MARAMI ang natuwang netizens nang sa wakas makitang magkasama ang Kapuso actress na si Bea Alonzo at ang rumored boyfriend na si Dominic Roque sa baby shower ng anak ng dating aktres na si Beth Tamayo.

Lumabas nga ang photo at video ng celebrity couple na kuha sa naganap na baby shower para sa isisilang na unang anak nina Beth at Adam Hutchinson sa San Francisco, California.

Malapit si Dominic sa kanyang Tita Beth, kaya ‘di nakapagtataka na dumalo siya sa baby shower party kasama si Bea na nagbabakasyon ngayon sa Amerika. Matatandaang umalis sila ng bansa noong July 6 na nabuking na magkasama sa airport dahil sa paglabas ng mga photos at clues.

Sa Instagram post nga ng kaibigan ni Beth na si Fanny Zha nakita na masayang magkasama ang dalawa sa naturang event na may caption na, “Can’t wait to meet you, Baby Hutchinson (heart emojis).”

Pawang magaganda nga ang comments pero may ilan na nag-nega dahil sa ‘di pag-amin ng dalawa sa kanilang relasyon, na para naman sa iba ay hindi kailangan dahil kitang-kita na happy sila together.

Ilan sa naging comment ng netizens na ang iba’y nagulat pa sa height ni Dominic:

“bagay. matangkad naman pala si Dominic.”

“Oo nga! Akala ko mas maliit sya kay bea. Hehe.”

“And ang broad ng shoulders! Seems like he can really protect her.”

“5’6 or 5’7 si Bea c dominic is 5’9. Ok naman ang height nila wag lang magsuot ng masyadong mataas si bea. Malaki kse katawan ni dominic kaya nagmukhang maliit.”

“5’8 according to Bea herself.”

“Bakit may mananakit ba kay Bea? Bea looks like she can protect herself, too, though.”

“mukhang naka flats si bea. Naka tennis shoes. Bagay tlg ke bea yung payat. Ganda ganda.”

“mukha naman happy naka move on and blooming si Bea, infairness kahit dami di bet dalawa.”

“Happy naman talaga siya and naka move on. Naimbyerna lang siya sa hindi pag hingi ng sorry at siniraan pa siya sa interview. Sinong ex ang hindi maiirita?”

“aliwalas na face ni Bea, mukhang happy naman sya.”

“Ay genuine happiness. It shows in faces.”

“Bakit may nababasa ako maliit lang daw si dom for bea. Ok naman pala height difference nila. Maganda tignan.”

“Happy Hearts. BeaDom go for it.”

“Bagay Sila!”

“Dom and Bea look good together.”

“Bea is so blooming now. Goes to show her personal life must be thriving since yan focus niya ngayon. Dominic is good for her. And kita mo naman sa pic, napaka manly tingnan ni guy and bea looks delicate.”

“I like Dom for Bea. Mukhang matino at mabait daw siya talaga.”

“blooming talaga si bea. love it!”

“As per their body language, mukhang confirmed ng sila.”

“Blooming nga! Ganda ng aura niya!”

“Bagay pala sila pag magkatabi.”

“Kaya nga lagi kasi solo pics lang with same background haha ayan bagay naman pala pag magkasama na.”

“Ang fresh ng couple na to! Sobrang good vibes sila together!”

“Omg their best photo together so far. Ang fresh ni papa dom and mama bea.”

“I think Dominic is good for her. Hindi yata problemado si ate sa lovelife niya ngayon. It shows on her face.”

“You know when people call her tita? This shows very tita vibes.”

“Ang Jurald mukhang magTito..ang Beadom naman mukhang magTita..”

“Bea looks happy. When she smiles, her eyes are smiling too. Happy for her. Deserve niya.”

“ang guwapo ni Dominic grabe. Hindi siya A-lister pero ang yummy niyaaaaaa.”

“Ang ganda kaya ni Bey dito. Pogi ni Dom anong pasabog kaya sa bday mo Nic?YOLO. Enjoy. Stay safe & Healthy you both.”

“Yung napansin mo agad left hand ni Bea nasa beywang ni Dom hahaha.”

