2021 July Archive - People's Balita

Archive for July, 2021

Death toll sa PH dahil sa deadly virus lampas na 26,000

Posted on: July 21st, 2021 by @peoplesbalita No Comments

Mahigit pa rin sa 5,000 ang panibago na namang naitalang bagong nadagdag na dinapuan ng virus sa Pilipinas.

Sa report ng Department of Health (DOH) nakapagtala sila ng 5,204 na mga karagdagang kaso ng COVID-19 sa bansa.

Mas mababa ito ng bahagya kumpara sa nakalipas na Linggo.

Dahil dito ang kabuuang bilang ng mga kaso na sa bansa mula noong nakalipas na taon ay nasa 1,478,061 na.

Gayunman merong walong laboratoryo ang bigong makapagsumite ng kanilang mga datos sa DOH.

Sa ngayon meron namang mga aktibong kaso ng COVID sa bansa nasa 49,128 o mga nagpapagaling pa.

Sa kabila nito marami naman ang bagong mga gumaling na nasa 5,811.

Kaya naman ang kabuuan ng mga nakarekober sa bansa ay nasa 1,402,918.

Samantala, nasa 100 namana ng mga bagong namatay.

Ang death toll ngayon sa bansa mula noong nakaraang taon ay nasa 26,015 na.

“Sa kabuuang bilang ng mga naitalang kaso sa bansa, 3.3% (49,128) ang aktibong kaso, 94.9% (1,402,918) na ang gumaling, at 1.76% (26,015) ang namatay,” ayon pa sa DOH statement.

SENATE BILL 2094: IBA ANG PUBLIC UTILITY sa PUBLIC SERVICE, at ang EPEKTO sa PUBLIC LAND TRANSPORTATION

Posted on: July 21st, 2021 by @peoplesbalita No Comments

Sa mahabang panahon ang public land transport ay itinuturing na public utility business kaya naman ayon sa nationality restriction provision ng Saligang Batas ay dapat at least 60 percent ay pagaari ng mga Pilipino.

Ibig sabihin ay maaring pumasok sa public transport ang mga dayuhan basta hindi lalampas sa 40 percent ang kanilang pagaari. Kaya hindi totoo na bawal ang dayuhan pumasok, lamang lang dapat ang Pinoy sa ownership nito. Pero sa mga nagsusulong ng SB2094 o ang pag-amyenda ng Public Service Act ay tila handang isuko ng mga mambabatas nang buung-buo ang pagmamay-ari dito sa mga dayuhan nang hindi dumaan sa tamang paraan. Ito ay paglapastangan sa Saligang Batas!

Simple ang legal strategy ng SB2094. Alisin ang public transport bilang public utility. Paano ginawa? Sa panukalang batas na ito, ang public utility ay tatlo na lang: distribution of electricity, transmission of electricity at water pipeline distribution system at sewerage pipeline systems. Ang public transport at ang ibang dating itinuturing na public utility tulad ng telepono, telegraph broadcast at iba pa ay tatawagin nang public service at dahil hindi na public utility ang transport hindi na mag-a-apply ang nationality restriction ng Saligang batas sa land transport at iba pa.

Ang husay ng strategy!

Dahil mahirap mag-amyenda ng Konstitusyon ay magpapasa na lang ng ordinaryong batas na apektado ang Konstitusyon. Para maging public utility ang public service ay dadaan ka sa butas ng karayom sa dami ng ahensya na dadaanan at may mga mabibigat na criteria pa! Pero pag binasa mo ang mga nakasaad na criteria tulad ng ‘the service is of public consequence or needs to be regulated when the common good requires’ ay pasok ang public transport.

Bakit hindi na lang isinama ang public transport bilang public utility! Ang sabi ng mga nagsusulong nito ay kailangan nilang i-lift ang nationality requirement para maka-enganyo ng foreign investments ang bansa na kailangan ng ekonomiya.

Ayon kasi sa UNCTAD ay buhat sa $6.6 billion dollars na direct foreign investment noong 2018 ay bumaba ito sa limang billiong dolyar na lamang ng 2019.

Pero ang nationality requirement LANG BA ANG DAHILAN BAKIT MATUMAL ANG PAGPASOK NG FOREIGN INVESTMENTS? Ipagpalagay na lang na walang nationality restriction sa mga industriyang ito, sigurado bang pasok ang dayuhan?

