2021 September 21 Archive - People's Balita

Archive for September 21st, 2021

19,271 bagong COVID-19 infections sa Phl; active cases umakyat sa 178,196

Posted on: September 21st, 2021 by @peoplesbalita No Comments

Nadagdagan ng 19,271 ang bilang ng COVID-19 infections sa Pilipinas, dahilan para umakyat din ang active cases sa 178,196.

Ayon sa Department of Health (DOH), sa ngayon ang kabuuang bilang ng COVID-19 caseload sa bansa ay aabot na sa 2,366,749.

Sa naturang bilang, 178,196 ang active cases, kung saan 92.3 percent ang mild, 3.1 percent ang asymptomatic, 2.6 percent ang moderate, at 0.6 percent ang cricital condition.

Samantala, ang total recoveries naman ay umakyat sa 2,151,765 makalipas na 25,037 pang pasyente ang gumaling sa sakit.

Pumalo naman sa 36,788 ang death toll dahil sa nadagdagan ito ng 205 na bagong fatalities.

PDU30, magsasalita sa UN General Assembly debate bukas, Setyembre 21

Posted on: September 21st, 2021 by @peoplesbalita No Comments

INAASAHAN na magsasalita si Pangulong Rodrigo Roa Duterte sa United Nations (UN) at isulong ang posisyon ng bansa sa mga usapin na may kinalaman sa pagtugon ng gobyerno ng Pilipinas sa coronavirus (COVID-19) at human rights.

Ayon sa kalatas na ipinalabas ng Malakanyang, magsasalita ang Pangulo sa unang araw ng High-Level General Debate ng 76th Session of the United Nations General Assembly (UNGA) bukas, Setyembe 21.

Nakatakda itong magsalita sa international community, araw ng Martes, Setyembre 21, sa loob ng “1600H-1800H window,” New York time, o sa pagitan ng alas- 4 ng madaling araw hanggang alas-6 ng umaga, Setyembre 22, Manila time.

Ayon sa Malakanyang, isusulong ni Pangulong Duterte ang interest ng Pilipinas sa mga isyu na may kinalaman sa access sa COVID-19 vaccines na itinaguyod niya simula nang sumipa ang pandemiya.

“President Duterte will advance Philippine positions on global issues of key concern, such as universal access to COVID-19 vaccines, climate change, human rights, including the situation of migrant workers and refugees, and international and regional security developments,” ayon sa Malakanyang.

Ang United Nations General Assembly ay ang pangunahing deliberating organ ng UN kung saan ang lahat ng 193 Member States ay may kinatawan.

Ang tema ng sesyon ngayong taon ay “Building resilience through hope – to recover from COVID-19, rebuild sustainably, respond to the needs of the planet, respect the rights of people, and revitalize the United Nations.”

Ang High-Level General Debate ay pamumunuan ni Abdulla Shahid, Minister of Foreign Affairs ng Maldives, at incoming President ng 76th UNGA.

“This year’s session will follow a hybrid format of in-person and virtual attendance of delegates, in view of the evolving situation due to the COVID-19 pandemic,” ayon sa kalatas ng Malakanyang.

Samantala, matatandaang pinuri si Pangulong Duterte sa kanyang “first address” sa UN noong nakaraang taon. TInalakay ng Pangulo ang arbitral win ng Pilipinas sa West Philippine Sea at pagtanggi sa tangka paghinain ang nasabing award. (Daris Jose)

British boxer Amir Khan pinababa sa eroplano dahil sa maling pagsuot ng face mask

Posted on: September 21st, 2021 by @peoplesbalita No Comments

Pinababa sa eroplano sa US ang British boxer na si Amir Khan.

Ayon sa 34-anyos na boksingero, pinababa sila ng mga otoridad ng American Airlines matapos na ireklamo sa kapulisan na hindi nakasuot ng tama ang face mask ng kasamahan nito.

Mula sa Newark Airport patungong Dallas-Fort-Worth ang biyahe na naantala dahil sa insidente.

Sa kaniyang Twitter account ay hindi naiwasan ng dating light-welterweight world champion na madismaya dahil sa pangyayari at sa maling pagtrato sa kanila.

Patungo sana ito sa kaniyang training camp sa Colorado galing sa New York.

Dumipensa ang airline company sa kanilang naging hakbang.

Malakanyang, walang nakikitang timeline sa pagpapaluwag ng quarantine restrictions sa NCR

Posted on: September 21st, 2021 by @peoplesbalita No Comments

SINABI ng Malakanyang na hindi pa nito alam kung may timeline ang pagpapaluwag ng quarantine restrictions sa Kalakhang Maynila.