“Bagay nman pala silang dalawa. Mukhang baby face c Dom pero di nman pala alangan kay Bea. Mas matangkad nga sya kay Bea at malaki ang katawan. Nakakaloka. Hahaha, first time ko kasi nakakita ng photo nila together. Ang aliwalas nila tingnan.”

“Ayan bagay sila 🙂 Si dominic halatang masayang masaya haha.”

“Dom seems like a good, decent guy. I think yung hate ng mga nega stems from the fact that Bea is a bigger star than Dom and akala nila Dom is just using Bea. Pero we can see naman na he makes her calm, happy, and at peace. And Bea’s mom likes Dom so it says a lot about him as a person.”

“Maraming tumatangkilik na din sa BeaDom. Tahimik lg sila compared to the toxic Fans of jlc/Bea. Good vibes lg. Masaya na si Bea may freeDom.”

“They look good together! True happiness shines thru!”

“Bliss of happiness. Nakamove na sya. Kayo na lang naman ang hindi e. Hahahaha.”

“Sorry Dom, akala ko punggok ka na TH pero hindi pala. You actually look like a nice guy at ang gwapo mo pala. Hehe.”

“They look happy. She’s the prettiest now which means their relationship is going great, too. They look great together.”

“mukhang na develop sila sa isat isa at maganda aura nilang dalawa fresh ng look.”

Anyway, pagbalik ni Bea mula sa bakasyon nila ni Dominic, haharapin na niya ang lock-in shooting para sa pelikula nila ni Asia’s Multimedia Star Alden Richards.

Kasunod naman nito ang kaabang-abang na first drama series niya sa Kapuso network, kung sino ang makakasama at ano role na pasabog na gagampanan niya.

(ROHN ROMULO)

PAREHONG naglabas ng video ang mag-asawang Dingdong Dantes at Marian Rivera bilang pagpapatunay na sila ay “Proud to be Kapuso.”

Parehong mga nagsimula sa kanilang showbiz career bilang mga Kapuso talaga. Si Dingdong ay 25 years na habang si Marian naman ay almost 20 years na.

Halos mahigit sa kalahati na ng taon nila ang pagiging Kapuso nila and true enough naman, karamihan ng magagandang nangyari o ano sila ngayon, malaking bahagi ang GMA-7.

Teary-eyed pa si Marian habang inaalala ang journey niya. At kung paano nga naman na nabago ang buhay niya.

Si Dingdong naman, nag-post pa sa kanyang Instagram account. Sey ni Dingdong, “25 solid years ang pagiging Kapuso— it’s part of who I am. Nakaukit na ‘yan sa aking pagkatao…habambuhay. Kaya mula noon hanggang ngayon, ako’y proud to be a Kapuso!”

Hmmm… patunay ba ito na ang network ay hindi basura o never naging at magiging basura?

***

HINDI maitago ni Andrea Torres ang kanyang kaligayahan at excitement sa muli niyang pagpirma ng network contract sa GMA-7.

Very happy rin si Andrea sa nararamdamang pagpapahalaga sa kanya ng network.

Sa 13 years niya bilang Kapuso, ni minsan, ‘di raw pumasok sa isip niya na mangibang bakod.

Mapapanood na ngang muli si Andrea sa GMA Telebabad simula sa Lunes, July 26 sa Legal Wives.     Si Andrea ang isa sa tatlong asawa ni Dennis Trillo sa serye.

Bilang lumaking Kristiyano, naitanong kay Andrea kung sa totoong buhay, nakikita niya ang sarili na posible rin na pumasok sa situwasyon na katulad ng ginagampanan niyang karakter.

“Siguro mahirap po sa atin,” pag-amin niya.

“Kasi, sanay po tayo na isa lang talaga. Although sa soap na ‘to, nalaman ko po na it’s a selfless act.

“Kumbaga, parang kung halimbawa, may babaeng nangangailangan, nabiyuda siya or na-rape siya, it’s their way of saving, helping the person. So may deeper meaning po siya and I think, nakakatuwa kasi, mas naa-appreciate natin ang culture nila.

“At saka family-oriented sila at kailangan daw po, equal ang treatment.”

Puring-puri naman ni Andrea ang leading man na si Dennis.