Ayon sa pag-aaral – isang dahilan lang ang nationality requurement. MAS NA tu- TURN OFF ang mga foreign investors sa talamak na korapsyon, inadequate structure, bureaucratic red tapes, high power cost, at iba pa na mas dapat bigyan ng solusyon ng gobyerno!

Kung meron pa rin nito aba ay maski anong probisyon ang baguhin sa Saligang Batas ay wala ring mangyayari. At tunay kaya na mas gaganda ang serbisyo pag dayuhan ang nagpatakbo ng mga ganitong negosyo? Ang nationality restrictions ay depensa ng mga small-and-medium businessmen para hindi sila lamunin ng mga higanteng dayuhang kapitalista. Marahil sa mga industriya na bilyun-bilyon ang kailangan na kapital bakit hindi? Pero sa mga tulad ng UV Express, bus, jeep, motorcycle-for-hire, delivery, taxi, tricycle at iba pa, hindi ba yun ang 60-40 na Filipino! Foreign ownership panatiliin na lang? Sana ay makonsidera ito ng ating mga mambabatas.

Mas maraming supply ng oxygen kailangan para mapaghandaan ang posibleng Delta COVID-19 surge – Vergeire

Posted on: July 21st, 2021 by @peoplesbalita No Comments

Kailangan ng Pilipinas na madamihan ang supply ng oxygen para mas makapaghanda sakali mang magkaroon ng surge dahil sa Delta COVID-19 variant.

Nauna nang nagbabala ang DOH na posibleng magkaroon ng isa pang surge makalipas na magkaroon ng 11 local cases ng Delta variant sa Northern Mindanao, Metro Manila, Western Visayas, at Central Luzon.

Ayon kay DOH Undersecretary at spokesperson Maria Rosario Vergeire, matagal nang naghahanda ang kagawaran para sa isa pang surge makalipas na maiulat ang sa India ang Delta variant.

Ang naturang variant ay sinasabing mas nakakahawa at mas mataas din ang posibilidad na maisugod sa ospital ang tatamaan nito. (Daris Jose)

ANGELINE, nagiging emosyonal pero nag-let go na dahil mas peaceful na ang namayapang ina

Posted on: July 20th, 2021 by @peoplesbalita No Comments

NAGING emotional si Angeline Quinto nang sariwain ang alaala ng kanyang namayapang ina sa contract signing cum presscon ng kanyang bagong endorsement na Ayesha Beauty Products noong Biyernes ng hapon sa Romulo’s Café.

Aminado si Angeline na masyadong siyang naapektuhan sa pagkamatay ng kanyang ina.

“Pero sinabi ko kay Mama na tapos na ang mission niya rito sa mundo at iyon ay to make sure na maayos na ako. Mas peaceful na si Mama kung nasaan man siya ngayon kaya nag-let go na ako,” wika ng singer.

Very thankful si Angeline kina Mr. Michael Agmata at Ms. Armie Rosale Agmata sa tiwalang ibinigay sa kanya para maging first endorser ng Ayesha Beauty Products.

Dahil sa inspirasyong dulot ng awiting “Patuloy ang Pangarap” ni Angeline kaya lalong nagsumikap si Ms. Armie, ang CEO ng Ayesha Beauty Products, na itaguyod ang kanyang negosyo ng pagbebenta ng produktong pampaganda.

“Nag-umpisa rin ako sa hirap at marami ang pinagdaanan sa buhay tulad ni Angeline pero ipinagpatuloy ko pa rin ang pangarap ko at hindi nakinig sa mga negative na binabato sa akin.

“Naging inspirasyon ko talaga ang kanta niya kaya masaya ako na siya ang first endorser naming dahil ang kwento niya mismo ay sumasalamin sa naging journey ko sa pagtataguyod ng Ayesha,” sabi ni Ms. Armie.

Overwhelmed naman si Angeline na siya ang napili at pinagkatiwalaan ng ABP Corp. Na-touch din ang singer-actress sa naging papel ng awitin niya sa buhay ni Ms. Armie.

“Masaya ako siyempre sa endorsement na ibinigay sa akin pero iba pa rin ‘yung fulfillment noong malaman ko na may naantig sa kanta ko. Bilang singer iyon talaga ang gusto naming, ‘yung maka-connect sa puso ng mga nakikinig sa amin.

