2021 July Archive - People's Balita

Archive for July, 2021

KYLA, dinamdam nang husto na nawala na naman ang kanyang pinagbubuntis; excited na pa naman na maging kuya ang anak

Posted on: July 19th, 2021 by @peoplesbalita No Comments

DINAMDAM nang husto ng singer na si Kyla ang ikatlong beses na nakunan siya.

Babae pa naman ang pinagbubuntis ni Kyla at excited na ang anak nila ni Rich Alvarez na si Toby na maging isang kuya.

Ayon sa pinost ng singer sa social media: “My heart is broken in levels deeper than you may ever have imagined. Our little angel, please watch over me, your Daddy, and Kuya Toby. Send our hugs and kisses to your 2 siblings in heaven. We love you, our Millie.”

Nakatanggap si Kyla ng dasal at suporta mula sa kanyang mga kaibigan tulad nina Rachelle Ann Go, Karylle, Mark Bautista at marami pang iba.

Pitong taong gulang na ang panganay nila Kyla at Rich na si Toby at panay ang hiling daw nitong magkaroon ng kapatid. Noong 2018, dalawang beses na nag-suffer ng miscarriages si Kyla.

***

NAKA-MOVE on na raw si Kim Domingo sa pagpanaw ng kanyang best friend na si Angelo Fango noong nakaraang taon.

Inamin ng Kapuso sexy actress na dinamdam niya nang husto ang pagkawala ng best friend niya na katuwang niya sa paggawa ng mga content sa kanyang vlog sa YouTube kunsaan meron siyang higit na 600,000 subscribers.

“Ngayon kasi maraming nangyaring maganda sa buhay ko, sabi ko ‘Parang ang lungkot lang na kung kailan nandoon na, doon naman nawala.’

“Pero siyempre sabi ko nga, may dahilan naman din si Lord kung bakit nangyari ‘yon. So acceptance din talaga ‘yung kailangan,” sey ni Kim.

Tatanggap na rin daw ng trabaho si Kim pagkatapos niyang makumplemto ang kanyang bakuna. Sa ngayon daw ay puro virtual muna ang appearance niya sa gag show na Bubble Gang.

“Nami-miss ko na mag-taping, nami-miss ko nang mapuyat, na nakaka-miss din talaga kasi. Simula noong may pandemic hindi talaga ako nagtrabaho. Kahit studio hindi talaga eh, talagang ngayon pa lang ako ulit babalik,” diin ni Kim.

***

NAG-SHARE ang singer na si Halle Bailey sa social media ng first look para sa upcoming live-action Disney film na My Little Mermaid.

Sa pinost ni Bailey sa Instagram, makikita siya bilang si Ariel with matching mermaid tail sa may dalampasigan ng dagat sa Italy.

Patapos na raw ang shooting nila ng movie kaya pinayagan siyang mag-post ng photo. Three years in the making daw ang naturang pelikula at tumigl lang daw sila ng ilang buwan dahil sa pandemic last year.

“And just like that … that’s a wrap. After auditioning for this film when I was 18 just about to turn 19, to now finishing filming through a pandemic when I turned 21 … we have finally made it,” caption ni Bailey.

Makakasama ni Bailey sa live-action film ng My Little Mermaid ay sina Jonah Hauer-King as Prince Eric; Javier Bardem as King Triton; Melissa McCarthy as Ursula); and Awkwafina as Scuttle.

Wala pa rang confirmed playdate ang pelikula ayon sa Disney.

(RUEL J. MENDOZA)

Pagbalik muli ng ‘NCR Plus’ bubble, iminungkahi ng OCTA vs Delta variant

Posted on: July 19th, 2021 by @peoplesbalita No Comments

Naniniwala ang OCTA Research Group na ang pagpapatupad muli ng “NCR (National Capital Region) Plus” bubble sa Metro Manila at karatig probinsiya ay malaking tulong para maprotektahan ang mga lugar sa pagkalat ng Delta variant ng Coronavirus Disease 2019. Ito’y habang patuloy na nakabukas ang ekonomiya ng bansa.

Una nang nagbabala ang Department of Health (DOH) sa posibleng pagtaas ng local cases sa Delta variant na unang naiulat sa bansang India.

Ayon sa OCTA Research fellow na si Guido David, ang ideya ng bubble ay para makaiwas na kumalat pa ang Delta variant dahil magiging limitado ang galaw na para lamang doon sa mga essential o mahahalagang lakad.

