2021 September Archive - People's Balita

Archive for September, 2021

RACHELLE ANN, first time na nag-celebrate ng birthday bilang isang ina; nagsimula na ang pagbabalik-’Les Miserables’

Posted on: September 3rd, 2021 by @peoplesbalita No Comments

TAHIMIK ang naging birthday celebration ni Rachelle Ann Go-Spies kasama lang ang kanyang husband and baby boy sa United Kingdom.

Nag-turn 35 years old si Rachelle noong August 31. Ito raw ang first time niyang mag-birthday bilang isang nanay na.

“35. My family is the best gift. God is so so so good. Thank you everyone for all the greetings,” post ni Rachelle sa Instagram.

Handa na rin si Rachelle sa kanyang pagbalik bilang si Fantine sa London West End musical na Les Miserables. Nagsimula ang six shows niya para sa staged concert sa araw mismo ng kanyang birthday.

Na-miss ni Rachelle ang gumanap na Fantine na una niyang ginawa noong 2015 sa West End. Naudlot lang ang muling pagbalik niya sa Les Miserables noong 2020 dahil sa COVID-19 pandemic.

***

NAGPADALA ng official statement via Facebook ang chairperson for International Cultural Association ng Miss International na si Akemi Shimomura at malungkot na binalita ang muling pagkansela ng naturang pageant.

Ito ang ikatlong beses na makansela ang Miss International pageant. Unang cancellation ay noong 1966 dahil nawalan ng sponsor ang pageant sa Long Beach, California. Nasundan ito noong 2020 dahil sa COVID-19 pandemic.

Ito ang buong offiical statement:

“Notice of Cancellation of Miss International 2021

“Thank you for your continued support of the Miss International Beauty Pageant.

“Taking into consideration the health and safety issues, as well as the ongoing global impact caused by the Covid-19 Pandemic, we have come to a conclusion to cancel this year’s Miss International 2021 pageant, which was originally scheduled to be held this fall.

“We would like to express our deepest regret especially to the participants from all over the world, and to all those who have been supporting our event every year. We humbly ask for your understanding in light of this unusual circumstance which is beyond our control.

“The next edition, dubbed as the 60th Miss International Beauty Pageant, is scheduled to be held in the fall of 2022. Details of which will be announced in due time.

“Rest assured that through our slogan “Cheer All Women” we are still committed on pursuing our goal of supporting all women, and continuing with the legacy of this beauty pageant, which is to promote “friendship and goodwill with other countries in the world” and the “realization of world peace through international exchange”.

“We sincerely hope for your continued support and cooperation.”

Ang last edition ng Miss International ay noong 2019 na napanalunan ni Sireethorn Leearamwat of Thailand. Hawak pa rin niya ang korona hanggang mag-resume ang naturang pageant sa 2022.

Ang ipapadala dapat ng Pilipinas sa Miss International ay si Hannah Arnold na napanalunan ang titulong Bb. Pilipinas-International 2021 noong July 2021.

***

NAGSAMPA ng demanda ang production ng Mission Impossible 7 sa kanilang insurance company dahil sa bigo nitong mag-pay out sa naging gastos ng production sa ilang beses na pagtigil nila ng shooting dahil sa COVID-19 pandemic.

Ayon sa lawsuit na sinampa ng Paramount Pictures sa federal court in California, apat na beses na natigil mag-shoot ang pelikula ni Tom Cruise sa Italy at tatlong beses natigil naman sa United Kingdom. Nangyari ito between February 2020 at June 2021.

“The stoppages were caused by positive coronavirus tests among members of the cast or crew, or quarantine or lockdowns imposed in countries where the thriller was being filmed. The lawsuit accuses Indiana-based Federal Insurance Company of breach of contract, saying it has agreed only to pay out $5 million for the first stoppage,” ayon sa lawsuit.

Nakipagtalo pa raw ang insurance company at sinabing, “there was no evidence that those cast and crew members could not continue their duties, despite being infected with SARS-CoV-2 and posing an undeniable risk to other individuals involved with the production.”

