pag may kalapati na yang picture ko, kabahan ka na.”

Comment pa nila sa post ni Ice:

“Medyo na-stress nga ako sa start ng post mo about Gary V… had to skip agad sa end to check na bday pala hahaha iba na ngayon eh 😄”

“grabe naman kasi idol lakas maka “kinuha ng liwanag” yung Pic mo😂😂😂”

“Omg Muntik na ako mag type na you will be missed and your music 😂😂😂”

“Sheeett tumalon ng slight ung puso ko .. naiinis nako sa mga ganitong kulay ng pictures ng mga artista tlga😂”
“Putek! Akala ko dumating na panahon. Wag ganon! 😂😂😂”

“Omg idol ang takot ko naman, tinakot mo naman ako wala naman ganyan idol. Umaasa pa naman kami na magkakasama sama pa kayo uli ng bcwmh fam.❤️❤️❤️❤️❤️

“Hahahahahahhahahahahaha! Papunta na ako sa google para isearch ih! Hahahahah! Wag kang anuh!”

Inamin naman ng asawa ni Liza Dino Seguerra na may pinagdaraanan siya, dahil ilang taon na niyang nilalabanan ang matinding depression.

At sa naging reaksyon ng mga netizens, patunay lang ito na isa si Ice sa well-loved sa local entertainment industry.

***

SAMANTALA, may pampa-good vibes naman at pambawi na IG post si Ice Seguerra dahil naisahan na naman niya ang kanyang Nanay Teresita na si Sylvia Sanchez.

Kasama ng isang photo, na kung nakangisi siya, may caption ito na, “Hi Nay! Tinulugan mo na naman ako eh…tsk!”
Sagot naman ng aktres na nairirita na, “Punyeta!!! Naisahan mo na naman ako!!! Pinilit kong wag makatulog dahil alam kong wawalanghiyain mo na naman ako. Pero paanong hndi ako makatulog eh kanta ka ng kanta. May araw ka din!! Tandaan mo yan, magagantihan din kita @iceseguerra 😡😡😡”

Last week lang ay nakunan din ni Ice si Sylvia na natutulog at ipinost din ang parang mapang-asar na larawan nila.
Kaya nagbanta pa nga ang aktres ng, “nakaisa ka na naman talaga! May araw ka din. Maiisahan din kita hahaha bwisit ka nak 😳😳😳 hintay ka lang😳”

Comment uli ni Ice, “@sylviasanchez_a ganda naman ng shot ko eh. Captured yung essence mo rito.”
Kaya nga inaabangan ng netizens kung kailan naman makakaganti si Sylvia sa kanyang anak-anakan. Tuwang-tuwa sila sa kulitan nina Nanay Teresita at Kute, na patuloy na nanood ng rerun ng ‘Be Careful With My Heart’ sa Kapamilya channel.

Hinahanap tuloy nila kung nasaan si Maya (Jodi Sta. Maria) dahil may kulang, sana raw ay magpakita ito at maka-bonding nila sa kulitan at isama na rin si Cho (JM Ibanez, na binatang-binata na ngayon).

Samantala, nag-i-invite din si Ice sa upcoming concert nila sa Japan…

“Sabay sabay natin kantahin ang mga kantang nagpa-iyak at nagpa-ibig sa ating ❤️

“Ice Seguerra LIVE @ Matsudo Civic Hall Matsudo Chiba Japan | SEPTEMBER 11 | SUNDAY. SOULFULLY YOURS ”A Heartwarming Live Acoustic Concert”

“GET YOUR TICKETS NOW!!! 📞 080-5644-8850.”

Makakasama ni Ice sina Nyoy Volante, Joey Generoso at may special appearance si Jason Fernandez.

(ROHN ROMULO)

MAGANDA ang naisip na concept ni Aiko Melendez sa kanyang Youtube channel.

Ang ininterview niya ay ang anak nila ni Jomari Yllana na si Andre Yllana.

May mga tanong na do’n lang daw naibato ni Aiko kay Andre. Isa na rito ‘yung tungkol sa damdamin ni Andre sa ama.

Sa tanong ni Aiko kung happy naman si Andre na nakaka-bond daw niya ang Daddy niya, sinagot ito ni Andre na, “Oo naman, siguro Dad, kung napapanood mo man ‘to, hindi ko pa nasasabi sa ‘yo, ‘to.

“Pero minsan kasi, may mga bagay na it’s too late na. Siguro ‘yung thirst ko for a father, hindi na rin gano’n ka—kumbaga dati, grabe akong maghabol kay Dad, ‘yung gano’n.

“So nasanay na rin ako na parang wala siya. Pasensiya na, Dad, kung may mga times na nakakalimutan kita.”

Inamin din ni Andre na may times na talagang na-depress siya at kinikimkim lang niya sa sarili ang lahat ng saloobin. Ito raw ‘yung panahon na sobra siyang nangayayat.

Kaya payo ni Andre sa lahat, ‘wag daw gumaya sa kanya na kinikimkim ang nararamdaman. Pero ayon din kay Aiko, isa sa nagustuhan niya sa anak, kahit na ano pa ang nangyari, hindi raw niya nakitaan si Andre na nagtanim ng galit sa ama niya.

At kung may message nga si Andre kay Jomari, natatawa ito pero mararamdaman ang concern niya sa physical well-being ng Daddy niya.

Sey kasi ni Andre, “Hi Dad, ano ba message ko kay Dad? Siguro ano lang, simple lang…mag-diet ka naman Dad. Medyo lumolobo tayo.”