Aniya, “Sobrang simple niya pong tao pala. Walang kayabang-yabang sa katawan. Doon ako na-impress sa kanya.

“Never siyang nagalit, never siyang nakasimangot. Sobrang gaan lang niyang kasama. Pati sa mga eksena po, sabi ko nga, kapag siya ang ka-eksena ko, hindi ko kailangang mag-prepare. Kasi, kapag nagtinginan na kami, naaapektuhan na ‘ko sa kanya.

“Very generous siya na actor.”

(ROSE GARCIA)

MARAMI na tayong nasaksihan na mga pelikula tungkol sa pagtataksil pero magbabago ang pagtingin ng viewers sa ‘baliw na pag-ibig’ sa latest offering ng VIVA Films, ang The Other Wife.

Muli itong pagtatambalan ng award-winning actors na sina Lovi Poe at Joem Bascon, kasama ang versatile actress na si Rhen Escaño.

Iikot ang kuwento ng The Other Wife kina Janis (Lovi) at Ronnie (Joem), ang mag-asawang gustong ayusin ang kanilang pagsasama. Upang ayusin ito, nagbakasyon sila sa kanilang beach house.      Darating naman si Luisa (Rhen) sa beach house, kababata ni Ronnie. Sa unang araw pa lang nila sa beach house ay may mga kakaiba ng pangyayari, gaya ng isang babaeng nakikita ni Janis na hindi naman niya kilala.

Napapansin din ni Janis na parang may ibang gumagamit ng kanyang mga gamit gaya ng hairbrush at sabon. Ngunit pinipilit ni Ronnie na sila lang talaga ang tao sa beach house.

May kasama ba silang ibang babae sa bahay na pilit inililihim ni Ronnie?

Mula sa direktor ng hit contemporary movies na Ang Manananggal Sa Unit 23B, Isa Pa With Feelings at Sleepless na si Prime Cruz, kakaibang sexy-thriller film ang inyong mapapanood at hindi rin ito ordinaryong affair movie.

Say nga ni Lovi, “It’s not an affair movie. Ang hirap i-explain kung bakit kasi ayoko pong i-spoil. I can’t wait for you guys to see it because I practically gave my all here.

“I didn’t hold back. Medyo na-stress nga ako eh. I am excited for people to watch it.”

Dagdag pa niya, “It’s a psychological thriller. When I saw the script, I thought it was another ‘affair’ movie and I needed to step back, kasi I’ve done a lot of those. Parang I keep doing the same thing. I was a bit hesitant.”

Pag-amin pa niya, “But when I read the script, lahat ng naisip ko hindi nangyari sa pelikula. It’s an acting piece. That’s the reason bakit ko ito tinanggap.”

Malaking challenge sa kanya na gawin ang love scenes nila ni Joem lalo na ngayong panahon ng pandemic, pero nagtiwala na lang siya kay Direk Prime at base sa mga nakapanood na, maganda ang kinalabasan at nabigyan naman niya ang justice ang role.

Pahayag pa ng mahusay na aktres, “The challenge for me is to give it justice. The role for me is hindi biro. I on my toes and talagang I want to be in sync with my director. It’s a different character and I want to give it justice.”

Mababaliw ka sa pag-ibig at mababaliw ka sa suspense na hatid ng The Other Wife na exclusive na napapanood sa VIVAMAX na agad na nag-number one simula ng mag-streaming ito noong July 16. Puwede din mapanood sa KTX.ph, iWantTFC, TFC IPTV.

Mas pinarami na rin ang paraan para mag-subscribe sa VIVAMAX! Mag-subscribe gamit ang VIVAMAX app. Sa halagang P149, maaari ka nang mag watch-all-you-can for 1 month o P399 para sa tatlong buwan para mas sulit, at pwede kang magbayad gamit ang iyong debit, credit card, GCash or PayPal account na naka-link sa iyong Google or Apple account.

Maaari ring mag-subscribe sa www.vivamax.net, pumili ng plan, at magbayad gamit ang PayMaya, Debit or Credit card, GCash, GrabPay, o sa ECPAY partner outlets na malapit sa inyo.

Pwede ring mag-add to cart ng VIVAMAX subscriptions sa Shopee, Lazada, PayMaya at ComWorks Clickstore.