Sinabi ni David kapag may bubble, protektado ang nasa loob ng NCR Plus at hindi ito maapektuhan mula sa labas.

Kapag umiiral ang bubble, ang mga bata ay mahigpit na ipinagbabawal na lumabas ng bahay dahil ang Delta variant ay maaring makapagdulot ng long-term effects of COVID-19 sa mga kabataan.

Nagpahayag naman ng pagkabahala ang OCTA Research sa ilang lugar gaya ng Mariveles sa Bataan at Laoag City sa Ilocos Norte na nakapagtala ng pagtaas ng COVID cases.

Binigyang-diin ni David na dapat maging pro-active at huwag nang hintayin na sumirit ang kaso ng COVID bago rumesponde. (Daris Jose)

PDu30, ikakampanya ang mga kapartidong tatakbo sa Eleksyon 2022

Posted on: July 19th, 2021 by @peoplesbalita No Comments

SINABI ni Pangulong Rodrigo Roa Duterte na ikakampanya niya ang kanyang mga kapartido sa PDP-Laban na tatakbo sa Eleksyon 2022.

Sinabi pa nito na magdadala rin siya ng pera habang nagsasagawa ng pangangampanya.

Ang pangakong ito ni Pangulong Duterte ay matapos na pamunuan ang panunumpa ng mga bagong PDP-Laban officials sa isang miting na idinaos sa Clark, Pampanga na nagluklok kay Energy Secretary Alfonso Cusi bilang President ng ruling party at nagpatalsik naman kay Senador Manny Pacquiao.

“Those running for reelection, ikampanya ko kayo. Kayong mga tatakbo, city for city, province for province, ikakampanya ko kayo,” ayon kay Pangulong Duterte.

Samantala, ang mga dumalo naman na PDP-Laban members sa nasabing miting ay nagkaisang nanawagan kay Pangulong Duterte na tumakbo bilang bise-presidente sa 2022 elections, at hahayaan itong pumili ng kanyang running mate.

Gayunman, hindi naman kinikilala ng PDP-Laban faction na pimamumunuan ni Pacquiao ang nasabing pulong. (Daris Jose)

Ads July 19, 2021

Posted on: July 19th, 2021 by @peoplesbalita No Comments

US mas maraming isasabak na babaeng atleta sa Tokyo Olympics

Posted on: July 17th, 2021 by @peoplesbalita No Comments

Mas marami pa ring mga atletang babae ang isasabak ng US sa Tokyo Olympics.

Sa kabuuang 613 na atleta ay mayroong 329 na babae dito.

Ang nasabing bilang na 613 ang siyang pangalawang pinakamalaki sa kasaysayan ng US Olympics na sumunod noong taong 1996 na mayroong 648 na atleta silang ipinadala.

Ang US rin ang pang-apat na may pinakamalaking koponan sa kasaysayan kasunod ng France noong 1900, Great Britain noong 1908 at US noong 1996.

Pinakamatandang sasali naman sa mga laro ay si equestrian Phillip Dutton sa edad na 57.

Ito ang pang-pitong Olympics na kaniyang sasalihan.

Noong 2016 Rio Olympics ay naiging pinakamatandang US Olympian si Dutton na nagwagi ng medalya.

Pacquiao mas malakas kay Floyd — Paul

Posted on: July 17th, 2021 by @peoplesbalita No Comments

Di hamak na mas malakas si eight-division world champion Manny Pacquiao kumpara kay undefeated American fighter Floyd Mayweather Jr.

Ito ang pananaw ni YouTuber Logan Paul matapos bumisita sa training camp ni Pacquiao sa Wild Card Gym sa Hollywood, California.

Personal na nakita ni Paul ang lakas ng kamao ni Pacquiao.

Kaya naman, tama ang naging desisyon nito na si Mayweather ang nakaharap nito imbes na si Pacquiao dahil ayaw nitong maranasan ang bagsik ng kamao ng Pinoy pug.

Ibinahagi pa ni Pacquiao ang naging pagbisita ni Paul sa kanyang social media account.

“After watching me work out, he said he was glad he fought Mayweather instead of me. Honored to have @loganpaul come by Wild Card gym today,” ani Pacquiao.

Matatandaang nagtuos sina Paul at Mayweather sa isang exhibition match noong Hunyo sa Hard Rock Stadium sa Miami, Florida.