Dahil sa production shutdowns, malaki ang nalugi sa Paramount kaya hindi sapat ang $5 million na gustong ibayad lang ng insurance company.

The delayed Mission: Impossible 7 is due to be released in September 2022.

(RUEL J. MENDOZA)

PhilHealth, naging maingat sa pag-proseso sa hospital claims

Posted on: September 3rd, 2021 by @peoplesbalita No Comments

SINABI ni Pangulong Rodrigo Roa Duterte na naging maingat ang state medical insurer PhilHealth sa pag-proseso ng hospital claims, na ayon sa medical facilities ay maaaring pondohan ang paggamot sa mga COVID-19 sufferers.

Nauna nang sinabi ni Philippine Hospital Association na may utang ang PhilHealth sa private at public medical facilities ng P20 billion “in COVID-19 claims.”

Kaya ang tanong ni Pangulong Duterte kay PhilHealth president at CEO Dante Gierran na: “Bakit mahina ka?”

Sinabi ng Pangulo na ang sagot ni Gierran ay dahil ang kanyang trabaho ay may kinalaman sa “receipts and documents” para sa medicines, expenses, at hospital admissions.

“Sabi niya, “I have to be careful, NBI ako sir e,'” ani Duterte patungkol kay dating director ng National Bureau of Investigation.

“‘I cannot move faster than how they want it to be because I have to be very careful considering what happened to Philhealth. Ayaw ko mangyari sa akin ‘yan,'” dagdag na pahayag ni Pangulong Duterte.

Nauna rito, sinabi ni Dr. Jose Rene De Grano, presidente ng Private Hospitals Association of the Philippines Inc, na ang delayed reimbursements ay gagamitin para i-cover ang sahod ng health care workers, medical equipment at supplies.

Paramount officially delays ‘Mission: Impossible 7′ to September 2022, ‘Top Gun: Maverick’ to May 2022.

Posted on: September 3rd, 2021 by @peoplesbalita No Comments

THE Mission: Impossible 7 release date has been delayed to September 2022.

Beginning production in early 2020, the upcoming action sequel has been one of the many Hollywood projects greatly impacted by the ongoing COVID-19 pandemic. Filming has been shut down multiple times, prompting studio Paramount to sue Mission: Impossible 7’s insurance company.

The movie has also seen its release date pushed back several times. Initially, Mission: Impossible 7 was supposed to premiere in July 2021, but it’s been delayed to next year.

Release date delays have been a major talking point in the industry recently, with growing concerns over the Delta variant spread and a new spike in COVID-19 cases across the country. While some movies are standing pat in their scheduled release dates, others have been moved as studios figure out what to do. Paramount is reconfiguring their upcoming calendar, and some changes they’ve made have had a domino effect on Mission: Impossible 7.

According to THR’s Aaron Couch, Mission: Impossible 7 has been delayed to September 30, 2022. This move was preempted by the Top Gun: Maverick release date delay. Top Gun 2 was pushed back to May 2022, in Mission: Impossible 7’s old release date.

Since Paramount is moving Top Gun: Maverick to next summer, it makes sense they’d also delay Mission: Impossible 7 again. Both sequels are massive projects for star Tom Cruise, and the studio wouldn’t want them competing directly against each other.

Spacing them out gives the two movies an opportunity to find box office success, which may have been a motivating factor behind Paramount’s thought process. Fall 2021 box office prospects remain uncertain, so Top Gun: Maverick could have been in a tough position if it stuck to its previously scheduled date.

Paramount is clearly hoping things will have improved substantially by next summer, which would allow Top Gun: Maverick to earn even more during its run. There are plans for the film to go to streaming service Paramount+ after a shortened theatrical window, but it will initially only be on the big screen.

This move should benefit Mission: Impossible 7 as well. While it appears some members of the cast, like Hayley Atwell, have wrapped filming, Mission: Impossible 7 remains in production. Pushing the release date back several months gives director Christopher McQuarrie more time to put together the finished movie, which looks to be a truly ambitious work.