“‘Yung kay Ms. Armie, higit pa roon kasi naging motivation para iangat ang buhay niya at makatulong pa sa ibang tao,” paliwanang ni Angeline.

“Sobrang relate ako sa kwento ni Ms. Armie kaya masaya ako na maging bahagi ng Ayesha family dahil talagang pinaghirapan at dugo’t pawis ang puhunan nila para maitatag ito. Bukod sa epektibo ang kanilang produkto, may puso sila para maglingkod at talagang bukal sa kalooban nila na mapaganda ang kababaihan o maging mga kalalakihan,” dagdag ni Angeline.

Ipinagmamalaki ng Ayesha ang kanilang rejuvenating kit na mabibili lang sa halagang P250. May laman itong Kojic soap, rejuvenating cream at toner, collagen with elastin cream at sunblock gel cream.

Nawala man ang kanyang ina, nakahanap naman si Angeline ng bagong pamilya sa Ayesha Beauty Products.

***

TYPE ni Gab Lagman ng gumawa ng isang super hero movie.

With his height and built, pwedeng-pwede nga na gumanap na super hero ang mainstay ng Init sa Magdamag.

“Sa tingin ko we need a super hero movie at this time to inspire hope sa mga tao,” pahayag ni Gab.

Given a choice, sabi ni Gab gusto niyang gampanan ang role ni Captain Barbell. Ito ang kanyang top choice. Isa pang role na gustong gawin ay Lastikman.

Sabagay, mahilig naman sa challenges si Gab. His role as Kiko sa Init sa Magdamag is something new for him. Exact opposite daw ito ng kanyang personality.

Although, initially ay nagkaroon siya ng hesitation to do play Kiko, naisip niya na mas magandang harapin niya ang challenge of doing a role na malayo sa kanyang real self.

“At first, I really questioned myself kung kakayanin ko ba ang role offered to me. Mabigat ito kumpara sa role ko sa ‘Halik’. But I am glad that I accepted it. Besides, malaki ang tulong na naibibigay sa akin ni Alexa in doing my role,” sabi pa ni Gab.

(RICKY CALDERON)

Ads July 20, 2021

Posted on: July 20th, 2021 by @peoplesbalita No Comments

James Gunn, Reveals ‘Guardians Of The Galaxy 3’ Will Explore Heavier Story

Posted on: July 20th, 2021 by @peoplesbalita No Comments

GUARDIANS of the Galaxy director, James Gunn, reveals that the upcoming third film Guardians of the Galaxy Vol. 3 will explore heavier story than its predecessors.

The original movie debuted in 2014 and quickly became a smash hit, grossing nearly $800 million worldwide. Viewers and critics lauded the film for its irreverent and exuberant take on the superhero genre, particularly its tongue-in-cheek portrayal of a protagonist who openly toed the line between heroism and chaos.

Featuring an ensemble cast of misfits, the titular leads included Chris Pratt, Zoe Saldana, Bradley Cooper Dave Bautista, and Vin Diesel.

In 2017, Guardians of the Galaxy Vol. 2 reached theaters and earned over $860 million, significantly surpassing the blockbuster success of the first installment. The third film is slated for a May 5, 2023 release.

In Guardians of the Galaxy, renegade Peter Quill traverses outer space as a savvy thief and scavenger. After stealing an unknown orb, he is ambushed by other criminals with similar skills, including the unconventional duo, Rocket and Groot, and the assassin Gamora. Imprisoned for the violent skirmish, the group runs into Drax the Destroyer. Eventually, they all form a tenuous alliance, working together to defeat Ronan the Accuser and earning the shared title of “Guardians of the Galaxy.”

In the sequel, the titular group inadvertently witnesses the reunion between Peter and his long-lost father Ego, a formidable god with celestial power. During this time, Peter and Gamora finally admit their feelings for each other. However, everything is left up in the air after the events of 2019’s Avengers: Endgame.

In an interview with EW, Gunn shared information about the script for the third film.

“For Guardians 3, the script has basically been written for a long time. I’ve been playing with it in little ways over the years, but it’s basically stayed the same since three years ago. It’s pretty heavy actually. It’s a heavier story, so it’s an emotional process to go through.”