Maliban kay Paul, bumisita rin sa training ni Pacquiao si Filipino-American Jalen Green na isa sa tinututukang magiging top pick sa NBA Annual Rookie Draft.

Nasa puspusang paghahanda si Pacquiao para sa laban nito kay reigning World Boxing Council (WBC) at International Boxing Federation (IBF) welterweight champion Errol Spence Jr. sa Agosto 22 Manila time sa Las Vegas, Nevada.

“Too late” na ang Pinas na magpatupad ng travel ban laban sa Indonesia, pinalagan ng Malakanyang

Posted on: July 17th, 2021 by @peoplesbalita No Comments

PINALAGAN ng Malakanyang ang pahayag ng mga kritiko ng administrasyong Duterte na “too late” na o nahuli na ang Pilipinas sa pagpapatupad ng travel ban laban sa Indonesia na napaulat na may maraming kaso ng COVID-19 sa nakalipas na mga araw.

“Hindi naman po too late ‘yan kasi meron naman po tayong datos ng mga dumarating na mga pasahero galing Indonesia,” ayon kay Presidential Spokesperson Harry Roque.

“Unang-una wala po tayong turismo at wala rin po tayong business visas except for the long-term investor’s visas na in-issue natin,” dagdag na pahayag nito.

Nauna rito, inaprubahan ni Pangulong Rodrigo Roa Duterte ang 14 days travel ban ng mga manggagaling sa Indonesia at may travel history sa nabanggit na bansa.

Ang travel ban ay epektibo sa 12:01 a.m. ng July 16, 2021 at matatapos sa 11:59 p.m. ng July 31, 2021.

Ang mga nasa biyahe na aabutan ng pagsisimula ng travel ban bago sumapit ang 12:01 a.m. ng July 16 ay papayagang makapasok sa bansa pero kailangang sumailalim sa full 14-day facility quarantine at magpakita ng negative Reverse Transcription – Polymerase Chain Reaction (RT-PCR) result.

Samantala, sinabi ni Sec. Roque na mayroong 724 byahero mula Indonesia ang nakapasok sa Pilipinas mula Abril hanggang Hulyo ngayong taon.

“So maliit po ‘yan at lahat po ‘yan ay dumaan naman po sa 10 araw na facility quarantine, aniya pa ri.

“So hindi naman po [too late] dahil limitado din talaga yung mga pumasok galing Indonesia,” dagdag na pahayag ni Sec. Roque.

Sa ngayon, umabot na sa 2.6 milyon ang kompirmadong kaso ng COVID-19 sa Indonesia, na pinataas nitong nakalipas na mga araw sa pagdami ng hawahan.

Sinabi ni Health Secretary Francisco Duque III na inirekomenda ng IATF ang travel ban bilang tugon sa sitwasyon sa Indonesia.

Nauna nang nagpatupad ng travel restriction ang Pilipinas sa mga bansang India, Pakistan, Bangladesh, Sri Lanka, Nepal, United Arab Emirates at Oman, na pinalawig hanggang July 31 dahil din sa COVID-19 pandemic. (Daris Jose)

3 laro ang magbubukas sa PBA Philippine Cup

Posted on: July 17th, 2021 by @peoplesbalita No Comments

TATLONG sultada ang magtataas ng kurtina sa 46th Philippine Basketball Association Philippine Cup 2021 sa Ynares Sports Arena sa Pasig City sa Biyernes Hulyo 16.

Sinapubliko ng professional hoop league Huwebes ang skedyul makaraang walang magpositibo sa Covid-19 base sa RT-PCR tests ng 10 team at mga tauhan ng liga na ginawa noong Martes.

Alas-11:00 nang umaga ang pambungad na seremonya na pangungunahan nina Commissioner Wilfrido Marcial at chairman Victorico Vargas ng Talk ‘N Text.

Binyagan agad sa alas-12:30 nang tanghali ang Alaska Milk at Blackwater, sa alas-3:00 nang hapon ang Rain or Shine at North Luzon Expressway, at sa alas-6:00 nang gabi ang Manila Electric Company at NorthPort.

Tututukan sa Aces si veteran Jeron Teng at ang mga bagitong sina Ben Adamos at Taylor Browne, habang sa Bossing sina rookie Rey Mark Acuno, Joshua Torralba at Andre Paras.

Sina Kiefer Isaac Ravena, Kevin Louie Alas at rookie Calvin Oftana ang mamumuno sa Road Warriors sa Elasto Painter na gigiyahan nina Beau Belga, Gabe Norwood, Javee Mocon, James Yap at Rey Nambatac, at bagong saltang si Santi Santillan.