“Hindi ko alam kung kailan makakamit ‘yan (Alert Level 1). Pero ang importante sa Metro Manila, ay mahigit 60% na ang ating pagbabakuna,”ayon kay Presidential spokesperson Harry Roque.

Ang Kalakhang Maynila kasi ang epicenter ng COVID-19 pandemic sa bansa.

Ang pahayag na ito ni Sec. Roque ay kasabay nang pagsisimula ng unang araw ng implementasyon ng Alert Level 4 sa Metro Manila, isang protocol na bahagyang pinapayagan ang indoor at outdoor dining at maging ang personal care services na mag- operate sa 10% hanggang 30% capacity.”

Nakataas kasi ang Alert Level 4 sa Metro Manila hanggan Setyembre 30.

“The Alert Level 1 protocol, on the other hand, allows all establishments, persons, or activities, are to operate, work, or be undertaken at full on-site or venue/seating capacity provided it follows minimum health standards such as wearing of face mask and face shield, observance of social distancing and frequent washing of hands,” ayon kay Sec. Roque.

Ani Sec. Roque, ang Alert Level 4 ay kailangan na gumana dahil ito ang targeted approach.

“Titingnan natin kung lalong mas mapapababa at mapapahina ang pagkalat ng COVID-19,” ani Sec. Roque.

“Ang siyensya diyan ay dahil alam naman natin kung nasan ang mga kuta ng COVID-19. Kung yan ang isinara natin, baka naman talaga ma-contain yung pagkalat ng virus,” dagdag na pahayag ni Sec. Roque. (Bishop Jesus “Jemba” M. Basco)

Pinoy billiard player Carlo Biado, kampeyon sa 2021 US Open Pool Championships

Posted on: September 21st, 2021 by @peoplesbalita No Comments

Matapos inalat sa mga unang magkakasunod na racks, hindi pa rin sumuko ang Pinoy billiard player na si Carlo Biado para magkampeyon sa 2021 US Open Pool Championships.

Tinalo ni Biado ang Singaporean professional pool player na si Aloysius Yapp sa score na 13-8.

Nakuha pa ni Biado ang 3-1 early lead pero nabawi ito ni Yapp at naiposte ang 8-3 lead.

Nakabawi naman si Biado sa pitong straight racks at maitala ang 10-8.

Matapos nito ay tuloy-tuloy na ang pamamayagpag ni Biado at naibaon pa si Yapp sa nine straight racks at naitala ang 12-8 lead.

Hindi na bumitaw pa ang 37-anyos na pool player na tubong La Union sa ika-13 rack at tuluyan nang nasungkit ang titulo.

Napabilib nang husto ni Biado ang mga audience matapos ipanalo ang 10 straight racks.

Kung maalala huling nanalo ang isang Pinoy sa US Open Pool Championship noong 2005 sa pamamagitan ni Filipino-Canadian Alex Pagulayan.

Pero bago ito, taong 1994 nang makuha ng billiard legend na si Efren “Bata” Reyes kampeyonato sa torneyo.

Galvez, nahhirapang makakuha ng stocks ng arthritis drug tocilizumab, gamot para sa covid 19 patient

Posted on: September 21st, 2021 by @peoplesbalita No Comments

INAMIN ni Vaccine czar Carlito Galvez Jr. na wala itong magawa at nahihirapan na makakuha ng stocks ng arthritis drug tocilizumab, ginagamit para gamutin ang isang COVID-19 patient, bunsod ng global shortage ng gamot.

Sa Talk to the People ni Pangulong Rodrigo Roa Duterte, araw ng Huwebes, sinabi ni Galvez na idinulog na nila ang problema sa suplay sa Swiss ambassador at sa manufacturer ng gamot na Roche.

“Wala po tayong makukuha kasi ..it’s a global supply problem. Wala talaga tayong magawa,” ani Galvez.

Noong nakaraang linggo, binanggit ng Department of Health (DOH) na nakikipag-ugnayn na sila sa iba’t ibang suppliers na maaaring nakakuha ng tocilizumab mula sa Iran.

“We have also sent a letter to the Swiss embassy requesting to prioritize 30,000 vials of tocilizumab for the Philippines,” ayon kay Health Undersecretary Maria Rosario Vergeire.

Nauna rito, sinabi ng DOH na inaasahan na nilang mananatiling limitado ang global supply ng tocilizumab hanggang Disyembre ng taong kasalukuyan.