Although not much is known about the overall plot of the third film, Guardians of the Galaxy Vol. 3 will deal with the ramifications of all the losses the Guardians experienced in Avengers: Endgame.

In the 2019 movie, the superheroes used the Infinity Stones to travel back in time to reverse the devastating actions that Thanos set in motion. One of the most heart-breaking crimes Thanos perpetrated included murdering his surrogate daughter, Gamora, in cold blood.

However, during her time travel journey, Nebula reunites with the 2014 version of Gamora, who eventually returns to present-day with her sister. Although Peter is thrilled to see her, 2014-Gamora has no memories of their time together.

Considering all that has transpired in the MCU since Guardians of the Galaxy Vol. 2, the unresolved tension between Peter and 2014-Gamora likely offers up some clues as to what will be explored in the next chapter. Much of their story together has essentially been erased, which is certainly an upsetting reality for the Guardians. Moreover, 2014-Gamora must grapple with a whole new life that she never truly experienced, perhaps inciting her own turmoil and confusion. In light of these facts, it makes sense that Guardians of the Galaxy Vol. 3 might indeed be more serious in tone as the titular heroes face a complicated set of truths. (source: screenrant.com)

(ROHN ROMULO)

IATF, bukas sa mungkahing gawin ng 80 to 100% ang mga manggagawang nasa isang workplace

Posted on: July 20th, 2021 by @peoplesbalita No Comments

BUKAS ang Inter-Agency Task Force sa naging panukala ni Presidential Adviser Joey Concepcion na dagdagan na ang capacity sa mga work place.

Ito’y kapag 80% porsiyento na ng isang establisimyento ang nabigyan na ng bakuna laban sa COVID-19.

Sinabi ni Presidential Spokesperson Harry Roque, wala pang natatalakay na ganitong usapin sa IATF pero tiyak na maikukunsidera ito.

Kaugnay nito’y makabubuting sumulat din ayon kay Sec. Roque si Concepcion ng pormal na liham sa IATF para sa posibilidad na mai-adopt ang naturang panukala.

Sa kasalukuyan, sinabi ni Sec. Roque na wala pa naman siyang nalalamang establisimyento na may bakunado ng mga empleyado nilang nasa 80%.

“Wala pang napag-uusapan na ganyan sa IATF. Pero kung talagang umabot tayo doon sa sinasabi ni PA Joey Concepcion na 80% na ang nabakunahan sa isang business establishment, I am sure the IATF will consider this in due course,” ayon kay Sec. Roque.

“Hindi ko lang po alam kung mayroon ng mga 80% vaccinated employees in any establishment. But needless to say, all that PA Concepcion has to do is to write a formal letter to the IATF to consider adopting this rule, at pakikinggan naman po iyan,” dagdag na pahayag nito. (Daris Jose)

Bong Go, dumalo sa PDP-Laban national assembly kasama si PRRD

Posted on: July 20th, 2021 by @peoplesbalita No Comments

NAGBIGAY ng payo si Senator Christopher “Bong” Go laban sa anumang pagkakawatak-watak sa ruling party, Partido Demokratiko Pilipino–Lakas ng Bayan.

Muling nanawagan si Go sa mga kapartido na magkaisa at manatil sa likod ni Pangulong Rodrigo Roa Duterte.

“Inaasahan ko na darating ang panahon na magkakasundo ang partido at patuloy (ang PDP-Laban) na maging ruling party. In fact, sa Senado (at Lower House) kami ang majority party. Sayang naman kung magkahati-hati kami … Ang daming governors, mayors at councilors. Mahigit 100,000 na ang mga miyembro,” pagsisimula ni Go sa isang phone interview bago pa personal na dumalo sa PDP-Laban national assembly sa Royce Hotel sa Clark Freeport Zone, Pampanga, araw ng Sabado, Hulyo 17.

“Umpisa po, iilan lang ang miyembro. Nang nanalo si Pangulong Rodrigo Duterte, marami ang sumama. Naniniwala ako na kaya sila nandiyan ay dahil naniniwala sila sa liderato ng Pangulo. Sana maayos ang gusot … Nananawagan rin ako kay Senator Koko Pimentel at Senator Manny Pacquiao na sana maayos itong gusot,” ang apela ni Go.