It remains to be seen if this will have any affect on Mission: Impossible 8, which is currently slated for a July 2023 release. Originally, the plan called for Mission: Impossible 7 and 8 to shoot back-to-back, but that changed with the pandemic. If things stand the way they are, Cruise is set to have a busy couple of years promoting and shooting his new movies.

(source: screenrant.com)

(ROHN ROMULO)

Local deaths sa Pinas dahil sa respiratory disease mas mababa kumpara sa ibang bansa-PDu30

Posted on: September 3rd, 2021 by @peoplesbalita No Comments

SINABI ni Pangulong Rodrigo Roa Duterte na mas mababa ang local deaths ng Pilipinas dahil sa respiratory disease kumpara sa ibang bansa.

Ito’y sa kabila ng naitalang bagong record ng COVID-19 cases ng Pilipinas.

“Hirap ang America ngayon. Ang Europe is suffering from a—maraming mas namatay; Turkey, marami ang patay; Saudi Arabia, mas marami ang patay,” ayon kay Pangulong Duterte sa kanyang taped national address.

“Ito, atin, hawa lang. Ang patay natin, hindi masyado ganoon karami,” aniya pa rin.

Tinatayang may 33,333 katao na sa Pilipinas ang sumuko sa COVID-19.

Kinumpirma naman ng Pilipinas ang “highest ever single-day tally” ng bagong kaso na pumalo sa 22,366, na tumaas sa kabuuang confirmed infections na 1.97 million.

Batid naman ni Pangulong Duterte ang pangangailangan na “recalibrate our response” kung ang pagtaas ng COVID-19 cases ay bunsod ng “highly infectious variant” ng sakit.

“We are also evaluating whether granular or localized lockdowns would work best in our current situation. Kailangan pag-aralan ito ng task force,” anito.

Samantala, hinikayat naman ni Pangulong Duterte ang publiko na manatili sa health standards at magpabakuna laban sa novel coronavirus sa lalong madaling panahon.

Nahaharap ngayon ang Duterte administration sa Senate inquiry sa kung paano ginasta ang pandemic funds.

“The country had “nothing” in supplies when the pandemic erupted” ayon sa Pangulo.

“The same people criticizing today are the same people telling us last year that we were too slow and we’re not prepared,” dagdag na pahayag nito sabay sabing “Sino bang prepared, preparado nito? America? Name a country that is prepared, mag-resign ako.” (Daris Jose)

MARIAN, parang kapatid na talaga ang turingan nila ni GLAIZA simula pa noong ‘Amaya’

Posted on: September 3rd, 2021 by @peoplesbalita No Comments

PARANG magkapatid na pala ang turingan nina Kapuso Primetime Queen Marian Rivera at Kapuso actress Glaiza de Castro, simula pa noong unang magkasama sila sa GMA epic serye na Amaya in 2011.

Gumanap silang magkapatid sa serye kaya ang tawagan nila noon ay ‘Bai’ na ibig sabihin ay ‘sister’ at hanggang sa ngayon ay iyon pa rin ang tawagan nila kapag nagkikita sila.

Ang Amaya ay nasundan pa ng Tweets for my Sweet at Temptation of Wife na sisters din sila pero masamang kapatid ang turing ni Glaiza kay Marian sa story. Pero ang totoo ay parang kapatid na talaga ang turingan nila.

Kaya naulit ang tawagan nilang iyon nang bumati si Glaiza kina Marian at Dingdong Dantes noong “DongYan Funcon! Event ng GMA Pinoy TV.

Inamin naman iyon ni Marian, “siguro isa sa mga naging thankful ako is naging kaibigan ko talaga si Glaiza kasi isa ‘yan sa kahit hindi kami magkita o mag-text ng mahabang panahon, kapag nagkita kami muli, parang kakakita lang namin. At tama siya, gusto naming muling magkasama sa trabaho.”

Maganda siguro na kung matutuloy ang serye ng DongYan na gusto nila ay comedy, ay kontrabida nila si Glaiza.

***

NGAYONG isa nang Kapuso si Xian Lim, possible bang sumunod din sa kanya ang girlfriend at ka-love team niyang si Kim Chiu?