Sa ngayon, tinitingnan naman ng gobyerno ang baricitinib bilang alternatibo sa tocilizumab. (Daris Jose)

Commemorative stamps ni Hidilyn Diaz at 3 pang Olympians, inilunsad na – PhilPost

Posted on: September 21st, 2021 by @peoplesbalita No Comments

Pormal nang inilunsad ng Philippine Postal Corporation (PhilPost) ang commemorative stamps bilang pagkilala sa mga Filipino champions na nakagawa ng kasaysayan sa katatapos lamang na 2020 Tokyo Olympics.

Tampok sa naturang stamps ang kauna-unahang atleta ng bansa na nakasungkit ng gold medal sa Olympics na si Hidilyn Diaz.

Kasama rin dito ang mga silver medalists boxers na sina Carlo Paalam at Nesthy Petecio at bronze winner Eumir Marcial.

Sinabi ni Postmaster General at CEO Norman Fulgencio sa ginanap na launching sa Manila Central Post Office Building na tampok sa stamps ang winning moments ng mga atleta.

“Napakasarap ng pakiramdam na ilan sa ating kababayan ay nakapag-uwi ng karangalan at nagbigay ng inspirasyon sa ating bayan. Ito ang nagbunsod sa amin dito sa Philippine Post Office na maglabas ng postage stamp o selyo na naglalaman ng larawan ng tagumpay na nakamit ng ating kababayan sa nakaraang Tokyo Olympic Games,” ani Fulgencio.

Present mismo sa launching si Diaz, Petecio, Paalam at Marcial.

Todo naman ang pasasalamat ng mga atleta sa suporta ng mga Pinoy sa kanilang naging kampaya sa Olympics.

Kasama ring inilunsad ng Post Office ang “Keep the Faith, Be a Hero, Vaccinated Stamps.”

RHEN, determinadong sumikat at aminadong nakararamdam ng anxiety dahil sa kanyang career

Posted on: September 21st, 2021 by @peoplesbalita No Comments

DETERMINADONG sumikat si Rhen Escano kaya naman bawat opportunity na dumarating sa kanya bilang artista ay gina-grab niya.

Pero aminado naman si Rhen na kung minsan ay nakararamdam din siya ng anxiety sa kanyang career.

Pero ito raw ang ginagamit niya na motivation to go on with her career.

“Ginagawa ko ang lahat kasi gusto kong maging successful bilang artista. Gusto kong sumikat kaya willing ako pagdaanan kahit na anong challenges, matupad ko lang ang dream ko,” sabi ni Rhen.

Si Rhen ang bida sa bagong Viva movie ni Direk Yam Laranas titled Paraluman. Katambal niya rito ang 90s idol na si Jao Mapa.

May-December affair ang kwento ng Paraluman at bumagay naman daw sina Rhen at Jao sa kanilang respective roles, ayon sa kanilang director.

***

BALIK-SHOWBIZ si Jolo Estrada, ang ikalawa sa apat na mga anak nina Jinggoy Estrada at Precy Ejercito.

Kasali siya sa cast ng Moonlight Butterfly ng 3:16 Media Network where he plays the brother of Christine Bermas who is being launched as a star sa pelikulang ididirek ni Joel Lamangan.

Si Jolo ay lumabas sa Ang Tatay Kong Sexy kung saan bida ang kanyang ama.

Mina-manage siya ni Leo Dominguez at umaasa ang binata na malaki ang maitutulong sa kanya ng kanyang manager to be successful sa showbiz.

Naniniwala si Leo sa potential ni Jolo as a leading kaya hindi siya tumigil until napapayag niya na muli itong mag-artista.

Inalok ng role si Jolo ng role ng 3:16 Media Network. Maging ang bagong production film ay naging interesado sa binata.

Pumasa rin siya sa taste ni Direk Joel kaya pasok siya sa pelikula na ang script ay isinulat ni Eric Ramos.

***

KASAMA sa listahan ng most popular books sa isang sikat na bookstore ang life story ni Manila Mayor Isko Moreno.

Ngayon lang namin nalaman na documented na pala via a book ang buhay ni Yorme.

Ang akala namin ay ‘yung pelikula lang ang documentation ng buhay ng dating That’s Entertainment mainstay na ngayon ay isa sa most admired mayors sa bansa.

Bagamat natapos na ang shoot ng pelikula sa buhay ni Yorme, wala pa itong playdate.

Mukhang hinihintay ng mga producers na magbukas muna ang sinehan kaya for now ay on hold ang release ng life story ni Mayor Isko.

Siyempre mas maganda kung mas marami ang makakapanood ng movie that stars McCoy de Leon as the Isko Moreno at si Xian Lim bilang Yorme, the politician.

Marami ang nag-aabang sa magiging announcement ni Mayor Isko regarding his political plans for next year. May grupo na kasi na kumakausap sa kanya na tumakbo siyang president.

(RICKY CALDERON)