Sa idinaos naman na national assembly, iginiit din ni Pangulong Duterte ang pangangailangan para sa “united front” sa hanay ng mga miyembro nito upang makamit ang “overarching goal” ng partido na lalo pang mapabuti ang kapakanan ng mga mamamayang Filipino.

Hinikayat din ng Punong Ehekutibo ang mga ito na magsama-sama na suportahan ang administrayson sa iisang layunin at pagsisikap nito na labanan ang korapsyon, kahirapan at COVID-19 pandemic.

“Your presence here sends a clear and resounding message to everyone that our party is as strong as ever and that we are united in further consolidating our ranks until the end of my term and beyond,” ayon sa Pangulo.

“Despite all the challenges we are facing, your unwavering support for this administration’s priorities, especially our campaigns against illegal drugs, terrorism, corruption and poverty, is truly reassuring. I am grateful for PDP-Laban’s continuous trust and confidence in my leadership. I also deeply appreciate your commitment to support whatever my decision may be for the 2022 national elections,” pagpapatuloy ni Pangulong Duterte.

At nang tanungin kung kinukunsidera ba niya ang pagtakbo sa mas mataas na posisyon sa 2022 elections muli ay iginiit ni Go na wala siyang interest dahil nananatiling nakatuon ang kanyang pansin sa paglilingkod sa mga mamamayang Filipino sa pamamagitan ng pagsuporta sa pandemic response at pagkilos na maisulong ang ang mga mahahalagang ” health related legislation” sa Senado bilang Health Committee Chair.

“Maraming salamat sa tiwala ni Pangulong Duterte at ng taumbayan … marami naman ang gustong maging Pangulo. Maraming atat na atat na maging Pangulo. Huwag n’yo na lang akong isali doon,” ayon kay Go.

”Ang posisyon na ‘yan, destiny ‘yan. Kung talagang iluluklok ka diyan, kahit saan ka magtago, ‘pag gusto ng Panginoon at ng Pilipino, talagang mangyayari ‘yan. Iyan ang nangyari sa ating Pangulo, siya ang hinahanap ng mga Pilipino nun … marami pa ang dapat gawin. Marami pa pong unfinished business,” pagpapatuloy nito.

Samantala, nilinaw naman ni Go matapos ang paglulunsad ng pang- 129 Malasakit Center sa Tondo Medical Center sa Lungsod ng Maynila, nitong Hulyo 16, na mas gusto nais niyang ikunsidera siya bilang “panghuli” na viable candidate para sa mas mataas na posisyon lalo pa’t ang kanyang atensyon ay tuparin at gampanan ang kanyang mandato na pagsilbihan ang mga Filipino na nangangailangan sa halip na pag-usapan ang politika ngayon.

“Paulit-ulit na ako dito. Para na akong sirang plaka kasi sinabi ko naman na consider me last … ibig sabihin kung wala na kayong pagpipilian. Marami naman pong interesado, eh ‘di unahin n’yo na lang muna sila. Ako naman po’y hindi interesado, kaya ‘wag na lang muna ako,” anito.

“Ang importante po sa akin ay ang makapagserbisyo. Unahin po natin ang kapakanan at buhay ng bawat Pilipino. Kaya nga sabi ko, pagtuunan muna natin ng pansin ang pandemya… bakuna muna bago pulitika,” aniya pa rin. (Daris Jose)

Mga lugar na may mataas na ‘quarantine classification’ mas lalo pang hihigpitan ng PNP

Posted on: July 20th, 2021 by @peoplesbalita No Comments

Mas lalo pang hihigpitan ng PNP ang pagpapatupad ng kanilang seguridad sa lahat ng mga quarantine control points lalo na duon sa mga lugar na may mas mataas na quarantine classification gaya na Enhanced Community Quarantine (ECQ) at Modified Enhanced Community Quarantine (MECQ).

Ayon kay PNP Deputy Chief for Operations (TDCO) at JTF Covid Shield Commander Lt Gen. Ephraim Dickson, mas pinalakas nila ang police intervention sa mga lugar na nasa Enhanced Community Quarantine (ECQ) para hindi na maulit ang nangyari sa siyudad ng Cagayan de Oro noong Sabado kung saan buhos ang mga motorista na nais makapasok sa siyudad na nasa ilalim ng ECQ.