“Why not? Desisyon iyon ni Kim. Suportado niya ang paglipat ko sa GMA kaya susuportahan ko rin siya kung sakaling magdesisyon siya,” sagot ni Xian.

Pero malabo yata dahil pumirma pala ng contract si Kim sa ABS-CBN last December, 2020.

Sa ngayon ay naka-quarantine na si Xian at ang cast ng Love. Die. Repeat. Kasama rito ni Xian sina Jennylyn Mercado, Myrtle Sarrosa at iba pa.

Sa virtual mediacon ng serye, nagpasalamat si Xian sa GMA: “It feels wonderdul to be a part of the project, and I am grateful to the network. First page pa lamang ng pagbasa ko sa script, gustung-gusto ko na and I’m excited to work with Jennylyn Mercado, na gaganap kaming husband and wife.

“Gustung-gusto ko ang genre ng time loop. The material is really fun and exciting for everyone to watch. May mga dati ko nang naka-work na ibang members ng cast, but I’m excited to work with other Kapuso stars.”

***

PURING-PURI ni Direk Easy Ferrer ang first time niyang pagtatrabaho sa GMA Network.

“Bagong mundo talaga working with GMA people. They’re very kind, una sa lahat, magiliw silang kausap, ka-brainstorm and very welcoming and warm. Very systematic din sila when it comes to workflow. Malinaw ang mga bagay-bagay.

“The actors are what I’m most excited about,” dagdag pa ni Direk Easy.

“Matagal ko nang gusto sila makatrabaho, kasi alam ko na very talented din sila. Nakaka-excite, lalo na sina Ken Chan at Sanya Lopez, mga bida ng first episode na ‘That Thin Line Between’.

“The bagets are also very dedicated, seryoso sa ginagawa nila, inquisitive, at mabilis makakuha ng instruction, lalo na si Sofia Pablo, first time ko lang siya na-meet, namangha ako how intelligent she is.”

Si Direk Easy rin ang director ng second episode na Raya Sirena isang cute mermaid story with Sofia and Allen Ansay.

Ang first episode ay mapapanood na sa September 11 at 8:30PM, sila ang papalit sa Catch Me Out, Philippines na last episode na ngayong Saturday, September 4, sa GMA-7, after Magpakailanman.

(NORA V. CALDERON)

15,331 kabataang Bulakenyo, tumanggap ng tulong pinansyal

Posted on: September 3rd, 2021 by @peoplesbalita No Comments

LUNGSOD NG MALOLOS – Hanggang Agosto 20, 2021, may kabuuang 15,331 Bulakenyong iskolar ang tumanggap ng kanilang scholarship grant mula sa Pamahalaang Panlalawigan ng Bulacan sa pangunguna ni Gob. Daniel R. Fernando sa ilalim ng Tulong Pang-Edukasyon Gabay ng Bagong Henerasyon Scholarship Program.

Kabilang sa mga benepisyaryo ng nasabing iskolarsyip para sa 2020-2021 1st sem ay ang 3,707 estudyante mula sa Other School/Private Colleges kung saan tumanggap ang bawat estudyante ng tig-P3,500 bawat isa; 3,398 estudyante mula State, Universities at Colleges na nag-uwi tig-P3,000 bawat isa; 2,734 estudyante mula Senior High School (Public) at 1,543 estudyante mula sa Senior High School (Private) ang nakakuha ng P3,000 bawat isa; 320 esudyante ng Masteral at 40 na kumukuha ng Board Reviews ang nag-uwi ng tig-P5,000 bawat isa; 16 Academic students na mayroong tig-P5,500, habang pinagkalooban ang 3,573 learners ng Pamahalaang Panlalawigan ng Bulacan na naka- enrol sa Bulacan Polytechnic College (BPC) ng ‘Katibayan ng Pagiging Iskolar’.

Ipinaabot naman ni Shulamite dela Peña, 3rd year Communication Arts na estudyante mula sa La Consolacion University, ang kanyang pasasalamat sa nasabing programa.