At saka niya dinugtungan na, “Kahit ano naman ang mangyari, though, sinabi ko nga earlier, kahit anong mangyari, I’ll always still be here for you through thick and thin.

“Like I’ve said, may mga bagay na hindi na kasing-init dati.”

Positibo naman ang naging response ni Aiko sa mga tinuran ng anak. Sabi nga niya, wish daw niya na sana manumbalik ang dating relationship ng mag-ama. Dahil bilang ina, magiging pinaka-masaya raw siya dahil hangad niya lang din, ang kaligayahan ni Andre.

***

ILANG araw na rin simula nang mag-tweet si Alex Gonzaga na ina-assume ng karamihang netizens na may kinalaman sa nangyari sa noontime show nilang Lunch Out Loud, with Matteo Guidicelli.

Ang tweet niya na, “Some people won’t like you but that’s okay as long as you still like yourself and the person you can be.”

Instead daw kasi na maging accountable si Alex, parang pinapangatawanan o dinidepensa pa niya ang sarili at mga hirit base sa naging tweet niya.

Hanggang ngayon marami pa rin ang nagko-comment kay Alex tungkol dito. Obvious sa mga comments na hindi lahat o mas maraming nega ang naging reply sa kanya.

Ilan sa mga comments, “It’s okay to disrespect other people and never take accountability. As long as you love yourelf.

“Okay, then let’s make jokes about your miscarriage, basta we love ourselves. Pasok sa logic, ‘di ba?”

“Akala niya nakakatawa sya… sa totoo lang kayo ng sister mo ang nakakairita.”

“This person doesn’t have any kind of intellect. She’s just good at making people laugh even at the cost of disrespecting couple’s marriage. Kasuka pagkatao mu natutunan sa magulang mu yan asal kalye mu.”

“Ang hihilig sa bible quotes pero kabaliktaran naman ang actions at sinasabi???”

“You are being called out of your bad behavior, tapos ikaw pa ang pavictim ngayon.”

In fairness naman kay Alex, kahit na halos lahat yata ng comments sa tweet niyang ‘yon ay negative sa kanya, hindi siya nag-delete ng post at wala rin siyang sinagot o pinatulan.

(ROSE GARCIA)

MARAMI talagang naapektuhan at pinaiyak sa farewell episode ng ‘FPJ’s Ang Probinsyano’ last Friday na kung saan ang minahal na character ni Coco Martin na si Cardo Dalisay lang ang naiwang buhay sa Task Force Agila.

Isa sa nakapukaw ng damdamin ng mga viewers ang ‘tribute’ na ginawa nila ng serye para kay Ms. Susan Roces na gumanap na Lola Flora at ang makadurog-pusong eksena ni Cardo na tinatanong niya kung nasaan ito at sinagot ng, “Hindi ka na niya nahintay.”

Nakapagtala nga ang finale episode ng all-time high concurrent viewers na higit 500K, kaya mission accomplished ang pambansang teleserye na pitong taon ding naging bahagi ng pamilyang Pinoy.

Kaya sa sobrang lungkot at siguradong mami-miss nila tuwing gabi, humihingi na agad ang mga netizens ng part two, since buhay naman si Mara (Julia Montes), kaya puwede pang ituloy ang love story nila.

Si Megastar Sharon Cuneta naman ay labis-labis ang pasasalamat sa actor/director dahil naisipang siyang isama sa napakalaking cast. Maluha-luhang pahayag niya, “Nagpapasalamat uli ako sa ‘yo Coco, dahil ikaw ang nakaisip na isali ako dito sa napakagandang programang ito. Binigyan mo ako ng pamilya.

“Binigyan mo ako ng something to look forward to, tuwing may bagong cycle tayo. Umaalis ako ng bahay hindi mabigat ang loob, kundi napakasaya ko araw-araw. Maraming salamat, sa respetong ipinakita mo sa akin, sa inyong lahat, na nagpaalala sa akin uli, kung sino ako.

“Salamat Coco, salamat sa pagtanggap ninyo kay Aurora. At kaya ka minahal at minahal si Cardo, kasi kailangan ng bansa ng bayani, kaya kayo minahal kasama ng Task Force Agila.

“Kaya sana ang wish ko Lord, magkaroon ng tunay na Cardo at saka ng Agila sa bansang ito.”

At nagwi-wish din si Sharon na gumawa raw ng part two si Coco.

“Pero ang pinakahigit sa lahat, ang wish ko gumawa ka ng part two, dahil buhay pa naman kami ni Oscar (played by Rowell Santiago). At saka buhay pa kayo ni Mara, kaya pwede pa natin itawid ito, anak!”

Ganun na lang nga ang pasasalamat ni Coco, na nagkaroon ng ‘Pasasalamat Tour’ last Sunday sa Vistamall Taguig at Aug. 19, Starmall, San Jose del Monte, Bulacan, Aug. 20, Cebu, at Aug. 21, Robinsons Pavia, Iloilo. Abangan din ang kanilang US tour sa September at October.

Pero mukhang imposible na ma-grant agad ang wish ng mga loyal viewers ng FPJAP dahil baka raw ang next action series ni Coco ay ang remake ng ‘Batang Quiapo’ o ‘Isusumbong Kita Sa Tatay Ko’, na parehong blockbuster movies ni Da King.

May movie rin gagawin si Coco na siya rin ang magdi-direk, ang ‘Labyu With An Acccent na pagtatambalan nila ni Jodi Sta. Maria, na isa sa entry sa 2022 MMFF.

(ROHN ROMULO)