EXCITED ang mga fans ni Megastar Sharon Cuneta sa chika na baka isa ang megastar sa surprise guest star for the 6^th anniversary ng long-running action-serye na FPJ’s Ang Probinsyano.

Kalat na kalat sa social media ang chika na may isang big star na lalabas sa FPJAP at ang hula ng mga fans ni Sharon ay ang megastar ito.

Gaano kaya katotoo ang tsismis na ito?

Nasa FPJAP kasi ang ilan sa mga friends ni Sharon namely Rowell Santiago, Lorna Tolentino, at Rossana Roces, pati si John Arcilla na leading man niya sa horror film na Kuwaresma.

We checked Sharon’s IG account pero wala siyang post tungkol sa possible guest appearance niya sa FPJAP. Pero if ever matutuloy ito, it’s going to be a milestone sa history ng FPJAP.

Bihirang mag-guest si Sharon sa isang teleserye. The closest she did to a teleserye ay ‘yung lumabas siya sa Maalaala Mo Kaya, kung saan una siyang dinirek ni Chito Rono.

Nakaabang na ang mga fans ni Shawie sa confirmation tungkol sa chikang ito. Pero so far ay wala pa kaming nababasa na anumang balita na pwedeng mag-confirm na true nga ang chikang ito.

***

MAGANDANG balita rin ‘yung nagkabati na sina Lorna Tolentino at Rossana Roces matapos ang matagal nilang tampuhan years ago.

Damay sa tampuhan iyon ang yumaong action star na si Rudy Fernandez who was linked to Osang kaya nagkaroon ng lamat ang kanilang friendship.

Pero kasabihan na time heals all wound kaya noong nagkita sina Osang at LT sa set ng FPJ’s Ang Probinsyano ay humingi ng tawad si Osang kay LT, na tinanggap naman nito.

Sabi pa ni LT na matagal na niyang pinatawad si Osang.

Hindi napigilan ni Osang ang maiyak.

Maging si Coco Martin ay natuwa nang malaman na nagkabati na ang dalawa.

***

FOR the second time ay napanood namin ang Gameboys The Movie sa farewell screening nito.

Akala namin it won’t have the same effect on us kasi na-watch namin ito pero naiyak pa rin kami. And it was even better on second viewing.

After the screening ay may chikahan with the cast kung saan nagpasalamat sila sa mga fans nila all over the world na nanood and made the series and the movie a big hit.

Nagpasalamat din sila sa mga press people, bloggers, vloggers and iba ang sumuporta sa kanila to make the series and the movie known to everyone.

May patikim din ang The IdeaFirst Company dahil ipinakita nilang trailer ng Season 2 ng Gameboys The Series, na first time din lang nakita ng cast namely Kokoy de Santos, Elijah Canlas, Adrianna So, Kyle Velino, Miggy Jimenez, at Kych Minemoto.

Binalikan ng cast ang masaya alaala ng kanilang taping and how they miss each other since bihira na silang magkita.

Wala pang announcement kung kailan bubuksan ang Season 2 ng Gameboys The Series kaya abang-abang na ang uli tayong mga supporters ng phenomenal BL series.

(RICKY CALDERON)

ANO ba yan? Uso na ba ngayon ang mag-delete ng post at followers sa social media?

     Pagkatapos umamin sa kanilang relasyon, nagulat ang netizen sa biglang pag-unfollow ni Kiko Estrada sa Instagram account ni Heaven Peralejo.

Hindi lang si Heaven, kundi lahat ng pina-follow ni Kiko ay deleted na.

Pati na ang kanyang mga pinost na photos at videos, kasama na roon ang sa kanila ni Heaven, ay deleted na mula sa kanyang IG account.

Sa IG account naman ni Heaven, pina-follow pa rin niya si Kiko at nandoon pa rin ang mga litrato nila.
Marami tuloy ang nagtaka kung ano na naman ba ang nangyayari kay Kiko? Noong August 31 lamang ay nag-post ito ng romantic moments nila ni Heaven dahil nag-celebrate sila ng kanilang third monthsary bilang magsyota.

Ganito rin daw ang ginawa niya noon sa ex-girlfriend na si Devon Seron na in-unfollow niya at dinelete ang lahat ng photos na magkasama sila sa IG.

***

NAIS palang makuha ng Pilipinas Got Talent 2010 winner na si Jovit Baldivino ang kanyang anak mula sa ex-girlfriend nito.

Sa Facebook, pinost ni Jovit na gusto na nitong makuha ang anak mula kay Shara Chavez. May karapatan daw siya sa kanyang anak na ngayon ay 5-year old na.

     “Ang sa akin lang po eh ’yung makuha ko ang anak ko sa kanya at ilayo sa masama, kasi matagal na n’ya itinatago sa akin s’yempre bilang isang ama may karapatan din naman ako sa anak ko. ’Yung pamilya ko nga nalulungkot ’pag hindi nakita ang pamangkin at apo,” sey ni Jovit.

Dagdag pa niya na gusto niyang makita kung gaano na kalaki ang kanyang anak at kung naaalala pa ba siya nito.  Matagal na raw kasi siyang walang communication sa ina ng kanyang anak na ngayon ay nadadawit diumano sa isang scam.

“Marami pong nagtatanong sa akin kung nasa’n daw si Mrs. Shara Jane Chavez Cruz. Mawalang-galang na po matagal at wala na po akong connection sa kanya. Hindi ko nga po alam kung nasaan s’ya, kahit nga po anak ko hindi na n’ya pakita sa akin matagal na panahon na, at kung ano man pong lumabas na issue o pang-i-scam n’ya.

“Hindi na po bago ’yun. Hehehe. Wala po ako pakialam d’yan. Problema n’ya ’yan, at siguro naman po alam n’yo na ang tunay na pagkatao n’ya.”

     Hiniwalayan ni Shara si Jovit dahil sa pambabae raw nito noon. Dinepensahan naman ni Jovit ang kanyang sarili.

     “Masaya na po ako ngayon, at masaya na din kasi nabigyang linaw na lahat. ’Yung matagal na panahong nanahimik ako sa bintang at kasalanan na hindi ko naman ginawa, pinagpasa-Diyos ko na lang lahat, kasi s’ya naman talaga nakakaalam nang lahat.”

     ***

ANG British actor na si Daniel Craig ang tinanghal na highest paid actor in the world pagkatapos nitong pumirma ng isang lucrative deal with Netflix.

Sa kanyang kontrata with the streaming giant, gagawa siya ng two sequels ng pelikulang Knives Out kunsaan babayaran siya ng $100 million.

Na-overtake na ni Craig ang wrestler-turned-actor na si Dwayne ‘The Rock’ Johnson, na binayaran ng $50 million dollars para sa pelikulang Red One.

     Ang ikatlong highest paid actors ay sina Will Smith at Denzel Washington na parehong binayaran ng tig-$40 million para sa pelikula nilang The Little Things.

     Nasa ikaapat na puwesto ay si Leonardo DiCaprio with $30 million for the Netflix film, Don’t Look Up.

(RUEL J. MENDOZA)