“Malaking tulong ang scholarship sa aming mga estudyante lalo na sa mga walang kakayahang magbayad ng tuition fee sa mga private school, gayundin sa mga mag-aaral sa public para sa mga gastusin sa mga project tulad ng thesis at iba pa,” ani dela Peña.

Samantala, ibinahagi naman ni Shirley Francisco, isa sa mga magulang ng mga iskolar, ang kanyang pasasalamat sa programa sa pamamagitan ng pag-komento sa opisyal PGB FB Page.

“Nakatataba po ng puso bilang isang ina na mapabilang ang anak sa programang ito, hindi lang po dahil sa pinansyal na tulong, mas higit po ang pakiramdam na nakaka-proud dahil ang anak ko ay nagiging modelo at inspirasyon ng kapwa niya kabataan/estudyante na nagsusumikap makapag-aral sa kabila ng pandemya. Maraming salamat po Lord. Sabi nga po ni Gob. Daniel, Ikaw ang tunay na dapat papurihan dahil may mga ginagamit kang tao para sa marami mong blessings,” aniya. (Bishop Jesus “Jemba” M. Basco)

Health Centers sa Maynila, bubuksan para sa bakunahan

Posted on: September 3rd, 2021 by @peoplesbalita No Comments

Bubuksan na rin at gagamitin ang mga barangay health centers sa Maynila para sa ‘vaccination drive’ upang mas maabot umano ang mga hindi pa nababakunahan na residente.

Ito ang inihayag ni Manila City Mayor Isko Moreno kahapon dahil sa ‘saturated’ na umano ang bakunahan sa Maynila at kakaunti na lamang ang hindi natuturukan.

“Kakaunti na lang ang ‘di nababakunahan. Simula bukas pati mga health centers natin bubuksan na para iyong hindi pa, malapit na sila sa kanilang bahay,” ayon sa alkalde.

Sa pinakahuling datos ng Manila Health Department niotng Agosto 26, nasa 1,226,974 indibiduwal sa 1,351,487 populasyon na tinukoy ng Department of Health, ang nabakunahan na.

Sa naturang bilang ng nabakunahan, nasa 766,418 ang ‘fully vaccinated’ na. May kabuuang 1,954,585 doses ng bakuna naman ang naiturok na sa Maynila.

Samantala, naitala sa 71% ang occupancy rate ng COVID-19 beds sa anim na district hospital sa Maynila. Pinakamataas dito ang Gat. Andres Bonifacio Hospital na may 104% occupancy rate, kasunod ang Ospital ng Sampaloc na may 98% at Ospital ng Tondo na may 83%.

Mababa naman ang occupancy rate ng mga COVID-19 quarantine facilities sa siyudad na naitala sa 21%.

IATF maghihigpit sa PBA

Posted on: September 3rd, 2021 by @peoplesbalita No Comments

Maghihigpit ang Inter-Agency Task Force (IATF) sa pagpapatupad ng health protocols sa pagbabalik-aksyon ng PBA Season 46 Philippine Cup sa Bacolor, Pampanga.

Sa patakaran ng IATF at Department of Health, sa oras na umabot sa anim na teams ang nagkaroon ng positibo or kumpirmadong kaso ng coronavirus disease (COVID-19), agad na ipatitigil ang liga.

Ito ang inihayag ni PBA commissioner Willie Marcial kaya’t patuloy ang panawagan nito sa lahat ng players, coaches, officials at staff na sumunod sa health protocols.

Pinag-iingat din nito ang lahat para masigurong ligtas habang isinasagawa ang mga laro.

Awtomatiko ring matitigil ang liga sa oras na inilagay ang Pampanga sa mas mahigpit na Enhanced Community Quarantine (ECQ).

“Kapag six teams nagka-positive tigil ang liga. Kapag sinabi ng Pampanga na ECQ sila hindi tayo maglalaro,” ani Marcial.

Kasalukuyang nasa Modified General Community Qurantine (MGCQ) pa ang Pampanga.

Subalit patuloy ang paglobo ng bilang ng mga tinatamaan ng COVID-19 sa bansa kaya’t lubos ang panawagan ng PBA management sa pag-iingat lalo pa’t semi-bubble (hotel-venue-hotel) ang ipatutupad sa restart.