Mas marami at mas madali na ang mag-scubscribe sa VIVAMAX, kaya naman, #SubscribeToTheMax na! Vivamax, atin ‘to!

(ROHN ROMULO)

MAY mga revelations si phenomenal star Maine Mendoza sa fourth episode ng Celestified vlog ni Celeste Tuviera, hairdresser ni Maine. 

This time, naikuwento ni Maine ang samahan nila ngayong pandemic ng mga co-hosts niya sa Eat Bulaga!, na sa kabila ng mga pinagdaraanan natin ngayon ay patuloy silang nagpapasaya sa mga noontime viewers ng show.

Lima raw lamang silang palit-palit nagho-host ng EB, si Jose Manalo, Wally Bayola, Paolo Ballesteros at Alden Richards. Bunutan pala sila kung sino ang magho-host ng segment nilang “Bawal Judgmental.”

Kaya raw kailangang handa sila sa pagharap sa mga contestants, kung paano  sila magtatanong na hindi makasasakit ng damdamin.

Inamin ni Maine na ang JoWaPao ay malaki ang naitulong sa kanya dahil since pumasok siya sa EB six years ago, sila talaga iyong mga una niyang nakasama, humahanga siya sa wisdom ni Jose sa pagho-host; si Wally naman ang kanyang BFF sa tatlo; si Paolo raw parang may wall, pero kapag may problema siya, alam nito kung paano siya patawanin.

May group chat silang apat sa Facebook every Wednesday, except si Jose dahil wala itong Facebook account, at doon madalas siyang humingi ng advices sa kanila.

Last July 16 ay 6^th anniversary na ng AlDub at ng AlDub Nation. Wala mang magarbong celebration, hindi pa rin nakalimot ang mga true-blooded ADN nina Alden at Maine, this time, nagkaroon sila ng community pantry sa pangalan ng dalawa, supported ng mga ADN’s abroad.

Kaya naman ang laki ng tuwa nila nang parehong mag-tweet ng pasasalamat ang dalawa. Si Alden: “Happy Anniversary Aldub Nation! Parang kailan lang ang lahat. Maraming salamat sa inyo. #ALDUBatADN6Years.”

At si Maine: “Maraming salamat sa mga patuloy na nagmamahal at sumusuporta #ALDUBatADN6Years.”

***

MARAMI nang nagtatanong kung ano na ang susunod na mangyayari sa story ng The World Between Us dahil parang nagkakalabuan na ang relasyon nina Louie (Alden Richards) at Lia (Jasmine Curtis-Smith), at papasok na raw ang character ni Sid Lucero.

Ano kaya ang character na gagampanan ni Sid?

It seems ito na ang pinaghahandaan ni Alden na changes sa kanyang character, sa mas magandang role na gagampanan niya sa serye. Balitang sa meeting pa lamang nila tungkol sa story ng serye ay sinabi na nila kay Alden ang requirements nila sa pagganap niya bilang si Louie, mula sa wardrobe hanggang sa looks niya, iba sa napapanood natin ngayon sa kanya gabi-gabi, at sa mga roles na una niyang ginampanan.

Isa na naman kayang bagong achievement ito ni Alden sa pagganap niya sa The World Between Us na dinidirek ni Dominic Zapata na napapanood gabi-gabi after 24 Oras.

***

NAGSIMULAnang mag-trabaho si Mr. Johnny Manahan or Mr. M as consultant sa GMA Network at sa mga shows nila.

Umupo na siya sa screening panel sa auditions na isinasagawa nila online, na sininumulan ng network simula ng pandemic last year, sa pamamagitan ng kanilang official website.

Isa na rito ang final week Online Audition ng The Clash Season 4 na tatagal na lamang hanggang sa July 23. Kaya ang mga gusto pang sumali sa audition, pwede pa kayong mag-submit ng inyong mga entries bago ang deadline.

Malapit nang simulan ang The Clash Season 4 sa paghahanap nila ng next phenomenal Kapuso singing sensation. Sina Christian Bautista, Lani Misalucha at Ai Ai delas Alas pa rin ang magiging judges ng singing competition.

(NORA V. CALDERON)