Mangunguryente naman sa Bolts sina Aaron Black at Chris Newsome, newbie Alvin Pasaol at sa Batang Pier si Gregory William Slaughter.(REC)

Pacquiao ‘welcome’ na presidential bet sa 1Sambayan

Posted on: July 17th, 2021 by @peoplesbalita No Comments

Posibleng maging presidential candidate sa 2022 elections ng 1Sambayan si Sen. Manny Pacquiao.

Sinabi ni Fr. Albert Alejo, isa sa convenors ng coalition na kung mayroong mga kaibigan si Pacquiao na magno-nominate sa 1Sambayan ay welcome ito.

Kung may mag-nominate man sa senador ay tatanungin siya kung handa siya na sumailalim sa selection process ng 1Sambayan at kung pumayag si Pacquiao ay saka siya iinterbyuhin at sasailalim sa screening ayon sa criteria ng kanilang grupo.

Nauna nang sinarado ng grupo ang kanilang pintuan sa posibilidad na maging nominado ang mambabatas sa pagka-presidente o bise Presidente.

Matatandaan na maging si retired Supreme Court Associate Justice Antonio Carpio ay nagsabi na kulang si Pacquiao sa kakayahan dahil sa palagi itong absent sa kongreso at hindi maaaring ikonsidera para sa 2022 national elections dahil kaalyado rin siya ng administrasyong Duterte. (Gene Adsuara)

MMDA naglagay ng lay-by area para sa mga bikers

Posted on: July 17th, 2021 by @peoplesbalita No Comments

Naglagay ang Metropolitan Manila Development Authority (MMDA) ng mga lay-by area para sa mga motorcycle riders sa EDSA na kanilang maaaring gamitin kung may malakas na ulan.

Ayon kay MMDA chairman Benhur Abalos na ang mga motorcycle riders ay puwedeng gumamit ng mga lay-by area upang magpahinto ng ulan upang hindi sila maging sagabal sa highway.

“We understand the plight of motorcycle riders when they have to stop in the middle of the road while waiting for the rain to stop. It is very risky for them because they might get into a road accident. At least with the emergency lay-by, they can take cover during heavy rains,” wika ni Abalos.

Ang nasabing lay-by area ay nakalagay sa ilalim ng Quezon Avenue flyover na may nakalagay na pasukan at labasan na signages.

Subalit nilinaw din ni Abalos na ang lay-by area ay puwede lamang gamitin kung umuulan at hindi maaaring gamitin ng mga motorcycle riders upang gawing parking area at kung magkanon man sila ay bibigyan ng violation ticket.

Maglalagay pa rin sila ng iba pang lay-by area sa ilalim ng flyovers sa EDSA, C-5 Road, Roxas Boulevard, Alabang Road, Paranaque-Sucat Road at Chapel Road kapag naalis na ang mga nakabalakid sa mga nasabing daraanan.

Dagdag pa rin ni Abalos na maglalagay din sila ng mga pocket gardens sa ilalim ng mga flyovers upang gumanda ang mga lansangan sa Metro Manila. Makakatulong din ito upang mabawasan ang air pollution.

Samantala, giniit din ng MMDA sa mga motorista na dumaan sila sa mga mabuhay lanes sapagkat inaasahang dadami na ang mga sasakyan na gagamit ng EDSA dahil sa ang Skyway 3 ay nagsimula ng mangolekta ng toll fee.

Maglalagay ng mga directional road signages ang MMDA sa mga lugar na kung saan may mabuhay lanes.

“Motorists who are coming from the northern part of Metro Manila and will travel southbound, and those who might want to avoid EDSA can take mabuhay lanes as alternate routes. We want to give them options on their travel without being stuck in traffic,” saad ni Abalos.

Maraming mabuhay lanes routes na galing mula EDSA, North Luzon Expressway, Quezon City at Manila. Sinabihan ni Abalos ang mga pitong (7) lokal na pamahalaan na may mabuhay lane routes upang alisin ang mga nakalagay ng mga balakid sa mga nasabing lansangan.

Dagdag pa rin ni Abalos na kahit na may pagtaas na ang bilang ng mga motoristang dumadaan sa EDSA, hindi pa rin kailangan muling ibalik ang number coding scheme sapagkat ang trapiko ay “still manageable” pa rin. (LASACMAR)