Isa sa mga hakbang ng PBA ang pagkakaroon ng regular antigen test sa mismong araw ng play date sa lahat ng teams na maglalaro.

JULIA, pinupuri ng netizen at celebrities dahil pursigido na makatapos sa pag-aaral; ‘Dean’s Lister’ pa

Posted on: September 3rd, 2021 by @peoplesbalita No Comments

PINUPURI si Julia Montes ng netizens dahil sa pagpupursige niya na makatapos sa pag-aaral kahit kasabay ito ng kanyang pag-aartista.

Ang kinukuha niyang kurso sa Southville International School and Colleges ay BSBA Major in Marketing Management, na dahil sa taas ng nakuha grado ay qualify siya sa Dean List ng Second Semester ng Academic Year 2020-2021.

Caption ni Julia, “Thank you @southville_is, (kasama ng heart emoji).
“Gusto ko lng po magpasalamat kay GOD sa lahat ng blessing na binibigay nya sakin na nakakapagaral po ko habang nagtratrabaho… thank you sa family ko , sa mga professor ko at sa lahat ng mga taong nagmamahal sakin dahil kayo po ang inspiration ko para matupad lahat ng dreams ko. thank you God!”

Marami naman na celebrity friends na agad na bumati sa achievement na ito ni Julia, kasama nga natuwa at nag-congratulate sina Angel Locsin, Isabel Oli-Prats, John Prats, Melissa Ricks, Ana Roces, Jodi Sta. Maria, Maxene Magalona, Carmen Soo, at marami pang iba, kasama ng mga followers niya.

For sure, isa si Coco Martin na proud and happy para kay Julia dahil kahanga-hanga talaga ang kanyang ginawa, na tulad ng mga working students na pursigidong makatapos, artista man o hindi. Nag-focus talaga sa pag-aaral para makakuha ng college degree. Tapos, Dean’s Lister pa.

Magandang gawin model lalo na ng mga bagets na kahit nasa showbiz ay willing talagang magtapos ng pag-aaral.

***

BILANG panimula ng pinakaunang Philippine Film Industry Month ngayong Setyembre, ang On The Job: The Missing 8 ni Erik Matti, ang nag-iisang Asian film na napili para lumahok, ay ipagmamalaking irerepresenta ang bansa sa ika-78 na Venice International Film Festival sa Italya mula Setyembre 1 hanggang 11.

Ang crime thriller sequel sa On The Job ni Matti, ang On The Job: The Missing 8 ay magkakaroon ng world premiere upang makipagkumpetensya para sa Golden Lion, ang pinakamataas na premyo sa Venezia 78 Competition, laban sa iba pang 20 na kalahok. Si Academy Award Best Director Bong Joon-ho ng multi-awarded South Korean film na Parasite ang mamumuno sa hurado ng kompetisyon.

Ang kalahok na pelikula ay nakasentro sa isang tiwaling media man na ginanap ni John Arcilla, na naghahanap ng hustisya para sa pagkawala ng kaniyang mga kasamahan na nakasagupa ang isang inmate-hitman na ginanap ni Dennis Trillo. Pinagbibidahan din ang pelikula nina Dante Rivero, Christopher De Leon, Lotlot De Leon, Leo Martinez, Joey Marquez, Eric Fructuoso, Vandolph Quizon, Agot Isidro, Sol Cruz, Wendell Ramos, Lao Rodriguez, Andrea Brillantes, Isabelle De Leon, Megan Young, Levi Ignacio, at Carlitos Sigueon-Reyna.

Sa Setyembre 12, ang tatlong unang bahagi ng anim na parteng HBO Asia Original series na On The Job ay ipapalabas ng eksklusibo sa HBO GO, na mayroong ilalabas na bagong episode tuwing Linggo.