Inatasan na rin ni Dickson ang mga regional police directors at maging ang mga police commanders na tiyakin na nasusunod ang Minimum Public Health Standards at makipag-ugnayan sa mga local government units at mga barangay officials para magkaroon ng koordinasyon sa mas mahigpit na security measures.

” Lalo na duon na may naka-record o na classify na mas mataas tulad ng ECQ, MECQ binibigyan natin yun ng pokus at ang intervention natin kailangan paigtingin lalo at yung dessimination din sa mga constituents lalo na yung mga hindi nakakaalam, i-engage ang mga LGUs hanggang sa barangay level para kahit papaano ay coordinated yung effort ng ating kapulisan at ang mga nagpapatupad ng batas,” pahayag ni Dickson.

Siniguro ng Heneral na strikto ang pagpapatupad ng minimum health and safety protocols sa mga lugar na nasa ilalim ng ECQ at MECQ.

Sa mga lugar naman na nasa General Community Quarantine (GCQ) at Modified General Community Quarantine (MGCQ) mananatili pa rin ang mga quarantine control checkpoints.

Sisiguraduhin parin ng PNP na nasusunod ang guidelines na inilabas ng IATF.

Ayon kay Dickson, dito naman sa Metro Manila bagama’t lumuwag ang quarantine restrictions kailangan pa rin maghigpit lalo na at may banta sa Covid-19 Delta variant.

” Nananatili pa rin kasi tulad ng instruction ng ating SILG saka yung ating Chief PNP hanggat maaari maiwasan natin ang pagpasok talaga ng mga infection lalong lalo na ang Delta variant. As of now kahit na medyo nag loose ‘yung ating classification o bumaba naging GCQ ay pinapairal pa rin namin ‘yung ginagawa naming checkpoints at minomonitor pa din natin, so far wala pa naman reported na binago,” ayon kay Lt.Gen. Dickson.

Sinabi ni Dickson inatasan din ni PNP Chief PGen. Guillermo Eleazar ang lahat ng mga police commanders na magdeploy ng mas maraming pulis sa mga lansangan para pigilan ang mga mass gathering.

Binalaan ng PNP ang mga organizer ng mass gathering na mahaharap sila sa patong patong na kaso kapag mahuli silang lumalabag sa health protocols.

Ang nasabing kautusan ay alinsunod sa direktiba ni DILG Secretary Eduardo Año sa mga pulis na hadlangan ang mga tinaguriang “super spreader events”.

Ito ay bilang pangontra rin sa pagkalat ng delta variant ng Covid 19 sa bansa na iniulat na nagkaroon na ng local transmission.

Ang delta variant ay itinuturing na mas makamandag at nakakahawa kaysa sa orihinal na Corona virus. (Daris Jose)

‘Home quarantine’ bawal muli sa Maynila

Posted on: July 20th, 2021 by @peoplesbalita No Comments

Ipinag-utos ni Manila City Mayor Isko Moreno ang pagbabawal muli sa “home quarantine” dahil sa pagkakatuklas sa dalawang kaso ng mas mapanganib na Delta variant sa siyudad.

Sakop ng hindi na pinapayagan sa home quarantine ay ang mga indibiduwal na kinakakikitaan ng sintomas ng COVID-19 at maging ang mga asymptomatic na pasyente.

Umapela ng suporta at pakikipagtulungan si Moreno sa mga apektadong residente dahil para sa kaligtasan ng mas nakararami ang nakataya dito sa muling pagbabawal sa pananatili sa bahay ng mga maysakit. Binigyan niya ng direktiba si Dr. Ed Santos, assistant chief ng Manila Health Department (MHD) na hanapin ang lahat ng mga asymptomatic na pasyente na kasalukuyang nagho-home quarantine at sunduin.

Isasailalim din sa pagsusuri ang mga pasyente upang nabatid kung may taglay na variant ang dumapo sa kanilang virus at dadalhin sila sa Manila COVID-19 Field Hospital upang doon gamutin at pagalingin.

Unang pinayagan ng MHD ang mga pasyenteng asymptomatic na mag-home quarantine basta napatunayan nilang may espasyo sila sa bahay para mahiwalay sa ibang kasambahay habang nagpapagaling.

Iniulat naman ng MHD na pawang negatibo ang mga nakasalamuha ng dalawang nag-positive sa Delta variant sa Maynila sa kanilang ikinasang contact tracing.