On The Job: The Missing 8 Screening Schedule: September 9, 7:30 PM – Sala Giardino and September 9, 8:00 PM – Sala Darsena

Access: Press, Industry

On The Job Red Carpet: September 10, 2:30 PM

On The Job GALA PREMIERE Screening:

2:45 PM – Sala Grande

Access: Tutti gli Accrediti

On The Job Screening:

6:30 PM – Rossini 1

Access: Pubblico

On The Job Screening:

6:30 PM – IMG Candiani 1

Access: Pubblico

On The Job Screening: September 11, 9:30 AM – IMG Candiani 1

September 11, 9:30 AM – Rossini 1

Access: Pubblico

September 11, 2:00 PM – Sala Darsena

Access: Pubblico, Tutti gli Accrediti

Ang proyekto na tumanggap ng Film Development Council of the Philippines (FDCP) FilmPhilippines Film Location Incentive Program (FLIP) at partner ng Epicmedia Productions, Inc., ang “Electric Child” ni Simon Jaquemet at ang Japan-France-Philippines co-production, ang “Plan 75” ni Chie Hayakawa ay lalahok sa Venice Gap-Financing Market, isang platform na dinisenyo para suportahan ang European at international producers upang siguraduhin ang financing ng kanilang mga proyekto sa pamamagitan ng one-to-one meetings sa mga potensyal at internasyonal na mga propesyonal.

“The participation of Matti’s ‘On the Job: The Missing 8’ in Venice commences the very first celebration of the Philippine Film Industry Month. We are proud and honored to be a part of this triumph which will inspire our hopeful Filipino filmmakers and significantly elevate the industry, further promoting the advocacy of the agency,” wika ni FDCP Chairperson and CEO Liza Diño.

Sa Setyembre 9, magdaraos ang FDCP ng mga kaganapan sa Venice: Ang On The Job Cocktails, Philippines Production Table at Spot on Screens sa Venice Production Bridge, at ang Panel Discussion na “From the Philippines to the World: The On The Job Franchise and Exploring New Ways of Global Content Distribution” Ang Venice Film Festival Programmer Paolo Bertolin and moderator kasama sina “On The Job” director Matti and producer Dondon Monteverde bilang mga panelist.

Itinatag noong 1932, ang Venice ang pinakamatandang film festival sa mundo. Kasama nito ang Cannes Film Festival at ang Berlin Film Festival na kilala bilang isa sa tatlong pinaka-prestihiyosong film festival sa mundo. Parte ng Venice Biennale ang festival, isang mahalagang cultural festival na ginaganap ng bawat dalawang na tampok ang international art exhibitions, arkitektura, visual arts, cinema, sayaw, musika, at teatro.

Ang Venice International Film Festival na may temang “The Venice Biennale: Cinema in the Time of COVID,” ay tatakbo mula Setyembre 1 hanggang 11.

Para sa karagdagang impormasyon sa Venice Film Festival 2021 at sa mga kalahok na pelikula at proyekto, bisitahin ang kanilang website sa www.labiennale.org/en/cinema/2021.

(ROHN ROMULO)

Gilas Pilipinas kasama ang South Korea sa Group A ng FIBA World Qualifiers

Posted on: September 3rd, 2021 by @peoplesbalita No Comments

Makakasama ng Gilas Pilipinas sa Group A ng 2023 FIBA World Cup Qualifiers ang New Zealand at South Korea.

Nasa Group B naman ang Australia, China, Japan at Taiwan.

Habang sa Group C ay ang Jordan, Lebanon, Indonesia at Saudi Arabia.

Pinangunahan naman ng bansang Iran ang Group D kasama ang Kazakhstan, Syria at Bahrain.

Gaganapin ang first window ng home-and-away sa Nobyembre habang ang susunod n window para sa first round schedule ay sa Pebrero, Hunyo at Hulyo sa susunod na taon.

Ang tatlong koponan sa bawat grupo ay aabanse na sa ikalawang round.

Huling nagharap ang Pilipinas at South Korea ay noong nakaraang dalawang buwan sa Asia Cup qualifiers sa Clark kung saan nagwagi ang Gilas 81-78.

Ang pinakamataas na panalo ng Pilipinas sa FIBA World Cup ay noong 1954 sa Rio de Janeiro kung saan nakuha nila ang bronze medal kasama si Carlos Loyzaga.